رواية ستكون صغيرتي الفصل الخامس والعشرون 25 - بقلم هاجر محمد

مليكة هيفرح أوي، خرجت بسرعة علشان تروح تقول لإسر، لكن فجأة جت سيارة ووقفت قدام مليكة ودخلوها جواها. مليكة أغمى عليها. إسر كان قاعد بيشتغل وحس بشيء غريب لكن مش عارف إيه هو، فكر أول حاجة في مليكة، مسك التليفون واتصل عليها لكن مفيش رد. في مكان آخر. مليكة بدأت تفيق وقالت: -إسر! عامر كان قاعد قدامها وقال: -أهلاً بالحلوة. مليكة بصت لعامر وانصدمت: -أنت! عامر ضحك: -أنتِ افتكرتيني؟ مش قولتلك هرجع؟ مليكة: -أنت عايز مني إيه؟

خليني أمشي! عامر: -تؤ تؤ، لسا عايزين نلعب شوية. مليكة بضيق: -إسر لو عرف هيقتلك وأنت عارف كويس! عامر بصوت عالي واتعصب ومسكها من شعرها وقال: -لو قولتِ اسمه تاني مش هيكون فيها خير، وأنتِ عارفة كويس قصدي إيه! بص على بطنها. مليكة بدموع فهمت قصدُه وقالت: -لا والنبي! عامر ضحك بشر وقال: -طب كويس، خليكِ مطيعة بقى. أخد منها التليفون واتصل ع إسر. إسر رد بلهفة: -مليكة؟ عامر: -تيك توك تيك توك، استنيت اليوم ده أوي! إسر بصوت عالي:

-عااااامرر! عامر: -اهدى الأول علشان تعرف تفكر. إسر: -إذا اللي بفكر فيه صح، صدقني هتكون نهايتك، فين مليكة؟ عامر: -ما بقتش حبيبة القلب لوحدها بقى، في حد تاني، وياريت تفكر قبل أي خطوة. إسر استغرب: -حد تاني؟ قصدك إيه؟ عامر: -تؤ تؤ، صعبت عليا ع العموم. هقولك مين الحد التاني ده علشان يمكن متلحقش تعرف بعدين. في قدامك نص ساعة هتكون قدامك 3 أشخاص مهمين عليك أوي: الأول حبيبة القلب، التاني ابنك اللي لسة ما جاش ولا تعرف بيه،

التالت... ضحك وقال: هتعرف لما توصل. إسر أول ما سمع "ابنك" اتجنن أكتر وكسر التليفون، ومتخيلش إنه يمكن يشوف مليكة وابنه اللي كان بيحلم يكون أب يوم... عند نرمين وآدم. رجعوا البيت وآدم متضايق من اللي حصل. نرمين بدموع: -آدم أنا... آدم قاطعها وقال: -مش عايز كلام كتير ومش عايز حد يعرف باللي حصل، يريت. نرمين انهارت أكتر: -آدم أنا آسفة والله، هو اللي وقعني في حبه، أنا كنت كايفة بنت حبيته بجد ووثقت فيه،

بس طلع حيوان ومش يستاهلش، كان بينتقم منك فيّا، أنا إيه ذنبي؟ آدم حس بشفقة على أخته، فهي مهما كانت هتفضل أخته، حضنها وقال: -اهدي، مفيش أي حاجة حصلت، وانسي كل ده، وانا مش فارق معايا، بس متضايق إنك ما قولتيليش ولا مرة. أنا عارف إني كنت مقصر معاكِ، بس برضو أنا أخوكِ وكان لازم تقوليلي على اللي بيحصل معاكِ. نرمين بندم: -كنت خايفة إنك مترضاش بيه. آدم ابتسم ليها وقال: -انسي كل حاجة وابداي صفحة جديدة،

يا صديقتي هتلاقي الشخص اللي يحبك ويفضل معاكِ. نرمين: -زي حور كده هلاقي حد يحبني زيها؟ آدم ضحك: -هتلاقي حد يحبك زيها واكتر، بس أنا متعوضش. مليكة كانت قاعدة بتعيط وهي بتفكر إزاي هتخرج من هنا، فجأة سمعت صوت غريب، بصت وراها لقت ست، استغربت وقالت: -مين أنتِ؟ هبة بصت لمليكة ونزلت دموعها وقالت: -بنتي...