رواية طفلة البلال الفصل السابع 7 - بقلم وحيدة كالقمر

فتون بصت لبلال بدموع وقالت: موافقة بس سيبه. بلال بزعيق: فتون لا يا فتون. فكني يا عيسي. عيسي قرب من فتون وفكها وقال: صدقيني لو فكرتي تلعبي معايا هقتله ومش هتردد لحظة. فتون بدموع: لا انا هعمل اللي انت عايزه. عيسي: خدي الفستان وادخلي البسيه. فتون خدت الفستان ودخلت وبلال بيحاول يفك نفسه. فتون لبست الفستان وخرجت وكان شكلها حلو وعيسي قرب منها وبلال زعق. بلال: متقربش منها. عيسي فك شعرها وقال: كده احلي.

فتون بصت لبلال اللي بيحاول يفك نفسه. عيسي: يلا الماذون والشهود زمانهم علي وصول. فتون كانت ماشيه قدامه وخبطت في التربيزة الفازة وقعت اتكسرت. فتون بصت لبلال اللي هز راسه وعيسي قال: يلا يا فتون. فتون خدت نفس وخرجت وبلال حاول يقرب من حته الازاز بظهره ومد ايده وبقي يحسس علي الارض لحد ما حس بالازازة ومسكها. برا الباب خبط وعيسي فتح الباب ودخل ماذون واتنين من صحاب عيسي. فتون بصت لباب الشقه وعيسي مسك ايدها وقال: يلا.

فتون قعدت وعيسي قعد جنبها وبدأوا الإجراءات. في الأوضة بلال حاول يقطع الحبل لحد ما عرفت وقام وقف. بلال فتح الباب براحه ولقي فتون قاعده جنب عيسي. بلال مسك حته ازازة وخرج وقرب منهم وشد عيسي وحط الازازة علي رقبته وقال بزعيق: كله يطلع بره. الشابين والماذون خرجوا والماذون اتصل علي البوليس. فتون قامت وقفت وبلال قال: وانتي مجنونة عشان تسمعي كلامه. فتون: امال اسيبه ياذيك. بلال بزعيق: لا اتجوزيه. فتون بتفكير:

طب ما انا كنت هعمل كده. بلال بتنهيدة: صبرني يارب. فتون: علي ايه. بلال لسه هيتكلم عيسي خبّطه بكوعه في بطنه وفتون صرخت بخوف. بلال ضرب عيسي بوكس وقال: بس زي القمر يا فتون. فتون ضحكت غصب عنها وقالت: وقت معاكسات ده. بلال: ما انتي زي القمر بجد. عيسي كان هيضرب بلاب بس بلال ضربه تحت الحزام وقال: خسارة مش هتنفع تاني. وضربة بالبوكس وقع علي الارض. بلال قرب من فتون وهي قالت: مالك. بلال شدها لحضنه وقال:

لو كنت مشيت ومدخلتش ومعرفتش انك هنا مكنتش هسامح نفسي. فتون ابتسمت وقالت: انت احسن اخ. بلال زقها وقال بزعيق: انا مش اخوكي فاهمه. فتون استغربت وجت تتكلم سمعوا صوت عربية البوليس. عيسي قام وقف بتعب واخد السكينة من علي الترابيزة وشد فتون وحط السكينة علي رقبتها. فتون بخوف: بلال. بلال بزعيق: سيبها يا عيسي. بلال بقي يقرب وشد فتون اللي رقبتها اتجرحت ومسك ايد عيسي وعيسي حاول يقتله لحد ما السكينة جت في حد.

فتون برقت وبلال وعيسي كانوا في وش بعض والبوليس كسر الباب وعيسي بعد عن بلال اللي حط ايده علي بطنه وفتون جريت عليه وعيطت. البوليس خد عيسي وطلبوا الاسعاف. بلال مسك ايد فتون وباسها وقال بوجع: متعيطيش يا فتوني. فتون بدموع: كل ده بسببي. بلال بوجع: قولتلك قبل كده اني موجوع وضيعت لعبة بحبها بس النهاردة انا مش هضيعها تاني. فتون بدموع: كفاية كلام. بلال بتعب: فتون انتي لعبتي اللي ضيعتها. فتون بلعت ريقها وقالت بتوتر:

انت مش كويس. بلال وهو بيغمض عيونه: مش هسيبك تضيعي مني تاني يا فتون.