رواية ستندم الفصل الخامس 5 - بقلم هاجر سلامة

داليا بصدمة وكسرة: إنتي بتقولي إيه يا سكر؟ أكيد بتهزري! الكل اتصدم إنها سمعتهم. محمد بتوتر: اسمعيني يابنتي. داليا بصريخ وصدمة: اسمع إيه؟ أكيد بتهزري معايا ولا إيه؟ عايزة تزعليني؟ إني خدت جوزها منك؟ محمد بحزن: الأسف يابنتي، هي دي الحقيقة. بس ربنا يعلم أنا بحبك قد إيه. عمري ما حسيت إنك مش بنتي، لأ انتي بنتي وقطعة من روحي. داليا بدموع: يعني إيه؟ يعني أنا بنت حرام يا بابا؟

محمد بسرعة: لأ لأ، متقوليش كده. انتي بنتي من لحمي ودمي. داليا ببكاء: بس أنا بقي بنت أخوك اللي خانك مع أمي، يعني بنت حرام يا بابا؟ سكر راحت حضنتها وقالت: متقوليش كده. انتي أختي وبنت محمد عثمان وبس. داليا بصتلها بندم وحزن: إنتي إزاي كده؟ رغم كل حاجة عملتها. قطعتها سكر وقالت: شششششش. اللي فات مات. إحنا أخوات مهما حصل وبنات محمد عثمان. اياكي تنسي ده.

محمد بدموع: داليا، أنا عمري ما فرقت بينك وبين سكر أبداً. أمك السبب، كانت بتملي دماغك بالكلام الكذب. ربنا يرحمها ويغفر لها. أنا اتجوزت إيمان علشان أعوضك وخليكي تحبيها زي مامتك، بس متعرفيش. أنا آسف. داليا راحت حضنت أبوها وقالت: أنا اللي آسفة، حقك عليا سامحني. أنا ظلمتك وجعتك، عارفة بس والله كنت عامية خالص. إيمان بهزار: خلاص بقي هتخلوني أعيط وأنا حاطة ميكب؟ الكل ضحكوا عليها. محمد: طيب هسيبكم بقي لوحدكم.

داليا: تعال ياض أنت! مش المفروض تجوز أختي؟ ولا مصدقت وعايز تخلع؟ علي: صلاة النبي أحسن. هي دي دودو اللي أعرفها؟ سكر ضحكت عليهم. واليوم عدى بسعادة. وعلي وسكر اتخطبوا. *** أمير: أيوا جاي. الشاب فتح الباب: اللي بتخط وفتح الباب. الشاب جالك الطرف دا، ممكن تمضي هنا؟ أمير: من مين؟ الشاب: معرفش والله يا فندم. أمير: طيب، خد الطرف وفتحه. أمير بصدمة: إييييييي؟ قضية خلع يابنت الـ... *** محمد: دا آخر كلام عندك يابنتي؟

متأكدة إنك عايزة تتطلقي؟ داليا: أيوا يا بابا، متأكدة. وقراري نهائي. محمد: طيب، اللي انتي عايزاه. الباب بيخبط جامد. محمد: هو دا اللي كان هيحصل، كنت عارف. داليا ضحكت وقالت: خلينا نطلع نشوف. سكر فتحت وقالت: إيه إيه؟ أهدأ شوية. إيه ده؟ إنت إيه اللي جابك هنا؟ أمير بغضب: أكيد انتي اللي خليتها تعمل كده. داليا: لأ، مش هي يا أمير. أمير بغضب: يعني إيه؟ انتي نسيتي نفسك ولا إيه؟ داليا: بقولك إيه؟

زي ما دخلنا بالمعروف، نخرج بالمعروف. تطلقني من غير المحكمة والبهدلة. أمير بغضب: بقي كده؟ طيب بصي بقي، أنا اللي مش عايزك. غوري وانتي طالق بالتلاتة. أنا عايز واحدة تجيبلي أطفال مش معيبة زيك. داليا ضحكت وقالت: هو انت متعرفش ياعيني؟ انت اللي معيب يا أمير. واختي سكر كانت عارفة وساكتة عشانك، بس انت متتسهلش دا. أمير بص لسكر بصدمة وقال: الكلام دا صح؟ سكر بهدوء: أيوا صح. أمير عيونه دمعت وقال: أنا آسف. ومشي علطول.

داليا: ممثل شاطر والله. سكر: خلاص ياداليا، ربنا يهديه. داليا: طنط إيمان، ممكن أكلم حضرتك؟ إيمان: إيه الرسميات دي يابنت؟ في كلمة مرات أبوي؟ داليا ضحكت: يا مرات أبوي، ممكن أكلم حضرتك؟ إيمان: تعجبيني. داليا بندم: أنا آسفة، حقيقي أنا ندمانة أوي على اللي عملته. ممكن تسامحيني؟ إيمان: هسامحك بشرط. داليا بسرعة: إيه هو؟ أنا موافقة على كل حاجة. داليا بدموع: حاضر. وراحت حضنتها. سكر: بابا، شكلنا مالناش نصيب في الحضن ده.

محمد بضحك: شكله كدا يابنتي. إيمان بضحك: تعالو تعالو. علي دخل البيت بسرعة وقال: وأنا؟ سكر بضحك: تعال. واليوم كان سعيد. *** سكر وعلي اتجوزوا وعايشين في سعادة. داليا اشتغلت في شركة أدوية لأنها صيدلانية وحبت زميلها واتخطبتله. محمد وإيمان مبسوطين. أمير حاول يكلم سكر ويعتذر لها وحاول يخليها ترجع، بس كل محاولاته فشلت لأن سكر بتحب علي. أمير تقبل الواقع وكل يوم بيموت من ندمه. ودي النهاية. أتمنى تكون عجبتكم.