رواية ستندم الفصل الثاني 2 - بقلم هاجر سلامة

سكر بصدمة. ماماداليا بتوتر: إنتي أي اللي جابك دلوقتيا. إيمان: أي كنتي فاكرة إنّي مش هعرف أجي وهحاسبك على اللي عملتيه فيا وفي بنتي. محمد: عملت إيه فيكي وإنتي ليكي عين تيجي هنا بعد اللي عملتيه يا إيمان. إيمان: أنا كنت مسافرة عشان أتعالج يا محمد مش زي ما بنتك قالت. أنا لو ما كنتش كلمت سكر وقالتلي على اللي بتعمله داليا ما كنتش هعرف. محمد اتصدم من كمية الشر والحقد اللي في قلبه بنته.

إيمان: الحقيقة كان عندي السرطان، مكنتش عايزة أقولك وأقلقك عليا. بس داليا سمعتني وأنا بكلم الدكتورة صحبتي. جت قالتلي إنّي مفروض أسافر برا وأتعالج من غير ما حد يعرف وأقول ليكم إنّي رايحة عند أمي. وفعلاً سمعت منها وياريتني ما سمعت منها. سافرت فعلاً واتعالجت الحمد لله من فترة. عرفت وقلت أجي أوضحلك كل حاجة. وبصت لداليا وقالت: ليه الحقد والغل دا كله؟ ليه؟ عملتلك إيه أنا وبنتي؟ داليا بحقد: قولي ما تعمليش إيه؟

أنا أمي ماتت بسببك وإنتي ما عندكش دم ورحتي اتجوزتي أبويا وخليتيه يحب سكر أكتر مني مع إنّي بنته الحقيقية. بس لا كان بيحبها هي أكتر. لو ما كنتيش اتجوزتي بابا كنت أنا وماما عايشين في سعادة.

محمد: يا أسفي عليكي يا داليا. وأنا لما اتجوزت كنت بحاول أعوضك وأخلي إيمان تكون مامتك. يا خسارة. إنتي متعرفيش حاجة ولا تعرفي أمك ماتت إزاي والأحسن إنك ما تعرفيش. وأنا عمري ما فرقت بينك وبين سكر. بحبك زي ما بحبها. بس إنتي اللي الحقد ملي قلبك. لا وكمان طلعتي مراتي خاينة وقعدتي تقوليلي سمعتيها بتكلم راجل وبتقوله يجيلك. مش قولتي كده صح ولا لأ؟ ومسكها يهزها وقال: هاااا.

داليا بصريخ: آه قولت كده. لو يرجع الزمن هعمل كده برضه. سكر حطت إيدها على بوقها بصدمة. محمد: يا خسارة تربيتي فيكي. تطلعي برا. مش عايز أشوف وشك. يلا بره. داليا بصتلهم بحقد وقالت: هييجي يوم وهخليكم تتمنوا الموت. وطلعت ومشيت. محمد بندم: أنا آسف يا إيمان. أنا آسف يا سكر. أنا مكسوف منك. سكر راحت حضنته وقالت: ما تقولش كده يا حبيبي. إنت ما عملتش حاجة. وداليا يومين وترجع وهتعرف غلطها. إنت ما تزعلش نفسك.

إيمان: أيوا يا محمد. كلام سكر صح. محمد بندم: وإنتي يا إيمان ليه ما قولتيش؟ ليه ما خليتينيش أكون جنبك في أوقات الصعبة؟ إيمان: غصب عني. ما كنتش عايزة أقلقك ولا إنت ولا سكر. بس أهو الحمد لله شفيت ورجعت. محمد حضنها وقال: الحمد لله. سكر: وأنا مليش في الحضن دا؟ محمد بضحك وشدها وحضنها. *** أمير: إيه يا حبيبتي؟ طلبتي تقابليني وعايزاني في موضوع ضروري؟ إيه هو؟

داليا: أمير. بابا لما عرف بغلاوة علاقتنا. سكر قالتله يطردني وبابا عمل كده. شوفتي بقي إنك كنت متجوزة شيطانة. أمير بضيق قال: حقك عليا. معرفش إزاي سكر طلعت كده. كويس إنّه مفيش أطفال منه. داليا بحقد: إحنا لازم نتجوز في أسرع وقت. أمير: حاضر يا حبيبتي. النهاردة بليل هيكون كتب الكتاب. داليا قربت منه وقالت بدلع: أنا هنسيك سكر وأي بنت عدت على حياتك قبلي. أمير بضحك: مانا عارف يابطل. متيجي معايا. داليا بدلع: فين؟

أمير: آآآه منك اللي مجنناني. هنروح نجيب هدوم كتب الكتاب. داليا بدلع: ماشي ياحبيبي يلا بينا. *** سكر خبطت على أوضة أبوها. سكر: بابا ينفع أدخل؟ محمد: طبعاً يا حبيبتي اتفضلي. سكر: لو فاضي كنت عايزة أتكلم مع حضرتك في حاجة. محمد: طبعاً قولي. سكر: بابا. أمير عقيم. محمد بصدمة: إيييييه؟ سكر: أيوا. أمير عقيم. وأنا خبيت عليه عشان ما يزعلش. لما كنا بنعمل التحاليل أنا اللي خدت الورق وشوفته. قولت للدكتور يغيرهم.

محمد: أوعي تقولي إنّي... سكر قطعته وقالت: لا يابابا متقلقش. متقولش إنّي عقيمة بداله. ولا حاجة. قولت إنّنا كويسين وما فيش حاجة. هو صدق. بس طلعت غلطانة إنّي خبيت. دلوقتي المفروض نمنع داليا تتجوزه عشان هو غدر بيا. رغم إنّه عرف إنّي بحبه. واللي يغدر مرة يغدر ألف مرة. لازم ما نخليش داليا تتجوزه. محمد: طيب هنعمل إيه؟ سكر: رن على داليا. ممكن ترد عليك. محمد رن على أمير. أمير: خير؟ مش كفاية اللي عملته يا أستاذ محمد؟

محمد: بقولك يلا هات داليا. أمير: إحنا مش فاضيين. بنعمل تجهيزات كتب الكتاب. محمد بغضب: يابن الـ... سكر: هنعمل إيه يا بابا؟ محمد: مش عارف. مش عارف. بعد ٤ ساعات. محمد: يا داليا بنتي اسمعي بس. داليا: يوووه. قولي آخر مرة قولتي فيها بنتي؟ ياه يابابا. محمد: حقك عليا. ارجعي وهفهمك كل حاجة. بلاش تتجوزي أمير. هتندمي. داليا: ليه؟ إن شاء الله؟ كل دا عشان الهانم سكر ما تزعلش؟ محمد بغضب: إنتي غبية؟

أنا بعمل كده عشان مصلحتك. أمير عقيم مش بيخلف. وسكر خبت عليه عشان ما يزعلش. هيغدر بيها. هيبقي يغدر بيكي إنتي كمان. داليا: ... محمد بصدمة: إنتي بتقولي إيه؟ يخربيتك.