رواية سلف و دين الفصل السابع 7 - بقلم لولو محمد

حسام / وقاحة وقلة أدب. تصدق إني أنا اللي غلطان إني فضلت سهران طول الليل جنبك أعملك كمادات. إنت كنت مولعة امبارح يا هانم. ندي / إنت بتقول إيه؟ حسام / وبالنسبة لهدومك أنا ما غيرتهاش عشان هموت وأشوف جسم حضرتك. لا، فوقي. أنا اضطريت أعمل كدا عشان هدوم حضرتك كانت غرقانة ميه من الكمادات وخفت تعييي زيادة. ندي تبدأ تلين. حسام / وبالنسبة لهدومي، ممكن تفهمي إيه اللي جرالها لما تخشي الحمام وتشوفيها؟ ولا على إيه؟

بصي في الأرض واستنتجي. خدت إيه؟ أنا من سهري جنبك راحت عليا نومة. إيه، أجرمت؟ ندي / حسام. حسام بعصبية. حسام / نعم؟ ندي / أنا... حسام / إنتي إيه؟ ندي / أنا آسفة. بس حط نفسك مكاني. أنا اتخضيت. حسام / أنا ممكن أعدي أي حاجة يا ندي. ممكن أسامح في أي حاجة إلا إنك تتهميني إني بستغلك. إنتي متخيلة إني ممكن أئذيكي بالشكل ده؟ إنتي إزاي أصلاً عقلك يصورلك إني ممكن أعمل حاجة زي دي؟ ندي / أنا آسفة، بس ما كانش يصح تغيريلي هدومي برضه.

حسام / برضه بتقولي هدومي. ندي / الله! حسام / كنت أعمل إيه؟ قوليلي أعمل إيه؟ ندي / ما أعرفش. حسام / بس إنتي معاكي حق برضه... هووووووف... أنا آسف. أنا ما كانش المفروض أعمل كدا. بس بجد ما كانش قدامي حل تاني. وما كنتش نايم. وما فكرتش. أنا بجد آسف. أنا محرج منك أوي. ندي تبص في الأرض وتهز راسها. حسام / البسي أي حاجة وتعالي نروح المستشفى نكشف عليكي.

ندي / لا، ما لوش لزوم. أنا حاسة إني كويسة. وبعدين ما يصحش نمشي ونسيب الأوضة بالمنظر ده. حسام / ما لكيش دعوة. أنا هقولهم يبعتوا حد ينضفه. ندي / حرام تدعي عليا. حسام / ده شغلهم يا نونو. بياخدوا عليه فلوس. ندي / أكيد ما بياخدوش. كفاية إنهم ينضفوا القرف ده. معلش، انزل إنت ساعة وأنا هحصلك. تمام؟ حسام / مش هيحصل. مش هقدر. خلاص، اللي تشوفيه. أنا هساعدك ونخلص بسرعة ونروح المستشفى. ماشي؟

ندي / صدقيني أنا كويسة. مفيش أي لازمة لمستشفيات. صدقيني. حسام / أكيد اتحسدتي عشان كنتي قمر في الصور. ندي / اتحسدت على إيه يا حسرة؟ وبعدين مين اللي هيحسدني يعني؟ ما حدش شاف الصور غير أهلي. حسام / أحلى حاجة فيكي إن الدنيا لسه ما أثرتش عليكي. لسه طيبة وبريئة كأنك عيلة صغيرة. حقد الناس وقرفهم لسه ما لمسكيش. ندي تبتسم. حسام / خليكي كدا يا ندي. أوعي تكبري. أوعي تتغيري. ندي / ربنا يسهل. هههههههه. ***

في نفس المطعم اللي جنب الكلية. غادة / طبعاً إنت عارف إن بابا قرر يفتح فرع جديد للشركة في لبنان. عمر / بجد!!! مبروك. غادة / معقول ما قولتكش؟ عمر / ههههههههههه. وإنتي المفروض بتقوللي كل حاجة يعني؟ ولا إيه؟ غادة / وإنت مش واخد بالك ولا إيه؟ أكيد ما جتش فرصة خصوصاً إن الفترة اللي فاتت ظروفك يعني. المهم عدت الحمد لله. عمر / الحمد لله.

غادة / المهم، بابا هيسافر لبنان الفترة اللي جاية. وطبعاً الشركة في مصر هتبقى تحت رعايتي أنا. عمر / مسكين يا عمو أمجد. هترجع تلاقي نفسك مفلس. هههههههه. غادة / ها ها ها. سو فانى. عمر / جداً. غادة / المهم، نوعاً ما معاك حق. فأنا استأذنت بابا إنك تكون معايا. عمر / فين؟ غادة / في مزنبيق. عمر / وإنتي هتسافري مزنبيق ليه؟ غادة / لا، كدا كتير أوفر بجد يا ابني. إيه اللي هيوديني موزنبيق أنا؟ عمر / وأنا أشرفني؟

ما إنتي اللي بتقولي. غادة / عمر. عمر / غادة. غادة / تاني؟ أنا حددتلك مع بابا يوم الخميس عشان تيجي تعمل إنترفيو. عمر / وإنتي مين قال لك إني بدور على شغل بعد الضهر؟ غادة / أنا عارفة إنك ما بتدور. وأنا مش بجيبلك شغل. أنا بطلب منك تساعدني بصفتك صديقي الوحيد والشخص الوحيد اللي بثق فيه إنه مش هيغرقني. بس ذات أذ أول. عمر يبصلها. غادة / أوك. فكر وخد وقتك. قدامك لحد الخميس الساعة اتنين في الشركة. إنت عارف العنوان صح؟

عمر / ههههههههههههههههههه. غادة / كنت متأكدة إنك مش هتكسفني. عمر يبصلها وهو مبتسم وحاطط إيده على خده. غادة تبص بالصدفة على الشارع تلاقي أية واقفة بتبص عليهم وحاضنة شنطة. غادة / اممم. أية هنا. عمر يبص وراه يلاقيها. غادة / أنا كنت فاكرة إنك حليت مشاكلك معاها. هي بتيجي ليه تاني بقى؟ عاوزة منك إيه دي؟ عمر / هقوم أشوفها ثواني. عمر يقوم ويطلع من المطعم ويقف قدام أية. أية / قبل ما تقول أي حاجة، أنا جاية عشان أديك الشنطة دي.

عمر / شنطة إيه دي؟ أية / فلوسك. أنا عارفة إنك ما أخدتهمش عشان مستخسرهم. بس صدقني، أنا معايش أديك أكتر. عمر / أنا مش عاوز منكوا حاجة. اللي ما تمتعتش بيه وأبويا عايش، ما يلزمنيش. بعد ما مات، أية. أنا مسامحك على كل حاجة. ومسامح مامتك كمان. كل اللي أنا طالبه إنك تبعدي عني وتنسيني خالص. أية / بالبساطة دي؟ عمر / وأبسط من كدا. ما عادش في بنا أي حاجة تربطنا. أية / وهو اللي كان رابطنا عم محمود وبس؟ عمر / للأسف.

أية تبص لعمر وهي بتعيط. أية / عمر. عمر / أبوس إيدك ما تعيطيش. أنا تعبت. أية / أمال أنا إيه؟ عمر / أنا آسف، بس أنا ما قصرتش في حقك. عملت اللي عليا وزيادة. أية / اديني فرصة أعمل اللي عليا أنا كمان. عمر / عملتيه وكتر خيرك أوي. أية / إنت ليه عاوز تيتمني تاني؟ أنا ما صدقت إنك ظهرت في حياتي تاني. أنا ما صدقت إنك رجعت... رجعتلي. عمر / أنا مش عارف أقولك إيه.

أية / ما تقولش حاجة خلاص. أنا آسفة. وأوعدك إنك مش هتشوفني تاني. أوعدك إني هخرج من حياتك لو ده هيريحك. أية تمسح دموعها. عمر / يبقى كتر خيرك. أية / خد فلوسك. عمر / حلال عليكي. أنا مش عاوزها. أية تحاول تداري دموعها. أية / أنا جيت بيهم وأنا حاطة إيدي على قلبي. خدهم. عمر / فطرتي؟ أية تسكت. عمر / تعالي افطري معانا و نوصلك في طريقنا. أية تبص من الإزاز تلاقي غادة بتبص عليهم. أية / مش عاوزة أقطع قعدتكوا. ما بحبش أكون عزول.

عمر / غادة مجرد زميلتي في الشغل. زميلتي من أيام الكلية وزميلتي في الشغل مش أكتر. أية وشها ينور. عمر / أنا طبعاً مش مجبر أوضحلك لأنه حاجة ما تخصكيش. أية / ما تخصنيش خالص. عمر / بس حبيت أقولك. المهم، تعالي افطري. أية تهز راسها وتدخل معاه. عمر / غادة. أية. أية، غادة. اقعدي يا أية، كلي. غادة / أهلاً. أية / أهلاً. *** في المطعم عند علي. أنور / علي، علي. علي / أيوه يا حج. أنور / عملت إيه في موضوع السفر؟

علي / والله ما عملتش حاجة. انشغلت. أنور / كويس. تعال. أنور يقوم ويدخل العمارة وعلي وراه ويدخلوا المكتب وأنور يقفل الباب. علي / في إيه يا حج؟ أنور / اقعد يابني عاوزك في كلمتين. علي يقعد. أنور / بص يا علي، إنت عارف إن ربنا ما أكرمنيش بعيال. وأنا مهما عشت أيامي معدودة. علي / ليه بس الكلام الوحش ده يا حج؟ ما تقولش كدا.

أنور / أنا ماليش إخوات وقرايبي في البلد عقارب. ما شوفتش منهم في حياتي غير الأذى. هما السبب إني أسيب بلدي وأجي مصر. حتى مراتي ما سلمتش من أذاهم. وبصراحة مش ضامن يعملوا فيها إيه بعد ما أموت. علي / ما تقلقش يا حج، ربك ما بينساش حد. أنور / بص يا علي، إنت راجل جدع وابن حلال. وأنا اللي مربيك من سنين. علي / وجميلك في رقبتي ليوم الدين. أنور / أنا بعتلك كل اللي حلتي. أنور يطلع ملف ويديه لعلي. علي / إيه ده يا حج؟

أنور / العقود، بيع وشرا. كل حاجة حلتي كتبتها باسمك. بس عاوزك تعاهدني. علي / من غير ما أعاهدك. أنا مش هقبل الحاجات دي. أنا ما استحقهاش. وربنا يديك طوله العمر وتعّيش وتاخد بالك من حاجتك. أنور / ما أنا عشت يا علي. عشت وخدت بالي من حاجتي وكبرتها لحد ما بقت زي ما إنت شايف. وجه الوقت اللي آخد إجازة بقى وأرتاح. علي / وماله. ارتاح. وأنا هبقى أجيب الحسابات وأيجي أراجعها معاك كل فترة. أنور يبتسم.

أنور / أنا كدا ارتحت يا علي. عشان اطمنت إن العمال اللي في المحل مش هيتشردوا من بعدي. والبيوت اللي مفتوحة بسببى مش هتتقفل. ارتحت لأني عارف إني مش هتبهدل في آخر أيامي. لا أنا ولا مراتي. علي / يا حج، بلاش الكلام ده. وبعدين... أنور يمسك إيد علي. أنور / أنا خدت قراري وبلغتك بيه عشان ده آخر يوم ليا في المحل. علي / أنا مش هقدر على الأمانة دي يا حج. أنور / لو ما كنتش قدها ما كنتش شيلتهالك. علي / يا حج، أبوس إيدك بلاش.

أنور / لو مش إنت مش هيكون حد تاني أصلاً. علي / يا حج، أرجوك اسمعني. أنور / سمعتك. وردي عليك إن لما أبوك يقول كلمة ما تكسرالوش. يا علي، يلا أنا ماشي بقى. هاخد المدام ونسافر كام يوم نتفسح ونعيش اللي ما عشناهوش. هههههههههههههههههههه. علي مصدوم. أنور / سلام يا علي. علي يبصله وساكت. أنور يخبطه على كتفه. أنور / قول مع السلامة ياله. علي يبتسم ويبص في الأرض. علي / مع السلامة يا حج.

أنور يطلع من المكتب ويروح على الشاورما يلاقي أحمد واقف. أحمد / علي، فين بدري كدا يا حج؟ أنور / مسافر وهاخد إجازة حبة. من بعدي علي هو المدير. محدش يتعبها. أحمد / أمرك يا حج. أنور / مع السلامة. أحمد / بالسلامة يا حج. *** في الفندق. حسام / أخيراً خلصنا. ندي / أنا ضهري اتقطم. حسام / ضهرك إيه ياختي؟ وإنتي كنتي عملتي إيه؟ ندي تضحك.

حسام / الست تدعي علينا. أنا هعملها. ولا بتعرفي تنضفي ولا بتعرفي تميلي. وأنا اللي اتبسطت في الآخر. ندي / الله! أعملك إيه يعني؟ حسام / هش و لا كلمة! ليكي عين تبجحي كمان؟ دانا هرقد يومين. ندي / ربنا يخليكي يا ماما. هيرقد من تنضيف أوضة. حسام / أحب أفكرك إن ماما مش هتسافر معانا. الضحكة تروح من على وش ندي. حسام / مالك وشك قلب كدا ليه؟ هو أنا قولت حاجة غلط؟

ندي / لا. بس إنت معاك حق. أنا كنت طول الوقت مركزة في دراستي وبس. لا بعرف أطبخ ولا أنضف ولا أغسل ولا أعمل أي حاجة. ودلوقتي... حسام / ما فرقش حاجة. أنا وإنتي هنحط إيدينا في إيدين بعض. حسام يمسك إيديها. حسام / ونتعلم سوا. ندي / بجد؟ حسام / بكره تبقي بريمو في كل حاجة. وأجدع من أجدع ست بيت. وبكره تقولي حسام قال. ندي / ربنا يسهل. حسام / فكيها بقى. ما بحبش أشوف البوز ده. ندي تبتسم. حسام يمسكها من دقنها.

حسام / أيوه بقى. خلي الشمس تطلع. بقولك، روحي البسي بسرعة عشان نازلين. ندي تهز راسها وتمشي. *** قدام عمارة أية. غادة تركن العربية. أية / شكراً. غادة / العفو على إيه؟ أية / هتعوزوا مني حاجة؟ غادة / ميرسي. ما نتحرمش. أية / أنا ماشية. غادة / مع السلامة. أية تبص على عمر قاعد قدام ومش بيعبرها. تفتح الباب وتنزل وتطلع. وغادة تطلع بالعربية. غادة / مدام مش طايقاها أوي كدا. خلتها تفطر معانا ليه؟ وكمان طلبت إني أوصلها.

عمر / مش حوار. مش طايقاها. غادة / أمال ما ردتش عليها ليه؟ كانت بتكلمك إنت على فكرة. عمر / عشان عاوزها تبعد عني. مش عاوزها تلاقي مني أي معاملة حلوة فتفهم غلط وتفضل لازقالي. غادة / كنت خلتها تمشي من الأول. عمر / الشنطة اللي معاها فيها فلوس وخافت تتسرق منها. غادة / فلوس إيه؟ عمر / يووووه يا غادة. غادة / آسفة. عمر / أنا اللي آسف بجد. مخنوق. اركنيني في أي جنب.

غادة / إنت مش ملاحظ إنك كل ما تضايق ما بتطلعش همك غير فيا وأنا مستحملاك؟ عمر يبصلها. غادة تركن. عمر / أنا آسف. وعلى فكرة أنا مقدر أوي إنك مستحملاني. بس أنا تعبان، مخنوق ومش قادر. غادة / وده واضح عليك. وصدقني أنا بحاول أساعدك. عمر يبص في الدواسة وينفخ ويسكت. غادة / أوك أوك. أنا مش هضغط عليك. أنا هوصلك تمام؟ عمر / لا، أنا هتمشى يمكن أفك شوية. هكلمك بالليل. تمام؟ غادة / تمام. *** في المطعم. أحمد / مالك يابني؟

هو الحج قالك إيه جوه؟ علي ميردش وسرحان. أحمد / علي، علي، إنت يابني بكلمك. علي / إيه؟ أحمد / اللي واخد عقلك مش كدا؟ في إيه؟ مالك؟ علي / ماليش. أحمد / بقولك مالك؟ مسهم من ساعة ما خرجت من مكتب الحج. علي / مفيش حاجة يابني. سرحت شوية. ما تعملش حوار. أحمد / صحيح، بخصوص موضوع السفر اللي كنت كلمتني عليه. علي / ما لوش لازمة. أحمد / يا سلام. بعد ما كلمت الناس. علي / حقك عليا يا أحمد والله. كنت ناوي بس الظروف اتعبلت فوق نفوخي.

أحمد / وإيه يعني؟ وهي من إمتى ظروفك كانت عدلة أساساً؟ دانا من يوم ما عرفتك وإنت متكحور. علي يبصله بحزن. أحمد يخبط بالراحة على ضهره ويبتسم. أحمد / بس إنت طول عمرك كنت قدها يا صاحبي. مالك؟ في إيه؟ احكي لأخوك. علي / الشيلة تقلت عليا. أحمد يبص ورا علي. أحمد / أوبااااا. علي / في إيه؟ أحمد / العروسة.

عربية حسام تركن تحت بيتها وحسام وندي ينزلوا. ندي تبص على علي. حسام يلف لها ويحوطها بدراعه وياخدها ويطلعوا وهي بتحاول تبص على علي وعلي عينه معاها. أحمد / إيه؟ إنسى بقى. علي / خاسّة كأنها ما بتاكلش. أحمد / هههههههه. تلاقيها مش فاضية تاكل. بتشقى. ههههههههههه. علي يقوم ويزق أحمد ويطلع وأحمد بيجري وراه. أحمد / بهزر بهزر. إنت يابني بهزر... يووووه زعل. *** في شقة أية.

أية تطلع البلكونة تنشر الغسيل تلاقي عمر واقف الناحية التانية ساند على عربية. يشوفها يقوم ويمشي ويقف بعد شوية ويبصلها تاني وهي عينها معاه بلهفة. يبص الناحية التانية ويتنهد ويبصلها. تدخل تجري على جوه. أية / ماما، أنا نازلة أجيب حاجة حلوة. نفسي هفّاني على شيكولاتة. سمر تطلع من المطبخ. سمر / ما إنتي كنتي بره؟ أية / كنت فاكرة إن عندنا وما لقيتش. مش هتأخر. ماشي؟

سمر / هاتيلى معاكي كيس ملح وكيلو مسحوق أوتوماتيك وخدى فلوس من البنك. أية / تمام تمام. ثواني وجاية. أية تلبس الشوز من على الباب وتنزل بعباية الشارع. تبص يمين وشمال تلاقي عمر بعيد. تجري عليه. يحس بيها يبص ويقف. عمر / في إيه؟ إنتي كويسة؟ أية / إنت بتعمل إيه هنا؟ عمر / هنا فين؟ أية / إنت مش قولت... عمر / أنا عارف أنا قولت إيه. أنا بتمشى في شارع الحكومة. أية / إنت ما كنتش بتتمشى. إنت كنت قاعد قدام البيت.

عمر / ده كان بيتي. اتولدت وتربيت فيه. ماشي؟ أية / إنت ليه قاسي عليا أوي كدا؟ عمر / مستنية مني إيه؟ أية / هو إحنا ما ينفعش نرجع زي زمان؟ عمر / ما ينفعش. حتى لو عاوزين. أية / لا. لو عاوزين هنقدر. مفيش حاجة هتمنعنا بس نكون عاوزين. عمر / أنا لازم أمشي. أية تمسك إيده. يبصلها. أية / إنت عاوز نرجع زي زمان صح؟ عمر / سلام يا أية. عمر يسحب إيده من إيد أية ويسيبها ويمشي وهي تبص عليه بحزن وترجع البيت وتقفل الباب.

سمر / جبتي المسحوق؟ أية / ها. سمر / الله! أمال نزلتي ليه؟ أية / نسيت آخد البنك وما افتكرتش إلا لما روحت هناك. سمر / اللي واخد عقلك ياختي. خلاص مش مشكلة. هبقى أجيب وأنا نازلة. أنا هغرف. تعالي ساعديني. أية تهز راسها. *** في شقة ندي. مها / حبيبة قلبي! وحشاني وحشاني وحشاني. ندي / وإنتي كمان يا ماما. مها / تعالي ساعديني في المطبخ نحط الأكل. ندي تهز راسها وتدخل.

حسام / بالراحة عليا في النميمة لا أشرق منكم. ههههههههههههههههههه. مصطفى / اقعد. اقعد. عاوزك. حسام / خير يا عمي؟ مصطفى / إنتوا عاملين إيه؟ طمني عليكوا. حسام / الحمد لله. كله تمام. مصطفى / ما عرفتش أتكلم معاك في البيت عندكوا عشان كدا طلبت إنك تيجي هنا ناخد راحتنا. حسام / في إيه يا عمي؟ قلقتني. مصطفى / ندي. حسام / مالها؟ مصطفى / عاملة معاك إيه؟ حسام / كويسة. هتعمل إيه يعني؟ مصطفى / ندي ما بتبصليش. ما بتردش سلامي حتى.

حسام / هي زعلانة منك شوية. حضرتك عارف هي قد إيه عنيدة. مصطفى / وإزاي اتكلمت معاك بالسرعة دي؟ إزاي أقنعتها توافق؟ حسام / ما كانش سهل أعترف، بس هي عارفة قد إيه بحبها. ولما شافت الفرح والفستان والفندق وعرف إنها هتسافر الإمارات، طبعاً اقتنعت. مصطفى / تمام. ربنا يطمنك. حسام / اطمن يا عمي. *** في المطعم. مها / طمنيني. عاملة إيه مع حسام؟ ندي / الحمد لله. مها / كويس معاكي؟ ندي / آه طبعاً. بصراحة كتر خيره أوي.

مها / حسام ابن عمك ومن لحمك ودمك. وما فيش حد هيصونك ويخاف عليك قدّه. ندي تهز راسها. مها / وبعدين هي الواحدة منا هتعوز إيه أكتر من واحد يكون بيحبها؟ وحسام بيموت فيكي. ندي تهز راسها. مها / مالك يا ندي؟ فيكي إيه؟ ندي / مفيش. أنا كويسة. مها / أمال ما بتكلميش أبوكي ليه؟ ندي / عادي يعني. مفيش حاجة. مها / خدي حطي الأطباق على السفرة وتعالي خديهم مني. ندي / حاضر.

ندي تاخد طبقين وتطلع بره تحطهم على السفرة. ترفع عينها. ستارة شيفون بيطيرها الهوا من وراها. علي واقف في بلكونته. تقف وتبص عليه. حسام يدخل ويقفل البلكونة. حسام / إنتي لسه تعبانة؟ مها تطلع من المطبخ شايلة صينية. مها / تعبانة مالها؟ حسام / إيه يا عمتو؟ ما تقلقيش. دور برد خفيف. وبعدين مهي قدامك أهي كويسة. مها / إنتي كويسة يا حبيبتي؟ ندي تهز راسها وتدخل المطبخ وهي بتمسح دموعها.

حسام / والله قولتلها نروح لدكتور نطمن أكتر. قالت أنا كويسة. مها تطبطب على كتف حسام وتدخل المطبخ تلاقي ندي بتعيط. أول ما تشوف أمها تمسح دموعها وتعمل نفسها بتاخد صينية. مها تمسك إيديها. مها / ندي، مالك يا ضنايا؟ بتعيطي ليه؟ ندي تسيب الصينية وتدخل الحمام وتقفل عليها الباب. *** على السفرة. الكل قاعد بياكل وندي بتبص للطبق وسرحانة. حسام يمسك إيديها. تبصله. حسام / إيه يا قلبي؟ ما بتاكليش ليه؟ حسام يبوس إيدها.

ندي / معلش. أنا آسفة. بطني مقلوبة شوية. أنا بجد آسفة. مها / خير يا قلبي؟ أعملك كوباية ينسون تهدّي معدتك؟ ندي / أنا هقوم أعمل نعناع. مها / لا بلاش. لتكوني حامل بس. حسام / هههههههههههههههههه. حامل إيه بس يا عمتو؟ مها / إنت مش قولت من امبارح بطنها مقلوبة. حسام / وهو الحمل بيحصل في أسبوع؟ الأعراض دي على الأقل مش قبل شهرين. مها / أووووووووف. كسرتي فرحتي يا حسام.

حسام / حقك عليا. وبعدين ملحوقة قريب بإذن الله. هنبلغكم البشارة. مش كدا يا قلبي؟ حسام يبوس إيد ندي تاني. ندي تسحب إيدها وتقوم. ندي / عن إذنك. ندي تقوم تدخل أوضتها. تبص من الشباك على البلكونة. مفيش حد. تبص في الشارع. مفيش حد. حسام يدخل يحط إيده على كتفها. تبصله وتبص في الأرض. حسام / بلاش تخلي مامتك تضايق أكتر من كدا. ندي / أنا تعبانة أوي يا حسام. تعبانة بجد. ندي تعيط. حسام ياخدها في حضنه ويطبطب عليها.

ندي / مش لاقية حد أتكلم معاه ولا حد يسمعني. مش قادرة أستحمل. مش قادرة أمثل. حسام يرفع عنيها لعنيه ويمسك خدودها بإيديه. حسام / كله هيبقى تمام. أوعدك. كله هيبقى أحسن. ندي تهز راسها. حسام يوطي على راسها يبوسها. مها تدخل ومعاها كوباية ينسون. مها / احم احم. حسام يبعد خطوة. مها / الله! هو أنا هبقى عازولكم ولا إيه؟ لا خدوا راحتكم. أنا عملتلك الينسون عشان يريح معدتك. هروح أنا بقى أكمل أكل. حسام / الف هنا.

مها / تحب أجيبلك أكلك؟ حسام / أنا شبعت. تسلم إيدكم. مها / تمام. مها تطلع وتقفل الباب. حسام / تفتكري خدت بالها إنك بتعيطي؟ ندي / ما اعرفش. حسام / لا بإذن الله ما أخدتش بالها. بإذن الله عدت على خير. *** قدام البيت. حسام وندي نازلين. ندي تفتح باب العربية عشان تركب. عمر معدي. يبصلها. يتف في الأرض ويطلع. عنيها تدمع. حسام / اركبي يا نونو يلا. ندي تمسح وشها وتركب. *** في الشقة عند علي.

علي وعمر كل واحد نايم في سرير وباصين للسقف. وفجأة هما الاتنين ينفخوا. يبصوا لبعض. عمر / مالك؟ علي / العادي بتاعي. وإنت مالك؟ عمر / سيبك مني. إنت مضايق عشان ندي؟ شوفتها النهاردة. باين كانت عند أمها مع اسم النبي حارسه وصاينه. علي / شوفتها. عمر / وده اللي مضايقك طبعاً؟ علي / أحسن. عمر / إياكش تولع. علي يقوم يقعد. علي / ليه كدا يا عمر؟ عمر / إنت لسه بتدافع عنها بعد كل اللي عملته؟ علي / ما...

ما اعرفش. بس ما تدعيش عليها. ملناش دعوة. ملايكة بترد عنها. إحنا ناقصين يا أخي. عمر / والله؟ طب وماله. معاك حق برضه. علي / أصلاً مش ندي السبب في اللي أنا فيه. عمر / أمال؟ علي / الحج أنور. عمر / ماله؟ الحج؟ ليكون عيان ولا حاجة؟ علي / مش عارف. خد شوف بنفسك وقولي فهمت إيه. علي يفتح درج الكومودينو ويطلع ملف ويديه لعمر. عمر يبص ويندهش. عمر / الكلام ده بجد ولا أنا بحلم؟ علي / ده مش حلم. ده كابوس.

عمر / إنت خدت على الفقر ولا إيه يابني؟ أخيراً الدنيا ضحكتلك. أخيراً لقيت اللي يعوضك عن كل اللي عيشته في حياتك. أوعى ترفض النعمة لتزول يا علي. علي / أنا ما استاهلش الحاجات دي. عمر / وما كنتش تستاهل كل الحاجات الوحشة اللي حصلت في حياتك. يمكن ربنا بيعوضك خير. يمكن ربنا عاوز يوري الناس ال... ولا بلاش. بتزعل. يوري جيران الهنا اللي رفضوه بقى إيه؟ في كام يوم. علي / وفرق عن جوزها في إيه؟ هو أبوه ساعده وأنا الحج ساعدني.

عمر / الفرق كبير يابني. هو الدنيا ما علمتهوش زي ما علمتنا. بقولك إيه؟ أنا عارف إنت شايل الهم ليه؟ مش عشان الفلوس وكدا. إنت خايف تكون الأمانة تقيلة عليك. علي / أيوه يا عمر. الحج أنور بيأتمن على نفسه وبيته ومراته من بعده... بعد عمر طويل طبعاً. وكمان العمال والشغل. عمر / وده لسبب واضح إنه شافك قدها يا علي. ولو حاجة زي دي إنت مش قدها مين قدها يعني؟ أنا مثلاً. علي / ليه؟

إنت معيد شاطر ومعاك شهادة عالية وهتحضر ماجستير إن شاء الله وتبقى دكتور في الجامعة. ناقصك إيه؟ عمر / صحيح نسيت أقولك. غادة يا سيدي. علي / مالها؟ عمر / عايزاني أشتغل معاها في شركة أبوها. علي / خير وبركة. اهو خبرة وفلوس. في إيه أحسن من كدا؟ لو تسمع. أنا حاسس إن البت دي عينها منك أصلاً. هتلاقي زيك فين أساساً. عمر / هههههههه. إنت بتقول إيه يا راجل؟ غادة دي زي أختي. ما تقولش كدا. علي / وإيه يمنع؟

عمر / مش الفكرة يعني. بس أنا وهي زملا من سنين. علي / بتشتغلوا سوا وبتكلمك كتير جداً وبتحكيلك تفاصيل حياتها وبتستشيرك في كل صغيرة وكبيرة. عمر / بصفتي صديق يعني. مش شرط. علي / يمكن... أو يمكن في حاجة تانية. عمر / إيه؟ حاجة تانية إيه؟ تقصد إيه؟ علي / ههههههههههههههههههههه. إنت شوفت أية النهاردة؟ عمر / ها؟ علي / اممم. جتلك الكلية برضه. عمر / عادي يعني. كانت جايبالي الفلوس. علي / أمها بعتاها تسكتك يعني؟

بعد ما عملتلك مشاكل في الكلية مع العميد؟ يعني... عمر يبص لعلي. علي / الست دي مستعدة تعمل أي حاجة عشان توصل للي هي عاوزاه. حتى لو هتستغل بنتها. بس أنا قولتلك إنها هتجيلك صح؟ عمر ينفخ. علي / وبعدين بعد ما جت إيه اللي حصل؟ عملت إيه معاها؟ احكيلي كل حاجة بالتفصيل. عمر يبص لعلي. *** بعد فترة. في الفندق. حسام / كل حاجة جاهزة للسفر. متأكدة إننا ما نسيناش حاجة هنا ولا هنا في الأوضة؟ ندي / لا. أنا قلبت الأوضة حتة حتة.

حسام / تصدقيني لو قولتلك إني لسه مش مصدق إنك هتسافري معايا؟ ندي / أنا نفسي مش مصدقة. حسام / إنتي أصلاً ما تعرفيش أنا هناك بحس إني يتيم. لولا المرات اللي كنتي بتسألي عليا فيهم من الفيس، مش عارف كان هيجرالي إيه. ندي / إنت مكانلكش أصحاب هناك؟ حسام / وإنتي مش عارفة المصريين ولا إيه؟ تعرفي أي وافدين من أي بلد كان بيقفوا جنب بعض ويساعدوا بعض. إلا إحنا. كل واحد بيعمل كل اللي يقدر عليه عشان يكعبل زميله ويطلع على قفاه.

ندي / طب وصاحبك اللي خلص لنا الورق؟ حسام / أكيد ما عملش ده لوجه الله يعني. لما أروح هظبطه. ندي / ماشي. حسام / مالك؟ اضايقتي ليه؟ ندي / يعني فكرة إني أكون في بلد غريبة لوحدي بعيد عن صحابي وأهلي مش عارفة. حسام / إيه ده؟ ما أنا هكون معاكي. هكون صحابك وأهلك. مش هخليكي محتاجة حد في الدنيا أبداً. ندي / أكيد. بس إنت هتكون في الشغل فترات طويلة. حسام / وإيه يعني؟

أنا هكون في الشغل وإنتي نايمة. الصبح تصحي تظبطي نفسك وتفطري وتتفرجي على فيلم أو مسلسل أو حتى تقري كتاب. وقبل ما تحسي هتلاقي إني جيت. نتغدى ونفضل مع بعض طول الليل لحد ما أنام. عاوزة تخرجي؟ نخرج. عاوزة سينما، شوبينج، أي كان اللي إنتي عاوزاه، أنا معاكي. ندي / أنا حتى ما ودعتش صحابي. أصلاً زمانهم زعلانين مني إني ما عزمتهمش على فرحي حتى. حسام / معلش. لما تكلميهم ابقي اشرحيلهم. ولو هما صحابك بجد أكيد هيعذروكي.

ندي / أصلاً اللي مصبرني إنه فاضل شهر ونص ولا حاجة وأرجع لهم. وأهو بالمرة الترم ما يروحش عليا. حسام / ربنا يسهل. ربنا يسهل. أنا هدخل أشوف إن كنا ناسين حاجة. *** في شركة غادة. غادة / مبروك يا سيدي. اتفضل العقد. عمر / الله يبارك فيكي. بس على إيه؟ غادة / هو إيه اللي على إيه؟ على الوظيفة. امضي بقى يابني عشان نبدأ الشغل. عمر / أنا مش فاهم حاجة. قولتي إنترفيو. هو فين؟ غادة / الله! أمال إنت كنت بتعمل إيه مع بابا يوم الخميس؟

عمر / إنتوا بتسموا ده عندكوا إنترفيو؟ "إزيك يا ابني؟ أخبارك إيه؟ وأخبار الكلية إيه؟ " والكلام ده؟ إنترفيو؟ وبعدين يجيله تليفون ويستأذن ويمشي؟ غادة / آه، دا بيبقى إنترفيو الناس اللي بتقدم بوسطة. عمر يبص لغادة. غادة / ههههههههههه. بابا له نظرة في الناس. وما تقلقش. إنت كدا كدا كنت هتنجح حتى لو سألك في إيه. والنجاح الحقيقي مش في كام سؤال. النجاح الحقيقي بالنتائج اللي أنا وإنت هنحققها سوا.

عمر / ربنا يسهل. بس كان إيه لزمته إني أستنى كل ده يعني؟ غادة / بص، أنا مقدر أوي إنك تقبل تساعدني في الشركة خصوصاً إن بابا سافر. بس صدقني لو كنت اتعينت قبل كدا ما كنتش هتلاقي حاجة تعملها. بابا من النوع اللي بيعمل كل حاجة بنفسه. عمر يبصلها. غادة / أووووف بقى! إنت بتسأل كتير كدا ليه؟ عمر / أنا مش فاهمك بصراحة يا غادة. غادة / لما أبقى أفهم نفسي الأول، أبقى أفهم إنت. وبعدين، إيه يعني؟ اتأخرت عليك في الرد كام يوم؟

ما إنت عارف إني حتى الكلية ما كنتش بروحها. عمر / أنا ما بتكلمش على كدا. أنا عارف إنك كنتي هتقعدي مع والدك كام يوم قبل ما يسافر. بس أنا بتكلم عن... غادة / عمر، بقولك إيه؟ إنت عارف لو سبتك من الرغي واشتغلت، والله هتنجز. عمر / سبتني؟ سبتني يا غادة؟ غادة / غادة هانم لو سمحت. عمر / يلا يا بت. غادة / هههههههههههههههههههههههههههه. عمر يضحك. *** في المحل عند علي.

أنور / تمام يا شباب. دي آخر مرة هاجي فيها المحل. أنا بس جيت النهاردة عشان أطمن إن كل حاجة ماشية زي ما اتفقنا. ومن النهاردة علي هيبقى هو المسؤول عن كل حاجة. أحمد / والله يا حج هتقطع بينا. أنور / ابقى اسأل يا سي أحمد. ما إنت عارف العنوان. هههههههههههه. يلا بالاذن. أنور يمشي وعلي يمشي جنبه. أنور / أنا عارف إنك قدها على فكرة. علي / برضه مش مقتنع إني أستاهلها. أنور / أنا أدرى منك. المهم لو عاوزت أي حاجة ابقى كلمني.

علي / أكيد. أنور / يلا، تعالي وصلني. علي / اتفضل. علي يركب عربية أنور ويسوق وأنور يركب جنبه. *** في المطار. مها / هتوحشيني أوي يا ندي. ندي / وإنتي أكتر يا ماما. أماني / خدي بالك من حسام. مها / هي اللي هتاخد بالها منه يا أماني. أماني / الله! أقصد يعني ياخدوا بالهم من بعض. حسام / يلا يا ندي. نور / هتوحشوني أوي. ندي / والله إنتي أكتر حاجة هتوحشني. ندي تبص تلاقي أبوها واقف بيبص عليها. تبص في الأرض.

حسام / هنكلمكوا لما نوصل. سلام. محمد / سلام يا ابني. ربنا معاك. *** قدام مدرسة أية. أية طالعة هي والبنات من المدرسة. أية تمشي لوحدها. شارع عربية تزمر لها. ما تعبرش. تزمر تاني. ما تعبرش. وتمد في خطوتها. العربية تشد وتسبقها. عربية علي تقف وينزل. علي / إيه يا بنتي؟ هجري وراكي الشارع كله؟ أية / علي؟ علي / اركبي. عاوز أتكلم معاكي. أية تبص يمين وشمال. أية / في إيه؟ علي / مش هخطفك يعني. اركبي.

أية تبص لعلي وتبص حواليها وتروح تركب. أية / خير. علي / إنتي اللي خير. فينك؟ أخبارك؟ اختفيتي؟ قولت أجي أطمن عليكي. أية / أخبارك؟ علي / أوعي تفتكري إن عمر بيخبي عني حاجة. أية / مش فاهمة. علي / ماشي. إنتي بطلتي تروحي لعمر الكلية ليه؟ أية / عشان هو طلب مني ده. عشان هو مش عاوزني. علي / الكلام ده تقوليه لعمر. هو هيصدق. تضحكي بيه عليه. تستغلي مشاعره ناحيتك. لكن أنا لأ. أنا عارف السبب الحقيقي. أية / اللي هو؟

علي / إنكم اطمنتوا إن أنا وعمر ما عدش فينا خوف. وإنك ارتحتي إنتي وأمك. أية / إنت ممكن تقول كدا عادي. لأنك ما تعرفش حاجة عني وعن عمر. علي / والنبي توفري التمثيل ده لعمر. أية / عمر بالنسبالي كان أكتر من أخ. كان أبويا. كان كل حاجة. أوعي تفتكري إن اللي حصل كان سهل عليا. علي / ليه يعني؟ ما إنتي كنتي قاعدة في بيتنا. أكله، شاربه، نايمة. أية / إنت فاكر بيوتكم ده بيت؟

وبعدين هسألك سؤال. هو اللي ما قدرش يوفر لأولاده اللي من دمه حنان الأب، هيوفره للغريبة اللي زيني؟ أنا مش هنكر إنه كان بيعاملني كويس، بس كأني ضيفة. إحساس الأب الحقيقي ما لقتوش غير مع عمر. علي / عشان كدا أذيتيه؟ أية / أنا ما عملتش حاجة. إنت ليه مش عاوز تصدقني؟ أنا قولت لبابا الحقيقة. بابا قالي إنه لو كان رجع تاني يوم كان سامحه، بس هو عاقبه بسببك إنت مش بسببى. علي / والله؟ أية / إنت عاوز مني إيه؟

علي / ابعدي عن عمر يا أية. خليه ينسيكي. خليه يعرف يرجع يعيش زي ما كان عايش قبل ما تظهري في المطعم. خليه يعرف يكمل حياته. أية / ما أنا بعدت. عاوزين مني إيه أكتر من كدا؟ علي / كتر خيرك. يا ريت بس تستمري. ما تعذبيش أخويا أكتر من كدا. وحلال عليكي كل حاجة. أية / خلصت. ممكن لو سمحت أمشي بقى. علي / أكيد. أية تفتح باب العربية وتنزل. وعلي عينه عليها. وبعدين يطلع بالعربية. *** في بيت نور بالليل.

نور قاعدة زهقانة. مروان يفتح الباب ويدخل. نور / إيه يا مروان؟ ده حرام عليك يا أخي. قلقتني. عليكم إيه؟ مروان / إنتي روحتي إمتى؟ نور / طبعاً ما إنت حتى مش فارق معاك تسأل أنا روحت ولا لأ. وحتى تليفونك مقفول. مروان / فصل. عن إذنك. نور / هو في إيه يا مروان؟ مروان / تعبان. راجع من الشغل. تعبان يا نور. ممكن بقى أدخل أرتاح؟ ولا هتنصبيلي محكمة على الباب؟ نور / إيه يا مروان؟ إنت عمرك ما اتكلمت معايا بالطريقة دي.

مروان / طب تمام. أديك قاعدة. اتفضلي علميني أتكلم إزاي. مروان يقعد على أقرب كرسي. نور / أنا آسفة إن كنت اتعصبت عليك. بس والله إنت مش متخيل أنا قاعدة قلقانة إزاي. مروان يبصلها وينفخ. نور / طبعاً مش عيل وراجل وسيد الرجالة. بس إنت جوزي وحبيبي. ومن حقي أخاف عليك. مروان / تمام. وجيتي؟ نور / حمد الله على السلامة. تحب أحضرلك العشا؟ أنا مستنياك. مروان / كلي إنتي. أنا اتعشيت في الشغل. تصبحي على خير.

مروان يقوم يدخل جوه. ونور تقف تبص عليه بحزن. *** بعد فترة. قدام الكلية. عمر خارج على رجليه يحاول يوقف تاكسي. أول تاكسي ما يقفش. التاني ما يقفش. يبص يلاقي أية واقفة بعيد بتبص عليه. أول ما يشوفها تسيب المكان وتجري. يجري وراها لحد ما يحصلها. عمر / بس بس! قطعتي نفسي. أية / إنت بتجري ورايا ليه؟ عمر / إنتي ما عندكيش دروس؟ ما عندكيش مدرسة؟ ما عندكيش مذاكرة؟ أية / وإنت مالك؟ عمر يبصلها. عنيها مليانة دموع.

عمر / تحبي تشربي حاجة؟ نرتاح من الجري. في كافيه هناك. ممكن نقعد فيه. أية / لا. عمر يرفع حاجبه. عمر / أنا أحب. تعالي اتفرجي عليا وأنا بشرب. تعالي. عمر يمسك إيد أية ويشدها تمشي معاه. وهي فرحانة ومكسوفة وبتحاول تداري. *** في الكافيه. الجارسون يحط كوبايتين عصير على الترابيزة. عمر ياخد كوباية. عمر / اممم. والله جامد. هاه؟ مش هتقوليلي كنتي بتعملي إيه هنا؟ أية / ما بعملش. عمر / جيتي تشوفيني مش كدا؟ أية تسكت. عمر يبص لها.

عمر / من إمتى كنتي بتعرفي تكدبي عليا؟ أية تبص في الأرض. عمر / اشربي العصير وطمنيني عليكي. عاملة إيه؟ أية تبصله. أية / يهمك تعرف بجد؟ عمر يهز راسه. آه. أية تدمع. أية / مخنوقة وتعبانة ولواحدة. عمر / وإمك فين؟ أية / في المحل. حتى لما بتبقى في البيت إنت عارف إني عمري ما كنت قريبة من ماما زي ما كنت قريبة منك. عمر يبتسم. أية / والله يا عمر أنا قولت لعم محمود الحقيقة. عمر / الله يرحمه. أية / الله يرحمه.

عمر / أخبار الثانوية إيه؟ أية / زفت. مش عارفة أركز في أي حاجة. عمر / إنتي جيتي ليه يا أية؟ أية / أنا ما كنتش ناوية أكلمك. أنا كنت هشوفك من بعيد وهمشي. عمر / وإنتي عرفتي معاد خروجى منين؟ أية / أنا واقفة من الصبح. عمر يبصلها بحزن. أية / ما اعرفش أنا إيه اللي جابني أصلاً. كنت في الدرس. وطبعاً مستوايا زفت. المستر طردني وقال لي: "جيبي ولي أمرك". لقيتني جيتلك. عمر يبتسم ابتسامة صغيرة.

أية / أنا كنت مقررة إني عمري ما هقرب منك تاني. كنت ناوية أبعد. صدقني. عمر / حتى لو كنتي بعدتي، تفتكري أنا كنت هقدر؟ أية عنيها بتلمع. عمر / سميه هبل. سميه اللي تسميه. بس أنا كمان كنت ساعات كتير باجي أشوفك وإنتي بتنشري أو وإنتي خارجة من المدرسة. بمجرد ما أشوفك كنت بمشي. ما اعرفش ليه. ساعات كنت بقول لنفسي: "بصلها عشان تعرف مين اللي عمل فيك كدا".

وساعات كنت بقول: "بتكبر بعيد عني". وساعات ببقى مش عارف أزعل على أنهي سبب فيهم. أية / أنا آسفة. عمر / هه. دا نصيب يا بنتي. نصيب. أية / إنت سامحتني يا عمر؟ عمر / ما اعرفش. يمكن مع الوقت أعرف. يمكن. أية / أنا فرحانة أوي. عمر / وأنا كمان. بس ما ينفعش تخليكي بره البيت أكتر من كدا. أنا هوصلك وهديكي رقمي عشان لو حبيتي في أي وقت تشوفيني نبقى نتفق على المعاد. ما ينفعش وقفة الشارع دي تاني. أية / تمام.

عمر / وأه. أنا ما بحبش العيال الخايبة. فمن هنا ورايح ركزي في مذاكرتك. عاوز لما أشوفك المرة الجاية أسمع أخبار حلوة. ماشي؟ أية / ماشي. عمر / يلا، اشربي عصيرك بقى. أية / ماشي. أية تشرب العصير وهي فرحانة أوي. *** في الإمارات. باب فيلا صغير دوبليكس يتفتح وحسام يدخل شايل أكياس. حسام / أنا جييييييت. ندي / في المطبخ. حسام بصوت واطي / استر يا رب. حسام يدخل المطبخ. حسام / إيه يا مزتي؟ عملالنا إيه النهاردة؟

ندي / عملت صينية بطاطس. إنما إيه! حسام / ريحتها تحفة. ندي / شوفت طريقتها من التليفزيون امبارح. حسام / طب تحبي أساعدك تغرفي؟ ندي / لا. روح غير هدومك على ما أغرف. حسام / تمام. *** في المحل. أحمد / إيه يا علوه؟ مالك؟ علي / عندي امتحان يابني. وطالع عيني. أحمد / ههههههههههه. بعد ما شاب. وإيه اللي جابرك؟ علي / ما حدش جابرني. أنا اللي عاوز. أحمد / بقولك إيه؟ مفيش أخبار عن الحج أنور؟

علي / كلمته في التليفون امبارح. مراته ردت وقالت إنه نايم. ولما يصحى هيكلمني. بفكر أروحله بالليل. أحمد / ما تخليها بكرة الصبح وأجي معاك. علي / وماله. مفيش مشكلة. أحمد / أروح أنا بقى على شغلي. لحسن تخصملي. ههههههههههههههههههه. علي / خفة. *** في الإمارات. سفرة محطوطة وحسام بياكل بالراحة خالص. ندي ترزع المعلقة على الترابيزة. ندي / إيه ده الهم ده؟ حسام / في إيه يا قلبي؟ ندي / والله عملتها زي الوصفة بالظبط.

حسام / طب خلاص بلاش وصفات التليفزيون. جربي وصفات الكتب اللي اشتريناها. وبعدين هي مش وحشة يعني. ندي تبص لحسام. ندي / إنت بتعمل كدا ليه؟ أنا نفسي مش قادرة آكلها. حسام / وصفة جديدة. عادي يعني. البطاطس بالقرفة مفيدة برضه. ندي / قرفة؟ حسام / آه. إيه دا؟ ريحة القرفة قلبت البيت. ندي تمسك الطبق وتشمه وترزعه تاني. ندي / ياربى! حطيت قرفة بدل البهارات. أووووف بقى.

حسام / خلاص خلاص. ما تاكليش. مش مهم. البسي وروحي أنا وإنتي نتغدى بره. إيه رأيك؟ ندي / بيصعب عليا تعبي وفلوسي بدل ما تروح ترتاح. حسام يمسك إيدها. حسام / أنا راحتي معاكي. ندي / بطل بقى يا حسام. أنا بجد مخنوقة أوي. حسام / على فكرة أنا إنتي معزومين بكرة عند واحد زميلي في الشغل. ندي / بمناسبة إيه؟ حسام / عيد ميلاد بنته يا ستي. وعازم كل الشركة. عاملها حفلة جامدة أوي. أصله أول عيد ميلاد. ندي / الله يا عسل!

هو إحنا المفروض نجيب هدية صح؟ حسام / في حاجة معينة في دماغك؟ ندي / يعني... حسام / تمام. البسي. ويلا. أنا هشيل أنا القرفة دي من على السفرة. ندي / بجد؟ سوري أوي يا حسام. حسام / على إيه بس؟ بكره تبقي أحسن طباخة في الدنيا. ومش بعيد تكتبي كتب كمان. ندي / بطل تلس عليا. حسام / ما عاش ولا كان يا قمر. يلا بقى. البسي. هموت من الجوع. الله! ندي / حاضر حاضر. *** في شقة عمر.

علي / أووووف خلاص. هي قفلت على كدا. مفيش حرف واحد راضي يخش. عمر / خلاص. تعال ننام ونصحى بدري شوية نكمل. علي / على البركة. يلا. الأ صحيح، أخبار أية إيه؟ عمر / إيه؟ علي / ههههههههههههههه. ماشي. تصبح على خير. عمر / شوفتها النهاردة. علي / أيييييوه كدا. اعدل. عمر / أنا مخنوق أوي يا علي من الحوار ده. علي / ليه؟ عمر / مش عارف. قلبي بيوجعني أوي. حاسس إن اللي بعمله ده غلط. علي / وإيه اللي جابرك تعمله؟ عمر / عشان ده الصح.

علي / يعني هو صح ولا غلط؟ *** في عيد الميلاد. الكل متجمع حوالين ترابيزة سفرة كبيرة وبيغنوا "هابي بيرث داي تو يو" ويطفوا الشمع. يدخل حسام وندي وشايلين شنطة هدايا كبيرة. صاحب البيت ومراته يروحوا يسلموا عليه. صاحب البيت / حسام باشا زغلول شخصياً في بيتي! والله لو كنت أعرف إنك جاي كنت استنيتك تطفى الشمع بنفسك. حسام / آسف والله على التأخير. بس أعمل إيه؟ ندي لففتني البلد كلها حتة حتة عشان تجيب الهدية اللي في دماغها.

ندي تدندني / كل سنة وهي طيبة. الست / ميرسي. تعبتي نفسك. حسام / ندي مراتي وبنت عمي. الست / مراتك؟ حسام / شوفتي يا ست ندي من أولها مستكترينك عليا؟ الست / أنا آسفة والله. ما أقصدش. أنا أقصد إنها شكلها صغير أوي. إنتي كام سنة؟ ندي / تمنتاشر. الراجل والست يبصوا لبعض. حسام / إيه؟ مش هنشوف العروسة ولا بتخافوا عليها من الحسد؟ الراجل / لا يا راجل. ما تقولش كدا. تعال أما أوريك روفان يا سيدي. الست / اتفضلوا. اتفضلوا.

حسام وندي يروحوا يقعدوا على كنبة. والست تجيب بنوتة قمر عندها سنة. ندي تشيلها. ندي / بسم الله ما شاء الله. حلوة أوي. حسام / عقبالنا. ندي تبصله وتتكسف. حسام / إنتوا عارفين إننا عرسان جداد. الكل يشم ريحة وحشة. الست / اخص عليكى يا روفى كدا... أنا آسفة أوي. هاخدها أغيرلها. ندي / أساعدك؟ الست / مش عاوزة أتعبك. ندي / لا. ما فيهاش تعب ولا حاجة. أنا أصلي مدمنة عيال صغيرة. الست / تعالي. وأهو بالمرة أضمك للعصابة.

الراجل / الحق مراتك هتنضم للعصابة وهيتأمروا عليا. ندي / عن إذنكم. ندي والست يقوموا يدخلوا أوضة. الراجل / منورنا يا سي حسام. حسام / ده نورك. *** في أوضة تانية. الست / والله أنا ارتحتلك أوي يا ندي. ندي / وأنا كمان والله. الست / اديني بقى رقم موبايلك عشان أكلمك على الواتس. ندي / ما عيش موبايل. الست / معقول؟ ندي / معلش. لحد ما ورق الإقامة بتاعي يخلص. بس ابقى أطلع نمرة. الست / معقول؟

ما خلصتيش ورق الإقامة بتاعك لحد دلوقتي؟ دا بيتعمل في خلال شهر من وصولك المطار. ندي / مش عارفة. الست / مفيش حتى رقم للبيت. أو أقولك هات الفيس بتاعك. ندي / لا. أصل البيت اللي إحنا ساكنين فيه لسه في منطقة بتتبني جديد. فلسه ما دخلهاش تليفون ولا نت. الست / إيه الكلام ده؟ هو في منطقة فيكي يا بلد ما فيهاش تليفون أو نت؟ ليه إنتي ساكنة فين؟ ندي / مش عارفة.

الست / على العموم. أنا هديكي رقمي. لما جوزك يجيبلك تليفون ابقي كلميني. أنا متأكدة إن المشكلة دي هتتحل قريب أوي. إحنا مش في مصر. إحنا في الإمارات. ندي تبص للست وتبص يمين وشمال. *** في بيت ندي في مصر. مصطفى / مالك يا مها؟ مها / البت قطعت بيا أوي يا مصطفى. من يوم ما راحت هناك وأنا ما سمعتش صوتها. حتى الكام مرة اللي عرفنا نوصل فيهم لحسام. يا أما هو في الشغل يا هي نايمة. مصطفى / عرسان بقى.

مها / وهو في عروسة تقعد طول الفترة دي ما تكلمش أبوها ولا أمها؟ طب هو في الشغل. لما روح ما كلمناش ليه؟ نايمة. لما صحيت ما كلمناش ليه؟ أنا قلبي واكلني على بنتي أوي. دي عمرها ما بعدت عني طول الفترة دي. مصطفى / والله ما قادرة أصبرك. لأنها قاطعة بيا أنا كمان أوي. البيت من غيرها ملوش روح ولا حِسن. مها / حاول تكلم حسام تاني يا مصطفى. يمكن يرد. *** في الإمارات. الراجل / ههههههههههههههههههههههههههههه. مش مصدق.

حسام / قولتلهم إنتوا هتجوزونا ولا هننتحر؟ بس اتجوزنا. الراجل / ولا شقة ولا مهر ولا عفش ولا قايمة ولا القرف كله. تصدق من يومك مرزق. حسام / أنا بحبها وهي بتحبني. يبقى ما فيش مخلوق هيقدر يقف قدامنا. وبعدين في الأول والآخر ما كل اللي بملكه في الدنيا ليها. أنا سبت مبلغ في مصر وقولتلهم يوضبوا لنا الشقة. وسافرت أنا وهي. وعلى ما نرجع بقى يكونوا خلصوا كل حاجة. هو أنا هضيع عمري في التوضيب والفرش والجري ورا العمال؟

الراجل / والله إنت جدع وريحت دماغك. تليفون حسام يرن. حسام / عمي عن إذنك. ثواني. حسام يروح يقف في جنب. حسام / أيوه يا عمي. إزيك؟ واحشني. لا كويسين الحمد لله. حقك عليا يا عمي والله بنسى. حضرتك عارف المشاغل بقى. برجع من الشغل بقفل الموبايل وأترمى في السرير. الغربة صعبة أوي يا عمي. معلش. لا كويسة الحمد لله. لا مش معايا والله. أصل أنا في عيد ميلاد واحد صاحبي. وهي قالت ما تعرفش حد. فما رضيتش تيجي. ندي تدخل تقف.

حسام / أنا كدا كدا شوية وروح. لا بإذن الله طبعاً. أول ما أروح أكيد. سلام سلام. ندي / مين؟ حسام / واحد صاحبي عاوزني أبعتله ملفات من اللاب. إيه نروح بقى؟ ندي / نروح. *** في شقة عمر. علي / أووووف خلاص. هي قفلت على كدا. مفيش حرف واحد راضي يخش. عمر / خلاص. تعال ننام ونصحى بدري شوية نكمل. علي / على البركة. يلا. الأ صحيح، أخبار أية إيه؟ عمر / إيه؟ علي / ههههههههههههههه. ماشي. تصبح على خير. عمر / شوفتها النهاردة.

علي / أيييييوه كدا. اعدل. عمر / أنا مخنوق أوي يا علي من الحوار ده. علي / ليه؟ عمر / مش عارف. قلبي بيوجعني أوي. حاسس إن اللي بعمله ده غلط. علي / وإيه اللي جابرك تعمله؟ عمر / عشان ده الصح. علي / يعني هو صح ولا غلط؟