رواية صوت من المجهول الفصل الرابع والعشرون 24 - بقلم زينب ماجد

همس: هيج اشمئزيت؟ ردت أزوع. رفعت ايدي وكتله: استاذ من رخصتك اغير مكاني ممكن؟ ـ تفضل. كمت من مكاني ورجعت ليور. بس دخت راسي، كام يوجعني. بودي أنام. دخت من الاستاذ وحرام لو افتهمت من كلامه شي. حاطة التسجيل واسجل محاضرته. لحد ما كملت محاضراتي. طلعت من الجامعة دخلت الكراج. ركبت السيارة. شفت هذا هم دخل الكراج. شغلت السيارة كاعد أطلع. كسر عليه. رفعت حواجبي واني آخذ نفس وأتنهد. رجعت بالسيارة أنطيته

مجال تراجع وهو يكول: فوتي. هزيت راسي. وردت أمشي هم أجا وفات قبلي وطلع. هذا صاحي!؟ مشيت وردت صيدلية مفتحة علمود وجع راس. ما لكيت. راسي أحسه ذبحني. مدا أكدر أركز بالسياقة، واني بهالحال. مستشفى قريبة لفت عليها ووكفت يم الصيدلية. كتله حامل وأريد كبسول. انطاني خاص بالحوامل. شربته يمه وطلعت. بس ما فكني راسي. ذبحني. كوة وصلت البيت. جانت خالتي مشغلة الصوبة بالهول. كعدت كدامها. حجت: صعدي بدلي يلا، وكومي صبيلي.

كاعد تحجي دخل أيوب. جان لابس عسكري. يصير كله قاط رسمي صحراوي ما مشجر. عقدت حاجبي: وين جنت؟ عفتك نايم. ـ اجتماع بالهيئة ورحت. السيارة موشلة بانزين. شنو وضعه؟ أدرت وجهي: ما أدري. ـ ما تصعدين تبدلين؟ ليش باقية بملابسج؟ ما جاوبته. بقيت أفرك براسي. اجت خالتي صاحت: بعدج ما مبدلة؟ دكومي! باوعتلها ودرت وجهي من عدها. أيوب: استلم. مطنگرة. حجاها وأجا كعد يمي ع القنفة واني كاعدة بالكاع كدام الصوبة: شبيج؟ ـ راسي يوجعني.

ـ دخذيلج براسيتول. هسه تصيرين زينة. مجاوبته. اتمددت بالكاع وحطيت ايدي جوا راسي. حجت خالتي: اليوم نضل هيج. المطبخ مواعينه كابة. غفران اني ما بيه حيل. مو أحاجييييج. أيوب: غفران. مجاوبته. حجت أمه: تتعمد تتجاهل. ـ راسي ماذيها. اتركيها ختولي. رفعت راسي باوعتله: ليش تغلط؟ ـ بشر جاي يحجي وياج. جاوبيييي. ضليت أباع عليه خازرته وراسي ذابحني. حجه: نزلي عينج لا أكسره لراسج. كمت من مكاني. السويج مال السيارة بعده يمي. أخذته من

الكاع وأخذت العباية وكتله: اني أريد أروح يم أمي. حجه: انطيني السويج. بقيت أباعله. مد ايده وحجه: انطيني السويج. دا أكولج. حطيت السويج بيده: معناها كوم وديني. ـ أمشي صبيلي أكل. جوعان.

باوعت بوجهه تركته وصعدت. أتذكرت صلاتي ممصليته. دخيلك ياربي شراح يشيل راسي. أركع وأسجد. أحس راسي راح ينفجر. مدا أكدر أحركه. بيه ما بيه بدلت ورحت توضيت وأجيت وكفت. صليت. كوا خلصت صلاتي من كد وجع راسي. كانما واحد لازم دريل ويزرف بيه. هلكد ما مأذيني. فات لكاني لازمة السبحة وأسبح تسبيح الزهراء. حجه: الدين مو بس صلاة وصوم. أكلج صبيلي جوعان. تتجاهليني وتمشين؟ يا أم الدين.

ـ ما مدينة لاحد. حتى كل ما واحد كام وكال أم الدين أم الدين. متدينة لروحي. أعتبرني ساقطة. أعتبرني فد وحدة مو متدينة وفكوني. ـ احترمي نفسج لا أكوملج والله. ـ اهووو! أنت صعدت وراي حتى تكمل صياحك. ـ لج بابا احترمي. ـ أي ليش ما تحتر أنت؟ هو أني غالطة عليك لو أنت الكاعد تغلط من أجيت لهسه؟ لميت السجادة وكمت. حجه: أنت اليوم راكبج جني. شبيج؟ ـ راسي يوجعني. ذابحني. فرض ربي كوة على روحي كملته. هالدور العباد.

جريت البطانية وتمددت. وهو كام يهز ايده ومشى يبدل. ساعة يطكطك يمي وهو يا فاتح الكنور يا ساده يا فاتح الجرارة. وطك طك طك. أحسهن ياكلن بمخي. أريد ألزُم أعصابي. أتحمل. أحس متت. حجيت: هو تيشيرت وبجامة تلبسهم. الطك طك طك ليييييش؟ صاح: وسم بنت الأوادم. ليش تخليني أهينج. أنطمري ونامي. ـ شنطمر وأنت تحوس بالغرفة. رااااااسي راح ينفجر. ـ أنت اليوم شبيج اتخبلتي؟!

رفعت راسي بالسگف وأميل منا وهنا وأتنهد. أكله راسي راح ينفجر يكلي تخبلت. حجيت واني صاكة أسنوني وأخزره: هو شنو الشبية؟ صارلي ساعة دا أكلك راسي كااااعد يوجعني. رأسي يؤلمنيييي. My head hurts. بعد بيا لغة أحجي وتفتهممممممم؟ ـ بنت الأوادم. هذا ياهو الما يفتهم؟ ترا أطيره لراسك والله. جريت الغطا وغطيت راسي. أختنكت.

وخرته. وهو ديحط عطر. العطر انتشر بكل مكان. شكد ما جنت أحب ريحته وهو يحط هذا العطر. هسه أحس روحي كاعد تگلب. ما اتحملت. حسيت راح أتقيئ بفراشي. فتحت اللحاف بسرعة وكمته. وصاح: هاااا؟ وأخذ وضع الرجوع ليورا. طبگ ع الميز. للحظة عباله راح أهجم عليه. تعديته وفتحت الباب أركض للحمام. متحملت أوصل المغسلة. أتقيئت. بطني كلها كامت. روحي تطلع من جسمي. أصرخ يا الله. بس أريد روحي ترجع. متتوگف. وراي وهو يكول: هاي شراح يخلصهااااا!

داريت عليه ولو بودي أطلع حركتي بيه: أني جاي أموت ودا تطلع روحي وأنت حيرتك شلون تخلصصصصص! لازم عكازته وهو يكلي: يعني راح تظلين ٩ أشهر هيج؟! ـ لا تدوس دكمة وأطلعلك ابنك وأيتسمى باسمك ع الحاضرررر. دخلت للغرفة مليانة عطر. صحت: أدري معرس خوما معرس. والله راح أموت هسه. شلوووون أطب الغررررفة. حجيتها ودموعي تجمعت بعيني ومشيت. نزلت جوادخلت بغرفة عمي وعمتي. محد ينام بيها وهدوء. قفلتها حتى محد يجي ولا أحد يزن براسي.

نمت ساعتين. عمتي برا مشغلة التلفزيون على قناة كربلاء ومعليته حيل. والصوت يرج بالبيت. (التوجيهاااات الدينيييييية من العتبتين المقدستيييييين. قال رسووووول الله صلى ااااااالله…)

. ياربي شخلصها اليوم. راسي راح ينفجر. مدا يطيب. كل شي حوالي أحسه ينخر براسي. رجعت راسي. كمت أردد سورة الفاتحة شي سبع مرات بنية تسكين الألم. وبقيت مرجعة راسي وأسمع الدعاء اللي يردده على قناة كربلاء. يا رب الحسين اشفي صدر الحسسسسسين بظهووووور الحجة. كمت من مكاني. فتحت الباب. أيوب كاعد بالهول والتلفزيون على أعلى صوته. حجيت: لو تعلوه بعد شوية. حرامات ناصيه.

ز ايده. دار وجهه مني. تقربت وكعدت ع التخم اللي هو كاعد عليه. تمددت وحطيت راسي على رجله. صاح: رجلي رجلي يمعودة. شلت راسي عدل. كعدته ورجع راسي. وحجه: راحن سوادينج لو بعدهن؟ ـ لا بعدهن. ـ ها خير ان شاء الله. منا لتسعة أشهر بحيل الله. أحنا نطلق بدالة بس كون تجيبين. ـ والله عاد هذا المفروض. خوما بس سويت سوايتك وتريد تفلت. دار يدنك يباوع عليه: سويت سوايتي شنو بنت الأوادم. ناهبج.

ـ ماكو انصاف ترا. يعني راح أبقى تسعة أشهر هيج ويتشيب راسي لحد ما يطلع. ويجي أسجله باسمك. هو أنت شسويت حتى يتسجل باسمك؟ ـ وقعت ع الشركة. رفعت راسي أباع لوجهه. أضحكه. وهو يضحك ويباع ع التلفزيون. دنك مبتسم: غير أبوه. ـ لا ما أقتنع بهاي السالفة. يصير أطلع من الإسلام بس يعني أبقى على رب العالمين والنبي محمد وأهل البيت. بس بهاي السالفة أعوف الإسلام. ـ أي وشتصيرين مسيحية لو يهودية لو تعبدين صنم. هم يتسجل باسمي.

طلعت سنوني وسويت حركة تخوّع بوجهه. حجه: من عاب هالوجه. إذا ابني يطلع عليج بالضيم. كعدت من عنده: تفضل أخذه عيني من بطني وربي وخل يطلع عليك. جر راسي: خلي يطلع عليج. متنازل. بس رجعي فكيني. ـ لا وهو أبو الراهي. كاعد نحجي سمعت صوت نادية بالمطبخ. ونصه التلفزيون على الصفر. أني عقدت حاجبي وأسمعها تكول لخالتي: أكلوا واقروله الفاتحة. يصير بس أسلم على نجلاء؟ خالتي كالتلها: فوتي جوا.

أيوب كام يوخر راسي من رجله. عود حتى يكعدن. رفعت عيني لوجهه. وخر ايده وندار يباوع للتلفزيون. فاتت هي وكالت: مساء الخير. بس جبتلكم ثواب على روح بابا. الليلة جمعة. حجتها ودكت غرفة البنات وفاتت. كعدت من رجله: على أي أساس دتطب؟ كام من مكانه وهو يكول: أروح أصلي أحسن. لزم عكازته وكام يتجى عليها ويمشي. خمس دقايق وطلعت من غرفتهم. أيوب لازم الدرج ويرفع برجله يمسح بقدمه.

حجت: جبتلك كباب بالبيتنجان اللي أنت تحبه. أكله وأقرأ لفاتحة لابوية. اليوم الذكرى السنوية ع وفاته. هز راسه وكاللها: الله يتقبل. بدون ميباوع عليها. بقت تباوع بوجهه وهو يكمل وضوئه. أتنهدت وهي تباوعله. تعداها ومشى. حجيت: إذا ثوابج خلص الباب ينتظرج.

أندارت باوعت عليه. عيونها مدمعة. مسحت عيونها ومشت. كمت وراها. طلعت هي من البيت. صينية الثواب حاطتها خالتي ع الطاولة. باوعت كباب مشوي جواه بابا غنوج ومرشوش زيت زيتون وسماك. شلت الماعون وطلعته بالحديقة. ركضتله البزون حطت راسها بيه. وكفت بالمطبخ. وكفت وياي سرى: شلون صار راسج؟ ـ هاي شلون تدخل هيج؟ ـ يعني نادية تخجل لو تستحي حتى متسويها. ـ وخالتي ليش استقبلتها؟

ـ بس أخذت الثواب منها. وسمحتلها تسلم ع مجلاء. أني على الله وصعب البيت دينة. حسن ترجع نادية! ـ ما أعرف. أجيت دا أساعدج بالعشا. شنسوي؟ أيوب جايب دجاج ستيك. شنسوي وياه؟ ـ الصلاة صارت. بس أصلي وأجي أكمل وياج. ـ على راحتج عمري. صعدت صلاة المغرب والعشا. بس روحي فرفحت. تسويلها مشهد غرامي گدام عيني! لا وهو يجاوبها الله يتقبل! يعني شسوي هسه؟ أتعارك وياه لو ويا أمه لو ويا منو؟ أفرغ نار گلبي.

نزلت كملت المواعين والعشا ويا سرى. وحطينا العشا. هو گلب وجهه نهائي. صارت الضحكة متمر ع وجهه. حجت خالتي: ماعون الكباب هستوه جابوه. وينه؟ سرى: والله ما أدري. حجيت: أني أنطيته للبزازين تتعشى بيه. ـ يا عزا العزاج. نعمة الله ليش هيج؟ ـ البزازين تحب الكباب بالبيتنجان. وهن هم روح. ما ذابته بالزبالة حتى حرام. أقلها بيهن ثواب للمرحوم. ـ لج أنتِ متستحين تالي وياج.

ـ اللي مطرود من هالبيت ويدخل هو الميستحي مو أني. وبعدين هالمخلوقة مانعين دخولها للبيت. بأي حق تفوت؟ ـ وأنتِ منو وتمنعين بيت خلفج خلگ جنة هنا. ـ جنة عمة. كائن ما أكون. هالسز ممنوع تدخل البيت. وهالموضوع لو تكرر ما راح يصير خير. حجه أيوب: راااااااح أكوم. ـ أنت بالذات مالك عين تحجي. إصلاحجيتها وكمت.

كام يصيح وراي ويغلط. صعدت أفور من الحركة. نار ومشتعلة براسي. لو بودي أحرك البيت باللي بيه. أفتر أريد أهدأ. ما گدرت. خابرت أمي أشكيلها.

ضلت تنصحني: وميخالف واتحملي. يمكن سمعت بيج حامل ورادت تعثج. لا تسوين اللي تريده وتخربين ويا رجلج. لا تصيرين غبية. خليج كاسرة عيون الكل وهم يشوفون شلون مخليته يسويلج كل شي تريديه. لا تخليهم ينفذون اللي هم يريدوه ويخابرونكم. وتاليته اللي يخسر أنت مو غيرج. اجرعيها ييمه وخليها بگلبي. صح الغيرة نار ما تنحمل. بس حملي بتي. أنت سباعية وقوية. حطي عينج بعين ربج ودعي يبعدها عن طريقكم. هدّيت وسألتها عن وضعها.

گالت: أني اليوم أبيت علي عزمني ع ثواب مسوي لأبوچ وأجيت يمهم. وسديت منها الخط. كعدت أقرأ. دخل هو للغرفة. أخذ المخدة من الجريابة وحطها ع التخم وتشغل التلفزيون. گمت من مكاني ونزلت سويتلي لفة وكلاص جاي وصعدت. طلعت الرد الأسلامي للنظرية العلمية لتشارليز داروين. صاح: نصي ال****. ـ دنسمع. باوعت عليه. عاقد حاجبه وعصبي. سديت اللابتوب. وگمت من مكاني. سديت التلفزيون والضوا. حجه: شغلي لا أركع راسج بالحايط.

شغلت الضوا وحجيت: أكدر أفهم ليش تريد تركع راسي بالحايط وعازل فراشك؟ ـ لأنچ مو آدمية ومو مال احترام. ـ صح. بس أنت الأوادم كل الناس مطاردت. أردت أطفيه. گاملي. لزمني من حنجي حيل. حجه: خليني محترمج وصابر عليج. لا وحق هو القرآن أجرممممم بيج. طايحة الحظ. وخر من عندي وشغل التلفزيون ورجع للتخم. طفيت الضوا ومشيت للفراش نمت.

كعدت من الصبح ب٧. هو نايم. جان يوم جمعة. وكل البيت نايم. أخذت كتاب اليه ونزلت. طلعت جبن وخدرت جاي ورحت شغلت الصوبة وعلكتها بالهول. جبت القوري حطيته ع الصوبة وگمت أحمي خبز وأكل جبن وأقرا. هدووووء. ولا واحد كاعد. فد راحة نفسية. شگد أتمنى أعيش وحدي ولا بشر وياي وأخلص عمري كتب كتب كتب وأقرأ وأبحر بأفكاري. لا فلانة أجت ولا علان صاح. جنت أبيت أهلي صح هيفاء فوگ راسي. بس أكمل شغلي أدخل بغرفة أمي أسدها. لو أطلع ع المرجوحة جانت إلي. خلوة ويا نفسي وبالي جان صافي. مو مثل هسه. كل ما دا أكبر حياتي دا تزيد تعقيد وهوسة.

كاعد أقرا. نزل هو مطنكر وجهه معنفص. اليوم جمعة. الناس تستبشر تكول يا الله. أيوب يكعد عبالك متعارك بالحلم. سحب الصوبة من گدامي وحطها گدامه وكعد ع التخم. ـ لا صباح الخير. ـ لا خصوصية. أخذ الصوبة من گدامي بلا كلام. شهالعيشة. ما درتله بال. بقيت أكمل قراية. حجه: كومي سويلي ريوگ.

گعدت كتابي وگمت. طكيتله بيضتين وحطيتهن بصينية وحطيتله كيمر گاله ومربى. وجبتله الصينية. جريتله طبلة صغيرة وحطيتها. گدامه. من دنكت ريحة عطر كفختني منه. اكو واحد يحط عطر من الصبح. گرمشت وجهي وانداریت تفلت. صاح: بنت الأوادم شبيج اتفلين خايس أني ولعبت روحج مني. ـ كلبت معدتي. رحت للحمام ذبيت الأكل كله. هو لعب روحه من سمعني أتقيئ. دفع الريوك من گدامه ويحجي: هم هيج. ريوك ما ينراد.

غسلت وطلعت. أباع فوگاها هو الما راضي. جنت كاعدة لوحدي ومرتاحة. شكعدة وحط روحه بصفي? كلب معدتي كله يعطر من الصبح. راح للاستقبال. أمه نايمة. محد گاعد. رجعت الصوبة يمي وكعدت أقرا. طلع للحديقة وعاف الباب مفتوح. أستغفر الله. گمت وراه سديت الباب. ورجعت. رجع فتح الباب وطب. هسه منو عاتب عليه؟ يكعد من الصبح. گعد يمي. خابر ع علي. ع بلال. ماكو رد. حجه: ناس كلها متوثة. غير واحد منهم يرد. رجع جر الصينية گدامه. زمخ: الجاااااي.

أنطيته صب لروحه. الخبز. أنطيته. جر الصوبة عليه. يتريك وهو يحجي ويغلط ع هذا ويسولف ع هذا. هسه هو مو متعارك وياي. ودي يشوفني كاعد أقرا. ليش ديسولف وياي! حجه: هو اليصبح بوجه مبوز مثل وجهج هم يشوف الخير. سويت حركة بشفايفي: يمكن ما شايف روحه بالمرايا من نزل. كعدت خالتي ع صوت أيوب. گالت: شبيه أيوب اليوم؟ ـ شمدريني. ـ أعصاب من الصبح. الله يستر. أدري البارحة خميس. ما مرضية رجلج. ـ وأني شعليه؟ هو يريدله أحد؟

ـ أي جان اطخطختي بيه. جريتي للرجال مو كاعد يطلع أعصابه بينا من الصباحيات. ما هلا أحد ما جابه وصفهر. رجع دخل. سكتت هي وراحت للحمام. حجه: وادم متوثة نوم. كل خير ما بيها. انطيها بس تختخة بس راحة. أكوم اليوم جمعة. أذكر ربي. أعيش يوم الله من الله. لا شافكم. يحجيها ويباع عليه. هسه أني شعليه مو كاعد گبله!

بس خفت أنطق. لا عگازته تجي براسي. وأني راسي ما ضال بيه ترميشة من ورا ابنه. بس الظاهر البطني هم مثل أبوه. لا يرتاح ولا يخلي الوادم ترتاح. من صار بطني ولهسه لعب بحالي لعب. گمت من مكاني. سويت ريوك لخالتي وودّيته الها وصعد. رجع صعد أيوب وراي. شغل التلفزيون وكعد ع التليفون. گمت من مكاني. أخذت اليموت. نصيت التلفزيون أريد أقرا. رجعت. جره حطه ع أعلى شي. حجيت: أكلك منو الحامل؟ أني لو أنت؟ شو هرموناتك اليوم مو طبيعية.

صاح وغلط عليه. تركته ونزلت أسوي الغدا. نزل راح للاستقبال. ما حلاله يطلع عصبيته يم غيري. رجع كابلني وزلم تليفونه. خابره بلال. أخذ المقسوم ورجع خابر علي. رد وهم أخذ المقسوم. وطلبهم اثنينه. نص ساعة هم بالباب اتواجدوا. راح طلع الهم. حجت: كل من وراج صلب هالمساكين ذولة. هسه جمعة. شعنده مكعدهم من نومهم وطالبهم؟ زلمتج مريض. دتنحنحي ورضي كله مبوزة. ـ أني شعليه. غمّتني ومشت. دك التليفون.

خابرتني أمي تبجي وتصيح: ولج غفران يمه. أخوانج لعبوا عليييه. صحت: خييير! ـ ولج رديت لبيتي ييمه. لا حميد ولا غراضه بالبيت خلا. علي يعزمني على ثواب أبوج وأجيت يمهم. تحجي وتشهك وتبجي من كل كلبها. گلتلها: هسه أجيج. مسافة الطريق واني يمج. صاحت: خالة فدوة عينج ع الأكل. بس أروح لأمي. صاحت: شبيها ولج تعاي. ـ أحمد رايد يشيل وهي ما راضية. متفق ويا علي ياخذها لبيته البارحة. وشايل غراضه كلها.

ـ لا ينذل. اصبري. البس عباتي أروحلها وياج. ركضت ع الدرج لبست بسرعة ونزلت. طلع بوجهي أيوب: وين وليه؟ فوتي جوا. ـ علي وينه؟ علييييي! ـ صوتج من الناس بنت الأوادم. فوتي. طلعت خالتي وراي وهو يصيح: شكو يمه شصاير؟ دخل علي دفعته: أنت أخو لو عدو؟ تاخذها لبيتك حتى تخلي أحمد يشيل؟ ما فكرت من عفتها تدخل للبيت وحدها. يمكن يوكف گلبها لو شافت غراضه ماكو. ـ أنت أبقي بيت رجلج ولا تدخلين. أحنا نحلها.

ـ أسوفك حليتها وأنت عايفها تشهك من البواجي بالبيت وحدها. دفعته وطلعت. أيوب صاح: بلال خذها هي الوالدة. صعدنا أني وخالتي. وأخذنا بلال. الشارع فارغ. وصلنا بسرعة. دفعت الباب وفتت. لكيت أمي كاعدة بالكاع ذابة شيلتها. أملحه شعرها. لاطمة وجهي وتشهك وتبجي. بس شفتها بهالحال حيلي انهد.

وهي تصيح: ذب امه ولج. يمه وراح أخذ مرته وعافني. ولكم جبيري وفتحت عيني. عافني بالبيت وحدييي. ولكم المن ربيت. المن شكيت. المن تعبت. المن شاب هالرااااااااس كله. وكامت تلطم وتملخ بشعرها. حضنتها واني أجر بيها وأبجي وأكولها: ما يسوى دمعة من عيونج. حرام تقهرين روحج عليه. اللي ما اشتراج يمه لا تشترينه بصحتج. گامت تواسيها خالتي وتگوللها: كومي خية كومي. الله يساعدج يخيه ع هالمصيبة.

گاعد نحجي سمعنا صوت الباب ضرب. جا أيوب وعلي ورانا. شلناها أني وخالتي وكعدناها بالهول. البيت بارد. سديت البيبان ورحت أدور الصوبة. وخالتي تگوللها: تعاي كعدي ويانا. والله عدنا غريفة فوگ. گابلي غفران وأكعدي. وهم تكابلي. نتونس أنا وياج. شمالج دخلي يولون يمعوددة. وأمي تمسح بهالدموع وترجع ليورادگ الباب وفات علي. گاللها: يمه الحجي راح يطب. تعدلت ولفت حجابها وهو دخل بعگازته. وأني حطيت الصوبة گباله. دنك عليها

باس راسها وهو يگوللها: تبجين يمه ع هالنكس. والله أشيلج بعيوني. تريدين أحطلج غفران تعيش وياج؟ والله ما عندي مانع. بس أتحمل كسرتج هاي. أني دموعي تجري ويا دموعها. وعلي گاله: لا حجي. جا ما نعوفها بيوتنا وين راحت؟ صدك جذب. والله هو توسل بيها تشيل وياه. بس مارضت. الا واحدنا شفايتله يباري أمه ويخليها عنده يداريها. حجه أيوب: لا حجي. أني راح أبقى يمها. وأكيد لازم يصير حل لهالموضوع.

ـ إن شاء الله يصير حل. وواحد من أخواني يجي يمها. بس اللي أريد تعرفه. إذا محد قبل يجي يعيش يمها. أني مكاني يم أمي. وأنت حر تطلكني تعوفني. قرارك. حجت خالتي: هسه دضلي يم أمج وديري بالج عليها. والله كريم. طلعوا أثنينهم. وأني رجعت لأمي. راسي كام يوجعني من الهوسة الصارت. حطيت راسي بحضنها وبقيت يمها. غفيت ع رجل أمي. صاحت أمي: خايبة أسيل فرشي لاختج خطية. ولج حامل وتعبت. فرشيلها يمه.

فتحت عيني گلتلها: لا أريد أنام بفراشج. أريد بحضنج. دفَرتني نورة: خب دكومي صرتي طعرة وبعدج تريدين تنامين بحضن. أني. صاحت أمي: لا أتفوريها هيج. شمالج يمه غير حامل. ضحكت هي: شني يمه معلك بخيط. ـ لا يمه على كيفجن وياها. خطية حامل. أول طفل. كومي ييمه نامي بفراشي. ـ تكومين وياي حليمة؟ أكوم. ما تكومين ما أكوم. حجت أسيل: اهو غفران. نريد نكعد ويا أمي. نريد نسهر.

دولي. بقيت أحضن بيها وأغورهن. گومتني من حضنها وأخذتني لفراشها وتمددت وحطتني ع مخدتها. حضنتها وهي بقت تسولف ويا خواتي بصوت ناصي. أني غطيت بنومتي ع صوتها. للصبح كعدت. سويت ريوك أني وياها وأضحك وياها حتى أغطي ع حزنها وما أخليها تنقهر. خواتي وجهالهن كلهن نايمات. بس أني وياها. أتصل أيوب. رديت: ها. شلونج يابه؟ ـ هلا يابه. ـ داومتي اليوم لو لا؟ ـ لا والله ما أكدر أعوف ماما بهالوضع. ـ شلونها هي؟

فتحت سبيكر وگلتلها: شلونها حليمة؟ تخبل. جرت الكحل وحطت من حمرتي السحرية. وصرت بت عشرين. حجت هي: فلشج كون. ولج لا يروح يصدك. ضحك أيوب وهو يكول: يا يابه. بس لا تدورلها أعلى ولف. الحجية. صاحت: جا وحد شني. هم نريد نشوف. أيوب: حقج حقج. شلون تريدينه؟ حجية. حتى هم يلا أشد حيلي أدورلج المواصفات. ـ أسمع. يمه أريده متروس. كون سمين. ـ شتسوي بالسمين؟ ما يفيد يمه. تلكينه عطلان.

ضحكت وهي تكله: فلشك كون. لا خايب. يمه أسمع. هو الزين عطلان. السمين يصير حنين. وباله كله بالأكل. وشحجه الأكل. وأنا هذا الأريده. ـ حجية أنتِ رايدة مطعم. ما رايدة زلمة. ـ يا عاب حاله الزلمة. شسوي بيه؟ ـ يونسج يمه. ونيس. وهذا شتا الوضعية تطلب؟ ـ ولج هاذ الحجي مالج طلع. هم أفيسد. ضحكنا أني وياه من كل كلبنا. گاللها: خلف الله عليج يمه. هاي فوك ما أريد أفيدج. شلونج يمه شلون صحتج اليوم؟

ـ هلا يبعد كلبي. بخير ما طولك أبخير. يبعد كلبي. ـ فد شوية أمرلج. شمشتهية أجيب وياي. ـ مشتهية شوفتك يبعد عمري. عساك سالم ييمه. ـ ما أبألج تروحين. أطلع. أحطلج خادم بالباب. والله. ـ لا يمه من فدوة أروحلك. ما أريد غير سلمتك. يبن الأصول. الله يحفظك ويخليك. ويكومك ع طولك. مشافى معافى. بجاه هو علي.

ـ ما طول جبتي علي. جا خلي أجي آخذج أنتِ وغفران. أزورج. علي تفتحين كلبج يمه وترتاحين. وأني هم صار لي فوگ ال٤ أشهر ما زائرة. مشتاق له. ـ والله ييمه. هاي الدعوة الما تنزد. ـ جا خوش. حضري نفسج أنتِ وغفران. فد ساعة أني يمكم. واحتمال أجيب الوالدة ويانا تونسج. ـ أي والله ييمه. أنا حيل أحبن أمك. أختي هاي. جيبها. ـ بعيني. هسه أگوللها وأجيبها. أنطيني غفران بلا أمر عليج يمه. ـ أي. أنطتني. سديت السبيكر وگمت من يم أمي. گمتي؟

أي گمت. گولي علي أخوج ما أجا؟ ـ لا والله ما أجا ولا خابر. ـ طايحين حظ. أذب أمي على مود مرة. أكلج أخابر علي لو بلال ياخذنا للنجف؟ ـ بلال. راح تتأذين إذا أجى علي. هسه تكله لو ما أيوب يجيبك بشغل ما أجيتني ولا دورتني. الما يجيبه گلبة يا أيوب. أنت تجيبه. ـ أني گلت يتفاهمون. ـ راح تتأذى هسه. مو وكت تتفاهم. خل يمر ع الموضوع أيام. تتأقلم وتتعايش ويا الوضع الجديد. يلا تكدر تفكر وتتفاهم. ـ هم صحيح. حضري نفسج لعد.

ـ أكلك جيب لي وياك قميص وبنطروني. لأن أني جيت بملابس البيت. بس لبست عباية. ـ بس ذني؟ ـ أي. وفلوسي تلكاهن بالكنتور بالنص جوا ملابسي. ـ شتسوي بيهن؟ ـ خاف أحتاج. ـ دگلي خ***. لعد أني جاي وياج. طنطل بتل بتل. أبتسمت: ديلا انتظرك لعد. أمي گعدت خواتي وبلغتهن راح تروح وياي زيارة للنجف.

گالتلهن: آخر وحدة تطلع تحط مفاتيح البيت بالسندانة الحجر. وگمنا غسلنا غسل الزيارة. وكعدنا ننتظر لحد ما أجا. بدلت وطلعنا. أمي انطلقت ويا خالتي جدر ولكا قبقة سوالف مال قال وبلا. أني لعبانة روحي الطريق كله مصبرة روحي ما أتقيأ. لما وصلنا النجف وكفتهم ونزلت. ذبيت بطني كلها. ورجعت كملت بس نحلانة وكوة أمشي. خالتي وأمي يمشين گدامنا. وأني ساندة أيوب يمشي ع عگازته. مدري هو الساندني ولازمني. أروح منا وأجي منا أحس روحي سايحة وراسي دايخ.

بلال أخذ السيارة للكراج ونام بيها. گاله ع الاتصال من نخابرك تعال. دخلنا زرنا. وأمي شگت وبجت. ودعت كومة. وخالتي وياها ع فرد بجية. وهي تكلي: بس يطلع أيوب أجى هنا. أدعي عليج لو عافني ابني. وأني أبتسم الها. كملنا. أخذنا دخلنا مطعم غدانا. لما طلعنا أمي صدت بعينها العاب الجهال. گامت عيونها تصب. تكلي: كل مرة أزور ما أرد. لا ما أحمل هاللعيبات لفروخ حميد. تاليته هدني ومشى الچلب.

خابر بلال أجا أخذنا ورجعنا لبغداد. وصلنا المغرب. سلموا علينا. وأيوب گال: راح تبقين بس أنتِ وأمج بالبيت؟ ـ لعد شسوي! ما أكدر أعرفها وحدها. ـ لو ترضى تبات عدنا كم يوم. ـ هالفترة صعب. بس تتأقلم. بس أكولك باجر دوامي الصبح. ما أريدها تبقى وحدها. شلون؟ ـ أخابر علي يجي بحجة يوصلج للدوام ويرجعج. يبقى الوقت يمها ينتظر لحد ما تحلين. ـ تمام. تعبتك ويانا اليوم. ـ لا أبويه. شتعبت غير أمي هاي. أحبها أكثر منك.

أبتسمت سلمت عليه ومشيت. نمت أني وأمي بنفس الفراش للصبح. گعدت خابرت ع أيوب. گال: علي أجا أخذ السيارة وجايج بالطريق. اتجهزي. أني راح أطلع للهيئة عندي شغل. ـ تمام. أنتظرت. أخذني علي. لا أني حجيت وياه ولا هو. متزاعلين. وصلني ورجع لبيت أمي. خلصت دوامي. طلعت لكيتة واكف منتظرني. رجعني لبيت أمي. استمر هالحال ٤ أيام. أيوب ضاج من وضعي. گالي: أخوتج اعتمدوا عليج. أنتِ يمهم. وأني باقي هيج. جا هم ما يعوفون نسوانهم ويجون يم أمهم؟

وأني العايف مرتي. ـ شسوي يعني؟ شبيدي؟ ـ هسه أني ما گایلج شسوين. بس جزعت. مرتي أريدها يمي. أني هم رجال مريض. أريد التكعد وياي اداريني تكابلني. إلى متى يبقى الحال هيج؟ أخوتج لا إحساس ولا ضمير. هسه گلتلج. أبقي. غير يحسون. يجون يتناوبون. كلش ما يستحون. صاحبك حلو. لا تاكله كله. ـ أيوب من البداية أني...

قاطعني: أكلي خ*** أنت وانجبي. حلكج لا تفكين. سالفة عوفني وطلكني. وأني أريد أمي. والله أكسر ظهرج لو حجيتيها. زلمة أني. ابني أبنج. شنو طلكني شنو عوفني؟ أني ناقص حمل. شصير لأبويه؟ لخواتي؟ ألج روحي. ترا مصختوها. من أنعل أبوكم لابو الخلفكم. ـ دا تسب منو؟ تسب أبويه! سد الخط بوجهي. أحتارت. شسوي؟

أيوب من صفحة. وأمي من صفحة. بس رغم كل شي أمي ما أگدر أجازف بشعورها. وأگولها رجلي يريدني. ما أتحمل أجرح أمي. وأيوب حقه مريض ورجال يحتاجني. وعشت بين نارين. خابرت ع أختي هديل وطلعت ع المرجوحة أحجي وياها. گالت: حقه. شحجي؟ حقه غفران. لا تلومي. زين منه عافج كل هالمدة تكابلين أمي. والله أني من گتله أروح أبِيت يوم واحد. هجم الغرفة فوگ راسي. وبالتواسيل والبواجي والعرك. يلا جابني. أخوتي جلاب. بس گليلي الحل شلون؟

لا أمي ترضى تعيش يم واحد منهم. ولا واحد منهم اتنازل واجا يمها. ـ أمي حقها هديل. يعني تعرف بيتها العايشة بيه عمر. وتتهجول بهالعمر حتى تروح تعيش عد الجنة؟ هن لو يردن أمي وياهن جان عاشن هنا. بيت جبير وخالي. بس هنه هنا وما رادنها. يريدنها ببيوتهن! ـ والحل شنو گليلي؟ ـ أني ما أحجي ويا علي. خابري افتهمي منه.

ـ حجيت وياه. وصارله ٤ أيام متعاركين هو ومرته. تگله ما أعرف بيتي وأطلع. تريد خلي أمك تجي تعيش عندي. أني ما أعوف بيتي. وهم مبتلي الولد. شلون! ـ والله يا هديل. أني أحتارت. والقرآن أحتارت. وراسي منا ولعبان النفس والنحول. وامتحانات أجت. دك امتحانات ومزفت بكل معنى الكلمة. ومدري شسوي. ـ الله يساعدج. والله حاسين بيج. بس شنسوي شبدينا! نهيت الاتصال وياها وبقيت كاعدة ع المرجوحة.

أجت أمي كعدت گالت: الشمس حلوة هنا. مليت من كعدة الغرفة. خنكة. ـ أي أطلعي يمعودة اشتمي هوا. ـ شبيج ييمه؟ شو وجهج مو على بعضه. أتنهد: راسي يمه حيل أذاني. مدري نحول. مدري وجع راس. مدري لعبان نفس. متت والله متت. ـ يحتاجالج تغذية يمه. هسه أطلع أجيب لج كسور ما عظم. أسويلج مريكة تطيبج وتكعدين وزن. لبست عبايتها وراحت تتسوك. كعدت أدرس بين ما راحت. ساعة ورجعت. وكفت هي تطبخ وتغني وتدندن ويا روحها. عليمن يا گلب تعتب عليمنه

وهويت وجربت وامنت بيمن... دمعت عيوني ع غناها. هاي تاليتنا! كسرت ظهرها وتعبت وشيب راسها. وفدتنا بحيلها وصحتها وشبابها. وهيج نجازيها ع تالي الشيب. كل واحد بينا يفكر بشريك حياته. وندور حل حتى نخلص من حملها! دمعت عيوني واني مصفطة كتبي أدرس. وهي طبخ لتلي. أندارتلي: اسم الله بنيتي. عليش هالدموع يمه. ـ عبالي بس أني أكثر وحدة احتاج أبويه بيناتكم. طلعت غلطانة. أني حجيتها وهي هزت راسها. الدموع جرن.

گمت من حيلي گلتلها: عسى الله لا يوفقني ولا ينطيني الصحة. لا ألي ولا لأبني. لو فضلت أحد عليج. لو عفتج. معليج بأخواني وخواتي. أني أبيع روحي وأشتريج. ولا أتحمل دمعة منج.

ـ أني الما أرضاها ييمه. بس عازة أبوچ عازة. جنت كل ما أكوم وأتعارك وياه. وبساعة عصبيتي أكله. ما الله يخلصني منچ. بس يبتي. المرة بلا زلمتها تضيع. لا ابن يفيد ولا بت تفيد ولا أهل يفيد. لا ما زلمتج فوگ راسج. جذب مالج سگف. بس شسوي. أعلى ضيم هالدو١عش الهدموا سكف بيتي فوگ راسي وخذوا زلمتي. عساها بحظ وابخت كلمن سواها وشرك بيها وخلانا هذا حالنا. حسبنا الله ونعم الوكيل. الواحد شيكول غير الله موجود.

ـ الحمد لله ع كل حال. كل دمعة وكل حسرة أجرج جهاد عند الله. ما دام شهيد في سبيل الله. كل معاناتج من بعده جهاد يم ربج. ـ الله يسمع منج ييمه. ويكتب لنا خير من هالدنيا الفانية. ـ خابري رجلج يمه. خل يجي يتغدا يمنا. سويتها شلون مركة. وعلي تخبل تلوك لحلكة. ـ مو صاحبج هو. خابري أنتِ واعزمي. ـ أي والله صويحبي وعزيزي. أخابره ليش ما أخابره. خابرته وفتحت سبيكر. گاللها: هلا بالغالية. أبشري.

ـ يبشر بعزك يبعد حيلي. سويت ذيج المركة الطيبة. وأتنغصت لك. وهاي الجلبة تغار منك. شلون ذكرتك تكلي صويحبج. كتلها أي والله صويحبج وعزيزي. ـ والله عاد الأكل من أيدج يمه ما ينكال عليه. لا أم نفس الطيبة أنت. ـ جا تعال مر لنا. خل أثرد لك. والله سويتها تخبل. ـ يلا هسه مسافة الطريق. بس شرط. ـ شنو؟ ـ أنتِ التكابليني بتج هاي المسمومة. ما أريدها تغار من عدنا. أني وياج. ـ دخلي أتولي. بس أني وياج. شلنا بيها.

ـ هاهية لعد. هاي خلصت شغلي و جايج. حضري لي البصل. بس لا تكصصيه. كون طگ بالكاع. ـ غالي والطلب رخيص. جنك ع بصل. ضحك ونهيها. گالت: دضلي أنتِ يلي التغارين. صدك. شوية صف السيارة بالباب. وفرشنا بالحوش ع الشمس. وهي طلعت له وسوالفها وضحكها وياه حيل. أفترهت. بس حسّت أني وياه ما نتحاجه. مثگل وجهه عليه. وأني حجيت ويا مرة مرتين مجاوبني. عفته. كملت غدا وشربت جاي. هو گال لها: صليت الظهر وفرض العصر ما صليته. بس أصلي.

گالت: وصلي رجلج يمه للحمام. وأني خلوني أروح أمدد ظهري. لا ما أتمدد وأنام. يكتلني الوجع. وصلته وهي راحت لغرفتها. وكف يصلي. صاحت لي: متعاركين أنت وياه؟ ـ لا. ـ روحي ويا رج... قاطعنها: لا تعيديها. ولتحاولين وتكوليها. ما أسويها. وهو ما طالب مني. بس هو عصبي ويتجاوز بالكلام. وأني متحملته.

ـ ميخالف بتي. روحي يمه. طيب هو وزلمة ينحط ع الجرح يطيب خاطره. ولا تخلي يطلع زعلان. بنيتي. أني راح أنام. روحي أنتِ يمه. لا تخلي وحيدته. يلا يمه. ـ إن شاء الله. رحت له. هو مكمل صلاته. حجه: أني أروح. ما محتاجين شي. ـ أيوب. سبيت أبويه! ـ لج أنتِ ليش ما تتأدبين؟ ترا جزعت. ـ أني بس أريد جواب. سبيت أبويه. ـ أبوج خير ما ينسب. مشكلته خلف هالشكولات الزفرة المثلج ومثل أخوتج. أبتسمت: سابحة. والله. ليش زفرة.

ـ دگلي خ***. راد يكوم. گلتله: أكعد نسولف. ـ لا رايد السوالف وياج ولا طايقها. لو ما أمج هالمسكينة. بالله فلا أجي ولا أشوف خلقتج. ـ زين أني شنو ذنبي أيوب. ـ أنتِ تصيحين. أني شنو ذنبي؟ وأني أصيح. أني شنو ذنبي؟ وهاي نشوف وين تاليها. ـ زين بربك لو جانت أمك وبهالوضع. تعوفها لخاطري! أحلفك بالإمام علي. جاوب.

ـ أني گایلج عوفيها. حاجي. بس السالفة صارت سگتة. غفران. أخوتج اعتمدوا. وخواتج ضمن روسهن. محد أجت. ولا أحد منهم. كلهم بين. غير تلتمون تشوفولكم حل. هسه نگول البنات بحكم رجولتهن وأمرهن مو بديهن. بس يخابرن. يسعن. يجيبن أحمد. يجيبن علي. وتوصلون لصورة حل. ترا محد متضرر من وضعكم هذا غيري. كافي. ـ حقك والله. گمت من مكاني وگفت گدامه.

وهو لازم عگازته: سودة عليه. والله أدري عايفج وأنت مريض. وهذا حالك. بس وربي ما مرتاحة. عايشة بين نارين. نارك ونار أمي. كل واحد بيكم معزته بگَلبي مو هينة. ـ لا والله هين. ولا مشتريتني. وآدوريين الفكة مني. والطلاگ ع طرف السانج. ـ والله فلا هين. بس أيوب افتهميني. هذه أمي. ـ يا أبويه والله مفتهم. بس گليلي الحل شلون. حطيت

راسي ع راسه وحضنته وگلتله: تعتقد ما بودي أرجع يمچ. وأرجع لفراشي ولحضنك. والله وكبره مشتاقتلك. بس شبيدي. ما حجه. وخرت راسي وميلت بوجهه. باوعت له. تنهد. بسته بخده. همس: هذا حالنا يعني؟ ـ على أي حال. أنت عاجبني. ـ عاجبج؟ أم راس مرمرتيني. ـ والله ويشهد على كل حرف يطلع من حلكي. شگد أطلع وأمشي وناس ودنيا. مثلك محد يملي عيوني. شكلك. هيبتك. حنيتك. گلبك الطيب. الله حيل يحبني وجابك الي. والله أنت أثمن نعمة أنعمها علي ربي.

ـ جا حسي بيا. ما طولني نعمة. أمرمرتني ليش! همس. وأني أمشي أيدي ع وجه: حاسة. باوعلي. وكال: الباب مفتوح. يمعودة. شعلتي أبو ابويه. همست: ينسدكمت من مكاني سديت الباب ورجعت له. أخذني بين أديه. يبوس بيه. جان مشتاقتلي هواية. والاشتياق شرحتهم اديه. وهي تحضني وتاخذني اله بقوة. بقيت متمددة ع ايده. واني ع طرف القنفة. وهو بدأ يغفي. گلت له: أجيب لك دوشك تنام وترتاح هنا. عود لليل روح. ـ ما نايم. بس خليني شوية مستقر. تعبت.

بسته بصدره ورجعت راسي وبقيت حاضنته. حجه: أسعى أني؟ ـ شتسوي؟ ـ شسوي. أخابر علي. ـ شتكوله؟ ـ أكله خوية. حسوا ع أرواحكم. وسووا صورة حل. جا أنت عازل ببيتك وكاعد. وأخيك ذاك عازل. وأني مبتلي. وضعولكم صورة حل. معقولة ما بيكم زلمة اليكدر يباري أمه ويكابلها. ـ أنت الك حجاية عليهم. يستحون منك. علوا إذا تدخل وتحلها. ـ أنطيني تليفوني.

گمت من عنده. أنطيته تليفونه. وگمت للمطبخ. أمي جايبة كعك أبو الدهن. سويت جاي وكعك ورحت. فتحت البلازما مال الاستقبال. سده. گال: شجاي تسوين؟ أريد أروح. ـ دبقى يمعود. خلي نباوع شي فيلم. ـ يا فيلم يم عودة. أريد أطلع للشورجة. عندي كومة شغل فوگ راسي. ـ الشورجة تفتح العصر! ـ تصفيت حسابات أبويه. مو بيع وشرا. ـ ها. بس أكل الجاي والكعك وياي وروح. گام للحمام غسل وأجا كعد وياي ياكل. حجيت: علي شكالك؟

ـ گلتله أريدك أنت وأحمد يمي أبيتي اليوم بالبيت. ورچيته ذيج الرچة الزينة. گال هاي تأمر حجي. اليوم أني وأحمد يمك. ـ ديلا أبويه. ديري بالج ع الوالدة هم. يلا أروح للشورجة وأرجع لبيتي گبل صلاة المغرب. محتاجة شي؟ ـ لا يروحي. الله يديمك.

باس راسي وطلع. رحت أني لميت الغراض بالمطبخ. نظفتهم ورحت سبحت ورجعت أقرا. أمي كاعدة يمي ع التليفون. لهناك اندگت الباب. طلعت أمي. جان بلال. بيده مسواك مال بيت كامل. وصمون ومعلاك ولبن. عشا النا أني وأمي. مودي أيوب. جابته واجت گالت: رجلج هذا ييمه. تفتحين گلبج وتحطينه بلبة گلج. يغفيرة. يمه لا تأمنين روحج ويا غيره. بشينه وبزينه اتحملي. ذهب معدنه ذهب أصلي. حتى لو يقهر. ما يكسر ولا يظلم. صدگ الله يحبج وودالج هالايوب هذا.

ـ منيلي يمعودة. فاتني رضاوي. جان هسه أني بالعلالي. فوگ فوگ. ـ ييي بره. من شكوله. ضحكت: تتذكريني ماما؟ من جنتوا تسألوني ليش ما مهتمة. وأكولكم الله موجود. أني جنت مؤمنة إيمان تم. ربي راح يكتب لي اللي بيه الخير. شلون فرها وطلعلنا سفرة إيران. لا بالبال ولا عالخاطر. وعمة. حتى مو هو الشافني. وخطبني. وصارت. منو يصدك!

ـ جا قسمت ربج. لو راد. لا أحمد ولا أشگوله يوكفون بوجهه. بس كون الواحد يمشي عدل بدرب الله. والله لو شافك مايل. أيس منك ودار عنك وعافك بويل. ـ الحمد لله رب العالمين. اللي يتوكل ع ربه ما يخيب. دائماً أردد. من يتوكل ع الله فهو حسبه. (إن الله بالغ أمره) . ما يخذل. حطينا العشا واتعشينا. ومن بعدها. خابرت أيوب حتى أعرف شصار. گال: إذا اكو زمايل وطايحين حظ. أخوتج. بالله العظيم. گلتلها ليش؟

ـ ولج أگولهم أمكم. أحمد يكلي حجي. مو كل الحجي ينحجي. وأسيل تتعارك ويا مرتي ع حفاظات. ومرتي ماخذة ماخذة مدري شني. وفد سوالف تفشل. وعلي أگله أمك. يكلي حجي. أحجي ويا مرتي اليوم وأضغط عليها. انتقل يم أمي. أشوف روحي محترك ع أمج أكثر منهم. وعليّ تنهد: گول يا حيف. النار تخلف رماد. أبوي مات وعاف لنا ذولة. ـ أي والله. ـ هسه شنو؟ ـ أحمد أغسلوا أديكم منه. كل خير ما بيه.

ـ علي هاه. راح يتعارك ويا مرته. بلكت تقبل تجي تكعد ويا أمه. ـ ما يجون وربك. ـ الله كريم. يحلها ربج. ما تضل هيج. دزيت لكم عشا بيد بلال. وصلكم. ـ مشكور. أمي حابتك أكثر ولدها. ـ يشهد الله. محترك عليها أكثر منهم. وإلا جان كلت شعليه. أني وأجيت من راسج. أجرك غصباً ما عليّ. وفنه اللي يحجي مرتي ورايدها. بس الواگفة عيني أمج. مرة طيبة. ما تستاهل اللي يجراله. هاديلا أبويه. أخذي راحتج. باجر تداومين؟ ـ أي والله.

ـ احتمال أمرلج. أوديج للدوام وأطلع لشغلي. ـ يا ريت. ـ اخذي راحتج أبويه. ثاني يوم. ب٧ الصبح. أجاني أيوب. گلت له: محاضرتي ب٩. أروح هسه شسوي! ـ دمشي بدلي بسرعة. يمعودة. هم يلا أوصلج وأطلع للهيئة. عندي شغل. ـ متريك؟ ـ لا والله. ركضت بسرعة حطيت له الريوك. أجا علي. گاله: حجي هنا. ـ أي والله. جاي أوصلها للجامعة حتى أطلع للهيئة. ـ مو جاي ع غفران. ما بلغتني. ـ نسيت والله. أخذ راحتك هنا. عود بالرجعة روحلها. شصار ع موضوعك؟

ـ والله حجي. عفتها تلم ملابسها وشدت غرضها. وتكول ما أكعد. وخابرت ع أهلها. وكبرتها وسوتها هوسة. وراسي وكف بالقرآن. شسوي ما أعرف. ـ تنحل تنحل إن شاء الله. أكعد تريك. ـ لا بالعافية. هسه تكعد أمي نتريك أني وياها.

وكفت أني. گام أيوب غسل وطلعنا سوية. أيوب جان لابس عسكري سادة صحراوي. وبلال لابس عسكري زيتوني. واثنينهن ع أديهم اللوگو مال الحشد الشعبي. گاعدين ليكدام. وأيوب لابس نظارة. أني كاعدة ورا. وصلني للباب. نزلت. ساري جاي يدخل للجامعة. وكف من شاف السيارة حوثية عسكرية مظللة. نزلت منها. نزل الجامة أيوب. گال: محتاجة فلوس؟ ـ لا. عندي خير من الله. توصل بالسلامة. رفع الجامة وانطلقوا بدربهم. مشيت من عنده.

جان گال: مو بس جمسي لا وعسكر يشتغلون عدج. والله عمي عال مستفادات أمهات العبيو. گفت واندریت له: تشوف العسكر اللي نزلت من سيارتهم. ذول ياكلون بشر. وكاطعين روس كومة ناس. حسبت أرواحها ع الزلم. فإذا ردت راسك ينضاف الهم. مسني بحجاية. لو حاولت تعيد حركتك السخيفة وتجي تكعد يمي. وشوف اليجرالك منهم. ردت أفوت. حجه: إذا قرب منج موت. تستاهلين الموت يا أم عباية.