رواية سلمى الفصل الثاني 2 - بقلم هنا حسين

سلمى صحيت تاني يوم وراحت المدرسة كالمعتاد. أول ما شهد صاحبتها شافتها. شهد: ابن الجيران تارتاتااا. سلمى تبصلها بنرفزة: هتسكتي ولا إنتي بقيتي تحبي التهزيق. شهد: سكتت أهو. بس حصل إيه امبارح. سلمى: محصلش حاجة. هو شخص بارد ومعندوش إحساس. بس استني يا شهد لما فوني رن. إبراهيم أخويا قاله دي الكراش. *مكنتش أعرف إنه هزار*. هي فكرته مرتبط. سلمى: أنا لازم أعرف. شهد: هتعرفي إزاي. سلمى: هقولك بعدين.

كان يوم معتاد في المدرسة. خلصوا الحصص وروحوا عادي. بعدها كان عندها درسين. منهم درس قريب من بيت شهاب الجديد. وكان عنده أخت أكبر من سلمى بسنة وكانوا صحاب. بعد ما خلصت طلعت بحجة إنها تسلم على أخته. كانت مترددة: أطلع ولا مطلعش. وتطلع درجة وتقف وتنزل تاني. في الآخر قالت: أنا هطلع. وقامت طالعة. رنت الجرس. فتحت والدة شهاب. والدة شهاب: لوما حبيبتي، إزيك. وحشاني جداً. ماما وإخواتك عاملين إيه.

سلمى: الحمد لله يا طنط. بيسلموا عليكي. أنا كان عندي درس قريب قولت آجي أسلم عليكوا. والدة شهاب: تنوري يا حبيبتي في أي وقت. سلمى: وبتبص في البيت كله. أمال فين شهاب يا طنط. قصدى فين شهاب وروناء. والدة شهاب: شهاب في الكلية لسه مجاش. وروناء زمانها جاية من الدرس. روناء أخت شهاب دخلت: إيه ده. لوما وحشاني جداً. عاش مين شافك. قعدت سلمى معاها. وكانت بتحاول تجرها في الكلام. سلمى: هو كلية شهاب بتتأخر كده ليه.

روناء: تتأخر إيه يا بنتي. إحنا لسه الساعة خمسة. سلمى: طب خافي على أخوكي بقى من بنات الكلية. وبتحاول تعرف فعلاً هو مرتبط ولا لأ. بقولك، هو اسم الكراش بتاعته إيه. روناء: كراش؟ بس شهاب مقاليش إنه عنده كراش. سلمى: إيه ده بجدددد. قصدى إزاي. ما كله دلوقتي بقى عنده كراش. روناء: بس شهاب معندوش. ولو عنده هو مقليش على حاجة زي دي. سلمى استأذنت وقامت ماشية. روناء: خليكي شوية يا لوما.

سلمى: وقت تاني إن شاء الله. وسلمت عليها ومشيت. وهي نازلة على السلم فرحانة جداً وبتقول بتمختر: شهاب طلع سنجل. شهاب طلع سنجل. وايييييه واااااااه. شهاب كان طالع وسمعها. شهاب: أيوه أنا سنجل. سلمى اتخضت جداً. سلمى: إيه نعم. مين. أقصد يعني إنت سنجل ولا مش سنجل. أنا مالي. شهاب: مش نازلة تغني وتقولي شهاب طلع سنجل. سلمى: مش إنت على فكرة. هو مفيش شهاب غيرك. أنا...

إيه. وبتحاول تخترع أي حجة. أه. أنا قصدي شهاب بتاع المسلسل التركي. أصل كانوا مفكرينه مرتبط وطلع سنجل. شهاب: ماااااشي. ابقى سلميلي على أخوكي. سلمى بصوت واطي: طب ما تيجي تسلم عليه. شهاب: بتقولي إيه. سلمى: لاء مفيش. الله يسلمك يوصل. ومشيت. وهي مروحة برضه عايزة تتأكد. هو سنجل ولا لأ. يمكن مش قايل لأخته. وعمالة تفكر. وهي داخلة البيت: جاتلي فكرة.