رواية سمينة ولكن الفصل الأول 1 - بقلم بسملة سمير

أهلاً أهلاً بالتخينة. أمو شكل زبالة. تخلي عندك أهلك دم وتخسي. بتكسفي ابني بسبب تخنك وشكلك المبهدل ده. غصب عني يا حماتي، دا مرض مش بإيدي والله حاولت. مديحة: مرض إيه يا أختي اللي يخليكي كدا؟ دا انتي عاملة زي البغلة. حلا بدموع: مش بإيدي إن جسمي كدا. دخل فارس وشاف دموع حلا. فارس: مالك يا حلا؟ بتعيطي ليه؟ حلا وهي بتحاول تهدأ: مامتك كل شوية تعايرني بجسمي. فارس: مالها يا ماما؟ حلا ما جسمها حلو أهو. مديحة: مالها يا أخويا؟

مهيا حلوة. أنا قلت حاجة. (في نفسها: يارب سامحني على الكذبة دي.) فارس بعصبية: أومال بتعيط كدا لوحدها؟ حلا بهدوء: والله أنا كويسة، مفيش حاجة يا حبيبي، حصل خير. مديحة في نفسها بـ غل: حبك برص، واحدة عقربة. فارس قام ومسك إيد حلا عشان ينهي الجدال اللي ممكن يحصل وممكن أمه تزعل. فارس: طب أنا هطلع أنا يا أمي شقتنا بق عشان جاي من الشغل تعبان. مديحة: ماشي يا حبيبي. طلع فارس شقته. وفي مكان تاني:

روميساء بدموع: ماما، أنا مش قادرة أتقبل إنه فضل عليا التخينة دي. هدي: هو اللي خسران وهيندم بعد كده. روميساء بـ غل: أنا لازم أندمه عشان هي اللي أخدته مني. هدي بإنتباه: هتعملي إيه يعني؟ روميساء بتفكير: هفكر وأقولك. بس وحياتها لخخليها تندم على اليوم اللي فكرت تاخده مني. هدي بخوف: أوعي تعملي حاجة تخليه يقلب علينا، دا هو اللي مخلي باله مننا من ساعة ما أبوكي مات. روميساء بتفكير: لا لا لا، متخفيش. في شقة فارس:

فارس وهو بيقرب من حلا وبيـ بوسها من رقبتها: مالك يا قلبي؟ ماما كلمتك في حاجة أو زعلتك من حاجة؟ حلا بابتسامة وهي بتحط إيدها على شعره: انت عارف موال كل شوية مش أكتر. وبعدين زي مامتي الله يرحمها بردو. فارس: الله يرحمها. وبعدها قرب منها ونزل براسه وفضل يبـ وسها. وبعدين راح قام شالها ودخل أوضتهم. وفي الصبح: فتحت حلا عيونها وفضلت نايمة على صدر فارس من غير ما تتحرك. ودموعها بدأت تنزل على وشها وهي بتفتكر كلام

حماتها وبتقول في نفسها: يارب يارب هون عليا. يارب والله أنا راضية باللي ادتهولي، بس كلام الناس بيـ جرح وأنا مش قادرة أفضل متماسكة كدا. بتفوق حلا على هزة فارس ليها وهو بينادي عليها. حلا: هااا؟ كنت بتقول إيه؟ فارس: دا انتي مش معايا خلاص. مالك يا حلا؟ حلا وهي بتحاول ترجع لطبيعتها: ابدا يا حبيبي، بس افتكرت ماما مش أكتر. فارس قبل ما يرد عليها، تليفونه رن ولقاها خالته. فتح عليها فارس ورد.

فارس: أيوا يا خالتو، عاملة إيه يا قلبي؟ هدي: الحمدلله يا حبيبي، انت عامل إيه؟ فارس: بخير يا حبيبتي. هدي: بقولك يا حبيبي، تعالي انهارده اتغدى معانا. وأنا كلمت أمك وجاية. تعالي معاها، بقالي كتير مشفتكش. فارس: إن شاء الله يا قلبي، هحاول أجي. هدي: تحاول إيه حضرتك؟ انت لازم تيجي، انت فاهم؟ فارس وهو بيضحك: عيوني يا حبيبتي. هدي بتقفل معاه وبتبص لبنتها. هدي: اهو عملت اللي قولتي عليه. ارتحتي كدا؟ روميساء بارتياح وابتسامة شيطـ

انة: أوي أوي.