رواية طفلة الفهد الفصل الخمسون 50 - بقلم دعاء حجاج

سمر دخلت المطبخ وقالت: الواد ده يا مجنونة، يا أنا اللي مجنونة. مالك: احم. سمر انتفضت عالطول وحطت إيدها على قلبها وقالت: يخربيتك، قلبي كان هيقف. مالك مسكها من إيدها وقال: سلامتك قلبك. سمر: عايز إيه؟ مالك: ولا إيه. سمر ضمت حواجبها وقالت: طب اطلع براااا. مالك بحزن: ليه، أنا جاي أساعدك والله. سمر بابتسامة تحمل الغضب: لا شكراً. مالك: متأكدة؟ سمر هزت راسها وضغطت على سنانها وقالت: آه متأكدة، اطلع بقاا.

مالك: طب اهدي، هطلع بس بشرط. سمر: شرط إيه؟ مالك باس سمر من خدها وقال: كده. سمر زقت مالك وقالت: اطلع وإلا هنادي على ماما زينب. مالك: طب ما تنادي عليها، اتنين متجوزين إيه الغلط في كده؟ سمر: ما أنت بجح بشكل. مالك شد سمر له للمرة التانية وقال بحب: مش مع أي حد كده، مع مراتي بس. سمر زقت مالك وقالت: طب اطلع يا عم الرومانسي. مالك: اممم طيب. مالك طلع فوراً وسمر قعدت تضحك. بعد شوية: زينب: اتفضلي يا خالتي، أقصد ماما. سمر خدت

منها كوباية العصير وقالت: تسلم إيدك. سمر بصت لمالك وقالت: اتفضل. مالك: مش عايز. سمر: امال عايز؟ مالك: فنجان قهوة. سمر خدت نفس عميق وقالت بغضب: حاااضر. سمر دخلت المطبخ وكانت متعصبة أوي وقالت: مقالش إنه عايز قهوة، يعني هو عذاب وخلاص. والد سمر: ممكن يا مدام زينب تتكلمي مع سمر؟ زينب بصت لمالك وقالت باستغراب: أكلمها في إيه؟ والد سمر: سمر لازم ترجع معاااكم بس هي رافضة. زينب: لا يا عمي، سمر لازم تكون جنبك في الفترة دي.

والد سمر: أنا بخير يا ابني، وبعدين لحد إمتى هتفضل هنااا؟ زينب بهدوء: لو حضرتك مفكر إننا زعلانين، فأحب أقولك إن راحة سمر أهم من أي حاجة، وبلاش تزعلها منك. والد سمر: وأنا بقول كده يا عمي. والد سمر هز رأسه وقال: خلاص، اللي تشوفوه. سمر دخلت وقالت بعصبية: اتفضل. مالك محاولاً استفزازها: تسلم إيدك يا قلبي. سمر بصت له بقرف ومالك مسك إيدها وقعدها جنبه. مالك: بقولك إيه يا عمي. والد سمر: اتفضل يا ابني.

مالك: هاخد سمر مشوار كده، مش هنتاخر. سمر بتسرع: لا طبعاً. مالك ضربها على رأسها وقال: بس انتي قولتي إيه يا عمي؟ والد سمر: الوقت اتأخر أوي يا ابني!! سمر بصت لمالك وقالت: فعلاً بابا عنده حق. مالك ضغط على إيدها جامد أوي وسمر حاولت تمسك نفسها. سمر: مش يلا يا مالك؟ سمر فرحت أوي وقالت: ما لسه بدري يا ماما. بصت لمالك وكانت فرحانة أوي. مالك همس في ودنها وقال: متفرحيش أوي، مسيرك تقعي في إيدي. سمر قعدت تكح وقالت:

أنا داخلة الحمام، عن إذنكم. زينب قامت وقالت: يلا، عن إذنك. مالك وزينب طلعوا ومالك وقف قال: إزاي متطلعش تودعني؟ زينب: واقف كده ليه يا مالك؟ مالك ركب العربية وكان منتظر سمر تطلع تودعه. زينب: في إيه يا ابني؟ مالك هز رأسه وقال: مفيش. زينب: طب يلا واقف ليه؟ مالك ياس وشغل العربية ومشوا. *** في صباح اليوم التالي ✨ شيري كانت واقفة على السلم وقالت بشر: مالك نزل من بدري وخالتي تحت وبتول طلعت، مفيش إلا فهد وزينة فوق.

شيري مسكت جردل فيه مياه بصابون وقالت: أتمنى زينة تنزل الأول. شيري خدت الجردل بعد ما صبتوا على السلم ومشت عالطول. في أوضة فهد ✨ زينة وفهد فتحوا عيونهم مع بعض وزينة اتكسفت أوي من فهد ودفنت وشها في رقبة فهد عالطول. فهد ابتسم على شكل طفلته. فهد: زينة، أنا عايز أقوم. زينة: اممم. فهد: مش عايزة تروحي عند الدكتورة يعني؟ زينة بصت في عيون فهد وقالت بخجل: لا، عايزة. فهد: طب أوعي طيب. زينة بعدت عن فهد وكانت مكسوفة أوي. بعد شوية:

فهد: هستناكي تحت، متتاخريش. زينة بخجل: حااضر. شيري كانت قاعدة على الكرسي ومنتظرة نزول زينة. فهد: هاخد زينة عند الدكتورة الأول. شيري: بلاش تتأخر طيب. فهد رفع حاجب وقال: ليه؟ شيري: مفاجأة. شيري شافت فهد وقالت: يا نهار أسو"د، مكنتش عاملة حسابي إن فهد ينزل الأول. فهد نزل من على السلم وشيري مكنتش عارفة تعمل إيه وقالت: أنا مقدرش أشوف فهد بيتألم. شيري بصت على رجل فهد وقالت بصريخ: فهد! فهد وقف مكانه وشيري جرت عالطول وقالت:

في مياه على السلم. فهد بص لتحت وقال: منين المياه دي؟ شيري بارتباك: مش عارفة. ثم كملت بزعيق: سناااء! سناء: نعم!! شيري: إزاي تسيبي المياه دي على السلم؟ سناء باستغراب: بس أنا متأكدة إن مكنش فيه مياه على السلم. شيري بعصبية: أوعك تكدبي. سناء: شيري خلاص، حصل خير. شيري: أنت بتقول إيه يا فهد؟ كان ممكن تقع من على السلم. فهد: خلاص يا شيري، روحي يا سناء شوفي شغلك وانتبهي بعد كده. سناء بحزن:

والله يا بيه ما بكذب عليك، ومكنش فيه مياه، مش عارفة المياه دي جت منين. فهد: خلاص يا سناء، حصل خير. سناء: طب انزل براحة. فهد نزل فعلاً وقال: شكراً. شيري شافت زينة نازلة وقالت في سرها: حلو أوي. فهد بص لزينة وقال: زينة، خدي بالك، السلم فيه مياه. زينة بصت على السلم ونزلت براحة وقالت: صباح الخير. شيري بصت ليها وقالت بغيظ: صباح النور. زينة مسكت إيد فهد وشيري بصت عليهم وكانت غيرانة أوي. شيري: مش يلا يا حبيبي؟ شيري بفضول:

رايحة فين يا فهد؟ فهد: مشوار كده. شيري: مش يلا يا فهد؟ زينة وفهد طلعوا فعلاً وشيري كانت متعصبة أوي وقالت: كان نفسي تقعي من على السلم، كنت هكون فرحانة أوي. *** في الطريق ✨ زينة: أنا عايزة أروح المول. فهد: ليه؟ زينة: عايزة أجيب فستان. فهد: ليه؟ زينة: عشان فرح ألين وتيم. فهد بص لزينة وقال: بس إحنا مش رايحين. زينة بصدمة: إيه؟ فهد: ورايا شغل كتير، وبعدين فاكرة الصفقة بتاعت الإمارات؟ زينة بحزن: آه فاكرة.

فهد: جايين النهارده عشان نوقع على العقود، ولازم أكون موجود. زينة: طب أروح أنااا. فهد: مقدرش أسيبك تروحي لوحدك. زينة: طالما خايف عليا كده، تعالى معايا. فهد: ما أنا لسه قايلك مش هينفع. زينة: هاخد عمو جاسر معايا، مش هتأخر والله. فهد خد نفس عميق وقال بعناد: بردو لأء. زينة بصت لتحت وقالت بحزن: ماااشي. *** في المدرسة الثانوية ✨ سما: البقاء لله. سمر بابتسامة بسيطة: ونعم بالله. سما: المستر بتاع الإنجليزي اتفضف. سمر: ليه؟

سما: ده طلع و"سخ، حاول يتعرض لسما. سمر بخوف: سما؟ سما: انتي متعرفيش ولا إيه؟ ده المدرسة كانت مقلوبة امبارح. سمر: لا معرفش، طب فين سما؟ سما: نقلت مدرسة خاصة، عارفة إيه أسو"ء حاجة؟ إننا في مدرسة مشتركة. سمر: فعلاًاا، بس هنعمل إيه؟ مقدرتنا كده. سما: مقدرة إيه بس، انتي مرات مالك الكيلاني، يعني فلوس عندك زي الرز. سمر بعصبية: تقصدي إيه بكلامك ده؟ أميرة: تقصد كل خير يا سمر. سمر راحت عند أميرة وقالت: أنا عرفت إنك ورا الصور.

أميرة بثقة: آه، هتعملي إيه يعني؟ سمر مسكت شعر أميرة وقالت: هعلمك الأدب يا و"سخة. أميرة: اعاااااااا. سمر: وربنا لاخليكي تندمي. أميرة زقت سمر لتترمي في حضن مالك. مالك بص لها بنظرات شر. أميرة بتمثيل: شايف يا مالك، مراتك عملت فيا إيه؟ مالك: أنا مش عايز أ"وسخ إيدي، بس أحب أقولك لو عملتي كده تاني، هد"فنك مكانك. أميرة اتعصبت أوي وخدت بعضها ومشيت. سمر بعصبية: حيوا"نة. مالك مسك إيد سمر جامد أوي وقال بعصبية:

ممكن أعرف عملتي كده ليه؟ سمر: يعني عايزني أسكت لها؟ ده كانت عايزة تشوه صورتي. مالك خدها في حضنه وقال: مش قصدي، بس كان ممكن تتعاقبي، إحنا في المدرسة مش في الشارع. سمر بعدت عن مالك وقالت: عن إذنك. مالك مسك إيد سمر وقال: انتي زعلتي؟ سمر هزت رأسها وقالت: لا مش زعلانة، بس اتأخرت على الحصص، مش أكتر. عن إذنك. مالك: طب بقولك. سمر: اممم. مالك: أنا كلمت عمي وخدت منه الموافقة. سمر ضمت حواجبها وقالت: خدت موافقته على إيه؟

مالك: مشوار كده. سمر ابتسمت وقالت: ماشي. مالك: هكون منتظرك في العربية. سمر هزت رأسها ومشت. أميرة كانت واقفة بعيد وكانت متنرفزة أوي وقالت: بقا كده يا مالك؟ مااشي، أنا هخليك تكره ست الحسن النهارده. أميرة: ناوي على إيه؟ يخربيتك. أميرة: انتي مش بتقولي جبتي خط جديد؟ واحدة: آه، ليه؟ أميرة: حد خد رقمك؟ البت هزت رأسها وقالت: لا، محدش خد رقمي الجديد. بتسألي ليه؟ أميرة طلعت فلوس من جيبها وقالت: خدي دول واشتري خط جديد.

واحدة: وأشتري ليه؟ ما أنا معايا واحد. أميرة: اللي معاكي بيلزمني. واحدة: طب ليه؟ أميرة: مش مهم تعرفي، بس هاتي الخط. واحدة: أميرة، أنا خايفة. أميرة خدت منها التليفون وطلعت الخط وقالت: آهو، الخط ده اللي هيد"مر عصافير الحب. أميرة دخلت الفصل ولقت سمر قاعدة والتليفون جنبها وقالت بخبث: آخد تليفونها إزاي دلوقتي؟ أميرة راحت عند سمر وعملت نفسها بتوقع. سمر: اعااااا. سمر بصت ليها بقرف وخدت بعضها ومشت، وللأسف نست التليفون.

أميرة خدت تليفون سمر من غير ما حد يحس، ومكنش فيه باسورد، وده ساعد أميرة أوي في خطتها. أميرة: شكل النهارده يومي. أميرة فتحت تليفون سمر وسجلت الرقم اللي معاها في تليفون سمر "my love". أميرة حطت التليفون مكانه عالطول وقالت: اللي هعمله هيخلي مالك يكرهك أوي، واحتمال يطلقك. سمر رجعت وقالت: نسيت التليفون. أميرة مسكت التليفون وقالت: اتفضلي. سمر بصت لاميرة بنظرات مقز"زة أوي وقالت بعصبية: شكراً. أميرة بفرحة: العفو. ***

في عيادة الدكتورة رجاء ✨ الدكتورة رجاء: اهلاً فهد. زينة ضمت حواجبها وبصت للدكتورة من تحت لفوق وقالت في سرها: مين ده؟ الدكتورة رجاء: أختك دي يا فهد. زينة بنرفزة: لا، مراته. مراته. الدكتورة رجاء باستغراب: انت اتجوزت؟ زينة بغيرة: آه اتجوزت، إيه الغلط في كده؟ فهد مسك إيد زينة وقال: بتهزر. الدكتورة رجاء ابتسمت وقالت: أنا مش هاخد فهد منك يا زينة، أنا متجوزة وعندي نور. زينة فرحت أوي وقالت: بجد؟

الدكتورة رجاء ضحكت على غيرة زينة الزايدة عن حدها. الدكتورة رجاء: رجاااء. زينة عملت تركيبة من على النت ووشها طلع فيه حبوب بعد ما غسلت وشها عالطول. الدكتورة رجاء بصت في وش زينة وقالت: إيه المواد اللي استعملتيها يا زينة؟ زينة بحزن: كتير يا دكتورة. الدكتورة رجاء: زي إيه؟ زينة قالت للدكتورة، والدكتورة رجاء قالت: بشرتك دهنية يا زينة، بلاش تعملي حاجة في بشرتك تاني. زينة هزت رأسها وقالت: حاااضر. الدكتورة رجاء بهزار:

وبعدين لو خايفة فهد يروح منك، أحب أطمنك، فهد مش بيحب مرتين، هي مرة واحدة بس. زينة بصت لفهد وقالت: عارفة. الدكتورة رجاء: طب بصي يا ستي، أنا هعملك تركيبة حلوة أوي، هتقضي على الحبوب دي خلال أسبوع واحد بس. زينة بفرحة: بجد؟ الدكتورة رجاء: بس أهم حاجة الالتزام، تدهني النهارده، تدهني بكرة بردو، أوعك تهملي يا زينة. زينة: حااضر. الدكتورة عملت لزينة التركيبة فعلاً وطلعوا. زينة بفضول: انت تعرفها منين؟

فهد: كانت من دفعتي أيام الجامعة. زينة: اممم، مكنتش أعرف إنك بتصاحب بنات. فهد بص لزينة وقال: وأنا مش بصاحب بنات يا زينة. زينة بتريقة: واضح. فهد: واحدة من أيام الجامعة افتكرتها، إيه الغلط في كده؟ زينة مسكت إيد فهد وقالت: والله ما في غلط، أكبر من الغلط اللي عملته. فهد رفع حاجب وقال: إيه هو؟ زينة: أنا مش عارفة رافض ليه؟ والله تيم والين هيفرحوا أوي لو حضرنا فرحهم. فهد: زينة، وأنا قولتلك مش فاضي. زينة بحزن:

بس أنت وعدتني امبارح يا فهد. فهد: مكنتش أعرف إن الشركاء هيجوا النهارده. زينة: اممم طيب. فهد وزينة طلعوا من العيادة وزينة بحزن: كمان مش هتوصلني؟ فهد حط إيده على خد زينة وقال بحب: متزعليش، بس فعلاً ورايا شغل كتير النهارده. زينة: مش زعلانة، سلاااام. زينة ركبت مع جاسر ومشوا. *** في الطريق زينة كانت زعلانة أوي وجاسر كل شوية يبص عليها في المراية وقال في سره: زينة زعلانة أوي وأنا مش متعود عليها كده. جاسر: حد مزعلك يا بنتي؟

زينة رفعت راسها لفوق وقالت: لا يا عمو، مفيش. جاسر: تبقي زعلانة، بنتي بتقول كده بردو، وبكتشف في الآخر إن حد زعلها. زينة: الصراحة، فهد. جاسر باستغراب: فهد؟ ده فهد عمره ما زعل حد منه، أنا مشوفتش حد زيه في حياتي، يمكن عصبي شوية، بس فعلاً الشاب ده لا مثيل له. زينة: إزاي؟ جاسر: أنا واحد فقير جداً ومتجوز وعندي أربع عيال، وظروفي المادية كانت وحشة أوي، قابلت فهد في القسم. زينة: قسم؟

جاسر: آه، في القسم، كنت شغال عند واحد منه لله، بلغ عني، قال إيه سرقت مجوهرات المدام بتاعته. زينة: طب إيه اللي حصل؟ جاسر بضحكة تحمل السخرية: مراته اللي عملت كده، عارفة ليه؟ زينة بفضول: ليه؟ جاسر بضحكة تحمل السخرية: بتحبني يا زينة، أول ما رفضتها وقولت أخلاقي متسمحش أخدع الراجل اللي بيصرف عليا، عملت كده. زينة: يااا، للدرجة دي في ناس وحشة كده؟

جاسر: ياا كتير أوي يا بنتي، المهم فهد بيه اللي أنقذني من السجن، وربنا، كنت هقعد عشر سنين في السجن، ومن يومها وفهد غالي عليا أوي. زينة بحزن: أمال بيعمل معايا كده ليه يا عمو؟ جاسر بضحكة: بيعمل إيه يا زينة؟ زينة: مش بيسمع كلامي خالص. جاسر: فهد مبيسمعش لواحدة خالص. زينة: بس أنا مش واحدة يا عمو جاسر، أنا مراته. جاسر: اعذري يا بنتي، فهد شايل حمل كبير أوي على كتافه. *** في شركة الكيلاني ✨ حسام حضن فهد وقال:

وربنا الشركة نورت أخيراً يا جدع. فهد: بسببك زعلت طفلتي. حسام ضم حواجبه وقال: بسببي؟ فهد: انسي، المهم، الشركاء هيوصلوا إمتى؟ حسام مسك إيد فهد وقال بخوف: الصراحة، كذبت عليك. فهد بعصبية: إيه؟ حسام: ما أنا لو مكنتش قولت كده، حضرتك مكنتش هتيجي. فهد: بتهزر صح؟ حسام: بس في خبر حلو أوي. فهد: ارغي. حسام: حااضر، هرغي، اسمع، في واحد جاي كمان ربع ساعة كده من ألمانيا، هو وعنده شركات كتير بتخص الأزياء.

فهد: على فكرة، إحنا أهملنا شركة الاستيراد والتصدير أوي، ومهتمين أوي بالأزياء. حسام: اسمع بس. فهد: قول يا فالح. حسام: عايز يقابلك، قال معجب أوي بأفكارك. فهد: وبعدين؟ حسام: وبعدين إيه؟ بقولك مشهور أوي في ألمانيا، رجل أعمال مشهور يعني. فهد: طب وإيه يعني!! حسام خد نفس عميق وقال: فكر لو بقا بينا شراكة، الشركة هتتشهر أوي، خصوصاً في الدول الأجنبية. فهد: متفرقش. حسام مسك إيد فهد وقال: فهد، متبقاش رزل كده.

فهد افتكر زينة عالطول وسرح مرة واحدة. حسام حط إيده على كتف فهد وقال بغمزة: فكرتك بالمزة ولا إيه؟ فهد زق حسام وقال بغيره: ما تحترم نفسك يا جدع. حسام: خلاص يا عم، اهدااا. فهد: بقولك، الراجل ده هيجي إمتى وهيمشي إمتى؟ حسام: زمانه على وصول، ربع ساعة كده وهيمشي. فهد: طب حلو أوي. فهد دخل المكتب وقال: حسام، فنجان قهوة رجاااء. حسام: وأنا مالي؟ السكرتيرة برااا. فهد: طب امشي من قدامي.

حسام: مفيش شكر خالص، وربنا تعبت أوي من الشغل. فهد قام وقال: بجد مش عارف أقولك إيه يا حسام، في غيابي قدرت تدير الشركة. حسام بلع ريقه وقال: ما هو. فهد باستغراب: ما هو إيه؟ حسام: أربع صفقات فشلوا. فهد: وأنا بقول الميزانية منخفضة ليه؟ أتاري المعلم خسر أربع صفقات. حسام: ما خلاص بقااا. فهد ابتسم وقال: ماشي، روح هاتلي فنجان قهوة بقا. حسام بضيق: حاااضر. حسام طلع وفهد رن على زينة. جاسر: بيرن. جاسر بابتسامة:

فهد شهم يا زينة، ردي عليا وهيصالحك. زينة: وانت عرفت منين؟ جاسر: بقالي عشر سنين مع يا زينة، أكيد أعرفه كويس. زينة فتحت التليفون وقالت: نعم. جاسر: خلي جاسر ياخدك مول واشتري أي فستان يعجبك وهعدي عليكي وهاخدك. زينة بفرحة: أوعك تقول إنك وافق تحضر فرح ألين وتيم؟ فهد بابتسامة: آه موافق. زينة بفرحة جنونية: ينهااااري! وربنا أحلى خبر سمعته. فهد: فرحانة يعني؟ أهم حاجة تكوني فرحانة. زينة بسعادة:

فرحانة، ده كلمة قليلة أوي، ده أنا هطير وربنا. فهد: طب قبل ما تطيري، اشتري الفستان الأول. زينة: حااضر، بحبك أوي. فهد: وأنا بعشقك. زينة قفلت التليفون وكانت فرحانة أوي وجاسر بص عليها من المراية وقال: في إيه؟ زينة: فهد بيقولك خدني أفخم مول فيكي يا بلد. جاسر ابتسم وقال: حاااضر. *** في المدرسة الثانوية ✨ سمر طلعت ومالك كان منتظره برااا. مالك فتح الباب وقال: اتفضلي يا صغيرتي. سمر ركبت ومالك ركب أيضاً. أميرة بخبث:

نهاية الحب الجميل ده النهارده إن شاء الله. سمر: هنروح فين؟ أميرة: إيه رأيك نتغدا الأول؟ سمر هزت رأسها وقالت بابتسامة: ماااشي. بعد مرور ربع ساعة تقريباً. سمر ومالك نزلوا ودخلوا المطعم وقعدوا. مالك: أنا اللي هطلب الأكل بردوا. سمر بضحكة جميلة: ماااشي. مالك سرح في ضحكته الجميلة وقال: انتي حلوة أوي يا سمر. سمر بصت لتحت وقالت: شكراً. مالك رفع حاجب وقال بتريقة: العفو. سمر: مالك زعلان كده ليه؟

مالك: لا مفيش، كنت متوقع رد غير كده خالص. سمر حطت إيدها على خدها وقالت: كنت متوقع إيه؟ مالك حط إيده على خده أيضاً وقال: مش عارف، بس اللي عرفه إني بحبك أوي. سمر بدون خجل: وأنا بموت فيك. مالك شال إيده من على خده وقال بفرحة: بجد؟ سمر قعدت تضحك وقالت: بجد. مالك: ما ترجعي بقااا. سمر: أرجع فين؟ مالك: لحضن مالك. سمر: اممم، هرجع بكرة. مالك: اشطاا، وهكون في انتظارك. الجرسون كان واقف وبيفص عليهم وقال بتريقة:

الله، إيه عصافير الحب ده؟ بجد حلوين أوي زي المسلسلات. سمر بصت لمالك وكانوا مكسوفين أوي. الجرسون: تطلبوا إيه يا عصافير؟ مالك بحده: فيه إيه يا جدع؟ ما تحترم نفسك. الجرسون: أنا آسف يا بيه، تطلب إيه؟ مالك مسك المنيو وسمر كانت عمالة بتضحك ومالك بص ليها وقال: فرحانة؟ سمر بابتسامة: جداًاا. مالك طلب الأكل وسمر مكنتش قادرة تمسك نفسها. مالك قرب الكرسي منها وحط إيده على كتفها وقال: فرحانة كده ليه؟

سمر: من الكلام اللي قاله الجرسون. مالك: وده فرحك؟ سمر: جداااا. الجرسون كان واقف وراهم وباصص ليهم وقال: الأكل يا بيه. مالك بص له وقال: انت مجنون؟ سمر قعدت تضحك ومالك قال بعصبية: المطعم ده فيه مجانين كتير أوي. ثم كمل: أمشي نروح مطعم تاني. سمر مسكت إيد مالك وقالت بضحك هستيري: والنبي لأ، أنا أول مرة أضحك كده. مالك: وإيه اللي بيضحك؟ الجرسون عدل شعره وقال: شكلها بتحبني. مالك بص له وقال: اتفضلي. سمر: خلاص بقااا. مالك

خد نفس عميق وقعد وقال: ممنوع أشوفك بتضحكي. سمر حطت إيدها على فمها وقالت: حاااضر، بس روّق كده. الجرسون حط الأكل وكان باصص لسمر وفرحان أوي. مالك: انت مجنون يا بابا؟ أنا جوزها على فكرة. الجرسون: طب وإيه يعني؟ متبقاش أناني كده. مالك قام ومسك الجرسون من لياقته وقال: وربنا لو ما مشيت من وشي، لتكون مد"فون النهارده. الجرسون: إنتي متجوزة المجنون ده إزاي؟ الله يكون في عونك. مالك زق الجرسون وقال بعصبية: فين مدير الزفت ده؟

مدير المطعم: نعم يا بيه؟ مالك: الزفت عمال يعاكس مراتي من ساعة ما دخلنا. مدير المطعم: معلش، أصلوا مجنون شوية. مالك بعصبية: طالما مجنون بتشغلوه هنا ليه؟ ولا عايزين الناس تتجنن هي كمان؟ مدير المطعم: أنا آسف يا بيه. سمر مسكت إيد مالك وقالت: خلاص بقااا، أنا هنا عشان أفرح شوية، متبقاش نكدي كده. مالك حاول يكون هادي وقال: مش شايفة إيه اللي بيحصل؟ سمر: معلش يا حبيبي، عشان خاطري اهداا. مالك قعد وقال: اطفحى. سمر برقت وقالت:

أطفح إيه؟ الكلام الزبا"لة ده. مالك حط إيده على السفره وقال: اتفضلي كولي. سمر حاولت تكتم ضحكتها وقالت: طب مش هتاكل؟ مالك بحده: لا، مش جعان. سمر: خلاص بقااا، حصل خير، متبقاش قافوش كده. مالك خد نفس عميق وقال: استغفر الله العظيم. سمر: يلاااا بقااا. بعد شوية: سمر: أنا هدخل الحمام، مش هتأخر. مالك بعصبية: استعجلي، عشان مش طايق أقعد هنا ولا ثانية. سمر بابتسامة: حااضر. سمر قامت فعلاً ومالك حط إيده على وشه.

وفجأة جت رسالة لتليفون سمر. مالك مسك التليفون وفجأة تعبير وشه اتغيرت خالص، وكان في حالة صدمة. سمر طلعت وقالت: يلااا. مالك قام وضرب سمر بالقلم لدرجة فمها نز"ف عالطول من قوة القلم. مالك بعصبية: كان لازم أعرف اللي زيك ر"خيص أوي وكل"ب فلوس. الدموع نزلت من عين سمر وقالت بصدمة: انت بتقول إيه؟ مالك: انتي طالق. تفتكروا مضمون الرسالة إيه؟ وهل مالك هيندم على اللي عمله خصوصاً إن الرسالة مبعوته من طرف أميرة؟