رواية سلف و دين الفصل الأول 1 - بقلم لولو محمد

فى محل فول و طعميه و شاورما شاب فى العشرينات واقف بيعمل شاورما. مجموعة شباب رابعة جامعة يدخلوا عليه. الشاب اللى بيعمل الشاورما: اهلا اهلا باحلى شباب. اخبار الامتحان ايه؟ شاب واحد: بتسال مين يا علي؟ اخوك قفل الماده كالعاده. شاب تاني: اعوذ بالله. ايه العيال دي؟ علي: هههههههههههههه. خشوا شوفوا ترابيزه فاضيه و انا هظبطلكوا كام سندوتش و ابعتهولكوا. شاب تالت: يا علي يا جااااامد.

التلت شباب يدخلوا جوه و يقعدوا. يبص جنبه يلاقي بنت تالته ثانوي مبتسمه و ماسكه فايدها بون. يرتبك و ياخده منها. تروح تقف بعيد.

علي: دي ندي. اجمل بنت شفتها فحياتي. احلى حاجه فيها انها علاطول بتضحك. ساكنه فى البلكونه اللى قدام بلكونتنا. و لما اقول ساكنه فى البلكونه يعنى حرفيا ساكنه فى البلكونه. ليل نهار قاعده فى البلكونه تذاكر. مبتدخلش غير دقايق و ترجع تاني. تقريبا مدمنه شاورما. على الاقل يوم اه و يوم لا. تيجي تشتري شاورما و انا بتوصى بيها اوى الصراحه. علي يخلص الساندوتشات و يغلفها و يحطها فى الكيس و يروح عندها يديهالها. ترد عليه بمنتهى الرقه.

ندي: شكرا. علي يتنح و هى تمشي. راجل واقف: خلصنا و النبى يابني مستعجلين. علي: اسف يا حج. ثواني. وريني البون. جوه المحل. التلت شباب قاعدين بيضحكوا. واحد: هو اخوك نسينا و لا ايه يا سي عمر؟ عمر: انت مش شايف ضغط الشغل و لا ايه؟ شاب يدخل شايل صينيه مليانه سندوتشات و بطاطس محمره و مخلل. عمر: تسلم ايدك يا احمد. احمد: اي خدمه. شاب اتنين: الساقع بقى. احمد: بس كدا من عنيا.

عمر: اهو الاكل جه اهو يا مفاجيع. انجزوا بقى عشان نلحق اليوم من اوله. عمر يمسك اول ساندوتش و يرفع راسه. على تلت بنات تانيه ثانوي قاعدين على ترابيزه بعيد. علامات الفرح اللى على وشه تروح و يظهر مكانها علامات الحزن. شاب واحد: انت لسه واخد بالك حالا و لا ايه؟ دانا متابعهم من اول ما دخلوا. عمر يبص الناحيه التانيه. شاب اتنين: خليك انت تتابع من بعيد لحد ما في براشوت حط عليه.

عمر يبص عالترابيزه يلاقي شاب واقف عند البنات بيكلمهم. عند الترابيزه. الشاب: انا مش بعاكس والله. انا فعلا بشبه عليكي. بنت 1: انا متاكده ان عمرنا متقابلنا. ياريت بقى تسبنا فحالنا. الشاب: ايه ده انتوا ثانوى؟ انا كنت باخد عند المستر ده لما كنت قدكم. الشاب يمسك مذكره من عالترابيزه. البنت تقوم تشدها منه. بنت 1: احترم نفسك بقى.

فثانيه الشاب يلاقي نفسه عالارض و عمر فوقيه و نازل فيه ضرب. و يجى صحاب الشاب يدخلوا. صحاب عمر يقوموا. و اللى شغالين فى المحل يدخلوا و يشدوا اللى كان بيعاكس. و تلاته صحابه بره المحل. صاحب المحل: مشوفش وشكوا هنا تاني يا ولاد ال…. بنت 1: عمر!!!! عمر يبص عليها بحزن و يسيبها و يمشي. و هى تطلع تجري وراه تلاقيه ركب تاكس و خده و مشي. بنت 2: انتي كويسه يا آية؟ آية واقفه بتعيط. صاحب المحل يجيب ازازه حاجه ساقعه و يديها ل آية.

صاحب المحل: حقك علينا يا بنتي. الحساب عندنا بس اهدى. آية تشد حاجتها من عالترابيزه و تمشي و هى بتعيط. و صحباتها يجروا وراها. علي: هو عمر راح فين؟ شاب 1: مش عارف والله. فجاه اختفي. انا هطلبه عالموبايل. عمر يدخل المحل و هو مش طايق نفسه. علي: كنت فين؟ عمر: موجود اهه. علي: انت كويس؟ عمر: كويس. علي: طب اقعد كمل اكلك. علي يروح لصاحب المحل. علي: انا اسف على اللى حصل.

صاحب المحل: مفيش حاجه حصلت يا علي. انا لو كنت خدت بالى بدرى كنت اتصرفت. بس حصل خير. و عمر دا ابني الصغير. روح كمل شغلك. متخليش الطلبيات تتكوم عليك. علي يهز راسه و يمشى. فى شقه تلت اوض و صاله. الباب يتفتح و آية تدخل بتعيط. ترمي الشنطه و الكتب عالارض و تدخل اوضتها تعيط. امها تشوفها تجرى عليها. الست: في ايه يا بت مالك بتعيطى ليه؟ آية: مفيش. سبيني لوحدي. الست: لا والله ميحصل. هو ايه اللى اسيبك فى الحاله دى؟

انتي مش شايفه نفسك و لا ايه؟ آية: سيبيني فى حالي. سيبيني فى حالي بقى. ارحموني بقى. ارحموني يارب خدني بقى يارب خدني وريحني. الست: للدرجادي؟ آية: انا عاوزه انام. سبيني انام. الست: ماشى. بس اعملي حسابك لما تصحي تحكيلي كل حاجه. و الا؟ آية: ربنا يسهل. سبيني بس دلوقت ابوس ايدك. الست تطلع مالاوضه و آية تفضل تعيط. من خمس سنين. آية اولى اعدادى و عمر تالته ثانوى. قاعدين على ترابيزه السفره فى بيت آية. و هو قاعد بيذاكرلها.

عمر: فهمتي و لا اعيد؟ آية: فهمت. عمر: طب حلي المساله دي لوحدك و وريني. آية: حاضر. الست تدخل و تحط طبق سندوتشات. الست: انزل يا عمر ارمي الزباله. عمر: حاضر يا ماما. عمر يقوم يدخل المطبخ يجيب كيس الزباله و ينزل. الست تقعد مكانه. الست: اقسم بالله يا آية لو معملتي اللى قولتلك عليه. لا انتي بنتي و لا اعرفك. آية تبص لامها بحزن. آية تحط المخده على وشها و تنام.

فى شقه فوق المحل فيها مجموعة شباب. و اوضه منهم فيها سريرين. علي و عمر قاعدين. علي: وله اعدل بدل ما اعدلك. انت من ساعة الخناقه تحت و انت قالب وشك. حتى مكلتش لقمة. عمر: قولتلك مفيش حاجه يا علي. متافورمش بقى. علي: و لغيت الخروجة مع صحابك ليه؟ عمر: قولتلك مفيش. قولتلك مفيش. علي: بشوقك. انا هطلع البلكونه انفخ سيجارة لحسن اتخنقت.

عمر يبص لعلي و يبص فى الارض. علي يشد علبه سجاير من عالكومودينو و يطلع البلكونه. يولع سيجارة و هو مدايق و ينفخ. و يبص عالشارع. يرفع عينه يلاقي ندي واقفه مبتسمه. يتعدل فوقفته و يبتسم. تعمل بايدها كانها بتشرب سجاير. علي يبص عالسيجارة. ندي تعمل نفسها مقروفه اوى و تمثل انها بتطفي سيجارة فايدها. علي يبص عالسيجارة و يطفيها فى الترابيزين. ندي تعمله ممتاز بايدها و هى مبتسمه و تدخل مالبلكونه. علي يدخل و هو مبتسم و يروح الاوضه. يلاقي عمر نايم عالسرير و باصص فى السقف. يقعد عالسرير قدامه.

علي: انا قررت هبطل سجاير. عمر يبصله. علي ينام عالسرير و يبص فى السقف. عمر: كانت آية. علي يقوم يقعد و على وشه غضب. علي: آية. آية!!! عمر: ايوه. علي يخرج مالاوضه و يرزع الباب وراه. عمر يقوم يقعد و هو بينفخ. من خمس سنين. راجل ماسك عمر و نازل فيه ضرب بالحزام. و آية واقفه بتعيط و امها حضناها. الراجل: يابن الكلب يابن الكلب. عمر: والله معملت حاجة. والله معملت حاجة. الراجل يشد عمر و يطلعه بره.

الراجل: مشوفش وشك تاني هنا انت فاهم. الراجل يقفل الباب. عمر يرزع عالباب و هو بيعيط. عمر: والله معملت حاجة. والله معملت حاجة. عمر يقوم يدخل الحمام و يغسل وشه. فى الشارع. علي ماشى و هو سرحان. يبص للسما و ينفخ. علي: يارب. من اتناشر سنه. فى شقه تانيه. علي 12 سنه و عمر 8 سنين. و بنت كمان 10 سنين شعرها قصير اوى. راجل: انا اتجوزتك من غير عيال و دا كان اتفاقنا من الاول. الست: يعني ارميهم فالشارع؟ راجل: يوووووه.

الست: خليهم يعيشوا معانا. و اوعدك مش هيعملوا مشاكل. راجل: انا مش ملزم غير بمصاريفك. اديكى شايفه البير و غطاه. الست: انا هلقي شغل. راجل: امرى لله. بس ولادك بس. انا قولت اهو. مش هربي فى ولاد جوزك كمان. عمر يبص لعلي. الست توطي و تقعد على ركبها. الست: رجع عمر لابوه يا علي. علي: هتموته يا ماما. الست: مفيش فايدة حاجة يا علي. يرجع يا كلنا هنبقى فى الشارع. علي يبص لعمر و يمسك ايده جامد. علي: اوعديني انك هتاخدى بالك من عبير.

الست تبص عالبنت. علي: انا هرجع معاه. علي يحضن الست و ياخد اخوه و يمشوا. علي يخبط فواحد و هو ماشى. علي: انا اسف. الراجل: حصل خير يابني. علي ينفخ و يرجع البيت. فى البيت عند عمر. علي يدخل. عمر: انت زعلان مني؟ علي: لا طبعا. ازعل منك ليه؟ عمر: حتى لو كانت واحدة غريبه كنت هعمل معاها كدا برضه. علي: ابوس ايدك يا عمر. انا عشت عمري كله بحاول انسى الناس دي. ابوس ايدك. عمر: اسف. علي: انا داخل انام. عمر: تصبح على خير.

علي يدخل ينام. فى شقه ندي. ندي قاعده فى البلكونه. و فى الصاله ابوها قاعد بيتفرج عالتليفزيون. الست: بقولك ايه يابو ندي. كنت عاوزه انزل اشتري شوية حاجات للبيت. الراجل: مش قادر. خليها يوم تاني. الراجل تليفونه يرن. مراته تقوم تجيبهوله. ياخد التليفون و يكنسل. الست: مردتش ليه؟ الراجل: مليش مزاج. و وسعي بقى عشان اشوف الماتش و خشي حضري العشا. الست: بس كدا تؤمر. الست تدخل و التليفون يرن تاني. الراجل يرد.

الراجل: الو… ازيك عامله ايه…. لا وقت مش مناسب. ايه دانتي تؤمرى و انا تحت امرك…. اه ربع ساعه و اكون عندك باذن الله…. مع السلامه. مع السلامه. الراجل يقوم يلبس. مراته تشوفه. الست: انت نازل دلوقتي؟ الراجل: ايه. فى حظر تجوال و انا معرفش؟ الست: مش قصدي بس كنت فكراك تعبان. الراجل: واحد صاحبي تعبان و هروح اطمن عليه. مش هتاخر. الست: صاحبك مين ده؟ الراجل: انتي هتحققي معايا و لا ايه؟

الست: و لا احقق و لا حاجة. انا بس عاوزه اطمن. الراجل يبصلها و يزقها بايده و ينزل. فى شقه آية. امها: ايه مش هتقوليلي ايه اللي حصل؟ آية: شوفت عمر. امها تتصدم و تبصلها و تسكت. آية: ايه مش هتقولي حاجة؟ الست: عاوزاني اقول ايه؟ آية: عارفه شوفت عمر فين يا ماما؟ عارفه عمر عمل ايه يا ماما؟ الست: كلمتيه؟ هو عملك حاجة؟ اوعي يكون عمل فيكي حاجة؟ آية: خفتي يا ماما؟

لا متخافيش. عمر متربي و عمره مهياذيني. عمر اتخانق مع واحد كان بيعاكسني و ضربه و مشي. مشي من غير ما يقولي و لو كلمة واحدة. الست: و انتي بتصدقي الكلام ده؟ تلاقيه هو اللي سلطه عليكي. اسمعي يا آية. الواد ده متتكلميش معاه. و لو شفتيه في شارع اوعي تمشي منه يا بنتي. آية: انا عاوزه اذاكر يا ماما لو سمحتي. الست: ماشى. الست تقوم توصل للباب. الست: انتي هتقولي لابوكي حاجة عن اللي حصل؟ آية: انتي مش ناويه تقولي له و لا ايه؟

الست: اوعي يا آية. عمر مات و انتهى. متفتحيش علينا فتوحة. آية: والله؟ الست: انتي تعرفي حاجة عنه؟ تعرفي هو فين اصلا؟ آية: لا. لا. لا. الست: خلاص يبقى تقلبي على ابوكى المواجع ليه؟ كفايا اللي هو فيه من ساعة موت بنته. آية: خلاص بقى خلاص. الست تطبطب على البنت و تخرج مالاوضه. عمر قاعد بيعمل الواجب عالسفره. 10 سنين و آية خمس سنين بتلون فى كراسه فوق الترابيزه. يهرش بالقلم فى راسه. تهرش زيه. يشوفها يبتسم. تبتسم. آية: خلصت؟

عمر: اخر صفحه. آية: هروح اجيب الكورة. عمر: ماشى. آية تنزل من عالترابيزه. و هى بتنزل تشد المفرش. الفازه تقع. عمر ميلحقهاش. تقع تتكسر. ام آية و الراجل اللي كان بيضربه بالحزام يطلعوا من جوه. الست: مين اللي كسر الفازه كدا؟ آية تجري تداري في عمر. عمر: وقعت غصب عني. الراجل يقلع الحزام. الراجل: هو ده اللي قاعد بيذاكر؟ هو ده اللي بتعمل الواجب. عمر: كان غصب عني. كان غصب عني.

آية تجري تتحامى في امها. و الراجل ينزل على عمر بالحزام. آية: انا اسفه يا عمر… اسفه اوى. آية تمسح دموعها و تحاول تذاكر. بعد فتره. علي و عمر نايمين. علي يقوم مفزوع. علي: لاااااااااااااااااااااااا. عمر يقوم مفزوع يناوله كبايه مايه. عمر: نفس الكابوس. علي يهز راسه و هو بيشرب و عنيه كلها دموع. عمر يقعد جنبه ساكت. علي: قوم قوم عشان ننزل الشغل. عمر: لا. انا هروح اخلص ورق التعيين بتاعى فى الجامعه و بعدين اجيلك. علي: تمام.

عمر: انت كويس يا علي؟ علي يقوم و ميردش على عمر و يدخل الحمام. فى المحل. علي بيشتغل. و كل شويه يبص يمين و شمال. يدخل عمر ماسك ورقه. عمر: ايه ياعم متركز. اللي واخد عقلك. علي: هههههههههههههه. خليك فحالك. عمر: مانت حالي يا بتاع انت. علي: مش عارف بقالها فترة طويلة اوى. عمر: زهقت يا اخى. مهو بصراحة مشوفتش حد بياكل شاورما بالكمية دي. بصراحة ليها حق تزهق. علي: طب انا ذنبي ايه طيب؟

عمر: هههههههههههههه. متلخص و نروح نخطبهالك و ننجز. علي: ايه ياض خفة الدم دي؟ خد يا خويا الطلبات. روح وصلها للزباين. مش ناقصة خفة دمك عالمسا. عمر: هههههههههههههههههههههه. علي يبص وراه يلاقي ندي نازله مالبيت و تمشي. متعديش عاللمحل. يتنهد و يكمل شغل. بعد كام يوم. ابو ندي يدخل البيت. امها تجرى عليه. امها: خير يا مصطفي؟ مصطفي: فين الست هانم؟ ندي تطلع مالاوضه تجرى على ابوه. مصطفي: ندي بتعمل ايه؟

يام ندي بتذاكر ياخويا. ندي فين؟ يام ندي فى الدرس ياخويا. عاوزة فلوس ليه؟ يام ندي عشان دروس. ندي ياخويا. و في الاخر الست هانم جايبلي 85%. مصطفي يلطش ندي بالقلم. امها تحوش عنها. يزقها فى الارض. مصطفي: خلاص يا مصطفي خلاص. مش هيفيد. خلاص خلاص. مصطفي: ابو مصطفي على ابو اليوم اللي جه فيه مصطفي. جرا ايه؟ هو انا مليش حق اربي بنتي؟ امها: دي مش تربية. هي معملتش حاجة عشان تضربها كدام.

مصطفي: والله… مانتي اللي مدلعاها. مانتي لو زي اي ام عدلة بتشوف شغلها. مكناش هنبقى فى الوضع ده دلوقتي. امها: ايوه ايوه. لف لف و هاتها فيا. ندي تقوم و تفتح البلكونه و تدخل و تسيبهم بيتخانقوا. عند علي. علي يطلع البلكونه بالليل و يقف يبص. مفيش اثر لندي. ينفخ. و يجي يدخل. باب بلكونتها تتفتح و تدخل و هى بتعيط. علي ينتبه. تشد كرسي و تقعد. و تبص تلاقيه واقف. يشاورلها. تبصله بحزن. يشاور على وشها الدموع. ليه؟

تعمل بصابعها لتحت. يشاور على بقه. ادحكي. تهز راسها لا. و تبص فى الارض و تدخل. علي بيبص و هو هيطق. عاوز يعرف فى ايه.

علي: اول مرة اشوفها بتعيط من يوم مسكنت فى الشقه دي. اول مرة اشوفها بتعيط. اول مرة اشوفها حزينة. عمري مهنسى كل مرة كنت بدخل البلكونه مدايق. كانت تشاورلى بايدها. و اول مبص لها كانت تشاورلى ادحك. كنت بدحك غصب عني. و كل مرة كنت بتخنق كنت بطلع ادور عليها فى البلكونه عشان اشوفها و انسى همي. كبرتي بسرعة اوى يا ندي. و بقالك هم انتي كمان. و كاني فى اللحظة دي شلت همين فوق همي. هم اني اعرف ايه هو هم ندي. و هم اني ازاي اشيل الهم ده من عليها. ياربى.

ندي و امها يدخلوا البلكونه. عمر يدخل. عمر: في ايه؟ علي: مش عارف. عمر: تفتكر عملت وحش فى النتيجة؟ علي يبصله. عمر: نتيجة الثانوية العامة بانت النهاردة. علي يبص على ندي. عمر: مش هي ثانوية عامة برضه. علي ينفخ و يدخل. و عمر وراه. يعدوا من على شوية شباب بيتفرجوا عالتليفزيون. واحد: اخبار الجو ايه يا علوه؟ علي يقف و يبص. اللي جنبه يزغده. عمر يزق علي و يدخلوا اوضتهم. فى اوضتهم. عمر: بقولك يا علي. مبتفكرش تكمل تعليمك؟

علي يبصله و يدحك. عمر: ايه يا عم قولت نكتة انا. علي: هتفيدني بايه بقى الشهادة ان شاء الله؟ و بعدين هو انا لاقي وقت اصلا. عمر: الوضع اتغير. انت معدتش مسئول عن مصاريفى. خلاص تقدر تفضي نفسك الصبح تروح الكلية. علي: بعد مشوار ودوه الكتاب يعني. عمر: فكر فيها كدا. انت لما هتروح تتقدم لندي هتقولها ايه؟ ثانوية عامة. علي: ندي!!! عمر: انت ناوي تتقدملها صح؟ علي: اتقدم ايه يابني انت شطحت اوى كدا ليه؟ عمر: مش فاهم.

علي: انا معرفهاش. انا اطول حوار دار بيني و بينها كان لو سمحت… حاضر… ممكن استنى هناك عشان الزحمة… حاضر… اتفضلي… شكرا…. و جبرت على كدا. عمر: ههههههههههههههههههههههههه. علي: انت بتضحك؟ انا اول مبتقرب بس بحس اني اتخشبت و لساني اتمسمر بمسمارين عشرة سنتي. عمر: ايوه و اخرتها يعني؟ هتفضل تعملها فى سندوتشات لحد ما يعزموك على فرحها و لا ايه؟ علي: فرح ايه؟ عمر: البنات مبتقعدش يابا فوق. عاوز البت تتحرك.

علي: انت هربت منك خلاص يا عمر… ياربى. ماشى. عاوزها تتحرك. اعمل ايه بقى؟ عمر: كلم ابوها يابني. قوله يا عمي انا يشرفني و يسعدني اني اطلب ايد بنتك. ايه مبتشوفش افلام؟ علي: اه عشان اخد الشلوت التمام اللي يخليني امسح السلم بهدومي. مش كدا؟ عمر: هههههههههههههههههه. دانت ضايع. علي: و من زمان. عمر: نام نام. دانت مسخرة. ههههههههههههههههه. علي: هقوله ايه يا عمر؟ عمر يتعدل فقعدته. علي: هتجوزها فين يا عمر؟

هجيبها تنام جنبي هنا. بلاش دي. لما يسالني عن اهلي هقوله ايه؟ متجاوب. عمر: قوله الحقيقة. الحقيقة اللي متعيبناش. انا و انت عارفين كويس ان لحم كتافنا من خيرنا احنا. و مفيش مخلوق و لا حتى اهلنا له فضل علينا. ان محترمش فيك رجولتك يبقى هيحترم صراحتك. و اصلا هو يطول يجوز بنته لراجل زيك؟ هو هيلاقي احسن منك فين اساسا. علي: ان كان عالاحسن فدول على قفا من يشيل.

عمر: لو فاكر ان عيل امه هيجهزك احسن منك تبقى غلطان. و لو مقتنع بده تبقى اكبر غلطان. غلطان فى حق نفسك. و غلطان فى حقها. عشان انت فرطت فيها. علي: تعرف تنام؟ عمر: اعرف. بس انت هتعرف؟ علي: انت عاوز ايه يا عمر؟ عمر: عاوزك مبسوط يا علي. عاوزك تتحرك يابني… ياربى. دانت بطلت السجاير اللي كنت بتقفل تلت علب فى اليوم. عالاقل لما عملتلك قال ايه مقروفة مالسيجارة. علي: لا. انا طفيت السيجارة لما عملت مقروفة. بس بطلت لما عملت ممتاز.

عمر: يارب. هتنقط. هتشل. هتفقع. علي نام. مش ناقصك عالمسا. علي: احسن. احسن. عمر ينام. و علي يبص عالسقف و يسرح. من سنتين. علي واقف قدام سيخ الشاورما بيعمل سندوتشات. و ينتبه على صوت ضحكة بناتى عالية قريبة منه. يبص يلاقي ندي بتضحك هي و تلاته صحباتها. ندي: يخرب عقلك انتي مسخرة. بنت 1: يابنتي انتي بتتكلمي جد و لا بتهزري؟ ندي: لا طبعا. و لا فالحلم حتى. بنت 2: ليه يعني؟ ندي: عشان انا. علي: 25. ندي: انا. علي: اتفضلي.

ندي تاخد الكيس و تجرى على صحباتها. بنت 3: مش كنا جبنا من اي حتة تانية. ندي: عمرها مهتبقى حلوة زي دي. يلا بينا بقى نشوف هنروح فين. ندي و البنات يتحركوا. و علي عينه مع ندي. شاب جنبه يزغده. الشاب: اسمها ندي. علي: ايه؟ الشاب: ندي يا علوه. بنت الاستاذ مصطفي زغلول اللي فال تاني يا راجل. دا الشقه قصاد الشقه. ايه. انت هتصيع عليا؟ علي: انا مش عارف انت بتتكلم عن مين.

الشاب: بقى كدا. و ماله. انجز انجز. خمسة شاورما فراخ فرنساوى بسرعة. علي: حاضر. بالليل. علي: هتعوز حاجة يا حج؟ صاحب المحل: تسلم يا علي. كفايا عليك كدا. علي: سلام انا بقى. علي يطلع. و في ايده كيسه. يدخل اوضته. يلاقي عمر بيذاكر. علي: العشا. عمر: تسلم ايدك. والله كنت جعان. علي: هطلع اشرب سيجارة و ارجع. عمر: مش هتاكل؟ علي: مش جعان. عمر: هعينلك منابك.

علي يطلع البلكونه. و يحط سيجارة فبقه. و لسه هيولعها. يسمع صوت صريخ. يبص عالصوت. يلاقي بنت فى الشارع بتصرخ. و بتبص لفوق. يبص لفوق. يلاقي ندي. كانت هتقع و هي بتحدف مفتاح للبنت اللي فالشارع. و نايمة عالسور. و ماسكة بايدها الترابيزين. و بالايد التانية حبل الغسيل. و تعدل نفسها. و بايدها ترفع شعرها من على وشها. و تبص. تلاقي علي. السيجارة وقعت من بقه. و مخضوض عليها. تشاورله هاى. لا ارادي يشاور زيها. تشاور على بقه. و بصوابعها على طرفين بقها. ادحك. يبتسم. تعمله ممتاز بايدها. و تشاوره باي. و تدخل. و هو بيعمل باي.

علي يتقلب و ينام. بعد فترة. علي واقف قدام سيخ الشاورما بيعمل سندوتشات. و ينتبه على صوت ضحكة بناتى عالية قريبة منه. يبص يلاقي ندي بتضحك هي و تلاته صحباتها. ندي: يخرب عقلك انتي مسخرة. بنت 1: يابنتي انتي بتتكلمي جد و لا بتهزري؟ ندي: لا طبعا. و لا فالحلم حتى. بنت 2: ليه يعني؟ ندي: عشان انا. علي: 25.