رواية طفلة البلال الفصل الخامس 5 - بقلم وحيدة كالقمر

سمرا كانت قاعدة بتهز في رجلها وكرم دخل. سمرا: أنا لازم أفهم أنت عملت كده ليه. كرم: مش لازم تفهمي. سمرا بغضب: لأ لازم. لما أمي تتبرى مني يبقى لازم أفهم أنت عملت كده ليه في فتون، وإلا هروح وأحكيلهم عليكِ كل حاجة. والصور اللي معاك عايز تنشرها انشرها. كرم شدها ليه وقال بصوت مخنوق: كفاية أنا تعبان بجد. سمرا حاولت تبعد، فكرم حضنها وقال: أنا بجد تعبان. مش هيبقي من الكل، وأنتم. سمرا استسلمت له لأنها هي كمان تعبانة وبقت تعيط.

في مكتب بلال. كان قاعد قدامه ملف بس هو كان سرحان وبيفكر في فتون. وفجأة تليفونه رن وكانت مرات عمه فاطمة. بلال: أيوا يا أمي. فاطمة بخوف: هي مش معاك؟ بلال قام وقف وقال: كانت معايا من حوالي ساعتين، متقلقيش. هي قالتلي إنها بتتمشى، زمانها روحت. فاطمة بارتياح: ماشي يا ابني. بلال قفل وقعد على مكتبه، وفجأة قام ولم حاجته ومشي. في بيت عيسى. عيسى دخل على فتون اللي رجعت لورا بخوف. وهو

قرب منها ولمس خدها وقال: وجعتيني لما سبتيني عشان كرم زمان، بس هو كمان سابك. فتون هزت راسها بدموع وهو شال اللزقة من على بوقها. فتون بخوف: بالله عليك سيبني امشي يا عيسى. عيسى رجع شعرها ورا ودنها وقال: مش هينفع يا فتون، أنا خلاص بقيت مجنون بيكي. فتون لسه هتتكلم سمعوا صوت خبط على الباب. فتون كانت هتصرخ، فعيسى حط اللزقة على بوقها وقال: خليكي هادية عشان منندمش كلنا. عيسى خرج فتح الباب واتصدم لما لقي بلال.

بلال: عامل إيه يا عيسى؟ بقالي كتير مشوفتك. عيسى: كويس. في الأوضة فتون سمعت صوت بلال بقت تصرخ بس صوتها مش طالع. فتون: لازم أعمل حاجة عشان يحس بيا. بلال كان قاعد بره مع عيسى وقال: مالك يا عيسى؟ عيسى: مفيش. بلال: طب أنا كنت بطمن عليك، كويس إنك بخير. أستأذن أنا. فتون بقت تصرخ جامد وهي بتزق نفسها لحد ما وقعت من على السرير. بلال سمع صوت حاجة اتهبدت وقال: هو فيه حد معاك؟ عيسى بتوتر: لأ.

فتون بقت تعيط وبلال كان خارج، بس لمح حاجة بتلمع. نزل لمستواها ولقى فرده حلق. بلال افتكر فتون الصبح وهي لابسة زيه، وقال لعيسى بشك: مفيش حد معاك؟ عيسى: لأ. بلال كان هيخرج بعدين، زق عيسى وراح ناحية الأوضة. لقي فتون واقعة على الأرض بتعيط وهي مربوطة. بلال قعدها ومسك وشها بين إيديه وقال: متخفيش، أنا هنا. بلال شال اللزقة من على بوقها وهي بقت تعيط وهو حضنها. بلال: متخفيش خلاص.

بلال بعد عنها وبدأ يفكها، بس عيسى ضربه على راسه بالزهرية. فتون صرخت بدموع: بلالللللللل.