رواية طعنت في شرفي الفصل الثاني 2 - بقلم فاطمه احمد

كفاية يا هشام فضايح بقي. كل الناس بره بيتكلموا علينا. وأنا هثبتلك أن الصور دي مزيفة. وبكرة هخلي أمينة ترفع قضية عشان نعرف مين اللي زيف الصور دي. هشام: هو انت جاي تعمل عليا حوار أنت والهانم؟ أنتو مجانين؟ أنا شوفت بعنيا صوركم وأنتم مع بعض. وأعتقد أن اللي قالت عليكي تبقي أقرب صحباتك. ولا إيه يا أمينة؟ فارس: وأنا واثق أن نهلة هي اللي عملت الصور دي، بس ليه مش عارف. عشان كده أمينة هترفع قضية بكرة. أمينة: أنا مش هرفع حاجة.

فارس: أنتِ بتقولي إيه؟ أنتِ اتجننتي يا أمينة؟ والد أمينة: ليه يا بنتي؟ هشام: عشان عارفة أن الصور دي حقيقة. أمينة: لأ يا هشام، أنا واثقة في نفسي وعارفة أني مظلومة. بس مش هرفع حاجة طول ما جوزي شاكك فيا. واللي المفروض هو اللي يصدق برائتي ويحاول يثبتها. وهنا رن هاتف هشام ليستقبل رسائل. ليمسك هاتفه وينظر فيه ويرى صوراً أخرى. ليلينظر لي ويصفعني بقوة وهو يقول: أنتِ تضحكي عليا؟ أنا؟

بصي كده. أهي الصور دي. أنتِ والبيه على سرير مع بعض. فارس: أنت بتقول إيه؟ وهنا حطم هشام هاتفه على رأس أخوه وهو لا يصدق حقيقة هذه الصورة. هشام: وحياة أبوكي يا أمينة لأخليكي تندمي. أمينة: والله العظيم الصور دي ما حقيقية. فارس: أنت اللي بدأت يا هشام. ولما تعرف حقيقة الصور دي أنا هيبقي ليا عندك حق كبير أووي. وذهب فارس. ونظر أبي لي وهو يقول: أنتِ كويسة يا بنتي؟

هشام: هو أنا لسه ما عملتش فيها حاجة عشان تكون مش كويسة. ودلوقتي تتفضل حضرتك من هنا. والد أمينة: أنا مش همشي من غير بنتي. هشام: معتقدش أن أمينة هتمشي من هنا عشان متأذيش باقي اللي حواليها. ورأيت نظرات هشام لي وهو لن يتركني لحالي. إن ذهبت بل سيؤذي أسرتي. فنظرت لأبي قائله: امشي يا بابا، أنا هفضل هنا. والد أمينة: أنتِ بتقولي إيه يا بنتي؟ هشام: متأكد أنك سمعت بنتك كويس أوي. أمينة: متخافش يا بابا، أنا هكون بخير.

والد أمينة: خايف عليكي يا بنتي. أمينة: متخافش يا بابا. وغادر أبي من دوني مضطراً لذالك. وبقيت بمفردي مع هشام الذي لم يتوقف عن إهانتي. وصعدت لغرفة نومنا وخلعت فستان زفافي وجلست أنتظر مصيري. وبعد القليل من الوقت صعد هشام وظل ناظراً إلي قائلاً: لما أنتِ لسه بتحبيه وكان كل ده بينكم، أتجوزتيني ليه؟ فنظرت إليه متعجبه قائله: بحبه؟ هو انت بجد مصدق الصور دي؟ أنا مش فاهمة أنت ليه مصر تكذبني؟

فصرخ بوجهي قائلاً: عشان فارس كان بيحبك أيام الكلية يا أمينة، صح؟