رواية طفلة العاصم الفصل الثامن عشر 18 - بقلم ندى احمد

ثريا بجدية: اظن يا عاصم مفيش كلام بعد كده، انت لازم تطلق حور حالا. مظنش ان بعد اللي عملته تنفع تبقى على اسمك. عاصم: هات المأذون. حور بصت بصدمة. بينما نظرات ثريا وكارما اللي فيهم شماتة في حور. عاصم شد حور من ايدها ودخل بيها اوضتها. حور دخلت اوضتها لقيتها زي ما هي، مفيش حاجة اتغيرت من مكانها. عاصم بص لحور: انتي، ليه مشيتي؟

انا كل يوم كنت بتعذب من غيرك. كنت كل يوم ادخل اوضتك انام فيها. وكارما مش مراتى يا حور، مش مراتى، سامعة كويس. ولما شوفتينا ده كان قدام الناس علشان حمزة. طلع ابوه يبقى صاحب عمري ومتجوز ومخلف ومش عايز أخرب بيته. وهو مش عايز يرمي ابنه. ومحدش يعرف ان حمزة مش ابني لحد النهاردة، لان ابوه اعترفش بيه قبل ما يموت الشهر اللي فات، ووصيته اخلي بالي من حمزة. اما كارما، فهي كل شوية تيجي بحجة حمزة، وانا كل مرة بوقفها عند حدها. وعمري ما بصيت لها ولا بشوف واحدة تانية غيرك يا حور. بس انتي روحتي عملتي ايه؟

روحتي قعدتي عند راجل غريب شهرين في بيته. وكمان بيحكيلي قد ايه هو واقع في غرامك. عاصم شد حور من ايدها: انطقي يا حور، حبيتي؟ حبيتي فهد؟ جاوبيني. حور فضلت تعيط وساكتة. عاصم افتكر سكوتها ده انها بتحب فهد. عاصم: صحيح، هتقولي ايه؟ حور بدموع وانفعال: محبتش غيرك يا عاصم، ولا هعرف احب غيرك. بس حتى لو مش حمزة ابنك، متنساش انك خونتني مع كارما في يوم من الأيام. عاصم: افهمي، مكنتش في وعي.

حور: لو حصل العكس وقولتلك مكنتش في وعي، هتسمحني وتغفرلي؟ عاصم: لأ، مكنتش هسمحك يا حور. حور: بتطلب ليه العكس، لو انت مش هترضى على نفسك كده. عاصم: علشان انتي كل حاجة بنسبالي يا حور، انتي بنتي واختي ومراتى وحبيبتي وملكي لوحدي. حور: انا مش هقدر يا عاصم، كل ما اشوفك مع كارما بفتكر كل حاجة، مش قادرة اتجاوز وانسى.

عاصم: لو فعلا حد محتاج ينسى، هيبقى أنا. انسى نظرة الإعجاب اللي في عين فهد ليكي، وهو بيقولي انه عايز يتجوزك يا هانم. وبكل بجاحة بتقوليلي عايزة اروح له. عاصم بانفعال: ازاي قعدتي في بيته كل ده؟ حصل ايه؟ انطقي.

حور بعياط: والله محصل حاجة. انا معتبرة فهد اخويا او شخص بعزه مش اكتر. وهو كمان محترم وعمره ما حاول يضايقني. بالعكس يا عاصم، وانا كنت عايشة معاه هو ومامته واخته. واغلب الأيام كانت مامته بتنام معايا او اخته. عمري يا عاصم ما كنت أتخيل اني أهون عليك. وعايز تطلقني. عاصم: انا مش هطلقك، بس لازم اتأكد الأول. حور: تتأكد من ايه؟ عاصم: انك لسه بنت. حور: 😳😳