رواية طفلة الفهد الفصل الثامن والأربعون 48 - بقلم دعاء حجاج

زينه: أنا خلاص بقيت مدام فهد الكيلاني. وكانت ليلة حلوة أوي يا شوشو. شيري كانت في حالة صدمة، وأخيراً فاقت من الصدمة. مسكت زينة من إيدها وقالت: أنتِ كدابة، مستحيل فهد يقرب منك! زينة زقت شيري وقالت: مستحيل ليه يا شوشو؟ مش مراته. شيري حطت إيدها على دماغها وقالت: مستحيل، أنتِ واحدة كدابة وفهد بيحبني أنا. زينة: لا يا شوشو، في ده غلطانة. فهد بيحبني أنا، وأكبر دليل على أنه بيحبني الليلة اللي كانت بينا.

الدموع نزلت من عين شيري وبقت تعيط بطريقة غريبة جداً، لدرجة زينة خافت عليها أوي. زينة: شيري، أنتِ كويسة؟ شيري زقت زينة وعينها كانت حمرا أوي وقالت بتهديد: فهد ليا أنا بس يا زينة، فاهمة. زينة بهدوء: طب أهدي طيب. شيري قامت ومسحت دموعها وقالت: فهد ليا أنا بس، فاهمة. ولو وصل بيا الأمر أقتله. ساعتها زينة اتعصبت أوي وقالت:

أنا اتعاطفت معاكي مش عشان بحبك، لا عشان خفت يحصلك حاجة بسببي. اسمعي بقا، فهد ليا أنا وبس، وأنتِ ولا حاجة عند فهد. شيري زقت زينة وقالت: متفرحيش أوي يا زينة، عشان أيامك بقت معدودة أوي هنا. زينة قامت وقالت بضحكة تحمل السخرية: وليه متكنش أيامك أنتِ اللي معدودة هنا يا شيري؟ شيري بابتسامه: معتقدش يا زينة. عن إذنك. شيري طلعت وزينة اتعصبت أوي وقالت بخوف: معقول ياخد فهد مني؟ زينة بتردد:

لأ لأ، فهد بيحبني أنا ووعدني أنه مش هيسبني أبداً. شيري دخلت أوضتها وقعدت على السرير وقعدت تعيط بطريقة غريبة جداً. شيري دخلت الحمام وغسلت وشها وقالت: أوعك تصدقيها، ده كدابة، فهد بيحبك أنتِ. شيري بخوف: طب لو طلع بيحبها؟ ثم كملت بخبث: يبقى موتها قرب أوي. في قصر الأنصاري. : لأ يا فهد، أنا آسفة أوي. مقدرش أسيب البيت وأمشي. فهد مسك إيدها وقال: مينفعش يا خالتي تقعدوا هنا لوحدكم. : وإحنا مش خايفين يا فهد. فهد هز رأسه وقال:

ماشي يا خالتي، اللي تشوفي. حنان مسكت إيد فهد وقالت: اعذرني يا ابني، ده بيتي مهما كان، وأوعك تنسي فيا كل الذكريات الحلوة والمرة كمان. فهد حط إيدو على خدها وقال: أنا زي محمود برضه يا خالتي، وأي حاجة تحتاجوها أنا موجود. : تسلم يا ابني. فهد قام وقال: أنا لازم أمشي، وإن شاء الله هزورك كل يوم. : إن شاء الله. فهد طلع وسارة طلعت وراه عالطول. فهد: أيه يا سارة. سارة مسكت إيد فهد وقالت:

أنا عايزة أقولك حاجة بس مقدرتش أقولها قدام ماما. فهد حط إيدو على إيدها وقال: قولي يا قلبي. سارة بصت في الأرض وقالت: أنا خايفة من محسن أوي يا فهد، ده مجنون، ممكن يعمل أي حاجة عشان يرجعني ليا. فهد ابتسم وقال: أنا؟ سارة رفعت راسها لفوق وقالت: أخويا. فهد: اسمعي، محدش يقدر يلمس أي حاجة تخص فهد الكيلاني. سارة حضنت فهد وقالت: محمود لما كان عايش، محسن مكنش بيقدر يدخل البيت خالص، وكان يخاف يرفع عينه أصلاً. ثم كملت بحزن:

ولما مات، عايز يعمل علينا راجل أنا وماما. فهد: وانا قولتلك أيه؟ محدش يقدر يلمس حاجة تخص فهد الكيلاني. سارة هزت راسها وقالت: عارفة. فهد: طب تعالي معايا. سارة ضمت حواجبها وقالت: فين؟ فهد مسك إيدها وطلعوا وقال: أيه رأيك؟ سارة: كل ده رجالة. فهد: أعتقد الخوف راح. بصي يا ستي، ده اسمه مصطفى، هيبقا البودي جارد بتاعك، هيكون وراكي في كل مكان، ده لو أنتِ عايزة معاكي طبعاً. سارة ابتسمت وقالت والدموع في عينها:

محمود كان بيحبك أوي يا فهد، وأنا دلوقتي عرفت كان بيحبك ليه. فهد بص في الأرض وحاول يبقا أقوى من كده وقال: وانا كنت بحبه أوي يا سارة، ده كان أخويا وأكتر. سارة حضنت فهد وقالت: الله يرحمه. فهد حط إيدو على شعرها وقال: الله يرحمه. سارة بعدت عن فهد وفهد قال: تروحي جامعتك، فاهمة. سارة هزت راسها وقالت: حاااضر. فهد: وأي حاجة تحصل، رني عليا فوراً. ولو اللي اسمه محسن ده عملك حاجة، قوليلى، فاهمة. سارة بابتسامه: حاااضر. فهد:

يلا، عايزة حاجة؟ سارة: سلامتك. في قصر الكيلاني. مالك رجع ولقي جمال في وشه. مالك: مالك! مالك مشي ومردش عليا. مالك: سناااء. سناء: نعم يا بيه. مالك: ماما فين؟ سناء: في أوضتها يا بيه. مالك طلع عالطول. وجمال كان واقف مستغرب وقال: فهد طول عمره بيكرهني، بس بتول ومالك مكنوش كده خالص. يا ترى قولتي أيه يا زينب عشان يكرهوني كده. بتول كانت ماشية ومستعجلة أوي ودخلت في مالك. بتول: في أيه، أهدي. مالك: أنت كنت فين ده كله؟

ده ماما زعلانة منك أوي. مالك بص في الأرض وقال: ماما فين؟ بتول: في أوضتها. زينب كانت بتصلي ومالك دخل وقال: ماماااا. زينب: السلام عليكم ورحمة الله، السلام عليكم ورحمة الله. مالك دخل وقال: ماما، أنا آسف. زينب قامت وقالت: كنت فين؟ مالك: كنت في بيت عمي. زينب: مش بتول رنت عليك وقالتلك ابن خالتك مات، وحضرتك ولا عبرت. مالك: ماما اسمعيني. زينب بعصبية: اسمع أيه يا مالك؟ أنت شبه أبوك بالظبط. مالك: والله غصب عني يا ماما. زينب:

هو أيه اللي غصب عنك؟ لما أختك ترن عليك وتقولك ابن خالتك مات، ومفيش راجل معانا. مالك: أم سمر ماتت. زينب بصدمة: أنت بتقول أيه؟ مالك مسك إيدها وقال: مقدرتش أسيبها يا ماما، والله غصب عني. زينب حطت إيدها على خد مالك وقالت بحنان: وهي عاملة أيه دلوقتي؟ مالك: بخير. زينب: طب أنا عايزة أشوفها. مالك ابتسم وقال: بجد؟ زينب: أنت فاكر إني بكره سمر صح؟ على فكرة أمك مكررتش حد، صحيح مكنتش طايقاها عشان ابني مش طايقها. مالك:

ماما، أنا بحب سمر. زينب ضمت حواجبها وقالت: أيه؟ مالك هز رأسه وقال: سمر غيرتني يا ماما، أنا اتغيرت على إيدها يا ماما. زينب فرحت أوي وقالت: كنت عارفة، يبقى فهد مغلطش لما جوزك سمر. مالك حضن زينب وقال: ده أحلى قرار خدوا فهد. زينب: يبقى تروح تصالح أخوك، أنت جرحته بكلامك أوي. مالك هز رأسه وقال: هو هيرجع أمتى؟ زينب مسكت مالك من ودانه وقالت: ما حضرتك لو مهتم كنت عرفت أخوك هيرجع أمتى. مالك: اعاااااا، ماما، الا ودانى والنبي.

زينب: أخوك رجع يا طايش. مالك بغضب: ماما، أنا مش طايش. زينب: طب خدني عند سمر بليل، والنبي. مالك ابتسم وقال: حاضر يا ست الكل. في أوضة زينة. : البت سمر مشوفتهاش لحد دلوقتي. زينة مسكت التليفون ورنت على سمر. زينة: سمر، أنتِ رجعتي؟ سمر: أيوة رجعت، وأنتِ اختفيتي. زينة: مينفعش أرجع دلوقتي يا زينة. زينة بخوف: سمر، أنتِ كويسة؟ سمر: أه يا زينة، كويسة، متخافيش عليا. زينة: أنتِ كدابة، أنتِ ناسيه أنا مين؟

أنا أكتر واحدة عارفاكي لما تكوني فرحانة ولما تكوني زعلانة. سمر بعياط: ماما ماتت يا زينة. زينة اهتزت مرة واحدة وقالت: أنتِ بتقولي أيه؟ سمر: أيوة يا زينة. زينة: طب أنا جايلك فوراً. زينة قفلت التليفون وخدت الشنطة ونزلت عالطول. جمال كان طالع وزينة كانت نازلة. زينة كانت هتقع ولكن جمال مسكها من خصرها عالطول. زينة: اعااااا. زينة خدت نفس عميق وفتحت عينها وجمال بص ليها وقال: متخافيش يا زينة، أنا هكون ساندك في الحياة.

زينة بعدت عن جمال عالطول ومشت. جمال: لحد أمتى يا زينة؟ لحد أمتى هتهربي مني؟ زينة: عمو جاسر. جمال: في أيه يا بنتي؟ زينة: أمال فين عمو جاسر يا سناء؟ سناء: خد الانسة بتول وطلع. زينة: طب وبعدين. جمال بصوت عالى: في أيه يا زينة؟ تحبي أوصلك؟ زينة بصت ليا وقالت: يا ريت يا سناء، تقولي لناس هنا يخليهم في حالهم. جمال ابتسم وقال: حاضر يا زينة. زينة طلعت وكانت متعصبة أوي. زينة: طب أعمل أيه؟ أوقف عربية وخلاص.

بعد تفكير زينة وقفت عربية فعلاً وركبت. في شركة الكيلاني. فهد: مش هتيجي ولا أيه؟ حسام: في أيه النهارده؟ فهد: في اجتماع واحد بس. حسام: خلاص يا حسام، اتكفل بيا أنا، وبكرة إن شاء الله هكون موجود. فهد قفل التليفون ورن على زينة. زينة مسكت التليفون وارتبكت أوي وقالت: فهد، لو عرف إني طلعت من غير ما أقوله هيزعل أوي. زينة: الوو. فهد: أنتِ برااا ولا أيه؟ زينة: ليه؟ فهد: في صوت عربيات حواليكي. زينة: طب هقولك ومتزعقش. فهد:

قولي يا زينة. زينة: الصراحة، أنا طلعت من البيت. فهد بعصبية: ليه يا زينة؟ زينة بارتباك: والله سألت سناء على عمو جاسر، قالتلي خد بتول. فهد: طب ما رنتيش عليا ليه؟ وبعدين طلعتي ليه؟ زينة: أم سمر ماتت، ولازم أكون جنبها. فهد: اممم، أنا آسف، معرفش. خلاص، أوعك تطلعي، هبقا أجي أخدك. زينة: طب ما تروحش القصر وروح الشركة، ولما تطلع من الشركة تعالي خدني. فهد ضم حواجبه وقال: ليه؟ زينة: كده وخلاص. فهد:

طب عند آ فيكي، مش رايح الشركة وهروح القصر. زينة بعصبية: اعااا، فهد، أنا مش بهزر. فهد: وانا كمان مش بهزر، سلاااام. زينة: فهد، الووو. زينة رنت على فهد ولكن قفل تليفونه. زينة اتعصبت أوي وقالت: أكيد الزفتة هتحاول تقرب من فهد. بعد مرور ربع ساعة تقريباً. زينة نزلت وقالت: كام يا عمو؟ الراجل بضحكة: عمو، أخص عليكى، أنا عندي ٢٨. زينة: معلش، عايز كام؟ الشاب بص لزينة وقال: أنتِ حلوة أوي.

زينة رمت في وشه كل الفلوس اللي معاها وطلعت تجري. زينة: سمر. سمر فتحت الباب وزينة دخلت وقفلت الباب عالطول. سمر: حد بيجري وراكي ولا أيه؟ زينة: في واحد مش عارفه كبير ولا صغير، شكله وسخ. سمر ابتسمت وقالت: والله ما هتتغيري. زينة حضنت سمر وقالت: البقاء لله. سمر بابتسامه خفيفة: ونعم بالله. زينة: بقولك أيه، أنا جعانة أوي. سمر زقت زينة وقالت: أنتِ عايزة أيه يا بت؟ زينة: أخص عليكِ، وأنا جايه عشان أكون جنبك وتقولي عايزة أيه.

سمر: بهزر معاكي. زينة: عندك أيه حلو، وبعدين أبوكي هنا؟ سمر: لا يا أم كرش. زينة: حلو أوي، تعالي بقا نبدع كده ونعمل أكلة جديدة. سمر ضمت حواجبها وقالت: زينة، أنتِ متأكدة إنك جايه تعزينى؟ زينة: أه وربنا، بس آكل الأول. سمر دخلت المطبخ وزينة دخلت وراها. زينة قعدت على الرخام زي الطفلة الصغيرة. زينة: هتعملي أيه يا شيف؟ سمر بصت لزينة وقالت: تحبي تاكلي أيه يا خانم؟ زينة: أيه حاجة من إيدك حلوة يا جميل. سمر: يخربيت أم لسانك ده.

زينة: أخلصي، والله هموت من الجوع. سمر: وجايه من القصر جعانة؟ زينة: كنت خايفة من فهد أوي، أصلاً لو كنتي شفتي وشه كنتي عملتيها على نفسك. سمر قعدت تضحك وقالت: لسه فهد زي ما هو، متغيرش. زينة: لا يا أختي، اتغير أول ما شاف جمال، اتجنن مش أكتر. سمر بحزن: أنا مش عارفة جمال ناوي على أيه، بس متأكدة إنه ناوي على شر. زينة: فكك من الجو ده وتعالي نضحك شوية. سمر بعصبية: زينة، أنا مش بهزر، أنا فعلاً تعبانة، وأنتِ جايه تهزري. زينة

نزلت من على الرخام وقالت: أنا آسفة، حبيت أفضي معاكي شوية، متزعليش. سمر حضنت زينة وقالت: مش زعلانة، بس كل ما أفكر إن ماما ماتت، أتجنن يا زينة. زينة بحزن: على الأقل عندك أبوكي يا سمر، أنا بقا معنديش ولا أم ولا أب، أنا يتيمة من الاتنين يا سمر. سمر: خلاص، أنا آسفة، مقصدتش والله. زينة بابتسامه: بس بضحك عشان متأكدة إن بابا وماما في مكان أحلى دلوقتي، وبعدين فهد ليا كل حاجة. سمر: بحاول والله يا زينة، بس مش عارفة. زينة:

وهتعرفي إزاي طول ما أنتِ هنا؟ سمر: أنتِ بتقولي أيه يا زينة؟ أنا مقدرش أسيب بابا لوحده. زينة: لحد أمتى؟ سمر: مش عارفة، بس مينفعش أسيب بابا. زينة: طب ومالك أيه؟ سمر بصت في الأرض وقالت: مالك وافق يا زينة، وقال مستعد ينتظرني طول العمر. زينة ضمت حواجبها وقالت: طب هيقولك أيه؟ هياخدك غصب عنك طبعاً، لاءء. سمر: أقولك، انسي خالص. المهم، فين الأكل؟ سمر ابتسمت وقالت: امشي قدامي يا أم كرش. زينة: أيه الكلام ده يا بت؟

والله أزعل منك. سمر وزينة قعدوا وفضلوا يتكلموا ويضحكوا. زينة: اممم. سمر: أنا حاسة إن في حاجة حصلت ومالك مخبي عليا. زينة: أنتِ متعرفيش إن محمود مات في نفس توقيت أمك؟ سمر بصدمة: أيه؟ زينة بغمزة: ومالك مقدرش يسيبك خالص، وربنا بيحبك يا بت. سمر: عارفة. زينة قعدت جنب سمر وقالت: عارفة أيه؟ سمر: أنا ومالك بنحب بعض يا زينة. زينة بفرحة: بتهزري؟ سمر هزت راسها بمعنى لا. زينة حضنت سمر وقالت: وربنا فرحت، هي دي الأخبار ولا بلاش.

زينة بعدت عن سمر وقالت: طب مالك متقبلك كده؟ سمر بارتباك: أصلاًااا. زينة رفعت حاجب وقالت: أصلاً أيه؟ انطقي. سمر قامت وقالت: أنا بنت يا زينة. زينة بصدمة وفرحة في نفس الوقت: أيه؟ سمر: الصراحة، ده كلها خطة مني. زينة بعتاب: أخص عليكِ يا سمر، بقا تعملي كل ده وأنا معرفش. سمر: كان لازم أدّي مالك درس يا زينة. زينة: وخد خلاص يا أختي. سمر: خلاص بقااا، والله ما بحب أفتح الموضوع ده. زينة: بس أنتِ غلطانة، وغلطانة أوي. سمر بعياط:

كنتي عايزاني أعمل أيه؟ أنا سمعت صحابه وهما بيقولوا كسبت الرهان خلاص. زينة حطت إيدها على كتف سمر وقالت: وأيه؟ سمر ببكاء شديد: كانوا متفقين يدمروا حياتي يا زينة، كانوا عايزين ياخدوا شرقي. زينة حضنت سمر وقالت: خلاص، أنا آسفة. سمر بعدت عن زينة وقالت: أنا عارفة إني غلطانة، بس قبل ما تحطي اللوم عليا، فكري الأول، مالك كان عايز يعمل أيه؟ زينة: المهم، أنتِ لسه زعلانة من مالك ولا اتصلحتوا؟ سمر هزت راسها وقالت:

مالك طلب مني أنسى الماضي. زينة بابتسامه: وده الصح، عشان مالك مغلطش لوحده، أنتِ كمان غلطتي. سمر: طب خلاص بقااا، عرفت إني غلطانة، واللي حصل حصل. زينة: بت، كفاية نكد بقااا، أنتِ عارفة إني مضايقة أوي. سمر قعدت تضحك وقالت: هو مش ده نكد برضه؟ زينة: والله ما بهزر، البت شيري لازقة في فهد أوي. سمر: اممم. زينة: وخايفة تاخد فهد مني. سمر: مش فهد بيحبك؟ زينة هزت راسها وقالت: أه، بس خايفة برضه. سمر:

طالما فهد حبك يا زينة، يبقى مستحيل يحب واحدة تانية. زينة بفرحة: بجد؟ سمر: من وجهة نظري، فهد الكيلاني مش بيحب إلا مرة واحدة بس. زينة: طب وربنا فرحتيني. سمر: طب قومي يلا. زينة بحزن: ليه؟ سمر: مش عايزة تطلعي بره؟ زينة: فين؟ سمر: زهقانة يا زينة، تعالي نطلع نتمشى شوية. زينة: اشطااا. سمر: عشر دقائق، هغير هدومي، أوعك تتحركي. زينة: طيب. سمر دخلت أوضتها وزينة مسكت التليفون ورنت على فهد. زينة: يا رب يكون فتح التليفون.

زينة بفرحة جنونية: فتحوا بيدي جرس. فهد: أيه يا زينة؟ زينة: بتعملي أيه؟ فهد: قاعدة. زينة بفضول: مع مين؟ فهد: في أي يا زينة؟ مالك قاعدة في المكتب. زينة بفرحة: يعني روحت الشركة؟ فهد: لا، أنا في المكتب بتاع البيت. زينة بحزن: أه. زينة سمعت صوت شيري وقالت: مين معاك يا فهد؟ (أقصد تخيلت شيري) فهد ضم حواجبه وقال: نعم. زينة: اقصد سمعت صوت جنبك. فهد: اقفلي التليفون. زينة باستغراب: ليه؟ فهد: هكلمك فيديو.

زينة قفلت التليفون وفهد رن فيديو وزينة فتحت عالطول. فهد: هااا، لسه عندك شك؟ زينة: أصلاً سمعت صوت. فهد: صوت مين؟ زينة: ولا حاجة. فهد: بتعملي أيه كده؟ زينة: قاااعدة. فهد: أمال سمر فين؟ زينة في سرها: لو قلت لفهد إني أنا وسمر طالعين، هيرفض. فهد: بتفكري في أيه؟ زينة: هااا، ولا حاجة. فهد: مش يلا يا زينة؟ زينة بصت لسمر وقالت: يلا فين؟ سمر فهمت زينة وقالت: يلا عشان نتغدا. فهد: زينة، اديني سمر. زينة: حاااضر. زينة حطت

إيدها على السماعة وقالت: أوعك تقولي لفهد إني أنا طالعين. فهد: طب هقوله أزاي وأنتِ حاطة إيدك على السماعة؟ زينة: نسيت، امسكي. فهد: أخبارك أيه يا سمر دلوقتي؟ والبقاء لله. سمر: الحمدلله. ثم كملت: ونعم بالله. فهد قعد يتكلم مع سمر وزينة كانت متنرفزة أوي. زينة قرصت سمر وسمر صرخت عالطول: اعاااا. فهد بانتهاد: في أيه؟ زينة شدت التليفون من سمر وقالت: مفيش يا حبيبي، ده سمر مجنونة حبتين. سمر ضر"بت زينة على ضهرها. فهد:

طب خدي بالك من نفسك ومن سمر. زينة: طيب. زينة قفلت التليفون وسمر مسكت زينة من شعرها وقالت: أنتِ عارفة إن جسمي حساس أوي. زينة زقت سمر وقالت: أوعي كده، وصحيح، متكلميش فهد تاني. سمر بتمثيل: هكلمه، أنتِ مالك؟ زينة مسكت سمر من رقبتها وقالت: وربنا أقت"لك. سمر زقت زينة وقالت: أنتِ مريضة عقلياً. زينة: طب يلا يا دكتورة، يلا. زينة وسمر طلعوا. زينة: هنروح فين؟ سمر: مش عارفة. زينة وقفت وقالت: مش عارفة أيه؟ سمر

مسكت زينة من لياقته وقالت: نتمشى يا أم لسان. زينة: طب أهدي طيب. سمر سابت زينة وزينة عدلت هدومها وقالت: الهدوم كرمشت يا باردة. سمر: ايس كريم؟ زينة: بقولك هدومي كرمشت، تقوليلى أيس كريم؟ سمر: أجبلك أيس كريم. زينة: يا ريت يا سمسمه. سمر راحت جابت فعلاً. سمر: طب تعالي نقعد طيب. زينة: تعالي نقعد هناااك. سمر وزينة قعدوا فعلاً وكان في شابين قاعدين قصادهم. الشاب الأول: شايف الحتتين دول؟ الشاب الثاني: فين؟ الشاب الأول:

هناااك يااض على إيدك الشمال. الشاب الثاني: أوبااااا، أيه دول يااض؟ هو لسه في كده؟ الشاب الأول: تقولش القمر طلع بالنهار. الشاب الثاني: دول قمرين مش واحد. الشاب الأول: فعلاً، ما تيجي نقوم. الشاب الثاني: فين؟ الشاب الأول: نتعرف. الشاب الثاني بص في إيد زينة وسمر وقال: اقعد يا خفيف. الشاب الأول: في أيه؟ الشاب الثاني: دول متجوزين، بص على إيدهم. الشاب الأول: وأي يعني جوازهم هنا؟ الشاب الثاني: تؤ، يبقى نقوم نعمل الواجب.

ضحك ضحكة خبيثه وقال: أشطااا. زينة: أنا مش بحب الأيس كريم ده يا سمر. سمر: تصدقي، نسيت أقول للراجل، زينة مش بتحب الأيس كريم ده. زينة: خلاص خلاص، أنا غلطانة إني اتكلمت. الشاب الأول: القمر بيطلع أمتى؟ زينة وسمر قاموا وزينة بعصبية: بالليل يا خفيف. سمر مسكت إيد زينة وقالت: زينة، أهدي، يلا بينا نمشي. زينة: اسكتي يا سمر، دول شكلهم عايزين التربية. سمر: أحب النوع ده. زينة قلعت الجزمة من رجلها وقالت: وانا بعشق ده. (الجزمة)

الشاب الثاني: هههه، تصدقي، خفت. زينة نزلت على الشاب زي الهبلة وسمر حاولت تشدها لكن معرفتش. سمر: زينة، كفااايه. الكل اتلم وخدوا الشاب من رحمة زينة بالعافية. زينة قامت ورمت الجزمة على الأرض وقالت: انكتبلك عمر جديد، احمد ربنا بقااا. الشاب الثاني: يا بت ال ****. زينة: بت مين يا حمار؟ الشاب الأول: خلاص يا جماعة، اهدوا، وانتوا يا بنات، حصل خير. زينة بغضب: اهدوا أيه وزفت أيه؟ هو ميعرفش أنا مين؟ الشاب الثاني بسخرية:

مين يعني؟ زينة بارتباك: هو هو. (زينة مردتش تقول إنها مرات فهد عشان لو قالت طبعاً الكل عارف فهد الكيلاني، ولو الخبر وصل لفهد، أقل حاجة يقت"لها) الشاب الأول: القطة كلت لسانك ولا أيه؟ زينة مسكت إيد سمر وقالت: حيو"ان، أمشي يا سمر. الشاب الثاني حط إيدو على رأسه وقال: أيه دول جامدين أوي، بالاخص أم لسان، دخلت دماغي أوي. الشاب الأول: أنت عبيط، ده كانت هتق"تلك. الشاب الثاني: هههه، أنت اللي عبيط، ده ضعيفة أوي. الشاب

الأول بص ليا وقال بتريقة: واضح. زينة: أيه اللي عملتيه ده؟ سمر: وربنا لو كنتي سبتيني كنت قت"لته. زينة: وربنا لو كنا في مكان مقطوع، كنتي وقعتي من طولك. زينة بصت لسمر وقالت: فرحانة؟ سمر بابتسامه: جداً. بعد مرور ساعتين تقريباً. سمر وزينة وصلوا البيت. سمر: بابا شكله وصل. سمر وزينة دخلوا وزينة وقفت مكانها وقالت: فهد؟ فهد بص لزينة وقال: كنتي فين لحد دلوقتي؟ زينة بصت لسمر وقالت بارتباك: أصلاً٠٠٠٠