رواية طفلة البلال الفصل الرابع 4 - بقلم وحيدة كالقمر

فتون بدمه ودموع: انت. منير وهو يدفع فتون: وسمرا، ازاي تحضنها كده وانتي مش مكسوفة من نفسك؟ بلال: فتون، تبقي... فتون مسكت ايد بلال وقالت بقوة ودموعها نازلة: اللي انت ضربته ده يبقى أخويا وابن عمي وسند ليا. بلال ابتسم بحزن على كلمة أخويا. فتون: انت جاي تحاسبني على إيه ها؟ حاسب نفسك. انت فكرت في نفسك وسيبتنا زمان وأمي هي اللي تعبت عشان تربينا. انت كنت فين ها؟ كنت فين سيادتك؟ أقولك، كنت بتشوف تبسط نفسك إزاي. منير: فتون.

فتون: تعرف أنا كنت لازم أتوقع كده. اللي خلاك زمان تتخلى عننا عشان نفسك، بنتك عملته فيا امبارح. خدت مني أكتر شخص حبيته. كنت لازم أتوقع. كان لازم واحدة فينا تبقى زيك. أنا... منير رفع ايده عشان يضرب فتون بس بلال مسك ايده. فتون غمضت عيونها ودموعها نازلة. بلال ساب ايد منير. منير مشي. فتون جت تمشي، بلال قال: خليني أوصلك. فتون: حابة أتمشى لوحدي. بلال هز راسه ومشي وهي مشيت. فتون كانت ماشية وفجأة حد مسك ايدها.

فتون لفت وقالت: انت. عيسى: فتون، أنا عرفت اللي حصل. اديني فرصة. فتون: اللي بينا انتهى يا عيسى. الجواز قسمة ونصيب وأنا وانت مش لبعض. عيسى: انتي هتطريني أغلط. فتون جت تمشي، شدها وحط السكينة في جنبها وقال: عيسى: امشي معايا بهدوء أحسن لك. في بيت كرم: فريدة والدة كرم: أنا عايزة أفهم ليه عملت كده في فتون؟ وإزاي تتجوز أختها؟ بقي أسافر يومين أرجع ألاقي كل البلاوي دي؟ وانتي إزاي قدرتي تعملي كده في أختك ها؟ متردي.

سمرا غمضت عيونها. كرم: اللي حصل حصل يا أمي. ودلوقتي سمرا مراتي. فريدة: وأنا مش راضية على الجوازة دي. ويا تطلقها يا انت لا ابني ولا أعرفك. كرم بص لسمرا. في شقة عيسى وهو حاطط السكينة في جنب فتون: ادخلي يلا. فتون بخوف: عيسى، اللي انت بتعمله ده غلط. سيبني أروح ومش هقول لحد على اللي حصل. عيسى زقها لأوضة وفتح الدولاب وطلع منه فساتين وقال: كنت جايبهم ليكي، شوفي. عيسى

قرب منها ومسك شعرها وقال: وانتي جيتي بكل هدوء قولتيلي بحب كرم واديتيني الدبلة، بس شوفتي هو عمل فيكي إيه. فتون بدموع: سيبني يا عيسى. عيسى ساب شعرها وقال: لا يا فتون، لأ. عيسى مسك ايدين فتون ومسك سكارف وربط ايديها ورا ضهرها. فتون بقت تصرخ وهو زقها على السرير ومسك حتة لازقة وحطها على بوقها. ومسك السكينة ورفعها ناحية فتون وبقي يمشيها على وشها وهي بتعيط وقال: عيسى: مفيش خروج من هنا إلا في حالتين، يا بموتي أو موتك.