رواية طفلة الآرام الفصل السادس 6 - بقلم غنوة حبيب

ريم: احنا بعنا بيتنا عشان كنا محتاجين فلوس ودلوقتي ما فيش مكان نقعد فيه، فاحنا عاوزين نقعد عندكم فترة عشان ندبر أمورنا. قاسم اتنهد: بس كده، افتكرت حصل معاكم مصيبة. خلاص يا أختي، البيت بيتكم. ولو مش عايزة تفضلي معانا، أنا هجيب لك شقة قريبة من هنا. سمر بسرعة: لا يا خالي، نفضل هنا أحسن عندكم. نيفين: البيت بيتكم طبعًا، هتقعدوا عندنا. أمال كم ريم عندنا؟ ريم: ربنا يخليكم ليا. قاسم: تعالوا معايا. ...

قاسم: بصي، الأوضة دي لسمر، واللي تحت ليكي. ولو عاوزين تبدلوا مفيش مشكلة. سمر: خالي، هو أوضة آرام فين هنا أو تحت؟ قاسم: لا، هنا. سمر: خلاص، أنا هاخد الأوضة اللي هنا. لكن... قاسم: زي ما تحبوا. ولو عاوزين حاجة، أهلًا وسهلًا. -آرام: طب لو هما مش مرتاحين هنا، كنت خدت لهم شقة مش أحسن؟ قاسم: لا، هما حابين كده. آرام: طب أنا هطلع أنام، تعبان شوية. نيفين بلهفة: مالك يا حبيبي؟ أعمل لك حاجة؟

آرام باس إيدها: ما فيش يا ست الكل، بس نعسان أوي. نيفين: آآآه، طب نسيت أقول لك إن شغف نايمة. آرام: ومالي أنا؟ نيفين باحراج: ما فيش، اطلع نام يلا. آرام باستدراك وحرج وتوتر: أنا تعبان بجد وعايز أطلع أنام، بس مش أكتر. نيفين وقاسم ضحكوا: تصبح على خير. آرام طلع الأوضة ودخل، وشافها نايمة زي الملاك. دخل أخد شاور وخرج، شدها لحضنه وباسها برقة. شغف تململت بانزعاج. شغف بنوم: في إيه؟ آرام: ما فيش يا قلبي، نامي.

شغف: أنا استنيتك ليه اتأخرت؟ ها. آرام قرب وباسها: أسف، بس كنت مشغول أوي. شغف: طب أكلت؟ آرام: آه، أكلت في القسم. شغف باسته على خده: تصبح على خير. آرام بص لها بصة غريبة وحضنها وناموا. -سمر: صباح الخير. قاسم: صباح النور. فين مامتك؟ سمر: خالو، إحنا المفروض ننزل النهاردة عشان نجيب أغراضنا من البيت وحاجات ضرورية، وهنرجع الجمعة إن شاء الله. قاسم: طب خدوا السواق. سمر: حاضر يا خالو، شكراً.

نيفين: طب بس افطروا، ما تطلعوش من غير أكل. ريم: معلش يا حبيبتي عشان مش نتأخر. باي. نيفين وقاسم: ربنا معاكم. -كانت شغف خارجة من الحمام ولافة فوطة. آرام: صباح الخير. شغف بكسوف: صحيت امتى؟ آرام: دلوقتي. شغف: صباح النور. خد شاور عشان ننزل. آرام قرب وحضنها: طب إيه رأيك أساعدك تلبسي؟ شغف شهقت بخجل: ياااااااااا. أنا هلبس وأنزل. ابعد كده. آرام ضحك: طب بوسة يا حلوة.

شغف باسته من خده: يلا، خد شاور. ما تتأخرش عشان عندنا شغل أوي بكرة. آرام: شغل إيه؟ شغف: لما تاخد شاور أقولك. يلا وزقته للحمام. -آرام: صباح الخير. قاسم ونيفين: صباح النور. آرام: أنا النهاردة إجازة. هنروح أنا وشغف بيتنا في الجبل. تعالوا معانا لو حابين. نيفين: لا يا حبيبي، خد راحتك أنت ومراتك. قاسم: ما تتأخروش. البيت وحش من غيركم. آرام باسهم وطلع هو وعشق. -آرام في العربية: قوليلي، كنتي عايزة تقولي إيه؟

شغف: هو أنت نسيت إن بكرة عيد الأم؟ آرام: آهاااا. كنت ناسي، شكراً إنك فكرتيني. شغف: هنعمل حفلة لماما نيفين صح؟ آرام ركن العربية وحضنها بهدوء وحزن إن شغف يتيمة. آرام بحنية: طبعًا يا قلبي. شغف: طب أنت مش جعااااان؟ أنا هموت. آرام: يا لهوي، طبعًا هنجيب أكل. -بعد فترة. دخل آرام وشغف للشقة. شغف: اللللله. المشهد حلو أوي من البلكونة. مع المطر هيبقى يجنن. آرام ابتسم: النهاردة هنقضيه هنا. عايزك تكوني مبسوطة.

شغف حضنته: شكراااااا. بقولك، ما تروح تجيب شيبس وحلويات عشان تكون السهرة حلوة ونشوف فيلم. آرام بضحك: حاضر، مش هتأخر. بعد ربع ساعة. شغف في حضن آرام على البلكونة. آرام بزهق: شغففففف. أنا هموت. أنا مش بحب المارشميلو والحاجات التافهة دي. بلاش تزقيهم في تمي، حاسس نفسي طفل 3 سنين وبتأكليني غصب. شغف بضحك: طب إزاي مش بتحب الحاجات دي؟ أنا مستعدة آكلهم كل دقيقة. آرام بمسخرة: عادي. الأطفال بيحبوا الحاجات دي.

شغف بغضب: قصدك أنا طفلة؟ هاااااااا. آرام بضحك: آه. شغف قامت وحطت إيدها على وسطها: بص يا حبيبي، أنا ساكتة ومتحملة، مش معنى مراتك يعني تهزقني وتقلل من قيمتي. أنت عارف إن أنا قوية. والله يا آرام، لو قلت طفلة تاني، هتشوف وشي التاني وهـ... آرام بصدمة سكتها: بسسسسسسس. مالك مالك؟ خلاااص مش هقول طفلة تاني. إزاي تقدري تتكلمي بالسرعة دي؟ الله أكبر عليكي. شغف عضت إيده: أيوه، بحذرك. مش تقول طفلة تاني. آرام بألم: آآآه يا عضاضة.

شغف بضحك هربت للسرير. آرام لحقها بخبث وشلح حزام البنطلون. آرام بتمثيل الغضب: هعلمك إزاي تعضي جوزك. شغف بخوف: هتضربني؟ آرام.........