رواية طفلة البلال الفصل الثامن 8 - بقلم وحيدة كالقمر

كانت قاعدة في المستشفى قدام أوضة العمليات وهي بتفرك إيديها ببعض وبتفتكر كلام بلال ليها قبل ما يفقد وعيه. فتون: لا اللي بفكر فيه مش صح. فتون بصت للد"م اللي على فستانها وبقت تعيط لحد ما الدكتور خرج. فتون: طمني يا دكتور. سيف بابتسامة: متقلقيش، هو جر"حه سطحي، هيبقي بخير. احنا هننقله أوضة عادية. حمدلله على سلامته. فتون: الله يسلمك. فتون قعدت مكانها وهي بتفكر هتقول إيه لبلال. في بيت كريم.

سمرا دخلت البلكونة وقالت: طب ليه مريحتش نفسك على الأقل طلقتني. فلاش باك. فريدة (أمه) : يا تطلقها وتصلح اللي عملته مع فتون، يا لا أنتابني ولا أعرفك. كريم بص لسمرا وقال: آسف يا أمي، بس أنا مش هطلق سمرا أبداً. فريدة بدموع: يبقى أنت اللي اخترت يا ابن بطني. باك. كريم اتنهد بحزن وقال: الظاهر الفترة دي فترة خسارة وبس بالنسبة لي. سمرا: متقولي ليه عملت كده. كريم: مش وقته. سمرا: طب هتطلقني امتى.

كريم قرب من سمرا وقال: أنتي ليه رغاية. سمرا برقت وقالت: أنا. كريم: آه أنتي. سمرا ضر"بته في كتفه وبعدها خرجت من الأوضة وهو لحقها. سمرا نزلت عند البسين وقفت، بس هو جه من وراها وشالها ونط بيها. سمرا بزعيق: ليه كده. كريم: عشان ضر"بتيني. سمرا رجعت شعرها لورا وجت تطلع من المياه، كريم مسك إيدها وقال: ليه منحاولش. سمرا: نحاول إيه. كريم حضنها من ضهرها وقال: مش جايز نحب بعض♡. في المستشفى.

فتون كانت قاعدة جنب بلال وهو بدأ يفتح عيونه بـ"ـوجع وبص عليها وابتسم. بلال: أنا لو م"ت ودخلت الجنة مش هيبقى حالي كده. فتون: بعد الشر عليك. بلال سكت وبص لشعرها الأسود اللي فيه خصلة نازلة على عيونها، ومد إيده ورجعها ورا ودنها، وهي قالت. فتون: بلال، أنت فاكر قولتلي إيه. بلال بابتسامة: الأ، فاكر. فتون، أنا خلاص بقيت مجنو"ن، مش قادر. فتون خدت نفس وقالت: بس أنا مش هكون لعبتك أبداً. بلال كش"ر

وهي قالت: مستحيل يا بلال، أنا ماشية ومش عايزة أشوفك تاني. فتون جت تقوم، بلال مسك إيدها بغضب وشدها ليه وقال: ليه. فتون بصت لبلال وقالت: لأنك أخويا، ومستحيل تبقى أكتر من كده. بلال بزعيق: لا، أنا مش أخوكي، أبوكي اسمه منير وأبويا اسمه عز، يبقى مش أخوكي. فتون بصتله وقالت: بلال، أنت إنسان كويس، بس لو أنت آخر شخص قدامي مش هتجوزك. بلال لسه هيتكلم، الدكتور وأهل بلال دخلوا. سيف: لا، الواضح إنك بقيت كويس جداً. عائشة (أمه)

: عمره ما هيكون كويس طول ما هي جنبه (تقصد فتون) بلال بضيق: ماما. عز: المهم إنك بخير يا ابني. وأنتي يا فتون. سيف بص لفتون وقال: آنسة فتون، ممكن دقيقة. فتون بصت لبلال اللي بيبصلها، وبعدت عنه وسيف بدأ يكلمها. بلال كان بيبصلهم بفضول وسيف رجع وهو مبتسم وقال: أنا حبيت آخد رأي آنسة فتون الأول، وطبعاً هي موافقة. أنا حابب أتجو"ز فتون. بلال... تفتكروا رد فعل بلال هتكون إيه؟ وليه فتون بتعمل كده؟ وإيه السبب اللي كريم مخبيه؟