رواية سيطرت علي الفصل السادس والعشرون 26 - بقلم اية ماهر

عمر: تيته فين بابا؟ عايز أقوله على حاجة. سعاد: بابا مش هنا، ثواني أرن عليه. إيه بقى الحاجة اللي عايز تقولها لبابا؟ رتاج: عمر عايز ياخد من بابا فلوس يجيب العربية اللي شافها على التلفزيون. سعاد: بتضحك. والله حاضر يا قلب تيته. وأنتي مش عايزة حاجة كمان؟ رتاج: عايزة عروسة كبيرة وشوكولاتة وكمان. سعاد: إيه كل ده! حاضر، ثواني أرن على بابا. روحوا أوضتكم وأنا هجيب لكم اللي عايزينه. عمر ورتاج: حاضر يا تيته.

سعاد: طلعت الفون وبترن على عمار. وفي الوقت ده محسن دخل أوضتها وكان عايز يتكلم معاها. سعاد: بترن على عمار ومش بيرد عليها. هدي: عمار تليفونك بيرن، شوف مين يمكن حاجة مهمة. عمار: مش وقت تليفونه دلوقتي، سيبيه يرن. هدي: عمار شوف مين. عمار: حاضر، حاضر. وكان لسه هيفتح المكالمة، التليفون فصل. شفتي مافيش حاجة. هدي: والله بس بقى. أنا هروح أشوف الأولاد. كانت قايمة ومسكت إيدها وشدها عليه، وقعت على صدره العاري.

عمار: بس أنا لسه ما خلصتش كلامي. هدي: مش كفاية كده ولا إيه؟ عمار: بيقرب عليها وبيهمس عند ودنها. أنتي شايفة كده؟ هدي: سرحت في عيونه. عمار: متأكدة؟ هدي: اممم. عمار: مش سامع رد يا هدي غير اممم. هدي: فاقت من شرودها. قصدي أيوه، ممكن تبعد بقا. عمار: من قلبك؟ هدي: مش عارفة. عمار: يبقى لا. تعالي بقى. هدي: بس بقا. عمار: اششششش. في شقة سعاد. محسن: ممكن نتكلم شوية؟ عشان الأولاد لسه متجوزين، أنتي نسيتي ولا إيه؟

سعاد: الكلام بينا انتهى، وأنت اللي نهيته مبارح يا محسن. محسن: والله كنت متضايق عشان هدي، ما تزعليش مني. أنا أول ما شفت هدي كويسة، اطمنت. سعاد: بس أنك اتهمت ابني وضيّقته بكلامك في المستشفى وحسسته إنه السبب في اللي حصل، وهو اتضايق وأنا فهمته إنك مدايق على حفيدته. محسن: والله غصب عني، أنا بحبك أنتي وابنك. أنا اللي جوزته لحفيدتي. سعاد: مش واضح كده بصراحة.

محسن: قرب من السرير. أنا آسف، ما تزعليش. وراح عندها وباس إيدها وجبينها وخدها. سعاد: خلاص، مسامحتك. محسن: بصالحك. سعاد: لا، كده مش أوي. مسامحاك خلاص، بس وأنت مضايق حاول تسيطر على غضبك عشان الكلام بيضايق أوي. محسن: حاضر يا باشا. أنا آسف، أنا السبب في اللي حصل معاكي امبارح. سعاد: خلاص ولا يهمك يا أبو كرش. محسن: بيضحك. كرشي والله! سبتي كل جسمي ولفت نظرك كروشي وعضلاتي؟ أي مش باينة؟ سعاد: عضلات إيه يا راجل يا عجوز أنت.

محسن: أنا عجوز؟ وأنتي إيه يا ست البنات؟ سعاد: لا، أنا لسه شباب في العشرينيات. محسن: بيضحك وسعاد كمان. سعاد: أمال فين هدي وعمار؟ أنا مش شايفاهم. محسن: في شقتهم، أنتي ناسيه إنهم عرسان جداد ولا إيه؟ سيبيهم على راحتهم. سعاد: والله نسيت خالص إني هو متجوز بسببك على فكرة. محسن: وأنا عملت إيه؟ سعاد: لله، طيب. محسن: عقبالنا يا قمر أنت. سعاد: بتضحك. إحنا كبرنا على الكلام ده يا عجوز أنت. محسن: أنا عجوز؟

أوعي تفتكري الشعر الأبيض ده والكرش ده إني كبرت. أنا أسد. سعاد: بتضحك. والله أنت دمك عسل. طيب يا أسد، تعالي نطلع سوا أنا وأنت نطلع للعرسان الجداد ونبارك لهم. محسن: لا، مش دلوقتي. كمان شوية. سعاد: طيب يلا نشتري أنا وأنت للألعاب للأولاد، عشان عايزين عمار يشتري لهم وهو مش فاضي دلوقتي. محسن: خلاص ماشي، أنا هجهز نفسي وأنتي كمان متتأخريش يا قمر أنت. سعاد: حاضر يا أبو كرش. بعد شوية سعاد ومحسن والأولاد طلعوا من الشقة.

رتاج: فين بابا يا تيته؟ محسن: بابا مش فاضي دلوقتي، عنده شغل مهم. عمر: بس أنا عايز بابا يطلع معايا. سعاد: قولتلك يا حبيبي، بابا مش فاضي. يلا بقى عشان ما نتأخرش. ورايحين على محل الألعاب والأولاد معاهم، واشتروا كل اللي محتاجينه. في شقة عمار. هدي: ممكن أروح أستحمى بقا؟ اتأخرت أوي على الأولاد. عمار: مش مهم. هدي: لا، ابعد كده. عن إذنك يا أخ. عمار: يعني بعد كل اللي عملتوه، تطلعي أخ في الآخر؟ حرام عليكي.

هدي: رمت عليه المخدة. والله أنت مش طبيعي. أنا همشي أحسن. تحصل حاجة بسببك. عمار: بيضحك. تمام، ماشي. هشوف مين كان بيرن عليا. ما تتأخريش. هدي: حاضر. عمار: إيه ده! ماما كانت بترن عليا؟ إزاي ما أخدتش بالي؟ وبيرن عليها. الو، يا ماما، كنتي بترني عليا في حاجة ولا إيه؟ سعاد: لا يا حبيبي، ما فيش. كنت بطمن عليك بس. عمار: إيه الدوشة اللي عندك دي؟ سعاد: بشتري ألعاب الأولاد أنا ومحسن. عمار: إيه ده! أنتي اتصلحتوا أنتي وجدي؟

سعاد: أه، الحمد لله. عمار: طيب كويس. ما تتأخريش. خدي بالك من نفسك. الأولاد معاكي؟ عربية ولا أبعتلك عربيتي؟ سعاد: حاضر. لا معايا محسن، ما تقلقيش. يلا سلام. عمار: سلام. في الوقت ده دخلت هدي الأوضة. هدي: مش ننزل بقا؟ عمار: لا، مش هننزل. هدي: إيه ده ليه بقا؟ عمار: ما فيش حد في الشقة. ماما طلعت هي وجدك يشتروا ألعاب الأولاد. هدي: بجد؟ يعني اتصالحوا خلاص؟ طيب كويس.

عمار: الحمد لله. أنا كنت محضر شغل جامد أوي ليهم عشان أصالحهم. مش مشكلة، تتعوض إن شاء الله. هدي: طيب قوم استحمى بقا عشان نجهز الغداء أنا وأنت قبل ما يوصلوا ونتغدى سوا بمناسبة الخبر الحلو ده. عمار: لا، ما تتعبيش نفسك يا ماما. أنا طلبت أكل من المطعم ونتغدى سوا كلنا. لما دراعك يخف ابقي اعملي أكل براحتك، تمام؟ هدي: اممم، خلاص ماشي. عمار: نطلب من مطعم إيه بقا؟ هدي: في مطعم أنا بحب أكله. إيه رأيك لو نطلب منه؟

عمار: طيب تمام. قوللي اسمه وأنا أطلب. هدي: تمام. بعد شوية سعاد ومحسن والأولاد رجعوا على البيت. عمار وهدي مستنيهم في الشقة. عمر: بابا، شوف تيته جابتلي إيه. عمار: حلوة خالص. رتاج: وأنا كمان يا ماما، شوف. هدي: قمر يا حبيبي. ماما. سعاد: ألف مبروك يا عرسان. عمار: الله يبارك فيكي يا ماما. محسن: حضن هدي. ألف مبروك يا حبيبتي. هدي: الله يبارك فيك يا جدي.

سعاد: أنا نسيت خالص إنكم عرسان. سبب محسن طبعًا. بس خلاص، أنا هجهز لكم أحلى أكل بإيدي. كان المفروض يبقى النهاردة الصبح، بس مش مشكلة، حصل خير. عمار: لا، ما تتعبيش نفسك يا ماما. أنا طلبت أكل من مطعم والأكل في الطريق. يعني روحوا غيروا هدومكم يكون الأكل على السفرة. رتاج وعمر: حاضر. سعاد: بجد؟ طيب ماشي. محسن: وأنا هنزل أغير هدومي، مش هتأخر. سعاد: أنا جايه معاك.

الكل اتجمع على السفرة، والأكل وصل والكل بدأ ياكل وبيفتكروا مواقف وبيضحكوا ومبسوطين. تليفون عمار بيرن، أول ما شاف المكالمة ارتبك. وهدي لاحظت عليه. عمار: طيب، عن إذنكم يا جماعة، في مكالمة مهمة. هدي: تمام. عمار: طلع من الشقة، واقف على السلم. وبيفتح المكالمة. يا ترى إيه اللي هيحصل والمكالمة دي وراها إيه؟ ويا ترى عمار مخبي عنهم حاجة ولا إيه؟ هنعرف في باقي الأحداث.