رواية طبيب نفسي الفصل الأول 1 - بقلم رقية محمد

لسه حاسس بصوتها بيرن في وداني وهي بتقول: _لو بعدت مش هترجع تاني. لو اخترت تمشي مش هتلمح طيفي تاني. عايز تبعد ابعد بس مترجعش تاني. وصوت الست في الخلفية: {بعيد عنك حياتي عذاب مبتعدنيش بعيد عنك} بس أنا اخترت الطريق الصعب، الطريق البعيد اللي ملوش آخر. اللي باخده منه وجع.. وجع وبس. حاولت أرجع لها تاني.. بس هي كانت قافلة قلبها بطريقة متخيلتش يوم إن نور الطيبة تتعامل بيها.

_على فكرة أنا مشيت عشان الوقت ما كانش مناسب إني أفضل موجود، لا الوقت ولا المكان ولا الظروف. بس أنا دلوقتي موجود، نقدر نرجع أحسن من الأول، أنا خلاص بقيت موجود. = وأنا مش موجودة.. متحاولش نرجع تاني عشان خلاص أنا لا بكرهك ولا بحبك، مفيش بينا شيء أكرهك عليه ولا بينا شيء أحبك بيه إطلاقاً. وفي الخلفية فارس قطرية: { وإن جاي في رجوع مايتنا لمجاريها فـ بجد يغالي ابعد عني } واتكلمت بجزء من قصيدة فارس قطرية:

أنا مبردش على كلامك، أنا بس بفكر روحي إن حنت لأيام. نور طول عمرها بتسمع فارس قطرية والكلام اتجسد عليها. بعد ما اتأكدت إن مفيش رجوع تاني خلاص، وإن لو رجعنا في حاجة جواها اتكسرت عمرها ما اتصلحت، على حسب كلامها، فـ أنا قررت أسيبها في حالها. الأم: قوم يابني شوف مستقبلك، بقالك أسبوعين قافل على نفسك ومبتنزلش العيادة.

(نسيت أقولكم إني دكتور نفسي لسه متخرج، فاتح عيادة صغيرة بتعلم خبرة وبسمع مشاكل الناس عشان تهون عليا مشاكلي. {اللي يسمع بلاوي الناس تهون عليه بلاويه}) حاضر يا أمي حاضر، سبيني بس شوية وقت مع نفسي. _أما نشوف شوية الوقت دول هيرسوا على إيه. أيامي عندها حق، هي مبتحبنيش تشوفني عاجز، ولا أنا بحب أبقى عاجز. قررت إني أفوق، محدش بيبقى على حد، بس أنا مش هنسى إني غلطان وإن ذنبها في رقبتي. جنه:

سليمان، أنا عايزة السويت شيرت بتاعك أخرج بيه. _ادخلي خديه. = بتكلم جد؟ أنت تعبان؟ _جنه تعالي أكلمك في موضوع. = خير. حكيت لها الموضوع وكأن الأدوار اتبدلت، هي الدكتور النفسي وأنا المريض. حتى الدكاترة النفسيين محتاجين دكاترة. جنه: أنت غلطت أما علقت قلب بنت بيك وكسرته، هي عمرها ما هتنسى كسرتك عمرها. اتكلمت بحزن: أنا نازل العيادة. بدأت أتصل بالسكريتيرة والمرضى بدأوا ييجوا. واتفضل.

دخلت بنت 18 سنة باصة على الأرض بحزن ودموع. _اتفضلي اقعدي. اسمك إيه؟ _ليلي. _اممم جميل. احكيلي بقى يا ستي. _أنا تعبانة أوي. _طيب، إيه المشكلة؟ ممكن أقدر أساعدك. _أنا عندي أخويا، دايما بابا وماما بيعاملوه أحسن مني، دايما بحس إني ماليش لازمة وإني جيت غصب عنهم. دايما بيخلوني أكرهه. أنا مش عايزة أكرهه، أنا... أنااا خليت خطيبته تفشكل الخطوبة. _إزاي؟

_قولتلها إنه بيخونها. أنا مش وحشة والله ما وحشة، بس هما اللي خلوني كده، هما اللي بيعملوا فيا كده. _طيب كملي. _أنا بفكر أخلص منه. _بصلها بتركيز. تخلصي منه؟ _أه، هو عنده السكر، ممكن أديله جرعة دوا زيادة وأكنه دوا مختلف، أو أديله حبوب غلط أكنها الدوا بتاعه، أو أو. أفف هو أنا مريضة صح؟ أنا مريضة نفسياً، أنا حقودة، أنا مبحبش الخير لحد، أنا وحشة. وبدأت تعيط.

{حبيبي من أصعب المشاكل اللي بتواجهني هي مشاكل الأسرة. أنت كـ أب، وأنتِ كـ أم، بتبقوا واعين إنكم تعملوا في عيالكم كده؟؟ بتستوعبوا إنكم بتفرقوا بين ولادكم؟؟ أنتم الحقيقي هما المرضى مش ولادكم} بدأت أتنفس بهدوء. _هو معاملته معاكي إيه؟ _هو كويس جداً معايا، بيحاول يبقى الأب والأم اللي مش موجودين لي. بدأت أتكلم معاها وخدت لها ميعاد تاني. خدت نفسي بهدوء وروحت البيت. _بتكلمي مين يا جنه؟ _بكلم واحدة صحبتي. _أيوه اللي هي مين؟

_في إيه يا سليمان، بكلم واحدة صحبتي. _طيب ادخلي نامي يلا. _أففف مش هدخل يا سليمان غير أما أخلص اللي ورايا. خدت نفسي بهدوء عشان متعصبش ودخلت الأوضة. لقيت السويت شيرت مليان برفان حريمي. اتكلمت بصوت عالي وعصبية: _جنهههههههههههه. = في إيه؟ بتعلي صوتك ليه؟ مسكت طرف السويت شيرت وقلتلها: ادخلي واقفلي الباب يا حبيبتي واترزعي هنا.