رواية طفلة الفهد الفصل السابع والخمسون 57 - بقلم دعاء حجاج

حط إيده على فمها ومكنتش قادرة تتحرك لأن كان حضنها جامد قوي من ورا. زينة حاولت تزقه لكن معرفتش، وبصت في المرايا وقالت بصدمة: جمال. جمال بص أيضاً في المرايا وقال: مفاجأة صح؟ زينة زقت جمال وقالت بارتباك: انت بتعمل إيه هنا؟ اطلع برا. جمال قعد على السرير وقال ببرود مصطنع: مش طالع، هتعملي إيه يعني؟ زينة بخوف: اطلع برا. _وأنا قولتلك مش طالع. _فهد لو عرف هيقتلك. _وحد يقدر يقتل أبوه برضه يا زينة؟ _جمال اطلع برا.

جمال قام من على السرير وقرب من زينة وقال: ياااه من زمان ما سمعتش اسمي على فمك العسل ده. زينة رجعت لورا وبلعت ريقها وقالت بتهديد: لو مطلعتش هرن على فهد. _أو؟ جمال حوطها بإيده وقال: أو إيه؟ كملي. الدموع نزلت من عين زينة وقالت: ابعد عني. قرب منها وهمس في ودنها وقال: مش هبعد، المرة دي أنا ما صدقت إن فهد مش هنا. زينة زقت جمال للمرة التانية وقالت: انت اللي سرقت التصميمات صح؟ _أحب ذكائك ده قوي.

زينة مسكت التليفون وكانت رايحة ترن على فهد، لكن إيد جمال كانت أسبق. شد منها التليفون ورميه على الأرض وقال: كده هنزعل من بعض، خليكي حلوة كده عشان يومك يعدي على خير. زينة بصريخ: ماماااا زينب. جمال حط إيده على فمها ومسكها من خصرها جامد قوي وقال: بلاش أستخدم معاكي الطريقة دي عشان هزعلك قوي. زينة بدأت ترتعش وجمال بدأ يشم شعرها وقال: هي هي نفس الريحة اللي بحبها قوي. كانت بتحاول تبعد عنه وللأسف معرفتش. في شركة الكيلاني.

اتجمعوا كلهم في غرفة الاجتماع فعلاً. _معنا 12 ساعة بس عشان نعمل تصميمات جديدة. _بس معتقدش إننا هنقدر يا بيه. _هنقدر لو بقينا إيد واحدة. هزوا راسهم وفهد بدأ يتكلم والكل يسجل وراه عشان يعرف شغله إيه. بعد مرور ربع ساعة تقريباً. _يلا يا شباب ابدأوا. حسام راح عند فهد وقال: أنا عرفت مين اللي عمل كده. فهد بهمس: أنا عارف برضه، بس مش وقته خالص. حسام هز رأسه وقال: طب هتعمل معاه إيه؟ _بكرة إن شاء الله.

زينة جمعت كل قوتها وزقت جمال وطلعت تجري، وكانت رايحة تفتح الباب لكن جمال مسك إيدها وقال: عنيدة قوي وأنا بكره العناد ده قوي. الدموع نزلت من عين زينة من شدة الخوف وقالت بتوسل: ارجوك اطلع برا. _أطلع إزاي؟ أنا ما صدقت إن فهد مش هنا، ده فرصتي. _انت مش مكسوف من سنك؟ _ولما قبلتي تتجوزيني مقولتيش ليه إني كبير؟ زينة بعصبية: كنت حماره، كنت طماعة، كنت أو*سخ بت تشوفها على وجه الأرض. جمال

حط إيده على كتفها وقال: متقوليش كده على نفسك. زينة شالت إيد جمال وقالت بعصبية: اطلع برا، مش هقولها كتير، اطلع برا. جمال فتح الباب وقال: هطلع يا زينة، مش عشان خايف، لا عشان هتكوني ليا قريب قوي. زينة زقته وقفلت الباب عالطول ووقعت على الأرض وقعدت تعيط. شيري شافت جمال طلعت تجري عالطول وقالت: جمال. جمال وقف وقال: في إيه؟ _إزاي دخلت جوا؟ _متخافيش، فهد مش جوه. شيري باستغراب: امال فين؟ _فهد هيكون في الشركة طول الليل. _ليه؟

_أمرت واحد من اللي بيشتغلوا هناك يسرق كل التصميمات، وفعلاً عمل كده وفهد اضطر يقعد في الشركة النهارده عشان يعمل تصميمات جديدة. شيري بخبث: ذكاء ليس له نهاية. _اتعلمي. _طب والباقي إيه؟ _الصفقة هتكون بكرة وزينة هتكون لوحدها، ساعتها هنقدر ناخد زينة والباقي انتي عارفة. شيري بابتسامة تحمل الشر: وأتمنى فهد يكره زينة بعدها. _هيحصل يا شيري، ووعد مني هيكون طلاق. _أتمنى يا جمال.

زينة بدأت تشم في نفسها وكانت قرفانة قوي ودخلت الحمام وبدأت تغسل وشها وإيدها. وتقول بعياط: حيو*ان بكرهك. في منزل صديق من أصدقاء مالك. مالك وسمر دخلوا، وأميرة قامت وقالت بصدمة: إيه ده؟ إزاي؟ سمر بصت لأميرة اللي كانت في حالة صدمة وقالت: أخبارك إيه يا أميرة؟ أميرة بلعت ريقها وقالت بخوف: الحمد لله، انتي أخبارك إيه؟ سمر مسكت إيد مالك وقالت: بخير يا أميرة، وكل اللي عملتيه فشل للأسف. أميرة بارتباك: انتي بتقولي إيه؟

سمر سابت إيد مالك وقالت: يعني مش عارفة عملتي إيه؟ أميرة هزت رأسها وقالت: مش فاهمة حضرتك بتتكلمي عن إيه. سمر بصت لمالك وقالت: الرسالة يا أميرة. أميرة رفعت وشها وقالت بخوف شديد: رسالة إيه؟ مالك راح عند أميرة وقال: بلاش كذب وقولي الحقيقة. الكل كان واقف مصدوم وماكنوش فاهمين حاجة. _في إيه يا مالك؟ مالك بص لأميرة وقال بغضب: الحيوا*نة دي بعتت رسالة لمراتي على أساس إنها شاب. الكل بصدمة: إيه؟

أميرة بارتباك: رسالة إيه اللي بتتكلم عنها انت وسمر؟ أنا مش فاهمة حاجة. مالك بغضب جحيمي: التليفون فين يا سمر؟ سمر طلعت التليفون من الشنطة وعطته لمالك اللي مسك التليفون وقال: الرسالة دي. أميرة مسكت التليفون وقالت في سرها: انتهيت خلاص. مالك بهمس: بتفكري في إيه؟ أوعك تحاولي تكدبي عشان عرفت حقيقتك الوس*خة. الدموع نزلت من عين أميرة وقالت بتمثيل: والله ما أعرف الرسالة دي. مالك ضر*به بالقلم وكلهم انصدموا وقالوا بتهدج: مالك.

مالك رفع إيده في وشهم وقال: ده قلم خفيف ميوجعش صح يا أميرة؟ أميرة خدت شنطتها وكانت طالعة، لكن مالك مسك إيدها وقال: مش بالسهولة دي يا أميرة. أميرة سحبت إيدها وقالت: اللي بتعملوه ده غلط يا مالك، وبعدين سمر واحدة ر*خيصة والكل عارف كده في المدرسة. مالك ضر*ب أميرة قلم للمرة التانية، ولكن المرة دي كان أقوى. سمر مسكت إيد مالك وقالت: خلاص يا مالك، دي واحدة مجنونة عقلياً. أميرة حطت إيدها على فمها ووجدت د*م

على إيدها وقالت: إزاي تعمل كده؟ كل ده عشان؟ مالك قاطعها وقال: أيوه، كل ده عشان مراتي، ثم كمل بغضب: ولو فكرتي تعملي كده تاني هقت*لك، فاهمة؟ أميرة بصت لسمر وقالت: هدفعك التمن غالي قوي. وأخدت بعضها ومشيت. صديق مالك: أنا مش عارف أقولك إيه، بس شكراً قوي يا مالك. مالك مسك إيده وقال: أنا آسف قوي، بس كان لازم أعمل كده، ده هانت كرامة مراتي. حضنه وقال: أنا مش زعلان، بس كنت عامل الحفلة عشان نتبسط شوية.

مالك بعد عنه وقال: تمام، اتبسطوا، عن إذنك. مسك إيده وقال: انت رايح فين؟ الحفلة لسه هتبدأ. _أنا مكنتش جاي عشان الحفلة، أنا كنت جاي آخد حق مراتي. ثم كمل: مرة تانية إن شاء الله. _تمام، ومتزعلش نفسك. مالك هز رأسه ومسك إيد سمر وقال: يلا، عن إذنكم. مالك وسمر طلعوا فعلاً. _مكنش لازم تعمل كده يا مالك. مالك باستغراب: امال كنتي عايزاني أعمل إيه؟ _أقصد مكنش لازم تضر*ب أميرة. _يعني قالت عليكِ ر*خيصة وسكت؟

سمر بصت لمالك وقالت: ما انت قولتها برضه وسكت. مالك بعصبية: مش قولتلك أنسي اللي حصل، بس حضرتك لا، هتفضلي تقوليها عالطول. سمر حضنت مالك وقالت: مش قصدي، هي غلطت وخلاص، زي ما انت غلطت معايا، وانتهت. مالك خد نفس عميق وقال: اركبي عشان قربت أتخنق. سمر ابتسمت وقالت: حاضر. في شركة الكيلاني. بدأوا يشتغلوا بكل حماس وطاقة عشان يقدروا يخلصوا التصميمات في أقرب وقت. وقف على جنب وطلع التليفون وقال: جمال بيه، الظاهر إن الخطة فشلت.

جمال باستغراب: فشلت؟ _فهد بيه قدر يعمل تصميمات جديدة، وأعتقد إنه هيخلص قبل ما الشركاء يوصلوا. _طب وإيه يعني؟ مش فارقة. _طالما مش فارقة معاك، طلبت مني أسرق التصميمات ليه؟ _موضوع مالكش دخل بيه. _طب الفلوس اللي وعدتني بيها؟ _هتاخدها بكرة إن شاء الله. _تمام يا بيه. قفل التليفون والتفت لقي فهد في وشه قال بارتباك: فهد بيه. فهد بعصبية: لا بجد شابوه. بص في الأرض وقال: حضرتك بتتكلم عن إيه؟ _كنت بتكلم مين؟

الشاب رفع وشه واطمن نوعاً ما وقال: ماما، كنت برن عليها عشان أقولها إني هتأخر. فهد بابتسامة تحمل الغضب: يدوب تلحق تروح عشان ماما وحشتك قوي. الشاب بصدمة: حضرتك بتقول إيه؟ فهد بصوت جهوري: بقا تسرق كل التصميمات يا حيو*ان؟ وربنا ما هرح*مك. بص في الأرض وقال بارتباك: تصميمات إيه؟ فهد مسك إيده وقال: إحنا هنهزر ولا إيه؟ الشاب بخوف: ده جمال والد حضرتك اللي طلب مني كده. فهد ابتسم وقال: أحبك كده.

_أنا آسف يا بيه، بوعدك مش هتتكرر تاني. _فعلاً مش هتتكرر، عشان حضرتك مش هتكون موجود في الشركة من النهارده. الشاب بصدمة: إيه؟ فهد بصوت جهوري: براااااا. الكل بصدمة: ده فهد بيه. _يا ترى في إيه؟ حسام قام وقال: محدش يتحرك، وكملوا شغلكم. حسام راح عند فهد عالطول وقال: في إيه؟ _بقولك اطلع برا. _مش قولت خليها بكرة.

فهد بص لحسام وقال بعصبية: ده مش مكسوف من اللي عمله، وراح كلم اللي أمره وقال فهد بيه هيقدر يعمل تصميمات جديدة والخطه فشلت. حسام وقف قدام الشاب وضر*به بالقلم وقال: للدرجة دي بتكره النجاح لفهد يا حيو*ان؟ الشاب حط إيده على خده وقال: أنا آسف، والله ما هعمل كده تاني. _حسام، خلي الأمن ياخدوا فوراً. حسام هز رأسه وقال: حاضر. فهد دخل مكتبه وقعد على الكرسي وفجأة قال بخوف: زينة.

فهد مسك التليفون ورن على زينة، لكن تليفونه كان غير متاح. فهد بخوف: معقول يكون جمال عمل فيها حاجة؟ فهد خد الجاكيت وقال: حسام. _في إيه يا فهد؟ _أنا لازم أنزل فوراً. _تنزل فين؟ الساعة 11، مينفعش، وبعدين التصميمات لسه مخلصتش. _مش هتأخر يا حسام. حسام هز رأسه وقال: حاضر يا فهد. فهد نزل عالطول وركب العربية متجهًا إلى القصر. في الطريق. _مالكككك. مالك بص ليها وقال: إيه؟ _ساكت ليه؟ من ساعة ما طلعنا وانت ساكت كده. _هقول إيه؟

_اممم، ولا حاجة. _إيه رأيك نقعد هناا شوية؟ سمر بصت ليا وقالت: دلوقتي؟ مالك هز رأسه وقال: أه دلوقتي، وبعدين خايفة من إيه؟ _موافقة. مالك وقف العربية ونزلوا وقعدوا على كرسي وقدامهم بحيرة أعتقد. _مالك، صحيح بابا سافر؟ مالك هز رأسه وقال: رن عليا النهارده الصبح وقالي إن السفر اتأجل لمدة يومين. سمر خدت نفس عميق وقالت: طب الحمد لله، أنا فكرت إنه سافر من غير ما أودعه حتى. مالك خد سمر في حضنه وقال: طلبت منه ما يسافرش، لكن أصر.

_لازم يسافر يا مالك، الإيجار لازم يندفع. _الإيجار اندفع خلاص. سمر بصت في عيون مالك وقالت: انت اللي عملت كده؟ _مش عارف. سمر زقت مالك وقالت: لا، انت. مالك ابتسم وخدها في حضنه وقال: بلاش العفوية دي، مش لايقة عليكِ. _لازم أكون كده، مينفعش أنا وانت نبقى زي بعض. مالك بعد عنها وقال: نعم يا حلوة؟ سمر ابتسمت وقالت: بهزر معاك، خليك هادي كده. _طب يلا قومي. _ليه؟ احنا لسه قاعدين. _زهقت من شكلك، قومي يلا. سمر ضر*بت

مالك وقالت: لما أبعد متلومش إلا نفسك ساعتها. مالك مسكها من شعرها وقال: ممنوع أسمعك بتقولي كده تاني. سمر زقت مالك وقالت: طب يلا، أصلها هتقلب خناق. مالك قام ومد إيده ليها وقال: يلا. سمر حطت إيدها في إيد مالك وركبوا العربية ومشوا. في قصر الكيلاني. نزل من العربية عالطول وكان خايف على زينة قوي وطلع يجري زي المجنون. فتح الباب وقال بخوف: زينة. طلعت من الحمام وهدومها كانت مبلولة كلها. فهد جري

عليها عالطول وقال بخوف: إيه اللي حصل؟ زينة: _فهد مسك إيد زينة وقال: هدومك مبلولة كده ليه؟ زينة حضنت فهد وقعدت تعيط. وقتها فهد خاف قوي على طفلته ألا يكون جمال عمل فيها حاجة. _متسبنيش تاني. فهد بعد عن زينة وباسها على راسها وقال: في إيه؟ زينة بصت لتحت وقالت بصوت متقطع: ج م ا ل. _انتي خايفة من إيه؟ أنا جنبك. _جمال دخل وكان عايز .... فهد بصدمة: إيه؟ زينة هزت راسها وقالت: وقال كلام مش لطيف يا فهد.

عيون فهد قلبت إلى اللون الأحمر وطلع عالطول. قال بصوت جهوري: جماااال. زينب قامت وبتول أيضاً وطلعوا عالطول. _في إيه يا فهد؟ فهد بغضب: جمال فين يا ماما؟ _معرفش. شيري سمعت زعيق فهد قامت وقالت بخوف: فهد. طلعت عالطول ووقفت جنب الباب وقالت: معقول يكون عرف إن جمال دخل لزينة؟ _جماااال. جمال طلع أخيراً وقال: في إيه هنا؟ فهد راح عند جمال وقال بعصبية: انت إزاي تدخل لمراتي؟ جمال بكذب: أنا دخلت لمراتك إمتى؟

فهد بعصبية: أوعك تكدب، زينة قالتلي إنك دخلت عليها وحاولت تقرب منها. زينب وبتول بصدمة: إيه؟ جمال بكذب أيضاً: إيه الكلام ده؟ أكيداً فيه حاجة غلط، أنا قاعد في أوضتي من بدري قوي، حتى اسألي شيري. شيري بخوف: أنااااا. فهد التفت لشيري وقال: بيقول الحقيقة يا شيري. شيري بلعت ريقها وقالت: آه يا فهد، عمي جمال كان موجود في أوضته ومطلعش خالص. _وحضرتك مراقبة بقااا؟ شيري بارتباك: لا مش مراقبة، بس ده الحقيقة. فهد ابتسم

ابتسامة تحمل السخرية وقال: يعني زينة كدابة وانت صادق؟ _لازم تاخد مراتك مستشفى أمراض عقلية عشان لازمها علاج. فهد رفع إيده وقال: جمااااال. زينب مسكت إيد فهد وقالت: انت إزاي تمد إيدك على أبوك؟ _بجد عايزاني أعمل إيه؟ لما أرجع وألاقي مراتي بالوضع ده. _مهما كان مينفعش تمد إيدك على أبوك، مش أخلاق ده يا فهد. _أنا مش عارف بتعملي كده ليه، بس متأكد إن فيه حاجة مخبيها. زينب بلعت ريقها وقالت بارتباك: مفيش حاجة. فهد

سحب إيده وبص لجمال وقال: مخلصتش يا جمال بيه، ونهايتك قريبة قوي. جمال بتمثيل: أنا أول مرة أشوف ابن بيقول كده لأبوه. فهد دخل الأوضة عالطول. زينب وقفت قدام جمال وقالت: أوعك تقرب من زينة تاني. جمال ضحك وقال: ما كنتي حلوة، إيه اللي حصل؟ زينب بتهديد: صحيح، معاك سر ممكن يد*مر عائلتي، بس أنا كمان معايا نفس السر اللي يدخلك السجن ويعد*مك.

_أنا مش راضي أقول حاجة عشان الفيديو اللي معاكي مش أكتر، بس بوعدك هلاقيه، وساعتها هقول السر اللي هيد*مر العائلة كلها. _عمرك ما هتتغير، عمرك. جمال بابتسامة: فعلاً. زينة كانت قاعدة على السرير وفهد قعد جنبها وقال: أنا جنبك يا زينة. زينة حضنت فهد وقالت: خليك جنبي يا فهد، كان ممكن يجرالي حاجة. فهد باسها على رأسها وقال: متخافيش من أي حاجة طول ما أنا جنبك. _طب والشغل؟ _هرن على حسام، متقلقيش. زينة بحزن: طيب.

فهد حط إيده على خدها وقال: انتي خايفة ليه؟ أنا جنبك. زينة بعياط: لا مش جنبي يا فهد، والنهارده لو كان جمال عمل حاجة كنت هتكون السبب. زينة قامت ونامت عالطول. فهد بص لتحت وقال: قولتلك ده مسؤولية يا زينة. فهد مسك التليفون ورن على حسام. _الوو. _حسام أنا مش جاي. حسام بصدمة: ليه؟ _انسي الصفقة خالص، سلام. حسام بتهدج: فهد، الووو. في غرفة جمال. شيري دخلت وقالت بعصبية: فرحان؟ جمال قام وقال: في إيه؟

_أعتقد فهد هيقعد مع زينة والخطه كده فشلت. جمال بصدمة: فهد قاااعد؟ شيري هزت راسها وقالت بعصبية: آه قاعد، عارف ليه؟ بسبب غباءك ده، كان لازم تروح لزينة يعني؟ جمال مسك إيد شيري جامد قوي وقال: أوعك تعلي صوتك عليااا، فاهمة؟ شيري زقت جمال وقالت بعصبية: كنت غلطانة لما طلعتك من السجن، فعلاً ده كان مكانك الطبيعي. _أنا المجرم وانتي البريئة، أوعك تنسي اللي عملتي معايا، ولو فهد عرف ممكن يطردك من هنا، واحتمال تدخلي السجن. شيري

بلعت ريقها وقالت بخوف: فهد ميعملش كده. جمال قعد على السرير وقال بسخرية: يعمل يا حلوة، وأكتر من كده كمان. شيري بدأت تفكر وتقول هل ممكن فهد يعمل فيها كده فعلاً لما يعرف إنها عايزة تفرقوا عن زينة. في صباح اليوم التالي. فاق من النوم وحط إيده مكان ما بتنام زينة واتفاجأ إنها مش جنبه. قام عالطول وقال بتهدج: زينة. طلعت من الحمام وفهد خد نفس عميق وقال: صباح الخير. زينة وقفت قدام المرايا ومردتش عليا. فهد

قام وحضنها من ورا وقال: متعمليش كده يا طفلتي، أنا مقدرش على زعلك. زينة زقت فهد وخدت بعضها وطلعت. فهد خد نفس عميق وقال: أنا عارف إني غلطان ومكنش لازم أسيبك، خصوصاً إن جمال موجود، بس بوعدك مش هسمح لحد يقرب منك تاني. زينة كانت معدية وفجأة وقفت مكانها. _مش هخليه يوقع، فاهم؟ جمال بتهديد: خلاص، هروح أقول كل الحقيقة ومش مهم أدخل السجن أو أموت، الأهم إن العائلة تتد*مر. زينب مسكت إيد جمال وقالت بتوسل: ارجوك، ارجوك لا.

جمال ابتسم وقال: زي الشاطرة، خلي فهد يوقع على الورقة دي. زينب مسكت منه الورقة وقالت بعياط: حاااضر. جمال حط إيده على خد زينب وقال: شاطرة. وخد بعضه وطلع وزينة استخبت عالطول. زينة بتفكير: سر إيه وورق إيه اللي جمال عايز فهد يوقع عليه؟ زينة دخلت لزينب وقالت: سر إيه يا ماما اللي هيد*مر العائلة كلها؟ زينب بصدمة: سر؟ _أنا سمعت كل حاجة. زينب بارتباك: اللي سمعتيه مش صح.

زينة بتهديد: لو معرفتش السر ده، هروح أقول لفهد إن جمال بيهددك بحاجة. زينب مسكت إيد زينة وقالت: مينفعش تعرفي، مينفعش. زينة مسكت الورقة وزينب حاولت تمسك منها الورقة، ولكن زينة انصدمت وقالت: أوراق ملكية؟ _زينة، اهدي، هقولك على كل حاجة، بس اوعديني متقوليش لفهد. زينة بعصبية: إزاي عايزة تخلي فهد يتنازل عن أملاكه لجمال يا ماما؟ _زينة، اسمعيني. زينة بزعيق: أسمع إيه؟ عايزة تاخدي حصة فهد لجمال؟

_ورث عائلة الكيلاني كله بتاع فهد يا زينة. زينة بصدمة: إيه؟ زينب قفلت الباب وقالت: اوعديني متقوليش لفهد على اللي هقوله. زينة مسكت إيدها وقالت: بوعدك. زينب بارتباك: فهد، فهد. زينة بنبضات قلب عالية جداً: ماله؟ زينب غمضت عينها وقالت: فهد، اسمه الحقيقي فهد نور الدين المنصوري، وليس فهد الكيلاني. زينة بعدم فهم: يعني إيه؟ زينب ببكاء شديد: فهد مش ابني ولا ابن جمال يا زينة. زينة: 😳😳.