رواية ستكون صغيرتي الفصل الأول 1 - بقلم هاجر محمد

اسر بشرود: انت عارف نفسي ف إيه ي ادهم؟ نفسي ف بنت أنا اللي أربيها وأنا اللي أفهمها… تكون أول راجل يشوفه، أول راجل يلمس إيدها، وأول راجل يبص في عينيها، محدش يحبها قبلي، تكون حقي أنا وبس… عايز زوجة تكون التفاصيل دي، من الآخر عايز معجزة تحصل لي. ادهم ببرود: والله والمعجزة دي هتكون منين يعني؟ هتربيها وبعدين زوجة، لا دا أنت اتجننت. بص أنا همشي بدل ما… اسر ببلاهة: تصدق أنا غلطان إني تكلمت معاك. الباب مفتوح، ما تاخدش إذني.

*** دينا: خلاص ي سامح، أنا مش زعلانة. ده قدر ربنا إننا نعيش كدا. أنا كل اللي عايزاه إن أولد بنتنا بسلام. سامح: معيش فلوس الولادة ي دينا، ودي الحاجة الوحيدة اللي خايف منها. دينا عشان تخفف عن جوزها: خلاص ي حبيبي، ما أنا قولت ناخد فلوس من اللي أهلي سابوهالي.

سامح: أنا مليش حق في الفلوس دي ي دينا، دي تبعك أنتِ. وبعدين لو أخدنا منهم حاجة، أنتِ عارفة أعمامك لو عرفوا مكانها ممكن يقتلونا، هما بيدوروا علينا لحد دلوقتي عشان الميراث ده. دينا بدموع: هما السبب في كل حاجة. سامح: خلاص ي حبيبتي، اهدي، وأنا هنزل أشوف شغل. دينا بحب: ماشي، ومتتأخرش. سامح نزل وهو مش عارف مصيره إيه وإزاي هيجيب فلوس. *** اسر قاعد يشتغل وفجأة جاله مكالمة: أيوه ي هبة، مش قولتلك متتصليش وأنا في الشغل؟

هبة بدموع: آسر، عمو عمل حادثة. اسر بصدمة: بابا! أنتِ بتقولي إيه؟ أنتوا فين وبابا فين؟ هبة: في مستشفى ***، تعال بسرعة. اسر أخد الجاكت بتاعه بسرعة وطلع من الشركة جري. *** في المستشفى تحديدًا. هبة: أكيد أنت السبب في اللي حصل لعمي، لأنه كان طالع من البيت كويس. سامح بتوضيح: أنا شفته وهو عامل حادثة ومحدش رضي يعمل حاجة، عشان كدا جبته. هبة: أنت كداب، وأنا هتصل بالشرطة دلوقتي. اسر بصوت عالي قاطعهم: هبة! هبة بخوف: آسر!

أنت جيت؟ عمي… اسر مهتمش ليها ونادى للدكتور: بابا كويس؟ وإيه اللي حصل؟ الدكتور: الفضل بيكون للأستاذ ده. لو موصلش بابا في أقرب وقت، كان ممكن يتوفى. بس هو دلوقتي بقى كويس، محتاج اهتمام. اسر: تمام، شكرًا أوي. وينظر لسامح بنظرة غريبة. سامح: أنا معملتش حاجة، كل اللي… اسر بمقاطعة: شكرًا ليك لأنك أنقذت بابا، وبعتذر على الكلام اللي قالته. سامح: مفيش شكر، دا واجب إنساني.

اسر: طبعًا، الشكر حاجة صغيرة. أطلب أي حاجة وأنا هكون منفذها فورًا. سامح: لا شكر، أنت لازم تمشي. اسر: طب عنوان بيتك عشان لو حصل أي حاجة، فأنا موجود. سامح بسرعة: معنديش بيت، أقصد يعني… لا شكر، مفيش داعي لكل ده. اسر باستغراب: تمام. سامح يروح قبل ما يحصل أي حاجة. اسر: إنتي شكلك نسيتي أنتِ مين ولا إيه؟ هبة: أنت مش هتخوفني، أنا غلطانة إني جيت. اسر: تروح؟ اسر يكلم ادهم ويقولهم إنه يعرفله كل حاجة عن سامح. *** عند دينا.

دينا: أنت اتأخرت كدا ليه؟ سامح: لا مفيش، بس حصل حادثة… وقاطعهم صوت حد بيخبط على الباب جامد. سامح: هروح أفتح. وكانت الصدمة…