رواية صراع زعماء القوة الفصل الثاني 2 - بقلم رودينا محمد

الزعيم: أنا واثق إنها هتنجح زي ما نجحت معايا، وساعتها هقدر انتصر على زيدان. كنان: أنا عارف يا زعيم إن اللي حصل زمان أثر معاك، بس أنا مش عارف إذا كانت التجربة دي هتنجح ولا لا، وخصوصًا إني أول مرة أعمل حاجة زي دي، وكمان لما أنت أخدت المحلول مش أنا اللي كنت عملته. الزعيم: حاول، مش هنخسر حاجة. كنان بتنهيدة: عارف إنك عمرك ما هتتغير. رودينا برعب: هوووف، إيه دا، الحمد لله إني لسة عايشة، أنا مش عارفة أعمل إيه.

سيران بخوف: أنا خايفة عليكي يا رودينا أوي. رودينا: سامعة اللي سامعاه؟ سيران بارتباك وخوف: إيه؟ رودينا: جايين دلوقتي، اسكتي. سيران: حاضر. وإجا كل من كنان وحمزة. كنان: لآخر مرة هسألكم، موافقين أعمل عليكوا التجارب؟ كادت رودينا أن تجيب، ولكن نظرت للزعيم فوجدته ينظر لها بنظرة تحذير. شخص في خيال رودينا: لااااء، سيبيلي أنا الطلعة دي. فأجابت رودينا: مالك بتبص كدة ليه؟ هخاف أنا منك يعني كدة ولا إيه يا مامي؟ تصدق خوف.

الزعيم شعر بصدمة والدم صار يغلي في عروقه، فرفع المسدس ووجهه نحوها وقال: أنا ممكن أجيب غيرك في التجربة دي. وكاد أن يطلق طلقة عليها، ولكن توجهت له رودينا والهدوء والبرود واضح في عينيها، ووقفت أمامه. الزعيم: إنت إزاي تتحركي من غير إذني؟ رودينا: مش محتاجة إذن منك من الأساس. وأخذت المسدس من يد الزعيم بسرعة البرق ورمته بعيداً

وقالت ببرود: لو كنت عايز تقتلني، كنت زمانك قتلتني من زمان، وما كنتش استنيت لما نصحى أنا وصحبتي عشان توجه لينا كلام. حمزة بإعجاب من تصرفها: لاء، لماحة برضه. وخلع نظارته وقال: من الآخر كدة، إحنا عايزين نعمل عليكوا انتوا الاتنين تجربة، ولو نجحت هيبقى عندكم قوة كبيرة جداً. رودينا: وإشمعنى إحنا الاتنين؟ الزعيم: هتعرفوا بعدين. بدأ كنان بتركيب بعض المحاليل. رودينا تحدث سيران: سيران، أنا خايفة أوي.

سيران: وأنا كمان، أنا حاسة إننا هندوب من التجارب دي. رودينا: تصدقي، ممكن. كنان أنهى ما يفعله وقال: دول محلولين، كل واحد مختلف عن التاني. سيران: الأحمر بيعمل إيه؟ كنان: بيمثل قوة النار. سيران: أنا عايزاه. كنان: طيب. وانت يا رودينا؟ رودينا: اسمي رودينا. كنان: طيب يا رودينا، دا محلول يديك قوة التعدد والتخفي. رودينا بإعجاب: امم، بس مش أعتقد دا في الأفلام. كنان: اشربوا انتوا الاتنين وانتوا ساكتين. رودينا: حاضر.

سيران شربت المحلول ومن ثم رودينا شربته. رودينا: الله، طعمه عامل زي التوت. كنان باستغراب: توت!!! رودينا: آه والله، يا ريتك دوقته. سيران: أنا بتاعي طعمه كان عامل زي الفراولة. رودينا: شكلها بداية مبشرة، بس إلا صحيح، هي المحاليل دي بتعمل إيه؟ كنان: هتحولكم. رودينا بذعر: إيه ده؟ يعني هبقى مستذئبة؟ كنان: لاء. رودينا: أمال إيه؟ كنان: هتعرفوا بعد ساعات.

رودينا في سرها: هو كل اللي هنا هيعدوا يقولوا هتعرفوا بعدين، إيه القرف ده. رودينا: تمام. وذهب كنان. رودينا: سيران، أنا حاسة بحماس وخوف من التجربة دي. سيران: يعني أنا هتحول لنار وأنت هتختفي؟ رودينا: مش عارفة، بس الموضوع ده شطله كبير أوي. سيران: بس أغرب حاجة يا رودينا إنهم اختاروا عشان التجربة دي، ما إحنا تربية شوارع وملناش لا علم ولا أصل.

رودينا: عندك حق، بس يا سيران، عارفة في حاجة كدة بستغربها فينا أنا وأنت، عارفة الوميض اللي ساعات بيطلع من إيدينا؟ سيران: آه، يمكن إحنا نكون قرايب. رودينا: بس إحنا مش شبه بعض. سيران: بس كنا في نفس الملجأ. رودينا: تفكري؟ لالا، ما أعتقدش يا سيران. الزعيم: عملت إيه يا كنان؟ كنان: اديتهم المحاليل. الزعيم: طيب، من امتى عارف إنك اديتهالهم، اتحولوا ولا لا؟ كنان: ميزو... أنت فاكر إننا في فيلم، كل حاجة بتحصل في ثانية.

الزعيم: اسمعني يا كنان، بعد كدة تقولي يا ميزو تاني، أنت فاهم؟ كنان: ماشي يا ميزو. وركض كنان من أمام أخيه الكبير. الزعيم بغضب: ماشي يا كنان. وذهب الزعيم إلى المختبر. رودينا: خير. الزعيم برفعة حاجب: نعم. رودينا: عايز إيه؟ الزعيم: اظبطي لسانك معايا أنا بالذات. رودينا: ني ني ني. الزعيم بغضب مكبوت: حسابك معايا تقل أوي. رودينا: طيب، بردو أنت عايز إيه؟ الزعيم: استخدمي قوتك. رودينا: قوة إيه؟

الزعيم بغضب: مش وقت غباء، مش أنت شربتي المحلول؟ رودينا: أيوة، بس مفعوله هيبدأ بعد ساعات. الزعيم وهو يصطنع الغضب: تمام. وخرج من عند رودينا. رودينا: هوووف. سيران: بت يا رودينا، إحنا شكلنا هنموت قريب. رودينا: أيوة، بالظبط. عليكي نووور. سيران بخوف: أنا خايفة أوي يا رودينا. رودينا: وأنا هموت على نفسي من الرعب. سيران: والله نفسي أبقى ويك كدة، نفسي ما أبينش خوفي دا. رودينا بنعاس: سيران، أنت مش عايزة تنامي؟ سيران: أنام!!!

أنا افتكرت بتقولي كدة وخلاص قدام الزعيم. رودينا بتتاوب: لاء، أنا كنت بتكلم بجد، تصبحي على خير. سيران: يخربييييت برووودك. رودينا: وربنا أنا مش باردة، أنا ببقى خايفة منه، بس النوم بيغلبني، الاه. سيران: اتخمدي يا رودينا، اتخمدي. رودينا بنعاس: ماشي، تصبحي على خير. سيران: هو في حد هيشوف الخير وهو معاكي. ولكن قد غطت رودينا في النوم. سيران: دي راحت في سابع نومة، يا ربي، هنروح في ستين داهية، استرها يا رب.

الزعيم في سره: هو أنا روحت هناك لي، مع إني عارف إن المفعول مش هيبدأ دلوقتي من الأساس. وحينها أتى كنان. كنان: حمزة. حمزة: نعم. كنان: أنا دلوقتي عايز أعرف إشمعنا البنتين دول، أنت عايزهم ومُصر عليهم بالذات؟ حمزة: البنتين دول مش عاديين يا كنان. كنان باستغراب: إزاي؟ حمزة: دول أصلاً البنتين اللي زيدان عايزهم. كنان باستغراب: زيدان عايزهم لي؟ حمزة: زيدان لو كان لقاهم قبلي، كان زمانا انتهينا.

كنان: أنا عايز أعرف كل حاجة بالتفصيل الدقيق. حمزة بتنهيدة: البنتين دول عندهم قوة مش عادية، هما أصلاً عندهم قوة خارقة بس مش عارفين عنها حاجة، ودا كنت تلاحظه لما البنت جات وخدت مني المسدس ورمته. كنان: طيب، وخليتني لي أدهيم المحاليل طالما هما عندهم قوة أصلاً؟ حمزة: عشان نعرف نهزم زيدان، كدا القوة هتبقى عندهم قوية جداً. كنان: بس أنت عارف إن زيدان مش هيتهزم بسهولة. حمزة: عارف، وأنا مش هبدأ الصراع دلوقتي.

كنان: طيب، لو اتهزمنا؟ حمزة: إحنا هنحاول. كنان: بلاش انتقامك يخليك أعمى. حمزة تذكر ما حدث معه وقال بتنهيدة: أنا داخل أنام. كنان: طيب. _يعني إيه ما لقتهمش؟ = زي ما بقول لحضرتك يا باشا، كانوا قدامي بس هربوا لما له ورجالة الزعيم جاية عليهم. _عاااااااا غبييييي غبييييي خلاااص، إحنا كدة هنموووت. = لي يا باشا، أهدى. _أهدى إزااااااااي هااااا، أهدىىىى إزااااااااي هااتلي إيييمن. = ح حاضر. ذهب الرجل وجلب أيمن إلى زيدان.

أيمن بخوف: خ خير ي يا ب باشا. زيدان بغضب: أنا عايزك تعملي محلول بسرعة يكون فيه كل مكونات القوة. أيمن بخوف: بس دا ه هيبقى فيه خطر على حياتك يا باشا. زيدان بغضب: اسمععععع اليييي بقوووولك علييييه، اعملههها. أيمن: حاضر. وذهب أيمن لتركيب ذلك المحلول. رودينا كانت نائمة ولكن استيقظت وهي تصرخ. رودينا: عااااااااااا. سيران بخوف: ر رودينا م مالك.

بدأت رودينا شكلها يتغير، حيث لو عيناها تحول من البني إلى مزيج بين الأحمر والأخضر، وشعرها تحول من البني إلى الأسود، وظهر لها وميض ينتج عن يدها باللون الأخضر وبعض الخطوط المتفرعة من الوميض إلى وجهها. سيران برعب: رو رودينا إيه الي ح حصل لك. كانت تصرخ، فصرخت سيران وهي خائفة من الذي حدث. سيران: عاااااااااااااااااااااااااايتبع.........