رواية تاج راسي الفصل الثاني 2 - بقلم مريم فريد

نرمين: استني عندك، أنا مش بكلمك، جبتي العباية دي منين؟ ايتاج: من جنى عشان التيشيرت بتاعي اتقطع. نرمين: اتقطع منين؟ ايتاج: بصراحة ياماما، مفيش حاجة اتقطعت. نرمين: بتكدبي عليا في إيه يا تاج؟ تاج: حكيت لأمها كل حاجة. نرمين: هو فين الحيوان ده؟ تعالي معايا. تاج: لا ماما، عشان خاطري، دا واحد بلطجي. نرمين: بلطجي على نفسه، وبعدين لبسك فعلاً ضيق، وأنا كذا مرة أقول لك البنطلون ده لا. تاج: صح، أيوه ياماما، أنا آسفة.

نرمين: وبعدين إزاي يمسكِك من شعرك؟ تاج: خلاص ياماما، عشان خاطري. نرمين: طب روحي غيري القرف ده، ولبسي عشان ننزل. نرمين: العباية لصاحبتها ونجيب شوية حاجات للبيت. تاج: حاضر ياماما. تاج دخلت غيرت، لبست دريس أسود. تاج: خرجت. تاج: يلا، نازلين. نرمين: هي فين البت اللي خدتي منها العباية؟ تاج: في الشارع ده. دخلوا الشارع. تاج: ماما، اسمها منى. أسر: شافها، وجاي عليهم. أسر: في حاجة يا قشطة؟ نرمين: في إيه أنت كمان؟

أسر: لا مفيش، بس في حد مضايقكم يعني، ولا عاوزين حد؟ نرمين: عاوزين واحدة اسمها منى. أسر: آه، عارفها. نرمين: طب خد، اديها دي، وماشي، وقولها شكراً. أسر: وبص لي تاج. أسر: من عيوني. نرمين: يلا يا تاج، وماشي. ويجبوا الأكل والخضار عند بتاع الخضار. نرمين: تاج، أنا هروح أجيب الأرز، عقبال ما تنقي الطماطم. تاج: ماشي ياماما. وأسر كان ماشي وراهم. بتاع الخضار: يا حلوتك يا قوطة، إيه العسل ده؟ تاج: في حاجة حضرتِك؟

بتاع الخضار: لا يا قلبي، بس ينفع اليدين الحلوة دي تنقي طماطم؟ أسر من ورا: ينفع يا روح أمك. نزل في ضرب. تاج: بس سيبه، هموت في إيدك. وبتحاول تحوشه، أسر سابه بعد لما حس إنه هيموت في إيده. نرمين جريت على بنتها. نرمين: أنتِ كويسة يا بنتي؟ أسر: دي حاجة بسيطة، بس لأي حد يفكر يقرب من حاجة تخصني. أسر لـ تاج: قدامي على البيت. تاج: إيه اللي أنت بتعمله ده؟ أسر بغضب: امشي. نرمين: أنت مين عشان تكلمها كده؟

أسر مردش عليها، وسحب تاج من درعها ومشي بيها لحد البيت. نرمين شدت تاج منه. نرمين: أنت ولد قليل الأدب والاحترام، أنت فين ولدك أو والدتك يا بني أنت؟ أسر: أنا بنفسي. نرمين: اتفضل امشي من هنا، بدل ما أطلب لك الشرطة. تاج: خلاص ياماما، هو هيمشي حالا، لو سمحت امشي من هنا. أسر: أنا همشي، بس لو حد غيري كان شكرني إني اتعدت عن بنتكم. نرمين: تاج، قدامي على فوق. وطلعوا البيت. نرمين: أنا كنت هشكره، بس إزاي يجرجرِك في الشارع كده؟

ده ولد قليل الأدب. تاج: خلاص ياماما، بقا، أنا هقوم أعمل الأكل، ماشي، روّقي بقا. نرمين: ماشي، وأنا هغير هدومي. بعد ما خلصت الأكل وكلت هي ومامتها، دخلت الأوضة بتاعتها تكلم نور، وحكت لها اللي حصل. نور: واو، دا غيور أوي. تاج: بس إيه الكلام اللي بتقوليه ده؟ نور: بقول إيه يعني؟ بيبان عليه بيحبك. تاج: دا بلطجي، أنتِ بتقولي إيه بس؟ نور: البلطجي ميسرو ويتعدل. تاج: بس بقا يا نور.

نور: أه، صح نسيت أقولك، يوسف قالي إنه بيحبني وهيجي يكلم بابي. تاج: بجد؟ ألف مبروك يا روح الروح. نور: حبيبتي، عقبالك يا رب. تاج: لا يا أختي، شكرًا. نور: طب براحتك. عند أسر، تليفونه رن، بص لاقى مامته. أسر: الو. أمه: عاوزة أشوفك يا أسر. أسر: وأنا مش عاوز أشوفك. أمه: لازم أشوفك، أرجوك. أسر: طيب، هقابلك في *****. أمه: وأنا هستناك، سلام. أسر: سلام. في المكان. أسر: عمري. أمه: إزيك يا ابني؟ أسر: ابنك ده من إيه بقا؟

أمه: أيوا ابني يا أسر. أسر: المهم، عاوزة. أمه: أنا عاوزاك تمضي على الأوراق دي. أسر. يتبع.