رواية ستندم الفصل الثالث 3 - بقلم هاجر سلامة

داليا: أنت بتكذب يا بابا، مش هصدقك مهما قلت. أساسًا إحنا اتجوزنا، الكلام ملوش لازمة دلوقتي. محمد بصدمة: إنتي بتقولي إيه؟ داليا: إحنا روحنا وكتبنا الكتاب، لأني عارفة إنك هتحاول تمنعني أنتِ والحرباية سكر. محمد: اخرسي، إنتي جايبة السواد ده كله منين؟ إنتي شبه مامتك، نسخة منها. داليا: أحسن ما أكون شبهك. محمد بحزن: هتندمي يا داليا على كلامك ده، بس هيكون فات الأوان. داليا: تمام، أنا هقفل. جوزي مستنيني برا، باي.

محمد حزين على بنته وقال: ليه يا زهرة زرعتي الحقد والغل في قلب بنتك؟ حياتها هتتدمر بسببك. ربنا يرحمك ويسامحك يا زهرة. *** داليا في سرها: كويس إنه عقيم، مش عايزة أخلف من العبيط ده. أنا هاخد حقي من سكر وأمها وأختفي من هنا. أمير: حبيبتي، ينفع أدخل؟ داليا: آه طبعًا يا حبيبي، اتفضل. أمير بحب: أنا مبسوط أوي إننا اتجوزنا، بس إنتي ليه كنتي مستعجلة أوي كده؟ حتى مش عملنا فرح على الضيق كمان.

داليا: مش عايزة حد يعرف، أنا مش يهمني حد. أنا المهم عندي هو إنت وبس. أمير: ما تيجي طيب. داليا بضحك: يا قليل الأدب. أمير يقبلها ويقول: تعالي. *** يوم جديد. سكر قاعدة بتقرا في رواية. الباب خبط. راحت تفتح، تصدمت وقالت: علي! مش معقول. وحضنته بفرحة. علي بضحك: وحشاني يا بيت الهبلة. سكر بضحك: وأنت كمان يا ضنا. بقي كل ده ومتسألش؟ أخص عليك. إيمان: مين اللي على الباب يا سكر؟ سكر: ده علي يا ماما.

إيمان بفرح: علي حبيبي، تعال اتفضل. علي: عاملة إيه يا خالتي؟ أنا جيت أطمن عليكي. حضرتك كويسة؟ إيمان: آه يا حبيبي كويسة. سكر: قولي يا ضنا، إنت كنت فين كل ده؟ علي: قوليلي إنتي بس، إنتي مش المفروض متجوزة؟ إنتي قاعدة هنا ليه؟ وفين داليا؟ سكر بحزن: أنا اتطلقت يا علي. علي: أنا آسف، مكنتش أعرف. سكر: ولا يهمك. علي: وداليا فينها؟ سكر: علي، هحكيلك بعدين. تعالي ننزل زي زمان يا سطا. علي بضحك: يلا يا سطا، بس أشوف عمي محمد الأول.

محمد: أنا هنا يا حبيب عمك. علي راح حضنه وقال: عامل إيه؟ وحشاني. محمد: يولا يا بكاش، بس يلا العضلات دي طلعت إمتى؟ علي بضحك: من زمان، هبقى أعلمكم. محمد بغرور: أنا مش محتاج، أنا حلو في كل الحالات أصلاً. ولا إيه؟ وبص لإيمان. إيمان بضحك: طبعًا حبيبي قمر. علي بص لهم وضحك وقال: يلا بينا يا سكر نسيب الحلوين مع بعض. سكر بضحك: يلا. *** علي بصدمة: كل ده حصل وأنا معرفش؟ ليه متقوليش يا سكر؟ سكر: مكنتش عايزة أشغل بالك.

علي: يا ستي، هو أنا أخوكي؟ المفروض إنك تحكيلي يا سكر، ولا أنا غريب؟ سكر: إنت أخويا طبعًا، بس مكنتش عايزة وجع دماغك بحاجات فاضية والله. أمير كان رايح الشغل وشافهم. أمير في العربية قال بغيرة: ولا كأنه فرق معاها إني اتجوزت عليها. كانت بتقول بتحبني من يومين، دلوقتي بتدور على حل شعرها. ثواني، مين اللي معاها ده؟ دا علي. دم علق في عروقه وقال: علي رجع دلوقتي، أكيد عرف بالطلاق وعايزة يرجعها ليه تاني؟

لا، مش هسمحلك أبداً. ونزل من العربية وراح عندهم وقال: وأنا اللي كنت فاكرك محترمة، أديكي بتلفي على حل شعرك ومقضياها. سكر بغضب: إنت بتقول إيه يا حيوان إنت؟ وإنت مالك بيا؟ أمير: متنسيش إني كنت جوزك في يوم من الأيام. دلوقتي بكون جوز أختك، يعني في مقام أخوكي، يعني من واجبي إني أحميكي. وبص لعلي. علي: لا، ملكش حكم على سكر، لأني بكون خطيبها، وإن شاء الله قريب هكون جوزها. أمير ضربه بغضب وغيرة: إنت بتحط عينك على مراتي؟

سكر: إنا مش مراتك يا أمير، أنا خطبت علي، ويا ريت تلزم حدودك كويس، وإلا هخليك تندم. أمير بص لها بغضب وغيرة وقال: ونعمة لا أوريك يا سكر. ومشى. سكر حطت إيدها على خد علي وقالت: إنت كويس؟ علي: آه كويس، متقلقيش. آسف على اللي قلته، بس تغاضبت منه ومحستش بنفسي وقلت الكلام ده. سكر: خلاص، ولا يهمك. علي بغمزة: طيب إيه؟ مش هتحني؟ ده الراجل ده بقاله سنين بيحبك. سكر بكسوف: تكلم مع بابا الأول.

علي بصدمة: ثواني، ثواني. أفهم من كده إنك موافقة؟ سكر: اللي يقوله بابا. علي بفرحة: أنا مش عارف أعمل إيه. فجأة راح قبلها. سكر سكتت من الصدمة. سكر بكسوف ضربته على كتفه وقالت: قليل الأدب. يلا نمشي. *** محمد: أنا مش هلاقي أحسن منك لسكر. علي: ربنا يخليك يا عمي. تخلص العدة وهتجوزها على طول. محمد: على البركة الله. إيمان: مبروك يا حبيبي قلبي. علي: الله يبارك فيكي يا خالتي. الباب خبط. إيمان راحت فتحت.

لقيت بنوتة بتقول: علي هنا؟ إيمان: أيوا هنا. إنتي مين؟ البنت: أنا مراته وحامل في ابنه.