رواية سماء الايهم الفصل الثامن 8 - بقلم ريتال احمد

في غرفه الهام كانت زعلانه اوي و بتعيط و بتقول: على فكره اخوكي ده رخم و غتت و شبه ابو رجل مسلوخه و ام رجل مسلوخه كمان. هممم بقى يوه انت بتبصي ليا كده ليه هوا في ايه انت هبله. ميريهان بتحاول تنبهها أن في حد وراهم و الهام ولا هنا. ميريهان بتاتاه لان اسد شاور ليها بمعني متفتحيش بؤك: على فكره ماما خرجت و الباب مفتوح وراها و هيا مقفلتوش اصلا. الهام قامت بتعب وهي بتمسح دموعها و قالت قبل ما تلف: انا هقفله.

و سكتت لما لفت و لقت اسد في وشها ف دمعت بخوف. اسد بحنان و زعل و بيحاول ميخوفهاش منه: اهدي انا جايب ليكي حاجه والله اهدي بس. الهام بدموع: و انا مش عاوزه منك حاجه اصلا على فكره. اسد اتنهد: طيب ثانيه. و اختفى اسد لي ثواني ورجع و كان ماسك بوكيه ورد احمر فيه شوكولاته و قال: خدي ي وردتي. الهام بتوتر و كسوف: لا مش هاخد. ميريهان واقفه تتفرج كانها بتتفرج على فيلم بالظبط. اسد بيمثل العصبيه: بقول خدي. الهام اخذته و هي بتترعش.

اسد قرب منها و شدها لحضنه و انفجرت في العياط و هي بتقول: ابعد مينفعش كده على فكره الله. أما ميريهان ف كانت واقفه و قالت لنفسها: اوعا هوا يمكن ده مش مكاني و الزمن ده مش زماني ولا ايه ايه الرومانسيه دي ي جودعان. عند سماء دخلت غرفتها بضيق و دخلت وراها والدتها و قالت بعصبيه: ايه قله الذوق دي. سماء ببرود: ماما انا عمري ما اتجوز الواد ده. والدتها:

طب علشان خاطري تعالي اقعدي بس و احنا هنقول لهم بشكل الطف من قله الذوق بتاعتك دي ماشي يبنتي. سماء بتنهيده: حاضر ثانيه اغير و اجي. هند: ماشي ي بنتي. و طلعت هند و هي بتقول بابتسامه تحاول تخفي بيها كسوفها: احم معلش ي جماعه بس هيا بتغير هدومها. عم سماء: عقلي بنتك ي ام سماء و خليها تعرف أن ملهاش الا ابن عمها كدا كدا. هند: اكتفت بهز راسها. عند سماء ف نزلت استوري شاشه سوده و قلب مكسور و طلعت بره. اما

في الصعيد كان بيقول سعيد: ي بوي الهام جالسه عند عمي و ابنوا اسد في مصر. جعفر بشر و خبث: امممم قولت ليا بقى عند عمك في مصر اني لازم ارجع بنت اخوي. سعيد بهيام: ترجعها و اتجوزها انا يبوي دي بت ايه جميله قوي قوي ي بوي اني شوفت صوره ليها عاد. جعفر بشر:

طبعا هتجوزها و تجوز ميريهان لو عاوز كمان بس و عزه و جلاله الله مني سايب عمك و ابن عمك يتهنوا و المصحف ماني سايبوا ياخد كل حاجه كده مش كفايه سافر مصر و حقق حلمي الي كان طول عمري نفسي احققوا! سعيد بخبث: و اني معاك ي خوي. عند الهام و اسد اسد بعد و هو بيقول: متزعليش انا اتعصبت عليكي. الهام هزت راسها. اسد بهزار: اممم مش هتردي طيب هاتي الروايات الي جبتها ليكي و هاتي كمان الورد و الشوكولاته دي. الهام بسرعه:

لا مش هتاخد حاجه و امشي بقى الله. اسد بضحك: همشي و مالو. و حدف لها بوسه في الهوا و مشي و هي فضلت تبص على اثره بحب و هيام و فاقت على صوت ميريهان و هي بتقول: الفرح امتى بقى أن شاء الله؟ الهام بسرحان: بتقولي ايه؟ ميريهان بتسفير: بتق و المصحف انتي واقعه و محدش سما عليكي. عند سماء دخلت و سلمت على عمها و اتصدمت لما عمها قال وووووو