رواية سلف و دين الفصل الخامس والخمسون 55 - بقلم لولو محمد

نور / مش مهم الناس قد ما المهم انت اللى مهمه هندى / الحمد لله احسن كتير نور / حسام رجع يشتغل مع هدى هندى / هو حر انا قولتله ما يعملش حاجه حرام و خلصت زمتى قدام ربنا و عملت كل اللى عليا الباقي يرجعله نور / يعنى بجد مش بتضايقي مش مجرد كلام من باب الكرامه و خلاص هندى / اقسم بالله يا نور ما بحس باى حاجه ناحيته هو كويس و بيعملى كل اللى عوزاه و مش ناقصنى اى حاجه و بطلب اى حاجه بيعملها نور / طب امال ايه

هندى / قلبي مات من كتر الوجع باين … لا ما ماتش لو كان مات ما كنتش اتوجعت بس انا لسه بتوجع نور / حرام عليكي نفسك هندى / مش قادره يا نور ما حدش حاسس بيا مش قادره هندى تعيط نور / لا اله الا الله يا بنتي انتي ناقصك ايه بس هندى / الحمد لله … مش ناقصنى اى حاجه هندى تمسح دموعها نور / لما حسام يرجع من الشغل خليه يخرجك غيري جو هندى / انا هقفل عشان اقوم ابص على البوتجاز هتعوزى حاجة نور / عاوزه سلامتك

هندى تبتسم و تهز راسها و تقفل و تاخد رجليها فى حضنها و تقعد تعيط فى شقة آية تانى يوم جرس الباب يضرب تروح تبص من العين تلاقي جارتها شايله صينيه عليها ٣ اطباق رز بلبن آية تفتح الباب البنت / ازيك … عملت ده يارب يعجبك آية / تاعبة نفسك اوى البنت / لا مفيش تعب و لا حاجه احنا جيران و انا بصراحه مشهوره بالرز بلبن بتاعى فقولت ادوقهولك آية تاخد الصينيه و هى مبتسمه و تفتح الباب آية / اتفضلي اشربى حاجة البنت تبتسم و تدخل

البنت / انا اسمى اسماء آية / آية انتى العروسه الجديده صح اسماء / ايوه بس انتى ما جيتيش الفرح مع ان شريف عزمكوا آية تنكسف بحرج آية / تشربى ايه بقي اسماء / شاى بمعلقه و نص سكر آية / ثوانى آية تدخل المطبخ و اسماء قاعده مكانها فى الشركه هدى / يعنى ما بعتش اى حاجة تاني حسام / صوت صرصور الحقل هدى / يعنى ايه حسام / يعنى صمت تام صحرا هدى / انا كلمت واحد اعرفه شغال فى الشرطه علاقتى بيه كويسه

حسام / اهم حاجه العلاقات الكويسه دى هدى / من اول ما انت دخلت العماره لحد ما خرجت منها ما حدش غريب دخل حسام / يعنى ايه ؟ حد من الجيران ؟ انا ما ليش اى علاقه مع اى حد فيهم و بعدين هيستافيدوا ايه من كل ده و بعدين ما فى سطح و العمارات كلها من فوق مفتحه على بعضه هدى / ما عنديش ادنى فكره عن اجابه اى حاجة من دول حسام / انا ما عدتش فاهم حاجة

هدى / هو مش قال هيكلمك من هنا لحد ما يكلمك هخليهم يبصوا على كاميرات البيوت اللى حواليك حسام / و انتى بقي قولتى للظابط حبيبك ده ايه بالظبط على اللى بيحصل هدى / و انا مالى بالموضوع انا قولتله ان فى مجرم بيحاول يبتز واحد حبيبي و عاوزين نحل الموضوع ودي و من غير شوشره حسام / لا واضح ان من كتر حبايبك لا حد بيعلق و لا حد بيستغربه هدى / انت فاكره عمل كل ده عشان سواد عيونى فوق يا سمسم ما حدش بيبربش عشانك حتى ببلاش

حسام / طب و دفعتى كام بقي للاخ ده هدى / هو اكل و لا بحلق حسام / على رايك المهم الموضوع ده يتحل بسرعه و بهدوء هدى / معاك جدا فى الموضوع ده فى شقة آية آية و اسماء بيضحكوا اسماء / حكالى حكالى دا قعد اسبوع بينشر على كراسي السفره خايف يوقع عندكوا حاجة تاني آية / انا ما قصدتش والله بس انا مش بحب الاختلاط و الحاجات دى

اسماء / و دى حاجة احترمك عليها جدا … انا القاعده الحلوه نستنى نفسي و اكيد جوزك زمانه جاى و انتى ما عملتيش غدى آية / لا انا بخلص اللى ورايا بدرى بدرى ما تقلقيش عليا اسماء / جدعه انا زيك كدا برده اصل الفيس ابن كلب بيسرق الوقت هوب الاقى الحكومه طابه عليا آية / حكومه !!! اسماء / شريف جوزى آية / هههههههههه اه سورى فهمت اسماء تقوم تقف اسماء / ايه رايك نظبط يوم و نعرف رجالتنا على بعض و نخرج نتفسح سوا آية / ما اعرفش بصي

اسماء / هو مش انتى قولتى ما لكوش قرايب و لا صحاب فى اسكندريه انا بقي هوريكي اسكندريه عمرك ما شوفتيها و اوريكي قد ايه الاسكندرانيه جدعان و هعرفك على شله الفساد صحابنا هتحبيهم اوى آية / مش عارفه يا اسماء والله اسماء / انا هطلع دلوقت كلمى جوزك و ظبطى وانا هكلم شريف و اظبط و نبقي نشوف الموضوع فى قعدتنا الجايه آية / ربنا يسهل اسماء تمشي و آية توصلها للباب فى شقة ندى حسام قاعد سرحان فى البلكونه

ندى تدخل شايله صينيه كيك و شاى تحطها على الترابيزه و حسام سرحان مش مركز ندى / اللى واخد عقلك حسام / حبيبتي ايه الريحه الحلوه دى … لا دا احنا نفتحلك محل حلويات بقي بقيتي استاذه فى الكيكه ما شاء الله ندى / الحمد لله فلحت فى حاجة حسام / انتى شاطره فى كل حاجة ما صينيه البطاطس امبارح كانت عالميه و الاكل النهرده كان حلو جدا تسلم ايدك و لسه بكره ياما هتبدعى ندى / طب دوق و قولى رايك حسام ياكل و يستمتع

حسام / احلى من كل مره تسلم ايدك ندى / كنت سرحان فى ايه بقي حسام / مشاكل الشغل ما بتخلصش بفكر ادور على شغلانه تانيه ندى / هدايه ؟ حسام / و دى اخرها ايه يعنى يلا ما تشغليش بالك ياما دقت على الراس طبول قوليلى انتى البيت ناقصه حاجة حد فيكوا ناقصه حاجة ؟ ندى / و انت مخلينا ناقصنا حاجة حسام يبتسم ندى / فاكر المكتبه اللى جبتلى منها الكتب حسام / تحبى اخدك تنقى ؟ ندى / ينفع ؟

حسام / ليهم موقع اونلاين على فكره تقدرى تنقى و الحاجه توصلك و لو عاوزه نروح نروح ندى / اى حاجة اللى يناسبك حسام / بعد الكيكه الحلوه دى كل حاجة تناسبنى حسام ياخد حته كيك و ندى تبص على الشارع فى النادى نور قاعده مامه محب تدخل الست / ممكن اقعد نور / اتفضلي الست / هو حضرتك منعتى يس يلعب مع محب نور / الحقيقه اه الست / بس دول اطفال يا مدام نور / والله كان ممكن لو ما كانش اللى حصل حصل فنقصر الشر من اولها

الست / يعنى تضربوا الراجل و كمان انتوا اللى تتقمصوا على العموم انا عملت اللى عليا و خليتنى الكبيره بس واضح انى اتسرعت نور تبص للست باستغراب الست / انا اللى هقول لمحب لو شاف يس فى حتة ما يقفش فيها الست تمشي و نور ما تردش ست تانيه تدخل الست / ممكن اقعد نور / اتفضلى الست / انا وفاء مامه على معاكوا فى التمرين نور / اهلا وسهلا انا نور … مامه يس

وفاء / غنيه عن التعريف دا النادى كله ما لوش سيرة غيركوا و اللى جوزك عمله مع استاذ نبيل اصل حضرتك مش عارفه احنا ياما اتهرينا خناقات بسبب الموضوع ده نور / معقول وفاء / كلنا اصلا مانعين ولادنا يلعبوا مع محب بسبب الحوارات دى دا حتى مامته بتشتم العيال بالفاظ وحشه جدا نور / و اداره النادى ازاى تقبل باعضاء من النوعيه دى وفاء / ما هم بيعتزروا و الموضوع بيتلم و ناس بتتوسط و حاجات من دى و الموضوع بيخلص

نور / بس واضح ان الموضوع بيرجع يتكرر اهو وفاء / ما هو بصراحه اول مره حد يعرف يرد عليهم تسلم ايده جوزك شفا غليلنا كلنا نور / انا بصراحه ما كنتش موفقاه على اللى عمله وفاء / انا جوزى فى الكويت و بينزل اجازه شهر فى السنه بنقضيه بقي يا بنزور القرايب يا مصيف فمش بنيجي التمرين خالص غير كدا كان مستحلفله نور / لا واضح انهم محبوبين هنا اوى وفاء / مش عاوزه اقولك استنى

وفاء تشاور لتلت ستات قاعدين على ترابيزه تانيه يقوموا يروحوا يقعدوا مع نور فى اوضه نور نور / و اتفقنا بقي نروح تمرينه الخميس بدرى و كل واحده تعمل اكله و نعمل ديش بارتى و العيال تقرب من بعض و الرجاله كمان يتعرفوا انا ما رضيتش اديهم كلمه الا اما اشوف ظروفك على / و انا هعترض ليه خير و بركه نور / بص انا لسه مقتنعه انك غلطان بس واضح ان ليك نظره فى الناس دا انت ما شوفتش الوليه مراته و هى بتتقنعر عليا على / ههههههههه

سيبك منه نور / بصراحه اكتر تمرينه انبسط فيها كنت ببقي زهقانه و انا قاعده لوحدى قعدنا نتكلم و نضحك ثوانى و لقيت التمرين خلص ما حسيتش بالوقت خالص على / هى اللمه الحلوه ما تتعوضش و اهو تغيرى جو نور / تعرف ايه احلى حاجة فى الموضوع على / ايه نور / و انا بقول انا مامه يس على يبتسم نور / احساسها حلو اوى يا على ربنا ما يحرم حد على / امين نور / تفتكر لو روحت للدكتوره هتقولى ايه على / تقول اللى تقوله لا بايدها و لا بايدنا

نور / معاك حق بكره مفيش دروس ممكن تاخدهم معاك المحل اروح للدكتوره على / ينفع من غير حجز و لا انتى حجزتى نور / هدفع فورى و خلاص على / تمام اللى تشوفيه و لو تحبى نسيبهم مع مامتى و اجى معاكى نور / طب ايه رايك فى طنط منال على / ظبطى انتى و انا مش معاكى فى اى حاجة نور / انا هقوم اصلى ركعتين على / قومى و انا هصلى معاكى نور تبتسم و تقوم هى و على و يطلعوا بره فى شقة ندى ندى بتتكلم فى التليفون ندى / يعنى هتتاخر ؟

حسام / لا ان شاء الله قبل معاد سيشن عمى اكون وصلت السنتر ندى / طيب هكلم بقي السنتر و اشوف عندهم عربيه و لا اوقف تاكس و لا اعمل ايه حسام / بصي انا هشوفلك حد هنا يكون يعرف رقم عربيه ابعتهولك تمام ندى / ماشي بس حاول ما تتاخرش حسام / هعمل ايه بس اديكي شايفه الدنيا اتكربست فوق دماغى ندى / طب بالراحه كل حاجة هتتحل انت بس حاول و ربنا يسهل حسام / تمام تمام سلام دلوقت و هكلمك بعدين

ندى تقفل و تروح تفتح درج و تطلع شنطه صغيره فيها فلوس تاخدها و تحطها فى شنطه حبيبه و تشيل حبيبه و الشنطه و تحط حبيبه جنب مصطفى قاعد لابس على كرسي بعجل ندى / خلى حبيبه جنبك هنزل اشوف تاكس يساعدنى ندى تروح تاخد المفتاح و تحطه فى الشنطه و تقفل الباب و تنزل الشارع تشاور لتاكس يقف ندى / لو سمحت والدى فوق قاعد لو تقدر تساعدنى ننزله عنده جلسه علاج طبيعي و انا لوحدى و مش عارفه اتصرف الراجل / تقبريني هلا بصف السياره و بطلع معك

ندى / ميرسي جدا انا هديك الفلوس اللى تطلبها الراجل / تكرملى عيونك والله من شان هالجمال يهون التعب ندى تبصاله باستغراب و ترجع لورا الراجل يركن التاكس و ينزلها الراجل / البقلاوه ساكنه فى البنايه هايدي ندى / حضرتك تقدر تمشي خلاص شكرا الراجل / الحق علي يعني بدى اساعدك ندى / شكرا مش عاوزه تقدر تمشي الراجل / شو هلا بتتلامنى على ندى / انت لو ما ممشيتش هصوت و الم عليك امه لا اله الا الله

الراجل / عيطى و لمى الناس انتى اللى وقفتيني و طلبتى منى اطلع معك فوق و لا نسيتينى ندى / تصدق انك حيوان شاب يدخل شاب / شو بك يا زلمه روق شوى الراجل / الواحد كان رايق و ماشي فى حاله وقفتوا و قعدت تتمايع علي و اطلع معى و مدرك شو و هلا بتشرشحلى ندى / انت كداب و الله العظيم كداب الشاب / خلاص يا عمى بلاها ولدنه و اتوكل على الله ندى / دا كداب الشاب / ستى بالله خلصنا انا شايف كل حاجة

ندى / انت شوفت ايه انت انا طلبت منه يساعدنى انزل والدى القعيد نروح مستشفي لقيته بيعاكسنى دا ايه البلد دى الشاب / روقى اختى اقسم بالله شوفت كل حاجة ندى تسيبهم و تطلع تقفل الباب و تتصل بالموبايل ندى / ايوه يا حسام لو سمحت تعال دلوقت حسام / انا لقيتلك رقم عربيه و اتفقت معاه هيعدى عليك ندى / انا لا هنزل و لا هركب عربيات انا بقولك اهو و لو سمحت تعال دلوقت حسام / ليه بس هو فى ايه

جرس الباب يضرب ندى تروح تبص من العين تلاقي الشاب ندى / بقولك تعال لازم تيجي تعال حسام / طب فى ايه طمنيني بس ندى تقفل الترباس و تفتح الباب ندى / دا ايه البجاحه دى انت طالع ورايا لهنا كمان الشاب / جبتلك تاكسي تانى و طلعت اساعدك ندى تبصاله و تسكت الشاب / انا كان بدى الرجال يمشي و ما تكبر المواضيع و تصيرى سيرة بين الخلق ندى / على العموم كتر خيرك انا هستنى جوزى يوصلنى

الشاب / على العموم انا غديى الميكانسيان اللى فى البنايه اللى جاركوا وقت البتغيرى رايك ندى / كتر الف خيرك من فضلك انزل بقي غديى يهز راسه و يمشي ندى ترد على التليفون ندى / الوح حسام / هو ايه اللى الو هو ايه اللى بيحصل عندك ندى / انا استاهل ضرب الجزمه انى جيت البلد دى دا مصر برقبتهم حسام / طب ممكن تفهميني فى ايه بدل ما اتقلب بام العربيه دى ندى / هو انت سايق ؟ انت سبت الشركه ؟

حسام / انا طاير على الطريق زى المجنون مش فاهم اى حاجة ندى / خلاص اهدى اهدى كلو تمام هحكيلك حسام / سامعك فى شقة سحر سحر / و انت بقي يا سى يس مش عاوز تيجي لعمتوا خالص يعنى ايه ما بوحشكش يس / والله بتوحشينى بس انا يا فى الدرس يا تمرين يا نايم سحر / يعنى ما فيش تى فى خالص نغم / لا فى يس بيقعد يتفرج على بن تن على اليوتيوب يس / ما انتى بتتفرجي على ماى ليتل بونى

نغم / ماما نور وعدتنى هتجبلى يونيكورن دريس فى عيد ميلادى و تورته يونيكورن و هتجبلى كمان فايرى وينجز سحر / كل ده !!! نغم / قالتلى انى ممكن اعزم كل صحباتى فى النادى كمان سحر / حلوه ماما نور بتعاملكوا حلو يس / بتحبنا اوى و بتجبلنا كل اللى نفسنا فيه نغم / و بتحكيلى ستورى جديده كل يوم قبل ما انام يس / و بابا على كمان بيلعب معايا بلايستايشن و يحفظنى قران سحر / يعنى مش ناقصكوا اى حاجة بتاكلوا كويس يعنى

يس / يوووووه دا ماما نور بتزغطنى بتزغطنى سحر / ههههههههه و انا يا ولد ما كنتش بزغطك يس / لا كنت بقولك شبعت خلاص لكن ماما نور لازم امسح الطبق و اشرب الكبايه كلها و الا مفيش سويتس و لا بن تن و بقول شبعت مليون مره و مش بتسمع الكلام نغم / بس انا باكل طبقي كله لوحدى سحر / شطوره نغم / ماما نور بتروح للدكتوره عشان تجبلى اخت بنت اللعب معاها سحر الحزن يبان على وشها

سحر / نغم يا قلبى انتى عارفه انتوا ليه عايشين عند ماما نور و بابا على يس / عشان هم بيحبونا سحر / طب ما انا كمان بحبكوا يا يس … بس ماما نور مش عندها عيال فانا سبتكوا معاها عشان هى زعلانه ان مش عندها عيال لكن لو عندها عيال يس / هنرجع نعيش معاكى تانى سحر / انت مش عاوز ترجع تعيش معايا خالص يس / انا بحب اوضتى و بابا على وعدنى هيعملى اوضه لوحدى لما يلاقي حد يشترى الليفينج هى اصلا ما لهاش لازمه

سحر / ريحه الكيكه طلعت هقوم اطلعها من الفرن قبل ما تتلسع مين بيحب كيكه الشيكولاته بتاعه عمتو نغم / اناااااا فى السنتر ندى / و انا اش عرفنى انه هيطلع زباله كدا حسام / انا قولتلك هشوفلك نمره حد ممكن افهم انتى مستعجله على ايه خلاص يعنى السشن بدا و انا ما عرفتش اتصرف ندى / دا بدل ما تضايق ان فى حيوان عاكس مراتك بتغلطنى انا حسام / ما انا بتكلم لانى مضايق و لا انتى الاستقبال عندك فيه مشكله

ندى / كل حاجة بسببى كل حاجة غلطتى اصلا لو كنت حضرتك بطلت رغى مع دى و دى فى الشركه و ركزت فى شغلك كنت خلصت فى معادك و جيتلى حسام / يا نهار اسوح ندى / لكن ازاى البيه يغير خطته فى اخر ثانية و انا المفروض اتعامل معادى حسام / انا ليا الجنه حدف على اللى بشوفه ندى / ان شاء الله حسام يبتسم ندى تستغرب حسام / هو الراجل قالك يا بقلاوة ندى / انت عاوز تجننى حسام / اعوذ بالله اكتر من كدا على العباسيه وش

ندى / انا مش راده عليك تعرف انا اصلا مش هقعد جنبك فى مكان واحد ندى تيجي تقوم حسام يقعدها ندى تبص على الناس حسام / ما تبقيش قفوشه بقي انا بحاول افكك ندى / انا مش عارفه اتعامل مع الناس انا قرفت من حياتى حسام / الموقف ده ممكن يحصل مع اى حد و فى اى مكان فى العالم و انتى مزه هو بس كل اللى مستغربله انك ما تجيبيش بقلاوه خالص ندى تبص لحسام حسام / البقلاوه بتقرمش كدا فى البق انما انتى بسبوسه بالسمنه و القشطه تدوب فى البق

ندى تقوم و ه بتضرب كف على كف فى العياده نور بتعدل هدومها على / الخميس الجاى ده علاطول الدكتوره / لو يناسبك نور / يناسبنا طبعا يناسبنا على يبص لنور نور / هو نسبه نجاحها قد ايه الدكتوره / احنا هنعمل اللى علينا و الباقي على ربنا المهم من هنا للخميس تمشي على التعليمات اللى قولتهالك و العلاج نور / لا ما تقلقيش خالص ان شاء الله هعمل كل اللى حضرتك قولتى عليه الدكتوره / تمام … اشوفكوا باذن الله الخميس الصبح الساعه تسعه و نص

على / باذن الله نور و على يطلعوا بره نور / انا خايفه اوى يا على على / خايفه من ايه بس ما تسبيها على ربنا نور / خايفه العمليه تفشل على / الدكتوره قالت كدا كدا هتجمد بويضات و ربنا هيحلها من عنده ان شاء الله ما تشيليش هم نور / و احنا معانا فلوس لكل ده على / الحمد لله و بعدين مش دورك تفكرى فى الفلوس ربك بيرزق نور / ايوه يا على بس احنا دلوقت ورانا مسؤليات على / ما قولت ربك بيرزق ما تشيليش هم و الحمد لله الخير كتير يعنى

نور تهز راسها و تركب العربيه و على يسوق فى شقة ندى ندى / و انت تاخد و تدى معاه ليه حسام / الراجل بيعتزرلى ان كان فى اى سوء تفاهم حصل و بيعرض خدماته ندى / الله الغنى حسام / انتى مش شايفه انك اوفر شويه ندى / انا تعبت و اعصابى تعبانه حسام / كنتى عاوزه منه ايه يدخل يضرب سواق التاكس و يكبر الموضوع الراجل مشاه و راح جبلك تاكس تانى كتر خيره ندى / ماشى حسام / ممكن تهدى بقي عشان والله موقف و عدى و مفيش اى مبرر لكل العصبيه دى

ندى / انا داخله انام حسام / بدرى كدا ندى / تعبانه خلى اليوم ده يخلص بقي ندى تدخل الاوضه حسام يدخل وراها حسام / طب ما تيجي نشوف فيلم و لا اى حاجة هتنامى زعلانه كدا ندى / انا مش زعلانه و لا حاجة انا مرهقه شويه و لما هنام هفوق حسام / تمام نامى و انا هروح ابص على عمى يمكن يكون محتاج حاجة ندى / يبقي كتر خيرك ندى تستغطى و تدى لحسام ضهرها فى اوضة يس نور بتغطى يس يس / يعنى انتى مش هتسبينى نور / ابدا ليه بتقول كدا

يس / عشان هيبقي عندك اولاد نور / و انت عندك مشكله لو ليك اخ او اخت مع نغم يس / انا بحبك نور / و انا كمان بحبك اوى يا يس حبيبي انا مش عوزاك تخاف لو ربنا كرمنى باخ ليكوا دا مش هياثر على حبى ليكوا و لا حياتكوا يس / بس هتحبيه اكتر مننا نور / نام يا يس و ما تفكرش فى الحاجات الوحشه دى على يدخل على / انا اللى هحكى الحدوته النهرده الكل يبص لعلى و نغم تقوم تقعد على يجيب كرسى على / عارفين عموا عمر نغم / انا عرفاه انا عرفاه

على / انا كنت صغنن كدا و شقى و فجاه لقيتهم بيجيبولى اخ صغير للحظه خفت انه ياخد مكانى بس ماما قالتلى ده اخوك الصغير تحميه و تاخد بالك منه تعرف لما كان حد بيضايقه فى المدرسه كنت بعمل فيه ايه يس / كنت بتضربه على / كنت بفرم اللى يقرب منه نغم / بس عمو عمر بيلعب كراتيه على / بالظبط لما كبر بقي بقي هو اللى بيدافع عنى يس / و لو جت بنت نغم / هتلعب معاها

على / نغم هتلعب معاها و هتسرح شعرها و يبقوا صحاب و اخوات و انت بقي يا ياسو هتبقى راجلهم تحميهم و تدافع عنهم يس / بس البيبيهات بيعملوا بيبي على / و انت يعني ما بتعلمش ما انا بعمل بيبي نغم تضحك و تغطى بقها بايديها على / محسسنى انك انت اللى هتغيرله البامبرز مثلا و بعدين انا اعمل ايه ما كانش فى بامبرز زمان عمك عمر كان يستنى استحمى و البس هدوم نضيفه و يحمينى بالبيبي الكل يضحك

على / كنت ادخل استحمى تانى و برده ما كنتش احب انام غير و هو جنبى نور / انا ياما بهدلت خالو حسام ما كانش يحلالى اعمل بيبي غير فى سريره يس / ايووووووو نور / كان بيتعصب جامد و دلوقت عنده بيبي اسمها حبيبه برده بتعمل عليه بيبي نغم / برده نور / برده شوفتوا بقيعلى / خلاص الحوار اللى ريحته وحشه ده نغم تضحك

على / احنا هنفضل نحبكوا مهما كان و هتفضلوا وسطينا مهما كان بس عاوز اطلب منكوا طلب لو عملتوه هجبلكوا كل الحلويات اللى نفسكوا فيه نغم / هتجبلى كيندر على / اجيب كيندر و كل اللى نفسكوا فيه بس بشرط تاخدوا بالكوا من ماما نور الفتره الجايه و ما تتعبوهاش خالص ممكن نغم / ممكن على يبص ليس يس / ممكن على / مهما حصل انت هتفضل راجل البيت ده من بعدى يس يبتسم على يقوم يبوس راسهم و يقوم نور / تصبحوا على خير

نور و على يطلعوا بره و يواربوا الباب على / ابقي خدى بالك من يس حبه زياده الفتره الجايه نور / ربنا يستر زعلت عشانه اوى على / فتره و هتعدى ما تقلقيش نور تهز راسها على يبوس راسها و يروحوا بره فى شقة آية عمر / هروحلهم اعملهم ايه آية / مش عمليه و واجب تقف جنب اخوك عمر / و هى الحاجات دي بيتوقف فيها يا آية آية / يا سيدي اعرض حتى تاخد العيال خميس و جمعه عمر / و انتى هتقدرى عليهم آية / يا سيدى ربنا يقدرنى

عمر / هتعملى ايه مع اسماء آية / اسماء مين عمر / يلاهوى جارتنا اللى فوق آية / لا طبعا انت تعرف انى ليا فى التجمعات دى عمر / ايوه بس دى فرصه كويسه و بعدين ما هى بتنزل تقعد معاكى اهو و تنزلك طبق و تطلعيلها طبق آية / انت مستعجل على ايه ما تسيب الدنيا تمشي بوقتها عمر / و لا مستعجل و لا حاجة اللى يناسبك آية / بص سيبها لله و ربنا يسهل تمام عمر / تمام فى شقة نور يوم الجمعه نور نايمه فى السرير بتكلم ندى فى التليفون

نور / اطمنك ايه يا بنتى هو النتيجه هتبان فى يوم و ليله اما امرك غريب اوى ندى / طب الدكتوره قالتلك ايه طيب نور / والله ماشيه على علاج و حقن لما اتغربلت ندى / بطلى دلع كلو يهون نور / تفتكرى فى امل ندى / و انتى السنه اللى فاتت كنتى تحلمى تبقي هنا دلوقت نور / ابدا الحمد لله كنا فين ندى / خلاص احمدى ربنا بقي و استحملى شوية نور / انتى عامله ايه و عمى عامل ايه

ندى / بابا الحمد لله احسن كتير دلوقت بقي بيحرك ايديه بشكل طبيعي و الرعشه راحت خالص بس الدكتور قال ان رجليه هتحتاج شغل شويه بيقول حصلها دمور من القعدة نور / ابدا والله انا كنت ببقي واقفه و هو بياخد الجلسات ندى / ايوه بس واضح انه كان محتاج شغل عليها اكتر على العموم احنا كنا فين دا انا كنت بخاف اشيله حبيبه امبارح شلها و كان فرحان اوى نور / ما تثقيش فى ايديه برده بدل ما يوقعه

ندى / واخده بالى خصوصا ان وزنها زاد ما شاء الله نور / وحشتنى بنت الايه انتوا مش ناويين تيجوا اجازات خالص ندى / هو احنا لسه استقرينا و بعدين كتير اوى مصاريف نزول و خروج دا احنا ما بنحوش حاجة خالص هنا نور / انا مش عارفه هتفرق و لا لا بس الصيدليه الحمد لله شغاله كويس و امبارح على جاب طيار مخصوص يوصل الطلبات بقي عندنا دليفرى يا نور ندى / مبروك

نور / المهم الفلوس كلها بعد المصاريف انا بحطها فى حساب حسام فى البنك اهى مبلغ نوايه تسند الزير ندى / والله انا لا بعرف اللى داخله و لا اللى خارج بس الشهاده لله على يدى بيصرف كتير ما بنطلبش حاجة الا و يعمله نور / ربنا يصلحلكوا الحال و يهديهولك و يهديكي ليه ندى / امال العيال فين مش سمعالهم نور / العيال عند طنط منال من الصبح و على راح يجيبهم ندى / آية قالتلى هتاخدهم

نور / هم عرضوا بس على ما رضيش آية حامل و العيال ما شاء الله اشقيه مش هتقدر عليهم ندى / و انتى هتقدرى نور / ربنا يقدرنى و بعدين انا مش لوحدى ندى / قال يعنى امك هتساعدك رضيت عليكي اخيرا و هتساعدك فى حاجة نور / الحمد لله على مش مخليني مستنيه مساعده من حد و انا و هو متفقين على كدا من الاول ندى / بس ليه ما بعتوش العيال لعمته نور / بتشحن يس و تخوفه مننا ندى / ايه الحيوانه دى طب هتعملى ايه ما انت مش هتمنعيه عنه

نور / هم فاكرينه اصل ندى / بتهزرى نور / اخرها تكلمهم فى التليفون خمس دقايق تطمن و تقفل هى مشغوله بعيالها برده ندى / ربنا يعين الكل بس ما شوفناهاش يعنى و هى بتقول عيال اخويا و لا هو كان عند مع امهم بس نور / و هو احنا قصرنا معاهم ما هى عشان كدا مطمنه عليهم ندى / ما حدش بيربى عيال حد يا بنتى دول ما صدقوا نور / ما انا بربى اهو يا ندى ندى / ربنا معاكى انتى اصلا حالة لوحدك نور / انتى فى حاجة مضيقاكى

ندى / لا بس حبيبه بتسنن و مقريفه ما بتنيمنيش نور / قلبي انا على يدخل شايل اكياس كتير و نغم و يس يجروا يقعدوا على السرير جنب نور على / الفرارجى قابلنى تحت و جايب الفراخ دى … لمين ده كله ندى / طب هكلمك بعدين ربنا معاكى نور / طب سلام يا نونو نور تقفل و تقوم نور / دى ماما كانت طلباهم على / يعنى انزلهم ؟ نور / حطهم فى المطبخ طيب و ارتاح من السلم و انا هكلمها و اشوف هعمل ايه على / تمام

على يروح يحط الاكياس فى المطبخ و نور بتتصل بمامتها فى شقة آية اسماء / هنروح نقضي اليوم فى المنتزه على البحر آية / يا ستي ربنا معاكوا انا ما برتاحش فى التجمعات اسماء / ليه طب والله هتنبسطى آية / انتى ليه مصره انى اجى معاكى اسماء / صعبانه عليا قعدتك لوحدك طول الوقت آية / انا اصلى كائن بيتوتى ما ليش فى الخروجات و الحاجات دى اسماء / اعوذ بالله انا بقي ما اطيقش البيت و لا اطيق سيرته آية / ربنا معاكى

اسماء / بقولك ايه انا هطلع عشان يدوب اعلق على كفته الرز قبل شريف ما يجي آية / اول ما الممبار يتسلق هحمرلك طبق تنزلى السبت تاخديها اسماء / تكون الكفته استوت آية / اما نشوف الكفته الاسطوريه بتاعتك دى هيطلع طعمها ايه فى الاخر اسماء / عيب عليكي هبهرك اسماء تقوم و آية توصلها فى المحل عند على ممدوح يدخل ممدوح / صباح الخير يا استاذ على

على / اهلا اهلا و سهلا يا استاذ ممدوح اتفضل اتفضل تشرب ايه و لا نجيب فطار علاطول شكلك ما فطرتش ممدوح / سبقتك من بدرى ربنا يكرمك على / طب نجيب شاى بقي ممدوح / يا راجل هو انا جاى اضايف دا انا صاحب بيته على / طبعا طبعا بس برده الكلام ما يحلاش غير ببقين شاى ثوانى بس على يشاور لواحد من اللى شغالين يوشوشه و يرجع بسرعه لممدوح على / اؤمرنى ممدوح / كنت جاى اطمن عليك انت و المدام عرفت من سحر ان مدام نور عملت عملية

على / اه الحمد لله مش حاجة يعنى ممدوح / طب يا راجل كنت بلغتنا كنا وقفنا معاكوا فى المستشفى و لا بعتنا ورد و لا اى حاجة على / والله مش عارف اقولك ايه دى عمليه تلقيح صناعى مش حاجة خطيره يعنى و احنا ما بتناش حتى فى المستشفى ممدوح / على خير باذن الله … بس انا كنت اصلي فاكر ان مدام نور ما بتخلفش على / والله الدكاتره مش ماكدين حاجة بالعكس احتمال نجاح العمليه ضعيف بس ادينا بنسعى ادعيلها ممدوح / ربنا يكرمكوا طبعا بس

على / لو حضرتك جاى تتكلم عن يس و نغم فى اللى بيحصل ده مش هياثر ابدا على يس و لا نغم باى شكل عاوزك تطمن ممدوح / انت عريس جديد يا استاذ على لا تعرف قرف الحمل و لا تعب الولاده على / مش عاوزك تقلق خالص ربنا بيقدر و احنا مش لوحدين ممدوح / انا اهم حاجة عندى مصلحه العيال على / يبقى متفقين شاب يدخل بكبايتين شاى و طبق سندوتشات شاورما على / لقمه خفيفه كدا تبلع الشاى ممدوح / تاعب نفسك والله شبعان

على / لا ما دوقتش انت سندوتشات الشاورما السورى على الفحم الجديده بتاعتنا حاجة كدا وهم ممدوح / ندوق مع ان سمعتك سبقاك على / رايك يهمني اتفضل اتفضل على يناول ممدوح ساندوتش فى شقة نور نور / هو الناس دي طبيعيه على / قلقهم منطقي نور / خايفين نرجعالهم العيال مش اكتر على / و طبعا ما نقدرش نكلم العيال على انهم ما ينقلوش الكلام اللى بيسمعوه هنا نور / لا اكيد هتكلم معاهم بس مش دلوقت

على / انا هاخدهم انا بكره التمرين خليكي انتى اليومين دول مرتاحه فى البيت نور / الدكتوره قالت اتعامل عادى على / برده معلش حاولى ترتاحى على قد ما تقدرى نور / حاضر يا على مع انى خايفه اغيب يسالوا العيال عنى و الاقى مصر كلها عرفت انى عملت عملية و لا يا لهوى ليعرفوا ان يس و نغم مش ولادى على / يا ستى ان حد سال هقولهم انك بتروقى الشقه نور / هتكدب يعنى

على / طب هقولهم انك بتزورى امك ابقي انزلى قضى الكام ساعه دول تحت و لا ابقي قوليلى اقول ايه و انا اقول نور / انا بس خايفه ينبروا فى الحكايه انا عمرى ما شوفت كدا على / انا هدخل اكلم يس و نغم نور / قولت خليني انا اكلمهم احسن على / جيتي فى جمل انا هدخل اعملكوا ساندوتشات كبده وسجق اسكندرانى تحلفوا بيه نور / يا دلعوا يا شيف يا دلعوا على / انتوا لسه شفتوا حاجة

نور تضحك و على يروح المطبخ نور تقوم تدخل اوضه يس بيلعب على الموبايل و نغم بتتفرج عليه فى الشركه هدى بتقلب فى ملف قدامها تلاقي نوته صفره ملزوقه هدى / مهله لم الفلوس قربت تخلص … ايه ده هدى تقوم و تطلع بره تلاقي حسام مش موجود هدى توقف بنت معديه هدى / دكتور حسام زغلول وينه البنت / مكتب مستر عدنان هدى تنفخ تلاقي الباب بيتفتح و حسام طالع من المكتب تروحله هدى / عوزاك فى كلمة حسام / خير فى ايه هدى / لقيت ده فى ملف على مكتبى

حسام ياخد النوته و يكرمشها و يحطها فى جيبه و هو بيبص حواليه حسام / و دى وصلتلك ازاى هدى / بقولك لقيتها فى وسط الورق حسام / و زفت الطين ده وصل لمكتبك ازاى هدى / و انا اش عرفنى حسام / مش فى كاميرات فى ام الشركه دى هدى / فى بس حسام / حبايبك اللى مسيطرين على الدنيا بحالها خليهم يراجعوا كاميرات الشركه و اعرفى مين ابن ال حسام يبص يمين و شمال حسام / اللى حطلك الورقه هدى / و لما اعرفه حسام / نعم يا اختى ؟ ايه؟

هيطلع مين يعنى ؟ اكيد له سكه و لا مسكه هدى / دا انا هنسفه نسف هندمه على اليوم اللى فكر يلعب معايا فيه حسام / اقل واجب نعرفه بس هدى تسيب حسام و ترجع مكتبها و هو متابعها فى النادى على قاعد على ترابيزه لوحده نغم تجرى عليه على / خلصتى نغم / اه شوفتنى على / شوفتك بس دا انا صورتك كمان عشان ماما نور تتفرج على الشطاره اللى كنتى فيها ست تعدى معلها بنت صغيره الست / الف مبروك البيبي يا استاذ على على يبصلها باستغراب

الست تعدى على يشيل نغم و هى بتضحك على / هو ده اللى اتفقنا عليه نغم / انا ما قولتش ان ماما نور عملت عملية على / امال قولتى ايه نغم / قولت ان ماما نور هتجبلى اخت تتمرن معانا على / كفيتى و وفيتى يا اختى يلا اما اروح نغم / انت زعلان منى على / اكيد لا طبع نغم / يعنى هتجيبلى كاندى على / طبعا مش لازم نحتفل بالبيبي اللى لسه ما جاش ده على يشيل شنطه التمرين على الكتف التانى و نغم على كتف و يمشي فى شقة ندى

ندى و حسام بياكلوا تليفون حسام يرن هدايه يبص و يبص لندى ندى / رد حسام / لما اخلص اكل ندى / ليكون حاجة مهمه حسام / بلا حاجة مهمه بلا نيلة ندى / براحتك حسام يكمل اكل تليفون ندى يرن ندى / نور حسام / خير ردى ليكون فى حاجة ندى تاخد التليفون و تقوم تدخل جوه توصل لحسام رساله يقراها "هدايه / عرفت مين اللى بيلعب بينا لازم اقابلك ضرورى" حسام يقوم يروح لندى الاوضه يلاقيها مسخسه من الضحك ندى / احباب الله ايه بس

حسام / عندنا حاجة للحموضه ندى / ثوانى يا نور … مش عارفه شوف فى درج الادويه حسام يدخل يدور فى درج فى التسريحه حسام / مفيش ندى / طب ما تاخدلك خيارايه ساقعه و لا بق لبن ساقع حسام / انتى بتصدقى فى الكلام ده … هنزل اجيب شريط من الصيدليه على ما تخلصى مع نور ندى / تمام حسام يمشى ندى / ايوه يا نور معاكى نور / هو فى ايه ؟ خير ندى / شكل الاكل حمى على صدره نزل يجيب حاجة للحموضه مع ان الاكل خفيف والله نور / مش عارفه بس بتحصل

ندى / هههههههههههههه انتى مصدقه انها حموضه بجد نور / امال ندى / دا انتى عسل اوى قبل ما تكلميني علاطول هدايه كانت بترنله و ما رداش يرد قدامى نور / يمكن شغل ما تقعديش انتى بس تربطى الاحداث و تشغلى شارلوك هولمز بتاعك ندى / يا بنتى انا مش فارق معايا هو كتر خيره اوى لحد كدا على اللى بيعمله معانا بس لازم تبقي النقط على الحروف نور / ازاى يعنى ندى / انا … بتقرطس بمزاج نور / هههههههههههههه دا انتى مشكلة

ندى / يا اختى بجملة المصايب اللى عندك نور / دول ملايكه طب والله ما قدرت استنى للصبح و قولت اضحكك معاي ندى / ياما بهدلنا الدنيا نور / اتكلمى عن نفسك ندى / ليه نسيتي لما روحتى قولتى لماما تشرب ميه كتير عشان مامتك بتقول ان دمها تقيل نور / يا لهوى دا انتى قلبك اسود انتى فاكره الحاجات دى ازاى ندى / مش بقولك بتقرطس بمزاج نور / ههههههههههههه مجرمه قدام الصيدليه فى شارع حسام حسام / قولتلك مش هينفع اجى

هدى / ما انت لازم تتفرج معايا على الفيديوهات حسام / و هو انتى ليكي عينيه اتنين و انا ليا عشره مثلا ما انا هشوف نفس اللى هتشوفيه هدى / باختصار يا حسام انا مش بالعه ان فى حد بيبتزنا حسام / ثمه هدى / اصل انت ما فيش حد دخل البنايه بتاعتك و الاغرب الشقه اللى اجرتها نتقابل فيها حسام / يعنى انا اللى ببتزك انا اللى بصورنى و ابعت الصور لمراتى عبيط انا صح انتى عبيطه يا هدى

هدى / لا مش عبيط و مش انت اللى بتبعت الصور لمراتك بس انت اللى بتبعت النوتس بتاعه الابتزاز و مصورنا سوا حسام / و ليه مش انتى على الأقل تطيرى ندى و يخلالك الجو معايا انا لا شوفت كاميرات و لا تسجيلات و لا حتى الجوابات دى بخطى مش انتى واصله اوى كدا تعرضيهم على خبير خطوطه هدى / انت حد ساعدك تلاقى شقتك دى حسام / اللى انا ساكن فيها دلوقت اه انتى و دى نقطة تانية كنت ناسيها انك الوحيدة اللى تعرفى عنوانى الج هدى / سكت ليه

حسام / رامى حسون هدى / ماله حسام / جابلى حاجات على البيت … و هو اللى ساعدنى اجر الشقه اللى اتصورنا فيها هدى / رامى هو اللى حط المايلز على مكتبى حسام / عيشي بقي يا شارلوك هولمز عصرك و بعد كدا ابقي فكرى قبل ما تتهمينيه هدى / خلاص سورى بجد … حسام انا اكتر حاجة اكرهها الغدر حسام / نبقي نتكلم فى الحوار ده بعدين بس فى حتة مش فاهمها هدى / ايه ؟ حسام / هو رامى كان يعرف اننا بنتقابل منين انا ما حكيتلوش

هدى / اكيد كان بيراقبك عشان يطيرك حسام / و يطيرنى ليه و هو اعلى منى هدى / اكيد عشان انت ما تطيروش ما هو لو مشي انت هتترقى و تمسك مكانه حسام / مش شرط خصوصا انى منتدب بره هدى / ما كنتش منتدب وقتها و دلوقت رجعت بالعكس رامى شخص منطقي جدا حسام / بس لازم نتاكد برده حرام نظلمه هدى / ما تقلقش انا هعرف اتصرف حسام / ممكن بقي اروح و لا هفضل متزنب فى الشارع كدا كتيره هدى / هشوفك بكره حسام / اكيد مش بنشتغل مع بعض فى الشركه

هدى / اوك بيبي سي يوح حسام / سلام حسام يقفل و يمسح المكالمه من السجل و هو مبسوط حسام / باى باى رامى و اهلا بالترقيه الجديده و ربنا يقدرنا على فعل الخير فى شقة نور صفاء بتدى يس الدرس و نغم قاعده بتحل على يدخل شايل اكياس كتير على / السلام عليكم صفاء / و عليكم السلام يس / جبتلى البلوتوث اللى طلبته على / جبته ركز مع الميس و ما تتعباش و انا اديهولك … عامل ايه مع حضرتك صفاء / حضرتى !!

كويس الحمد لله يس شاطر و ذكى بس مش بيركز على / ليه يا يس نور تطلع من جوه نور / انت جيت يا حبيبي … ادخل انت ريح و انا هشوف مع ميس صفاء مشكلة يس يس / والله بركز نور / هو مش حضرتك يا ميس بتسمعيله كل حصه برده و بيجيب عشره من عشره و نجمه صفاء / ايوه بسم الله ما شاء بس و انا بشرح بيقعد يبص يمين و شمال و يعاكس فى اخته و حتى و هو قاعد بيفضل يتحرك كتير و كل شويه يوقع حاجة و ينزل يجيبها

على / عيب يا يس الحاجات دي لو ميس صفاء اشتكت منك تانى نور / ثوانى بس يا حبيبي هو بس يمكن عشان اكل حلويات كتير النهرده فهيبر منها انا هبقي اخد بالى بعد كدا و مش هاكله سكر قبل الحصه … مش دى برده اول مرة يعمل الحركات دي يا ميس صفاء و لا حضرتك كنتى مستنيه باباه يجي تشتكيله على يبص لنور نور ترفع حاجبها يسكت و يشيل الحاجه و يدخل جوه

صفاء / اكيد لانور / لو كررها تانى نادينى و انا هعرف ازاى اعاقبه .. مش هعطلكوا اكتر من كدا هسيبكوا تشتغلوا و اشوف اللى ورايا عن اذنك نور تدخل تلاقي على واقف فى الطرقه تاخده و تدخل الاوضه و تقفل الباب على / خير نور / عاجبك يعني اللى هى عملته على / عملت ايه نور / ما تنقطنيش على / نور نور / انا طيبه اه و بحبك اه بس على / دى متجوزة نور / مطلقه على يستغرب نور / مطلقه يا على على / و دا اللى خلاكى تنجنى اوى كدا

نور / انجن … تحب اوريك الجنان الحقيقي و اطلع امشيها على / هو انا اللى جايبها نور / و انا كنت اعرف انكوا معرفه قديمة على / فى ايه يا نور مالك نور / انا رايحه اشوف اللى فى الفرن لو الست هانم تهمك تقدر تطلع تعتزرلها على / هى ما تهمنيش بس انتى تهمينى نور / لو كنت اهمك ما كنتش اخدت و اديت معاها على / انا !! نور / انت اصلا جاى بدرى ليه انت مش عارف ان دا معادها على / جيت اشوفها مثلان نور تبصاله

على / ما يمشيش معاكى انى تعبت مثلا و ما قدرتش اقعد نور / تعبت تقوم تجيب كل الحاجات دى على / هى دى سلامتك يا نور !! نور / ايوه دور على اى حجة و هات عليا الغلط يس يدخليس / المس مشيت و ما اخدتش واجب نور / احسن روح اللعب فى اوضتك يلا يس يجرى و نور تروح تقعد على السرير زعلانه

على / الحاجات دي كانت فى الليسته بتاعتك و مش انا اللى جايبها دا مسعد الطيار اديتله الورقه و راح ظبط و لما جه خدت الحاجه و على البيت بس واضح انى كنت فردت ضهرى فى المكتب ارح نور / براحتك على يبصلها و يكتم جواه على / طب فى غدى طيب نور تبصاله و تقوم نور / فى ثوانى نور تروح المطبخ و على يطلع بره يلاقي نغم بتكتب حاجات يروحلها على / بتعملى ايه يا نونو نغم / بعمل الواجب على / امال ميس صفاء ليه ما ادتش ليس واجب

نغم / عشان حل مساله صعبه صح على / و انتى ما حليتيش نغم / انا ما اخدتش جدول الضرب على / هههههههههههه انا اقصد على منهجك نغم / لا ما ادتنيش بس انا هخلص بسرعه بسرعه و العب على / تمام يا حبيبتى على يلم الكتب و الادوات كلها فى جنب نور تحط صينيه عليها طبق رز و طبق ملوخية و ربع فرخه و سلطه على / هاكل لوحدى و لا ايه نور / الاولاد اكلوا قبل الدرس على / و انتى ! نور / فارقه معاك يعنى

على يسند كوعه على الترابيزه و يسند عليها خده على / روحى اللعبى شوية يا نونو و بعدين ابقي كملى بعد ما اقوم لحسن اوسخ الكرسه الحلوه بتاعتك نغم تمد ايدها و تاخد طمطمايه من طبق السلطه نغم / اتوزعنا نور / بنت عيب على يضحك و نغم تدخل جوه نور / عاجبك كدا على يمسك ايد نور يقعدها على / فى ايه بقي قافشه عليا ليه نور / مفيش على / اوعا دا الموضوع كبير نور تبص الناحيه التانيه على يمسك ايد نور و يبوسها تبصله

على / غيره غير مبرره و الله نور / انت على / انا بحبك يا نونو والله كل ده ما ليه لزمه و يا ستى خلاص وعد منى هدخل على جوه علاطول دا لو كملت اصلا بعد اللى حصل نور / مضايق عشانها اوى على / يا لهوى ما تولع و انا مالى بيه نور / يا سلام على / بت اظبطى نكد الحريم ده انا ما ليش فيه ارجعى كدا نونو العقله بتاعتى نور تبص الناحيه التانيه على يحط شويه سلطه على الرز و يحطها على بق نور تفتح بقها و تاكل

على / ايوه كدا قومى هاتى طبقك بقى و تعالى افتحى نفسي و نادى العيال دول يكون حد فيهم جاع نور / والله لسه واكلين على / و ماله ياكلوا تانى نور / عنيا حاضر نور تدخل و على يقعد يقلب فى الرز فى الشركه بعد فتره حسام / طب لو حب ينتقم هدى / ينتقم من مين من مستر عدنان ما يولعوا ببعض حسام / دا انتى قادره … بس لحقتى تسبكى الليله دى كلها هدى / اسبك ايه و احمر ايه حسام يضحك و يكتمها هدى / انا هنا دورى انى امسك اخطاء على كل واحد

حسام / دا انا لازم اخد بالى بقي هدى / طول ما انت حبيبي هنضف وراك بس هخلى زبالتك عندى عشان لو يوم نسيت نفسك عليا افكرك حسام / حقك طبعا بس انتى بتلحقى تعملى كل ده ازاى و امتى هدى / ما انا مش لوحدى كلكوا بتساعدونى مش انت برده بتساعدنى يا سمسم حسام / يا نهار ابيض دا انا خدامك بس بالمناسبه بقي ماسكه عليا ايه هدى / ناوى تغدر حسام / من باب العلم بالشئ يعنى هدى / انت ماسك عليا ايه

حسام / ان كنتى انتى مش لوحدك فانا وسطيكوا بطولى و مش بطولى بس دا انا جاى و شايل اهلى على كفى يعنى خلصان خلقه هدى / تؤ مش مصدقاك حسام / والله ما معايا حاجة حتى الكام صورة اللى لينا سوا ادانه ليا ندى لو شافتهم هتولع فياه هدى / انت بتديها اهميه عالية اوى حسام / حاولت والله كتير بس ادمان زعلها بيوجعنى و بعدها بيجننى و اللحظه اللى بتحن عليا فيها بالدنيا هدى / كدا هغير منها امال مين نور دى حسام / اختى الصغيره

هدى / حلوه زيك كدا حسام / و هو انا حلوه هدى / لما تلاقى حاجة تخلع بيها من ندى ابقي اقولك حسام / ما بلاش مش كل مرة تسلم الجرة هدى / براحتك هدى تسيب المكان و تمشي و حسام متابعها فى عياده النسا نور / يعنى ايه بعد كل ده الدكتوره / انتى عارفه ان احتمال الحمل من الاول كان ضعيف نور / بس انتى اديتيني امل ما كنتى اختصرتى عليا اللفه دى زى غيرك و قولتى انى ما بخلفش على / نور نور / بلا نور بلا زفت نور تعيط ياخدها فى حضنه

على / وحدى الله يا نور نور / مش بعد كل ده الدكتوره / انتى ما ينفعش تفقدى الامل من اول مرة نور تبص لها نور / طبعا نكررها مرتين تلاته عشره و انتى خسرانه ايه على / عيب يا نور مالك اهدى نور / حد فيكوا اتوجع قدر حد فيكوا تعب قدى على / دا رزق نور / انا بصلى و بصوم و بطلع زكاه ما باذيش حد بساعد الناس ما بيرزقنيش ليه على / لا اله الا الله حرام عليكى نور تقوم و تفتح باب العياده و تمشي على / انا اسف حقيقي اسف

الدكتوره تهز راسها على يطلع يجرى ورا نور يلاقيها ماشيه فى الشارع يحصلها على / على فين يعنى و بعدين ايه حركات العيال دى نور / انا محتاجه ابقي لوحدى على / مش هيحصل ما ينفعش اصلا اسمعى تعالى نروح نقعد فى مكان هادي على النيل … اقولك تيجي نروح نجيب لقمه و ناخد مركب و نقضي اليوم بعيد عن الناس فى النيل نور / بقولك محتاجه ابقي لوحدى مخنوقه على / و انا كمان والله مضايق بس مضايق عشانك نور / كنت بدات احلم كنت بدات اصدق

على / قولنا هنمشي الطريق لاخره نجرب تانى و تالت نور / ازاى بس على / مش شغلك بقي ربنا هيرزق نور تسيبه و تمشي يحصلها على / مش هجرى وراكى فى الشارع ما تعصبينيش بقي نور تمسح دموعها يمسك ايدها و ياخدها تركب العربيه على / تحبى نتفسح لوحدنا و لا نجيب العيال نور / روحنى و خلاص على يبصلها بحزن و يهز راسه و يسوق فى شقة امانى امانى / الدكتوره قالت ترتاح لكن ازاى ترتاح و هى شغاله داده لاولاد الشوارع

محمد / انتى من الاول عارفه ان نسبه نجاح العمليه ضعيفه امانى / البت مقهوره على الاخر خايفه تعمل فى نفسها حاجة محمد / انا هروح اجبلها حاجة حلوة و اطلع اقعد معاها امانى / ما كنت قعدت انا انما دخلت قفلت على نفسها و ما رديتش ترد علي محمد / و انتى ما صدقتى سبتيها و نزلتى امانى / لا طبعا بس عريس الهنا قالى انزل و هو هيفضل جنبها محمد / ماشى محمد يلبس امانى / هتخرج بره محمد / امال اقعد جنبك هروح اجبلها حاجة تغير مودها

امانى / هاتلها ورد و لا شيكولاته بتحبهم محمد / على امانى / اللهمحمد يمشي و امانى تقفل الباب وراه و تدخل المطبخ فى شقة نور نور نايمه فى السرير و واخده نغم فى حضنه نغم / هو الدكتوره كتبتلك حقن تانى نور / مش هاخد حقن تانى ما تخافيش نغم / امال زعلانه ليه نور / عملتى واجبك نغم / تيته منال عملتلنا جلاش و ساندوسه نور تبتسم نغم / حطت بسله مع اللحمه و فلفل احمر مع الجبنه و الزاتون انا مش بس الزاتون بتاعها كان وحش

نور / تحبى اعملك حاجة تاكليها على يدخل شايل صينيه عليها حاواوشي على / الحواوشي السخن اللى بيشر سمنه يس يدخل يقعد على السرير جنب نور نور / نغم اكلت ساندوسه يس / يووووه انتى مش هتتعلميها بقي نور / و انا صغيره كنت بقول عليها القطايف المثلثه على يقعد و الصينيه على رجله