رواية طفلة الفهد الفصل الرابع والعشرون 24 - بقلم دعاء حجاج

انت مستعجل كده ليه؟ المأذون: في أي تاني يا مدام، والله اتأخرت أوي. زينة: بم إنك موجود، قولت تجوّز زينة وفهد بالمرة. زينة وفهد: 😳😳 المأذون: والورق اللي ممكن تحتاجوه أنا جهزته كله. زينة: ماما، انتي بتقولي إيه؟ فهد: بس!! المأذون: انت لسه واقف، تعالى اقعد. المأذون قعد تاني وزينب عطت ليا كل الورق وتمت الإجراءات. المأذون: يلا يا فهد، وقع. فهد وزينة كانوا في حالة صدمة ومش مستوعبين اللي بيحصل. المأذون: يلا يا فهد!!

المأذون: يلا يا جماعة، والله ورايا فرح تاني. فهد بص لزينة وبالفعل مسك القلم ووقع على الورقة وزينة كذلك وتم الجواز. المأذون: بارك الله لكم وبارك عليكم وجمع بينكما في خير. أقوم أنا بقى ولا في حد كمان؟ زينب راحت عند فهد وزينة وقالت: مبروك. والدة سمر حضنتها وقالت: هتوحشيني أوي. سمر حضنت أمها وقعدت تعيط. والدة سمر: إحنا لازم نمشي، عن إذنكم. بالفعل أهل سمر مشوا. ومالك أول ما شافهم مشيوا،

زق الكرسي وقال: أعتقد نفذت كل حاجة، عن إذنكم بقى. وبالفعل خد بعضه ومشي. فهد: مالك، استنى مالك. فهد طلع ورا مالك. مالك: عايز إيه؟ خلاص اتجوزتها، في إيه تاني؟ فهد: انت رايح فين؟ مالك: ملكش دعوة، وصحيح مبارك عليك الجواز. فهد: مالك. مالك طلع وركب العربية ومشي. مالك كان متعصب أوي وقعد يضرب في الدريكسون بإيديه. وفي تمام الساعة واحدة مساءً، فهد كان واقف في البلكونة ولقي سمر قاعدة في الجنينة وضمة رجليها. فهد: زينة!!

زينة كانت في عالم أحلامها. فهد أدير لقي زينة نايمة. فهد فتح الباب وقفلوا براحة وطلع. سمر كانت قاعدة وبتبص في السما وتقول: ليه يا ربي ليه؟ حياتي اتدمرت كده في يوم وليلة. فهد: احم!! سمر مسحت دموعها على طول. فهد: ممكن أقعد؟ سمر هزت راسها وفهد قعد وقال: أنا عارف اللي حصلك صعب أوي على واحدة في سنك، بس الضعف مش هينفع يا سمر. سمر: بس أنا اتدمرت يا فهد.

فهد بص في الأرض وقال: متخافيش يا سمر، أنا على تواصل مع الظابط محمود وذكي أوي، وإن شاء الله هيجيب الأربع شباب دول. سمر حضنت فهد وقعدت تعيط. وزينة كانت واقفة وراهم وحست بغيرة. زينة في سرها: لأءء لأءء اللي بيحصل ده مستحيل. فهد انتبه لزينة وقال: انتي قومتي إمتى؟ زينة: سمعت صوت الباب بينقفل فقومت. فهد: تمام، قومي يا سمر ارتاحي، وانتي يا زينة خليكي مع سمر. زينة هزت راسها وسندت سمر. فهد: زينة. زينة أديرت وقالت: نعم.

فهد: مفتاح العربية لو سمحتي. زينة: تماااام. زينة وصلت سمر أوضتها وقالت: مش هتأخر، هروح أدي فهد المفتاح وراجعة. سمر هزت راسها وزينة خدت المفتاح وطلعت. زينة نزلت تحت وقالت: المفتاح. فهد خد منها المفتاح وكان ماشي، ولكن زينة مسكت إيدو. زينة: انت رايح فين؟ فهد: أروح أشوف البيه في أنهو بار. زينة: طب خد بالك من نفسك. فهد بص لزينة بابتسامة وقال: حاضر. و خدي بالك من نفسك ومن سمر. زينة هزت راسها وفهد ركب العربية وطلع.

في البار. مالك: بيه، كفاية شرب والوقت اتأخر أوي ولازم نقف. مالك رمى الكوباية على الأرض وقال: أنا مالك الكيلاني وممنوع أي حد يقولي ده غلط وده صح. الشاب بص في الأرض وقال: أنا آسف يا بيه. مالك: روح هات مشروب تاني. الشاب دخل وقال: ممكن فهد يقتلنا لو عرف إننا عطنا مالك مشروب. شخص آخر: مفيش إلا الحل ده. الشاب: حل إيه؟ شخص آخر: مالك شكله متعصب أوي ومستحيل يمشي، مفيش إلا فهد اللي هيقدر ياخده. الشاب: وهتعمل إيه؟

شخص آخر: هرن عليا طبعًا. بالفعل طلع تليفونه ورن على فهد. صوت: الووو. صوت آخر: مين؟ صوت: فهد بيه، أنا صاحب البار. أخو حضرتك شرب كتير أوي. فهد: تمام، أنا جاي حالا. في قصر الكيلاني. زينة دخلت وجرت على طول على السرير وحطت دماغها على بطن سمر وقالت: عارفة يا بت يا سمر أنا مش مصدقة إن أنا وإنتي سلايف. سمر: _زينة انعدلت وقالت: فكك من جوا الحزن ده وتعالى نسترجع الذكريات، أقصد البلاوي اللي عملناها.

سمر قعدت تضحك وزينة قالت: أيوه كده يا عم. ابدأ يسطا. زينة: ابدأ بإيه؟ سمر: بالبلاوي، أحم الذكريات. زينة: لأء، ابدأ إنتِ الأول. سمر: تمام. زينة: فاكرة لما كنا راجعين من المدرسة. سمر: يااااه، ده كان يوم أسو"د. زينة: والله كان يوم عسل، خصوصًا الست اللي طلعت لينا. سمر: عسل إيه بس، كان ممكن حياتنا تد"مر، انتي ناسيه الشابين اللي طلعوا يجروا ورانا.

زينة: والله على قد الموقف ده ما كان مرعب، على قد ما كان عسل، خصوصًا الست العجوزة اللي طلعت لينا وقولتلها ساعدينا والنبي يا خالتي، الشابين دول بيجروا ورانا من ساعة ما طلعنا من المدرسة. سمر: ساعتها قالت مش حرام عليكم يا ولاد تمشوا ورا عيال صغيرة؟ طب امشوا ورا عيال كبيرة. زينة: ساعتها كنت مصدومة، وفي نفس الوقت كنت همو"ت من الضحك. سمر: وأنا ما كنتش متوقعة كلام الست هياثر في الشابين ويمشوا. زينة: عندك حق.

زينة: طب فاكرة حمزة ومستر حاتم؟ سمر: الأاه فاكرة، ده كانت أيام سو"دة. زينة: والله كانت حلوة، خصوصًا الرفض اللي أخدتي إنتِ وأنا وحمزة. سمر: بس السبب كان حمزة، ساعتها كتب ليّا رسالة واداها لك ومستر حاتم شاف حمزة وهو بيدهالك وراح خد الرسالة منك وقراها قدام المدرسة واتفاجأ إن اسمي موجود. سمر: راح عطانا جواب رفض لينا إحنا التلاتة وخلانا عبرة لمن لا يعتبر.

زينة: بس عارفة يا سمر، مستر حاتم كان بيحبك أوي، ولما عرف حمزة بيحبك كان هيتجن. سمر: انتي مجنونة؟ إزاي هيحب واحدة في ثانية إعدادي. زينة: طب لو قولتلك إني مستر حاتم قالي إنه بيحبك؟ سمر: 😳😳 زينة: أه والله ربنا، وقال إيه كان عايز ياخد رقمك مني بس أنا رفضت طبعًا. سمر: كل ده حصل ومعرفش بيا؟ زينة: يختي اسكتي، هو كان حد عارف يكلمك طول الوقت مع حمزة. سمر: حمزة!! زينة: أوووه، في إيه يا بت، انتي لسه متجوزة.

سمر: انتي فهمتي إيه يا حما"رة. زينة: الأاه صحيح يا بت يا زينة، حمزة راح فين؟ سمر: سافر عشان يكمل دراسته برااا. زينة: بس كان بيحبك أوي يا بت يا زينة. سمر: كان، خلينا في النهارده. زينة من غير تفكير: أنا دلوقتي بتاعت فهد الكيلاني. فهد وصل البار ودخل لقي مالك في وضع سيء جدًا. فهد: أوووه، أخويا هنا، تعالى يا فهد، المشروب ده حلو أوي. مالك: تعالى معايا. فهد: أجي معاك فين؟ فهد مسك إيد مالك ومالك شده وقال: انت عايز إيه؟

مش اتجوزت البنت خلاص بقااا. فهد: مالك، انت مش في وعي. مالك خد الكوباية وقال لفهد: خد الكوباية، ده حلوة أوي. فهد مسك الكوباية من مالك ورمها على الأرض. مالك اتخض وقال: إيه اللي عملتوا ده؟ فهد: مالك، تعالى معايا. مالك: روح إنت، أنا قاعد هنا شوية. فهد مسك مالك جامد أوي ومالك كان بيحاول يبعد عنه بس مكنش قادر عشان سكران ومش عارف يجمع قوته. فهد ركبه العربية وطلع. في قصر الكيلاني.

زينة قامت على طول وقالت: أوعك تفهمي غلط، اللي سمعتي ده مش صح، أنا مش عارفة إزاي قولت كده. سمر: زينة، انتي بتحبي فهد بس انتي مش عارفة. زينة فاقت من الصدمة وقالت بسخرية: أناااا وفهد؟ مستحيل، مستحيل، إيه ده، سابع المستحيلات. سمر: ليه؟ زينة: فهد مش بتاع حب والكلام الفارغ ده يا سمر. سمر: بس انتي بتحبي فهد يا زينة، وباين عليكي أوي. زينة قعدت ومسكت إيد سمر وقالت: أقولك حاجة. سمر: قولي.

زينة: أنا مش عارفة إذا كنت بحب فهد ولا لأ، ساعات بقول لنفسي إن حبي من طرف واحد، والحب اللي بيكون من طرف واحد مش بينجح. سمر: زينة، انتي فعلاً بتحبي فهد؟ زينة: لو قولتلك لأ يبقى بكدب عليكي، ولو قولتلك أه بردو بكدب عليكي، الصراحة مش عارفة يا سمر. زينة عدلت نفسها وقالت: انتي عارفة ساعات بييجي عليا وقت ببقى عايزة فهد معايا عالطول. سمر: كملي. زينة: وساعات ببقى عايزة معايا بردو.

سمر: انتي بتحبي يا زينة، قلبك اتعلق بيا وده واضح من كلامك. زينة: تفتكري؟ سمر هزت راسها بمعنى آه. زينة: مكنش لازم أفكر في فهد كده يا سمر، ومكنش لازم أعلق نفسي بيه، عارفة يا سمر، فهد ظالم نفسه أوي. سمر: إزاي؟ زينة: فهد لو بص لحياته مرة هيلاقي إنه ظلم نفسه أوي، عارفة فهد كل همه مالك وماما زينب وبتول والشغل، فهد عمره ما قال لنفسه إذا كان فرحان ولا لأ، فرحته من فرحة مالك وماما زينب وبتول يا سمر. سمر: وانتي مضايقة من كده؟

زينة: الصراحة آه، الفكرة إن فهد عايش عشان عيلته مش عشان نفسه، وده ظلم كبير لنفسه، عمره ما سأل نفسه أنا فين وحياتي فين؟ الكل يخطأ وفهد يتحمل. وفجأة صوت مالك قطعهم. مالك: ابعد عني، أنا بكرهك. زينة وسمر قاموا على طول وكانوا في صدمة بسبب حالة مالك. فهد بعصبية: اسكت بقااااا. فهد دخل مالك الأوضة واترمى على السرير وقال بدون وعي: بكرهك، بكرهك. فهد قلع الجزمة لمالك وغطا، وقفل الباب وراه.

فهد: زينة، سمر، ادخلوا ناموا، متخافوش، هيبقا كويس. زينة كانت بتبص على فهد وحاسة بيه. فهد: زينة، ادخلي واقفة ليه؟ زينة: انت كويس؟ فهد: ليه السؤال ده؟ زينة: مش عارفة، حاسة إنك مش مظبوط، خصوصًا بعد ما مالك قالك بكرهك. فهد: لأء، عادي، ادخلي نامي. زينة: انت هتنام فين؟ فهد ابتسم في عز وجع وقال: ده قصر يا زينة، مش بيت، وفيه أوض كتير، ادخلي نامي. زينة: تصبح على خير. فهد: تلاقي الخير.

زينة دخلت ولقيت سمر نامت ودخلت قعدت على السرير وملامح الحزن اللي ظهرت على فهد مش بتفارق وشها، خصوصًا لما سمع مالك وهو بيقوله بكرهك. فهد نزل تحت وقعد في الجنينة وقال: أنا عارف إني ظلمتك إني جوزتك بالطريقة دي، بس انت السبب وتستاهل، بسببك البت حصل ليها كده. فهد فضل على الوضع ده طول الليل وكان مضايق أوي. في صباح اليوم التالي. مالك بدأ يفوق ودماغه كانت واجعة أوي. مالك: اعااااا. أنا فين وإيه اللي حصل؟ مالك فاق

ولقي نفسه في أوضته وقال: أنا إزاي جيت هنا؟ فهد: صباح الخير. مالك قام ومردش على فهد. فهد: خد البس البدلة ده يا حلو عشان هتبدأ شغل النهارده. مالك: ش... شغل؟ فهد: إيه؟ مش متجوز ومسؤول عن واحدة، ولا انت عايزني أصرف عليك وعلى مراتك؟ مالك: بقولك إيه، الجوازة دي ولا حاجة عندي، فكك مني بقااا. فهد مسك مالك من لياقته وبعصبية: لأء، فوق كده يا حلو، مش مكسوف من نفسك وانت قد الشحط وبتقول الكلام ده؟

مالك: أنا رايح المدرسة، وانسي موضوع الشغل ده. فهد: بذمتك مش مكسوف وانت بتقول رايح المدرسة؟ ياخي اختشي على د"مك. مالك: بقولك إيه، أنا مش ناقص محاضرة على الصبح. فهد: تغير هدومك وتاخد سمر معاك المدرسة، سامع؟ مالك: _فهد بعصبية: ساااامع؟ مالك خد الهدوم من الدولاب ودخل الحمام من غير ما يرد على فهد. زينة: سمر، سمر. سمر: ماما، أنا عايزة أنام. زينة مسكت كوباية مياه وكبتها عليها وقالت ببرود: أنا مش أمك.

سمر قامت على طول وقالت: إيه يا زينة ده؟ زينة: مش هتروحي المدرسة يا حلوة. سمر بصت لتحت وقالت: أروح إزاي يا زينة؟ أنا النفسية عندي صفر. زينة: لأء لأء، مش ده سمر اللي أعرفها، وبعدين انتي خايفة من إيه؟ محدش يعرف باللي حصل، قومي كده يا بسكوته، غيري هدومك واثبتي إنك قوية ومش ضعيفة. سمر قامت بالفعل ودخلت الحمام. زينة خدت التليفون وطلعت وفهد كان طالع ودخلوا في بعض. فهد: اعاااااا. فهد حط إيده على راس زينة وقال: آسف، آسف.

زينة برقت لفهد وقالت: فهد بيه بيعتذر. فهد: هو الاعتذار عيب؟ زينة: أنا عمري ما سمعتك بتعتذر من حد، عشان كده استغربت. فهد: طيب يا لمضة، عن إذنك. زينة: رايح فين؟ فهد: هكون رايح فين؟ الشغل أنا والشغل توأم، يلا سلام. زينة ابتسمت ونزلت تحت. زينة: صباح الخير. زينب: صباح النور. بقولك إيه يا زينة. زينة: نعم. زينب: بما إن فهد راح الشغل وبتول كمان شوية هتروح الجامعة ومالك كمان شوية هيطلع، إيه رأيك أنا وإنتِ نروح عند أختي؟

زينة: انتي ليكي أخت؟ الأاه صحيح يا ماما زينب، أهلك فين؟ أنا عمري ما شفتهم. زينب: _زينة حطت إيدها على كتفها وقالت: انتي وأهلك متخانقين؟ زينب هزت راسها وقالت: بابا وماما اتو"فوا في حادث سير بردو. زينة: الله يرحمهم. المهم، قولت إيه؟ زينب: طبعًا، هروح أغير هدومي، مش هتأخر. سمر طلعت ولقت مالك في وشها وكان متنرفز أوي وقال بكل برود: امشي ورايا. سمر بصت في الأرض ومشت ورا مالك بالفعل. في شركة الكيلاني.

حسام: أخيرًااا جيت، حمدلله على السلامة. فهد: بطل استظراف وتعالى ورايا. حسام: إيه ده؟ فهد: اخلص!! حسام مشي ورا فهد وقال: على فكرة، فيه مشكلة. فهد: مشكلة إيه؟ حسام: مفيش مودل. فهد: أمال المودل الأصلية فين؟ حسام: والدتها اتو"فت ورنت عليا وقالت: مش هتقدر تيجي، وبتعتذر منك. فهد بعصبية: إيه الهبل ده؟ انت عارف إن العرض هيكون بعد ساعتين. حسام: والله رنيت على كتير بس مفيش حد وافق بسببك. فهد برفع حاجب: بسببي؟

حسام: عصبيتك مخلي كل البنات تسمع باسمك تخاف وترفض تشتغل. فهد: طب وبعدين؟ معانا إلا ساعتين ولازم العرض يتم، وإلا الصفقة هيتم فسخها والشركة هتتحمل أعباء ضخمة. حسام: المصيبة إن وزنها ميقلش عن 50 كيلو وطولها يكون 160 سم. فهد قعد على الكرسي وقال: هلاقِي بنت فين بالمواصفات دي بس خلال الساعتين دول؟ بعد تفكير كبير فهد قال: زينة. حسام: نعم. فهد: لأء، مش بكلمك إنتِ. في قصر الكيلاني. زينة كانت محتارة تلبس إيه.

زينة: أنا لازم أطلع قدام أخت ماما زينب حلوة عشان تقول زين ما اخترتي زي الصعايدة ما بيقولوا. وفجأة تليفونها رن. زينة فتحت التليفون من غير ما تشوف الاسم وقالت: الووو. صوت: زينة، أنا عايزكِ. زينة اترعشت ونبضاتها ازدادت وقالت: وأنا موافقة. صوت: خلاص، انزلي اركبي مع عمي جاسر، أنا كلمته. زينة: حااااضر. زينة خدت بنطلون أسود وشميز أبيض ودخلت الحمام وطلعت على طول زي الهبلة. زينب: أخيراً نزلتِ.

زينة: ماما، أنا رايحة لفهد، روحي انتي، سلام. زينب: زينة، استني!! زينة ركبت العربية وقالت: استعجل، والنبي يا عمو جاسر. في الطريق. مالك: ثلاث شهور بس وهخلص منك. سمر بصت لتحت وقالت: أوعك تفكر إني فرحانة إني اتجوزت واحد زيك. مالك بتريقة: انتي كنتي تطولي أصلاً أنا مالك الكيلاني اللي كل البنات بتجري ورايا. سمر: على فكرة بقا، انت لو آخر واحد في الدنيا كلها، عمري ما هبصلك. مالك: بجد؟ انتي مفكرة نفسك إيه؟ ملكة جمال العالم؟

انتي ناسيه إن أربع شباب اتعرض لكِ. سمر مسكت نفسها بالعافية. في شركة الكيلاني. زينة دخلت الشركة وخبطت على الباب. فهد: ادخل!! زينة دخلت وكانت مبتسمة. زينة: تعالي يا زينة. زينة دخلت وقعدت. فهد: طبعًا مستغربة أنا ليه جبتك الشركة. زينة: أنا عارفة. فهد ضم حواجبه وقال: عارفة إيه؟ زينة: احم، أقصد، كنت عايزة أسألك نفس السؤال. فهد: المهم، أنا عايزك مودل. في المدرسة الثانوية.

مالك بحده: محدش يعرف هنا إنك مراتي عشان صورتي قدام الشباب. سمر: تقصد عشان صورتك قدام البنات. أحب أطمنك إن أنا كمان أتبرأ إني أقول عليك زوجي، عن إذنك. مالك حط إيده في جيبه وقال: طيب، وربنا لتكون أيامك الجاية سو"دة معايا.