رواية طفلة الأسد الجزء الثاني الفصل الثالث 3 - بقلم حنين احمد

حنين بدموع مكتومة: اسر.... وفجأة أُغمي عليها. اسر جري عليها بخوف وكمل: حنين فوقي.... حنين مالك في إيه؟ حازم: حنين مالك في إيه؟ سلمي بخوف: بنتي مالك ي حنين، حنين فوقي حد يطلب الدكتور. حازم: خليكي انتي ي طنط.... وراح يطلب الدكتور. اسد: اسر شيلها، طلّعها الجناح. ملك بخوف: خد بالك عليها ي اسر. اسر شال حنين بخوف ودموع مكتومة وطلعها الجناح. وكل العيلة طلعت وراهم. في جناح حنين: اسر نيمها على

السرير وكمل بدموع مكتومة: حنين فوقي عشان خاطري. ملك بصت لاسد بحزن وكملت لاسر: حبيبي اهدى، هي أكيد بخير. اسر بصوت عالي: الدكتور اتأخر ليه؟ حسام: في الطريق ي اسر. اسر بدموع مكتومة لنفسه: حتى لو مش ليا، مقدرش أشوفك تعبانة أو فيكي حاجة، مقدرش أتخيل فكرة إنك تتوجعي، أنا عايزك طول الوقت بخير حتى لو مش معايا، عشان خاطري فوقي. حنين بدأت تفتح عينيها وكملت بتعب: اسر. اسر بدموع مكتومة وفرحة: اهدى ومتتكلميش لحد ما يوصل الدكتور.

حازم: الدكتورة وصلت. الدكتورة: بعد إذنك عشان أكشف عليها. اسر بغضب مكتوم وعيون حمرا ومسك إيد حنين: تقدري تكشفي عليها كده؟ الدكتورة بخوف: تمام.... وبدأت تكشف على حنين. سلمي بدموع: مالها ي دكتورة؟ الدكتورة: ضغط عصبي بس مش أكتر، وكمان قلت تغذية. أنا دلوقتي عطيتها إبرة منوم عشان ترتاح، وإن شاء الله تكون بخير الصبح. حسام: تمام ي دكتورة، شكراً ليكي جداً. وصلها ي حازم. ملك: أنا هوصلها. حازم: استني ي طنط، هاجي معاكي....

وخرجوا هما التلاتة. في الصالون: ملك: أنا آسفة جداً على طريقة اسر معاكي. الدكتورة بابتسامة بسيطة: لا أبداً مفيش حاجة، بس شكله بيحبها أوي، ربنا يهنيهم يارب. حازم: دي خطيبتي. ملك بهدوء وحاولت الابتسامة: لا، هو اسر بس، حنين غالية عنده لأنهم متربيين مع بعض. الدكتورة: أنا آسفة جداً. ملك: لا، ولا يهمك.... وطلعت الدكتورة من القصر. حازم بابتسامة بسيطة: أنا همشي ي طنط وهاجي تاني عشان أطمئن على حنين.

ملك: حبيبي متزعلش، مش تصرفات اسر، انت عارف إنه بيعتبرها زي أخته وأكتر. حازم: لا أبداً ي طنط، أنا فاهم ده كويس. ملك: ماشي ي حبيبي، خد بالك من نفسك. حازم بابتسامة: حاضر ي طنط.... وخرج من القصر، وملك رجعت جناح حنين. في جناح حنين: اسر بدموع مكتومة وحاول الهدوء: أنا ماشي، وأسبوعين وهرجع أمريكا تاني. سلمي بدموع: هتروح فين ي اسر بس، وإيه السبب اللي مخليك مش عايز تقعد هنا؟

اسر: عمتو معلش، أنا هرتاح لوحدي عادي، هروح أقعد في الشاليه بتاعنا. ملك بدموع: سيبه براحته ي سلمي. سلمي بدموع: إزاي بس، ده ملحقش يقعد معانا، حبيبي قولي مين هي البنت اللي بتحبها، واسيبك من ملك واسد وأنا هخطبهالك. اسر بدموع مكتومة: خلاص ي عمتو، بعد إذنكم.... ولسا هيخرج. ملك بهدوء: طب وحنين ي اسر؟ اسر وقف بدموع مكتومة وكمل بجمود: بعد إذنكم.... وخرج. اسد بهدوء: يلا سيبوا حنين ترتاح. كلهم: يلا....

وخرجوا. سلمي وحسام على جناحهم، واسد وملك كذلك. في جناح اسد وملك: ملك بدموع: اسد، أنا حاسة إن اسر بيحب حنين، انت مشوفتش لهفته عليها وبصته ليها ساعة ما كان هيلبس سهر الخاتم. اسد: ملك، حنين مخطوبة، واسر بيعتبرها زي أخته، بلاش أفكارك دي. ملك بدموع مكتومة: كده كده حنين مخطوبة، يعني مفيش فايدة من الكلام ده. طلع الصبح في جناح حنين تحديداً: سلمي بابتسامة بسيطة: صباح الخير ي حنون.

حنين بهدوء: صباح النور ي ماما، هو إيه اللي حصل امبارح؟ سلمي بابتسامة: احم، ولا حاجة، بس ست البنات أُغمي عليها، واسر شالك وطلعك الجناح، والدكتورة جت وقالت إنك لازم تهدي أعصابك شوية وكمان تاكلي كويس، واطمنا عليكي، وبعدين...... وسكتت بحزن. حنين بدموع مكتومة: وبعدين إيه ي ماما، هو اسر هنا صح؟ سلمي بدموع مكتومة: اسر أخد هدومه وراح الشاليه بتاعنا، وقال إنه أسبوعين ومسافر أمريكا تاني.

حنين بدموع وصوت عالي: إزاي تسيبوه يخرج ي ماما؟ مصدقت إنه رجع لي، عايز يسيبنا تاني؟ كل ده عشان البنت اللي بيحبها، للدرجة دي بيحبها وعايز يسيبنا تاني عشانها؟ وليه مش عايز يقولنا عليها؟ وإزاي عايز يسافر؟ عايز يرجع أمريكا وأنا طول الأربع سنين كنت مستنية أسمع خبر إنه جاي، بس ليه ي ماما سبتوة يمشي؟ لي سبتوة يمشي؟ .... وانهارت في بكاء عميق. ملك بخضة: إيه ده، مالك ي حنين، مالك ي حبيبتي، إيه؟

حنين بدموع: ليه ي خالتي سبتي اسر يسيب القصر؟ ملك بدموع مكتومة: حبيبتي، هو مش مرتاح هنا، ومينفعش إني أغصب عليه، أنا عايزاه يكون مرتاح، اهدى انتي كده بس. حنين بدموع: خليه ي خالتي براحته، سابنا كلنا عشان البنت اللي بيحبها، سيبيه يعمل اللي هو عايزه.... ومسحت دموعها. ماما، حازم كان فتح معايا موضوع الجواز وأنا موافقة.

(عدي أسبوعين وأسر طبعاً موجود في الشاليه، ودقنه بقت كبيرة وحالته اتدمرت خالص، وحازم مشغول بتجهيزات الفرح، أما سهر ف مكانتش زعلانة من اسر وشافت إنه تصرف صح وإنه محبش يخدعها. أما حنين ف حبها لاسر كان بيزيد كل يوم، واتحدد معاد فرح حنين واسر...... قبل الفرح بيوم) في الشاليه عند اسر تحديداً: تن تن تن. اسر: الو. حازم بحب: حبيب أخوك عامل إيه؟