رواية ستندم الفصل الرابع 4 - بقلم هاجر العفيفي

ريناد كانت بتجهز الأوضة اللي هتنام فيها، وفجأة الباب خبط. راحت تفتح بس اتصدمت من اللي شافته. شافت آخر واحد ممكن تتوقعه، قالت بصدمة: "مراد! مراد دخل وقفل الباب ومسك إيدها بعصبية وقال: "آه مراد! ما كنتيش متوقعة إنك تشوفيني صح؟ ريناد بدموع: "سيب إيدي، أنت اتجننت؟ أنا... مراد زقها بغضب: "لما أرجع من السفر وألاقي خطيبتي اتجوزت، لازم أتجنن! إيه مستغربة أوي؟ ريناد بدموع:

"أنت متعرفش ظروفي، يبقى متحكمش عليا. وبعدين وجودك هنا مش كويس، اطلع بره." مراد بقرف: "فعلاً طلعتي واحدة رخيصة بتجري مع اللي يدفع أكتر. أهو رماكي وخلاكي تيجي تقعدي في نفس المكان اللي أنا خطبت واحدة زيك منه." ريناد بغضب: "أنا مسمحلكش تقولي كده يا حيوان أنت! اطلع بره، أنا أشرف منك ومن أي حد فيكم." مراد مسكها ولسه هيضربها، كانت إيد مسكته ومنعته. رائد بجمود: "عيب لما تمد إيدك على واحدة وجوزها عايش، دي مش رجولة."

وفجأة ضربه بشدة لدرجة وقع في الأرض. ريناد بخوف ودموع: "رائد! جريت وقفت وراه وهي بتترعش. مراد قام وقف بالعافية بسبب الضربة وقال بغضب: "هو ده اللي بعتيني عشانه؟ رائد بغضب: "اخرس يلا، متتكلمش مع مراتي كده، إلا والله العظيم هبيتك في المستشفى النهاردة." مراد بسخرية: "وفاكرني هخاف منك مثلاً؟ وبعدين أهي عندك واحدة رخيصة شبهك و... قاطعه ضربة أقوى من اللي قبلها من رائد. رائد: "مراتي أشرف منك يا... اطلع بره، برررره!

ريناد كانت ما زالت بتترعش وتعيط. مراد قام من على الأرض وبصلهم بوعيد وقال: "ماشي يا ريناد، هتشوفي هعمل إيه." سابهم وخرج من المكان بأكمله. رائد بص وراه شاف ريناد منهارة، قرب منها ولسه هيحضنها، زقته بضعف وقالت بدموع: "أنتوا عايزين مني إيه؟ بتدمروني ليه؟ ابعدوا عني بقى! كانت بتتكلم وهي بتخبطه في صدره بقبضتها الصغيرة. رائد قلبه وجعه عليها وضمها بحنان وحب وقال: "أهدي يا حبيبتي، أهدي. أنا آسف سامحيني، أنا معاكي أهو."

فجأة حس إن حركتها وقفت، وبص عليها لقاها فقدت الوعي. اتخض وشالها وحطها على السرير وطلب الدكتورة تيجي تشوفها. رائد بقلق: "خير يا دكتورة، هي كويسة؟ الدكتورة: "للأسف عندها صدمة عصبية شديدة، لازم الهدوء ليها. عن إذنك." الدكتورة مشيت وهو راح عندها شافها نايمة زي الطفل الهادي، قال بحزن: "سامحيني يا حبيبتي، هعوضك والله عن كل اللي شوفتيه." تاني يوم

ريناد صحيت من نومها وحست إنها متكتفة، بتفتح عيونها لقت رائد نايم جنبها وحاضنها بامتلاك. ابتسمت تلقائي وبعدين حاولت تقوم من حضنه. رائد حس بحركتها وقام مخضوض: "مالك يا حبيبتي؟ فيكي حاجة؟ ريناد بهدوء: "أنا كويسة، جيت ليه يا رائد؟ رائد مسح وشه بهدوء وقال: "خوفت عليكي وعرفت إنك جيتي هنا وجيت في الوقت المناسب." ريناد ابتسمت بسخرية وقالت: "خوفت عليا؟! رائد قرب منها وقال: "لازم أخاف عليكي عشان أنتِ كل حياتي." ريناد بتوتر:

"ابعد يا رائد." رائد بتوهان: "تؤ، أنتِ مراتي لسه... ريناد بانفعال: "احنا هنطلق، ابعد عني." رائد قرب منها أكتر و... مراد بغضب: "لو رائد الزفت جابها البيت، اعملي اللي قولتلك عليه." سهر بخوف: "احنا متفقناش على القتل." مراد بغضب: "لو مخلصتيش عليها، هخلص أنا عليكي، مفهوم؟