رواية تاج راسي الفصل الثالث 3 - بقلم مريم فريد

أسر: أوراق إيرهام، ورث أبوك، أنت قلت مش عاوز حاجة صح؟ أسر بابتسامة سخرية: وأنا أقول ريهام هانم، جه لي واحد زيي ليه؟ ريهام: الأوراق أهي، امضي يلا يا أسر. أسر: لا، أنا مش همضي على حاجة. ريهام: يعني إيه؟ أسر: يعني مع السلامة يا ريهام هانم. وماشي وسابها. عند تاج. قاعدة بتفكر في أسر. بس قطع تفكيرها خبط على باب. تاج: اتفضلي يا ماما. نرمين: تاج، عارفة كنت بكلم مين من شوية؟ تاج: مين؟ نرمين: زياد ابن عمتك ميادة.

تاج: بجد، هو رجع من السفر؟ نرمين: أيوا ياستي، وهو هيجي عندنا بكرة كمان. تاج: بجد، دا أحلى خبر، طب أنا عاوزة أكلمه. نرمين: بقولك، هيجي بكرة واتكلمه زي ما أنتم عاوزين. تاج: بجد، أنا فرحانة أوي، أنا هكلم روح. نرمين: لا، أوعي، هو عملها مفاجأة. تاج: خلاص، ماشي، مش هقول. نرمين: ماشي يا تاجي، تصبحي على خير. تاج: تلاقي الخير. تاني يوم. كنت تاج واقفة بتعمل الفطار عشان زياد. نرمين: يلا يا تاج، زياد وصل تحت البيت. تاج: بجد؟

وجرت على تحت. أول ما شافت زياد حضنته. أسر أول ما شافها كان هيروح يجيبها من شعرها، بس كريم مسكه. كريم: مش من حقك. أسر: أنت شايف حضنه إزاي؟ كريم: يمكن أخوها. أسر: حتى لو أخوها. تاج خدت زياد وطلعت. نرمين: ألف حمد لله على السلامة يا حبيبي. زياد: الله يسلمك، نيرو وحشتيني والله العظيم. تاج: وأنا أي؟ زياد: وأنتي كمان وحشتيني أوي أوي أوي. (زياد وتاج أخوات في الرضاعة) نرمين: يلا يلا، الأكل هيبرد.

زياد: يلا، دا أنا ميت من الجوع. نرمين: بعيد الشر عنك. كل. عند أسر. كان متعصب وصورة تاج وهي حضنة زياد مش رايحة من دماغه. كريم: ولما أنت بتحبها كدا، ما تروح تطلبها. أسر: خايف أروح ترفضني. كريم: لا طبعًا، هي هتلاقي فين حد زيك. أسر: بعدين أنا مش معايا جنيه. كريم: طب ما تاخد ورث أبوك يا جدع، دا أنت حتى معاك فلوس تتعد. أسر: مش عارف. كريم: إن شاء الله خير. عند تاج. تاج: تعالي نقعد في البلكونة يا زياد.

زياد: لا لا، أنا همشي بقا. تاج: ليه، خليك شوية. نرمين: ماتخليك يا ابني. زياد: مرة تانية بقا، عاوزين حاجة؟ نرمين: لا يا حبيبي، مع السلامة. تاج: استني، هجي معاك أوصلك. زياد: لا، خليكي انتي. تاج: لا، أنا كدا كدا كنت عاوزة أجيب حاجة ونازلة. زياد: ماشي. وتاچ دخلت السوبر ماركت، جابت حاجات. وهي خارجة لاقت اللي بيسحبها. تاج: أنت تاني. أسر: مين دا يا تاج؟ تاج: سؤال واحد، هو أنت مالك؟ أسر: تاج، مين دا اللي كان معاكي؟

تاج بتنهيدة: دا ابن عمتي. وقبل ما تكمل. أسر: وابن عمتك بيعمل إيه عندكم في البيت؟ تاج: عشان هو أخويا، بعدين لسه جاي من السفر. أسر: تاج، أنا مش عاوزك تخافي مني. تاج: وأنا مش بخاف من حد. أسر: يا سلام. تاج: عاوز إيه؟ أسر: تاج، أنا مش عاوز غيرك، من أول لما شوفتك وأنا مش عارف إيه جرالي، لما بشوفك بحس إن الدنيا وقفت بيا، ولما بشوف حد قريب منك بحس بنار جوة. تاج بتوهان: وإيه كمان؟ أسر: تاج، أنا بحبك. تاج: وأنا كمان. أسر: إيه؟

بتقولي إيه؟ تاج فاقت على نفسها: أنا اتكلمت أصلا؟ أسر: أيوا، تاج، ما تكدبيش. تاج بخجل: أنا لازم أمشي. وجريت. بس وافقتها جنى صحبتها. جنى: إيه دا، في إيه؟ تاج: جنى، لا مفيش. جنى: تاج، في إيه بينك وبين أسر؟ تاج: وأنتي مالك؟ جنى: بي، حلو، يعني شاكي صح؟ طب بصي ياحلوة، أنا مش عشان واقفت معاكي شوية وهزرت، يبقى صحبتك، أنا شيطاني وحش، انتي فاهمة؟ ابعدي عن أسر، أسر خط أحمر. تاج: تهديدك دا تبلي وتشربي ميته، فاهمة؟ أنا ما بتهددش.

جنى: وأنا مش بهدد. نفظ. ماشي، باي يا حلوة. تاج: واحدة غبية وغدر. وطلعت تاج البيت وأمها فتحت لها. نرمين: إيه دا، مالك؟ تاج: مفيش يا ماما، أنا كويسة، بس عاوزة أنام. نرمين: ماشي يا حبيبتي، تصبحي على خير. تاج: وأنتي من أهل الخير. ودخلت أوضتها. تاج: الو، يا نور. نور: إيه يا حبيبتي، عاملة إيه؟ تاج: مش كويسة، مش عارفة إيه اللي بيحصل معايا. نور: ليه، حصل إيه؟ تاج حكتلها كل اللي حصل.

نور: أنا أصلا كنت حاسة إن البنت دي مش كويسة، وقلتلك صح ولا لأ؟ تاج: صح، أنا اللي غبية. نور: لا ياستي، متقوليش على نفسك كدا، المهم، أنتي هتجي الجامعة بكرة صح؟ تاج: أكيد. نور: ماشي يا روحي. تاج: ماشي، سلام. نور: سلام. تاني يوم. أسر: استني، رايحة فين؟ تاج: الكلية. أسر: طب يلا، هوصلك. تاج: إيه، لا طبعًا. أسر: هو إيه اللي لا، يلا قدامي، هجيب المكنة. وصلها قدام الكلية. أسر: يلا، خلي بالك من نفسك. تاج: ماشي، باي.

أسر: باي، لما تخلصي، هجي آخدك. تاج: ماشي. ودخلت. نور: أوعي، هو في إيه بقا؟ تاج: مفيش، هو اللي أصر إنه يوصلني. نور: وهو أي حد يقولك أوصلك، تقوليلو ماشي؟ أمك عارفة الموضوع دا؟ تاج: بس بقا يا نور. نور: ماشي ياستي. تاج: طب يلا ياختي. وبعد شوية. خلصت وكنت ماشية بس. الدكتور: آنسة تاج، آنسة تاج. تاج: أيوه يا دكتور. الدكتور: أنا كنت عاوز أجي أطلب إيدك. أسر: تاجججججج.