رواية طفلة الأسد الجزء الثاني الفصل الثاني 2 - بقلم حنين احمد

اسر بصدمه وارتباك وذهول: خطيبتي... مين؟ أي ده؟ حازم باستغراب: أي يا اسر مالك؟ هبقى جوز اختك يا عم. وشدد على حضن حنين اللي دموعها نازلة على خدها. اسر بدموع مكتومة وصدمة: انتي مخطوبة؟ يا حنين... إزاي؟ إزاي وإمتى؟ ملك بارتباك: اتخطبوا من سنة كده. اسر وبدون وعي خرج بره البيت بغضب جنوني. حازم باستغراب: ماله اسر؟ في إيه؟ ملك بارتباك: لا لا يا حبيبي، أصل حنين زي أخته، فهو تلاقيه زعل إننا مقولنالوش. حنين بدموع مكتومة

شالت ايد حازم وكملت: احم، عامل إيه يا حازم؟ حازم بحب: يا قلب حازم، أنا بخير طول ما انتي بخير. حسام: عامل إيه يا حازم؟ ووالدك ووالدتك عاملين إيه؟ حازم بابتسامة: الحمد لله يا عمي، بيسألوا عليكم. عاملة إيه يا ماما؟ سلمي بشرود وابتسامة: الحمد لله يا حبيبي، وانت؟ حازم بحب: الحمد لله. حنين بدموع مكتومة: بعد إذنكم، هطلع أرتاح عشان تعبانة. سلمي وحسام بقلق: مالك يا حبيبتي؟ حنين بدموع مكتومة: ماليش، بس عايزة أرتاح. عن إذنكم.

وطلعت بسرعة. حازم: طب أستأذن أنا. اسد: ما انت قاعد يا ابني. حازم بابتسامة: معلش يا عمي، مرة تانية. وخرج. سلمي باستغراب وهمس: اسر ماله يا ملك؟ ملك بحزن: مش عارفة، ياترى خرج راح فين دلوقتي؟ بس ده لسه جاي. سلمي: معلش يا حبيبتي، زمانه راجع. اسد: أنا هطلع أرتاح، اعمليلي قهوة يا سعاد. وطلع. ملك: وأنا يا سعاد. وكملت لسلمي: هطلع أرتاح شوية عقبال ما اسر يرجع. سلمي: ماشي يا حبيبتي. في جناح اسد وملك: ملك بقلق: اسد.

اسد بحب: أي يا ملوكتي، مالك؟ ملك بقلق وحزن: مش عارفة يا اسد، خايفة على اسر. حسيت إنه ضايق جداً أما عرف بخطوبة حنين وحازم. اسد: ملوكتي، متقلقيش. هو تلاقيه اتفاجئ، بس انتي عارفة إنه كان أقرب حد لحنين من وهما صغيرين، وكمان كانت كل حياتهم مع بعض. اهدي بس ومتقلقيش يا ملوكتي. ملك بقلق: طب هو لسه واصل النهارده، إزاي يخرج بس؟ الوقت اتأخر ولسه مرجعش. اسد: حبيبتي، شوية وهتلاقيه جه إن شاء الله. خدي يا ملوكتي القهوة.

ملك بقلق: أنا حاسة إن اسر يعني... اسد: ملك حبيبتي، اسر بيعتبرها أخته. ملك بارتباك: يا رب خير. في جناح حنين: حنين بعياط هستيري: الو يا سهر. سهر بفزع: حنين! أي ده؟ انتي بتعيطي لي؟ أي اللي حصل؟ اهدي بس. حنين بعياط هستيري: مش عارفة يا سهر، مش عارفة. اسر بعد ما عرف بخطوبتي مع حازم خرج ولحد دلوقتي لسه مرجعش. سهر بهدوء: حنين حبيبتي، اهدي بس كده.

حنين بعياط هستيري: بقولك خرج يا سهر ولحد دلوقتي مارجعش. أنا أنا عايزة أطمن عليه، ده لسه واصل النهارده. سهر: حبيبتي، اهدي بس وهو أكيد شوية وهيرجع، وبكرة نتقابل ونتكلم. والنبي بلاش عياط. حنين بدموع: حاضر يا حبيبتي. سهر: والنبي يا حنين، متعيطيش. وبكرة نتقابل ونتكلم. اهدي بقا. حنين بهدوء: حاضر يا حبيبتي، والله ما عارفة أقولك إيه. انتي أكتر من أختي. سهر: قلب أختك يا حنون، والله. حنين بحب: ماشي يا روحي، هقفل دلوقتي.

سهر: ماشي، تصبحي على حاجة حلوة شبهك. حنين: حبيبتي، تصبحي على جنة. وقفت. حنين لنفسها بدموع: هو خرج لي طيب؟ الوقت اتأخر. أنا حتى مش معايا رقمه. أعمل إيه دلوقتي؟ أحسن حاجة هستناه لحد ما يرجع عشان أطمن عليه. في مكان تاني، عند اسر: قاعد على الأرض قدام عربيته. اسر بدموع وصدمة وذهول وحب وصريخ: لا لا مستحيل! لااااااااااا! إزاي؟ إزاي أرجع أشوفها مخطوبة؟ ولمين؟ لحازم؟ لا يا ربي! لي كده؟

أنا طول السنين دي على أمل إني أرجع لها، أرجع لحب حياتي! لي كده؟ لي تعملي معايا كده؟ لي تخونيني؟ لي تبعدي عني؟ أنا أنا مقدرش أشوفك مع غيري! لي يا حنين؟ تن تن تن. اسر بدموع: الو؟ يماما؟ ملك بقلق: اسر حبيبي، اتأخرت. انت فين؟ اسر بوجع وحزن: شوية وجاي يماما، نامي انتي، متقلقيش. ملك بقلق: ماشي يا حبيبي، متتأخرش. اسر بدموع مكتومة: حاضر يماما. وقفل وأخد عربيته وفي طريقه للقصر. في قصر المنشاوي، في جناح حنين تحديداً:

حنين بدموع: يا اسر بقا! انت فين؟ طب هو بخير أكيد صح؟ تيت تيت تيت. صوت عربية. حنين بدموع وفرحة: أكيد اسر. ونزلت جري. في الصالون: حنين بهمس ودموع: هي الدنيا ضلمة كده ليه؟ وفجأة خبطت في جسم دافي جداً. وكملت: اعااااا! اسر بوجع وحب وشوق لحبيبه: حنين. حنين بدموع مكتومة وشدت على ايده اللي ملفوفة حوالين وسطها: اس... اسر؟ أنا أنا... اسر حط ايده على شفايفها الحمراء: هششش. حنين، أنا... حنين بحب ودموع: انت إيه؟

اسر بهيام وحب: أنا ب... وفجأة افتكر جملة: "أي يا عم، ما هي خطيبتي". وبعد عن حنين بوجع وحزن. حنين بدموع مكتومة: اسر، انت اتأخرت لي؟ اسر بوجع ودموع مكتومة: اطلعي نامي، الوقت اتأخر. حنين بدموع: أنا أنا كنت عايزة أطمن عليك. اسر متحاشياً النظر ليها حتى لا يعشقها أكثر: حنين، الوقت اتأخر، اطلعي نامي. حنين بدموع: اسر، ان... انت كنت فين؟ وعيونك مالها؟ اسر، بص لي طيب. اسر بدموع ووجع: حنين، اطلعي أوضتك. حنين بدموع: حاضر.

ولسه بتمشي. اسر بوجع ودموع وحب وشوق وصوت موجوع: وحشتيني. حنين بدموع وقفت مكانها وبصتله بحب: اس... اسر. واتفاجأت باسر يشدها لحضنه. اسر وهو يحضنها بحب وشوق: وحشتيني. حنين بدموع: اسر. اسر بدموع: وحشتيني. وطبع قبلة خفيفة على شفايفها بحب وحنان وشوق. حنين بدموع وخجل: أنا... وبعدت عنه بسرعة وطلعت الجناح بسرعة. اسر بارتباك: حنين... حنين استني. حنين طلعت بخجل وارتباك على الجناح بسرعة البرق. في جناح حنين:

حنين بدموع وخجل وارتباك: أي أي ده؟ اسر إزاي يعمل كده؟ أنا... واترمت على السرير وحضنت المخدة بدموع. ونامت. عند اسر: اسر لنفسه بعصبية: إزاي يا غبي تبوسها؟ إزاي أعمل كده؟ أكيد زعلت. أنا أنا إزاي أعمل كده؟ وفضل وقت طويل كده صاحي بيفكر لحد ما غلبه النوم ونام على الكنبة. تاني يوم الصبح، في الصالون تحديداً: سلمي: صباح الخير يا جماعة. ملك بابتسامة: صباح الفل. حسام بحب: صباح النور يا حبيبتي. اسد بابتسامة: صباح الجمال.

ملك: اسر وحنين لسه نايمين ولا إيه؟ سلمي: مش عارفة، تقريباً. سعاد، اطلعي صحيهم عشان الفطار وصحي ماما كمان. الخادمة: حاضر. وطلعت. دعاء: وماما صحيت أهي. سلمي بضحك: صباح النور. دعاء بحب: صباح الفل. في جناح حنين: حنين تتأمل فراشها بنعاس وشعرها مفروش جنبها بجاذبية، بخدودها الوردية وشفايفها الحمراء وبياضها الناصع. طق طق طق. حنين بنعاس: مين؟ الخادمة: أنا يا حبيبتي، الهانم بتقولك الفطار جاهز.

حنين بارتباك: احم، تمام يا دادة، انزلي وأنا جايه. الخادمة: ماشي يا حبيبتي. ونزلت. حنين لنفسها بخجل وارتباك: احم، أنا هنزل إزاي طيب؟ وراحت لبست ميني دريس أحمر جميل، أما شعرها فسبته على ظهرها. ونزلت. في جناح اسر: طق طق طق. اسر بنعاس: مين؟ الخادمة: أنا يا حبيبي، الهانم بتقولك الفطار جاهز. اسر: تمام يا دادة، انزلي وجاي وراك. الخادمة: ماشي يا حبيبي. ونزلت. اسر لنفسه بندم: هبصلها إزاي بس بعد اللي عملته امبارح؟

وقام لبس عبارة عن قميص أسود مفتوح أول زرار يبرز عضلاته الجذابة، وبنطلون جينز مع جزمه شامواه سوداء، مع ساعته الواو، وريحة البرفان اللي تهبل، وشعره الجذاب، وأيضاً غمازاته اللي تذوب فيها النساء. ونزل. على السفرة: حنين بابتسامة وارتباك: صباح الخير. كلهم بحب: صباح الجمال. ملك بمشاكسة: أي يا بت، انتي تنامي تقومي حلوة زيادة؟ يخربيتك. حنين بخجل: حبيبتي يا خالته، والله انتي اللي قمر. اسر بارتباك وابتسامة: احم، صباح الخير.

وبص لحنين بشوق واعجاب. كلهم: صباح الفل. حسام: تعالي يا حبيبي، اقعد يلا. اسر ابتسم وراح قعد على الكرسي المقابل لحنين. حنين بارتباك: ماما سهر جايه النهارده؟ سلمي بابتسامة: تنور يا حبيبتي. اسر باستغراب: سهر اللي أنا أعرفها يا عمته؟ سلمي بحب: اه يا حبيبي، هي. اسر بابتسامة: اه، ماشي. الخادمة: حنين هانم، تليفون عشانك. حنين: مين يا دادة؟ الخادمة: حازم باشا. حنين بارتباك: تمام. وقامت.

اسر بغضب محاولاً الهدوء، فضل باصص على مكانها. ملك: ما تاكل يا حبيبي، مالك؟ اسر بوجع: مفيش يماما، باكل. اسد: أي أخبار الدراسة في أمريكا؟ أكيد روعة طبعاً. اسر: اه يا بابا، الجامعات هناك ممتازة. اسد: طب الحمد لله. حنين جت بحزن وارتباك وقعدت. ملك باستغراب: أي يا حنون، مالك؟ حازم قالك إيه؟ حنين بارتباك: جاي النهارده، كان عايز نخرج بس أنا مش قادرة، فـ قالي هيجي وكمان يقعد مع... اسر. اسر بغضب: الحمد لله. وقام.

سلمي: حبيبي، انت لحقت تاكل؟ اسر بغضب ووجع: اه يا عمتو. وطلع الجناح وبداخله بركان. حسام: اسر ماله متغير. ملك: احم، مش عارفة، تلاقيه تعبان شوية. تسريع الأحداث: في الصالون تحديداً، كلهم متجمعين. طق طق طق. ملك: افتحي يا سعاد. الخادمة: حاضر. وفتحت. ودخلوا حازم وسهر. سلمي باستغراب: أي ده؟ انتوا جايين مع بعض؟ حازم بضحك: لا، اتقابلنا بره. وبعدين دي كانت زعلانة مني عشان وإحنا صغيرين، أخدت المصاصة بتاعتها.

سهر بضحك: أيوه. اسر عامل إيه؟ أي يا ابني، هي أمريكا بتحلي كده؟ اسر بضحك: شفتي بقا. المهم، انتي عاملة إيه يا سهر؟ وحشاني والله. سهر: أنا بخير الحمد لله، وانت؟ اسر: الحمد لله، تمام. دايماً يارب. حازم بحب شد حنين لحضنه: عاملة إيه يا حنون؟ حنين بارتباك، بعدت عنه وكملت: الحمد لله تمام، وانت وطنط عاملة إيه؟ حازم بحب: الحمد لله يا حبيبتي. اسر بغضب، محاولاً الهدوء: طنط عاملة إيه يا حازم؟

حازم بابتسامة: الحمد لله، بتسلم عليكم والله. اللي قولي، على رأي سهر، أي الحلاوة دي؟ اسر بابتسامة ممزوجة بغضب: اه، تسلم يا حبيب أخوك. وبعد السلامات والقبلات والحلويات. حسام: حازم، خد حنين واتمشوا في الجنينة شوية. حنين بارتباك: احم. اسر بغضب: لا. قصدي: ولا حاجة. حازم مسك ايد حنين وخرجوا. اسر بغضب: سهر، عايزك في موضوع. سهر: تمام. وخرجوا. سلمي: ملك، أنا قلقانة من اللي جاي والله. ملك: مش عارفة، ربنا يستر. في الجنينة:

حازم: مالك يا حنين؟ حاسك متغيرة. حنين بارتباك: لا، ولا حاجة، مش متغيرة. حازم بحب: بحبك يا حنين والله. حنين بارتباك: حازم، ممكن ندخل جوة؟ الدنيا برد. حازم: ماشي يا حبيبتي. وفضلوا يتمشوا شوية ورجعوا. في الصالون: حنين: أومال فين سهر؟ سلمي: مع اسر. أهم جم. وقاطعهم دخول اسر وسهر. اسر بغضب وجمود: أنا عايز أقولكم على حاجة. ملك: قول يا حبيبي. اسر بجمود ووجع: أنا قررت أخطب. حنين بدموع وصدمة وذهول: إيه؟ ملك بفرحة: بجد؟

تخطب مين؟ اسر وبكل جمود وبداخله بركان من إيد حنين اللي في ايد حازم: هخطب... وفجأة.