رواية طفلة الآرام الفصل الخامس 5 - بقلم غنوة حبيب

شغف: ممكن أكون حامل. آرام قرب ومسك إيدها بعصبية: إيه؟ انتي فاهمة بتقولي إيه يا حيوانة؟ شغف بحزن: بتقول حيوانة ليه؟ مش المفروض أكون حامل، بقالنا أسبوع متجوزين وانت كل يوم بتبوسني وأنا من لما صحيت النهاردة حاسة بطني بيوجعني ودايخة، قلت ممكن أكون حامل. آرام اتنهد براحة من غبائها وإنها مش فاهمة الكلمة. قرب وحضنها بهدوء: انتي مش حامل يا قلبي. شغف بحزن: ليه؟ إيه عرفك؟ آرام بتوتر: ع... عش... عشان لسه بدري.

شغف: يعني هنجيب بيبي صح؟ آرام ابتسم بحزن وقرب باسها وحضنها: صح يا عيون آرام، بس محتاجين فترة. شغف بابتسامة: طب أنا هجرب الفستان، مش هتشوفه. آرام بحنية: طبعًا يا كتكوتي. *** آرام: اتأخرتي، أساعدك؟ شغف من ورا الباب: السوستة. آرام ابتسم بخبث ودخل ليها. شغف باحراج: لو سمحت قفلي السوستة. آرام بخبث: من عنيا. آرام قرب ومسك الفستان وكان هيقلعها، بس هي مسكته بسرعة. شغف بتوتر: في إيه؟

آرام لعن نفسه من اللي عمله وقفلها السوستة وخرج بسرعة. *** عدى دقايق وكانت نسمة نازلة مع قاسم ومسكت إيد أمير بابتسامة. قاسم: هديلك قطعة من قلبي، مش محتاج أقولك. أمير باس راس عمه: في قلبي إن شاء الله. نسمة باست إيد أبوها وأمها ومسكت أمير وقعدوا مكانهم. آرام بغضب: بتبصي فين؟ شغف: مش لحد، بس بشوف دول ناس أول مرة أشوفهم. آرام: دول رجالة عندنا في الشركة، مافيش داعي تبصي ليهم. شغف: حاضر. آرام: مين أحلى حد هنا؟

شغف ببراءة: الكل حلو وجميل، ونسمة أحلى واحدة عشان لابسة الفستان الأبيض. شغف ابتسمت بكسوف: وفيه حد يجنن وجميل أوي، خصوصًا دقنه، بحبها أوي. آرام بصدمة وغضب: انتي حيوانة؟ إزاي تقولي عن راجل جميل؟ مش أنا جوزك ولا شايفاني بقرون؟ شغف بحزن: أنا كان قصدي انت، أكيد مش هكون قليلة أدب وأبص لحد غيرك. آرام ندم وقرب حط إيده على رجلها: أنا آسف.

شغف زقت إيده وقالت بدموع: ما تقوليش حيوانة، الكلمة دي مش حلوة، مش بحبها، أنا مش صغيرة، ما فيش مرة تخليني أكمل كلامي. آرام كان عايز ياكلها من المشاعر اللي بيحسها معاها. آرام مسك إيدها وطلعوا الجنينة وباسها من غير ما حد ياخد باله بشغف وحب. آرام بهمس: بحبك. شغف..... آرام: آسف، مش هقولك حاجة وحشة تاني. شغف ابتسمت ببراءة: مش زعلانة. آرام: أموت في اللي قلبه طيب أنا.

شغف: بس دا ميمنعش إنك تجيبلي حلويات ومصاص، يعني ما عنديش مانع. آرام ضحك بصوته: يا مصلحجية! شغف ضحكت وحضنته ورجعوا للحفلة. *** نسمة: أمير، ينفع لو فضلنا هنا النهاردة؟ أمير بصدمة: أنا حجزت في الفندق وجاي دلوقتي تقوليلي حابة أفضل هنا؟ نسمة بحزن: زي ما انت عايز. أمير حضنها: أنا آسف، خلاص هنفضل هنا، بس هنسافر بدري عشان المطار بعيد من هنا، كنت عايز نخرج من الفندق بس ما يهونش عليا زعلك. نسمة ابتسمت ليه.

وعدى الوقت وكل واحد طلع أوضته. *** أمير قرب من نسمة وباسها برقة: بحبك أوي. نسمة بصتله بكسوف. أمير: مش بتحبيني؟ نسمة: آه. أمير: ليه ما بتقوليهالي؟ نسمة بهمس: بحبك. أمير بضحك: مش سامع. نسمة رفعت صوتها شوية: بحبك. أمير برفعة حاجب: بقولك مش سااااامع. نسمة حضنته بكسوف: خلاص، بقى ما تضحكش عليا. أمير حضنها: طب والله قوليها آخر مرة. نسمة: بحبك. أمير قرب وباسها وخدها لعالمهم الخاص. ***

شغف بحزن: نسمة مسافرة بكرة، هتوحشني، ماليش صحاب غيرها. آرام قرب وقرص خدودها: طب وأنا بعمل إيه؟ مش مكفيكي؟ شغف قربت وحضنته: انت أحسن واحد في العالم كله. آرام بعدها عن حضنه: بجد؟ مش شايفاني كبير عليكي؟ شغف بتساؤل: أنا عمري ٢٢، انت عمرك كام؟ آرام: يا لمضة، عمري 34. شغف فتحت بوقها بصدمة: الللللللله، دا انت كبير أوي. آرام بحزن: انتي شايفة كده؟ شغف: أقصد إن مش باين عليك عشان مز وكده. آرام بصدمة نسي حزنه: مز؟

شغف ضحكت: معلش، شفتها في التلفزيون، قلت أجرب أقولهالك. بعدين مش انت جوزي. آرام ضحك من قلبه: طب ما شفتيش حاجة تانية تجربيهالي كمان؟ شغف: أشوف إيه يعني؟ آرام: مثلًا بوسة أو حضن أو..... قاطعته بكسوف: خلاص، مش قصدي، مش هقول حاجة تاني. آرام بحزن: طب ممكن أطلب حاجة؟ شغف بحزن قربت: طب انت زعلان كده ليه؟ آرام بخبث بتمثيل الحزن: مش انتي قولتيلي تحت إنك بتحبي دقني؟ شغف بصدمة: آه، إيه المطلوب؟ آرام

بخبث شاورلها على دقنه: بوسة صغننة. شغف حطت إيدها وبقت زي ما تمشطله دقنه بإيدها الناعمة. آرام غمض عيونه بتلذذ. شغف: عايز بوسة؟ آرام فتح عيونه بتوهان: ياريت. شغف قربت باسته بسرعة وقامت للسرير. آرام فضل متنح مكانه من توهانه ومش قادر يتحرك. شغف غطت نفسها بالملاية من الكسوف. آرام استوعب وقام ليها. آرام: بتهربي مني؟ شغف بضحك من تحت الملاية. آرام قعد يزغزها في بطنها وشغف بتضحك. شغف بضحك: خ..ههه... خلا.هههههه...

خلااااص مش قادرة. آرام بعد عنها بفرحة وحضنها. آرام: نامي أحسن، والله بكملها. شغف حضنته ونامت بهدوء. *** عدت شهور ونسمة سافرت وآرام وشغف بقصة حب جميلة، وآرام مش حابب يفهمها حاجة إلا لما تكبر شوية. وحياتهم بسيطة مع بعض لحد ما جه يوم. الباب بيخبط. آرام فتح الباب واتصدم. ريم: ازيك يا حبيبي. آرام: عمتو ريم، كويس. إيه اللي جابكم هنا؟ ريم: ممكن ندخل الأول ونتكلم. آرام باستدراك: آسف، ما خدتش بالي، اتفضلوا. ريم: ازيك يا خويا؟

ازيك يا نيفين؟ قاسم ونيفين رحبوا بيها وقعدوا سوا. ريم: أكيد بتسألوا نفسكم إيه اللي رجعنا. قاسم: والله لو ما عندكيش مانع، أتمنى تتكلمي في إيه؟ ريم بعياط: أنا ماليش غيرك انت وآرام. .........