رواية ستكون صغيرتي الفصل الثاني والعشرون 22 - بقلم هاجر محمد

ملك بابتسامة: -أسر أنا طلعت حامل في توأم، أنت هتكون أب لتوأم. مليكة فجأة وقعت ع الأرض. أسر بص لمليكة وانصدم، قلبه انقبض لما شافها مغمى عليها، شالها وفوقها. مليكة: ابتدت تفتح عيونها. أسر بخوف: -مليكة أنتي كويسة؟ مليكة بصتله بدموع وبعدت عنه وقالت: -امشي من هنا. أسر: -مليكة أنا... مليكة بصراخ وعياط: -قلتلك اطلع من هنا! ملك ابتسمت من ورا الباب بخبث ومشيت. وأسر خرج وهو متدايق.......

حور وآدم نزلوا مصر، وحور راحت بيتها الجديد لأن مكنش ينفع تفضل مع مليكة كتير. أما آدم رجع للبيت. نرمين كانت بتكلم يوسف وبتضحك، دخل آدم عليها وهي اتوترت وفصلت الموبايل. آدم بشك: -في إيه؟ نرمين بتوتر: -آدم أنت رجعت؟ آدم: -أه، وأنتي كنتي بتعملي إيه؟ نرمين: -أن أنا كنت بكلم صحبتي علشان المحاضرات وكدا. آدم: -وليه قفلتي لما دخلت؟ نرمين: -آدم إيه التحقيق ده يعني شاكك فيا؟ آدم علشان متزعلش منه قال: -لا خلاص مصدقك. ومشي.

نرمين اتنهدت بخوف ولقت يوسف بعتلها ماسج إن تيجي تشوفه بكرة في مكان *****. عند مليكة. كانت قاعدة تعيط طول الوقت وقافلة على نفسها الباب ومش بتخرج. أسر خبط ع الباب. مليكة.... أسر: -مليكةة! مليكة.... أسر: -إن مفتحتيش الباب هكسره! مليكة قامت بهدوء وفتحته. أسر دخل وقفل الباب وقرب منها: -أنتي ليه بتعملي كدا؟ مليكة بصتله بدموع وقالت: -ألف مبروك، هتكون بابا قريب. أسر اتنهد وقال: -صدقيني دي كدابة، متصدقيهاش. مليكة بصوت عالي:

-مفيش بنت هتقول ع نفسها كدا، أنت واحد خاين! أسر ضربها بالقلم وقال: -إذا مش واثقة فيا ففيه حاجة اسمها احترام، عايزة تعرفي حكايتها طيب اسمعي، هي مش حبيبتي هي كانت صديقة وبس وأعرفها من وأنتي لسة بيبي، أما حبيتك كنت متدمر بسبب حبي ليكي، بقيت بشوفك في كل البنات، روحتلها بسبب ضعفي لحبي ليكي، سكرت معاها لكن محصلش حاجة بينا لأن أنا مفكرتش المس بنت غيرك، وأنا واثق كويس إنها جاية تفرقنا وأنتي بتدعميها.

أسر قال كل ده ومشي وسابها. مليكة بصت للمكان اللي كان واقف فيه وكل كلمة قالها اترددت في ودانها....... تاني يوم الصبح. أسر كان نايم لوحده ومليكة لوحدها. مليكة نزلت ونادت ع الكل. هبة بضيق: -في إيه ع الصبح؟ أسر استغرب لكن سكت. راغب استغرب، والأكتر ملك. مليكة بتسرع قالت: -أنا وأسر هنتطلق. أسر بص لها بغضب وقال: -إيه الهزار التافه ده؟ مليكة لسة مكملتش: -كلامي وهتتجوز ملك. أسر: -مليكةةة! مليكة:

-أنت قولتلي هتتجوزني علشان تحميني وده اللي حصل، وأنا بطلب إن نتطلق وهتتجوز أم ولادك. أسر اتدايق جدا لكنه قال بكل جرأة: -وأنا موافق، هنتجوز النهاردة. مليكة جالها نغزة في قلبها وقالت: -تمام، طلقني. أسر: -أنتي ط......