رواية طفلة الفهد الفصل السابع والأربعون 47 - بقلم دعاء حجاج

زينب بعياط: محمود مات ابن خالتك مات يا فهد. فهد وقف مصدوم، ولاول مرة في حياته يحس بضعف كده. زينه مسكت ايد فهد عالطول، وفهد سكت مرة واحدة ومكنش له رد فعل خالص. اخيرًا فهد فاق من الصدمة، وسحب ايده من ايد زينه وطلع على اوضته عالطول من غير ما يتكلم. فهد دخل اوضته وقفل الباب وقعد على السرير، ولاول مرة الدموع تنزل من عينه. زينه طلعت ورا فهد عالطول وقعدت تخبط على الباب: فهد عشان خاطري رد عليا.

كل ده وفهد قاعد على السرير وساكت، لان الخبر كان بمثابة صدمة له، خصوصًا انه ومحمود متربيين سوا. فهد قام وفتح الباب فعلاً. زينه حضنت فهد عالطول وقالت: كده غلط، لازم تطلع كل اللي جواك. زينه مسكت ايد فهد وقالت: والله كده غلط، مينفعش تحبس وجعك كده، اعمل اي حاجة، اقولك زعقلي ولا اضر"بني، والله ما ينفع تسكت كده. الدموع نزلت من عين فهد اخيرًا، وزينه فرحت قوي وقالت: طلع كل اللي جواك يا قلبي، مينفعش تحبس وجعك كده.

فهد حضن زينه وقال: مش مصدق يا زينه، ازاي حصل كده، اكيد في حاجة غلط. زينه حطت ايدها على ضهر فهد وقالت: الله يرحمه. جمال كان واقف عند الباب وكان متعصب قوي ان زينه حضناه فهد. زينه بعدت عن فهد وحطت ايدها على خده وقالت: ماما زينب وخالتي حنان محتاجينك قوي ولازم تكون اقوى من كده. فهد هز راسه وقال: انا هنا. زينه هزت راسها وبوست فهد من خده، وكل ده وجمال واقف ولكن زينه وفهد مش شافوه. جمال دخل اوضته وقال: يعني اي؟

يعني زينه اتجوزت فهد فعلاً وكمان بيحبوا بعض. ساعتها شيري وقفت عند الباب وقالت: مين اللي بيحبوا بعض يا جمال؟ جمال ابتسم وقال: زينه وفهد. شيري بفرحة: بجد!! جمال راح عند شيري وقال: بس راجعوا وهما بيحبوا بعض. عند مالك وسمر. كانوا واقفين قدام قبر والده سمر بعد دفنها طبعًا. سمر كانت حضناه مالك وقالت: بابا ميعرفش لحد دلوقتي. مالك بص في عيون سمر وقال: رنيت عليك ولكن ميعرفش انها ماتت. سمر بعدت عن مالك: امال يعرف ايه؟

مينفعش اقوله ان خالتي ماتت يا سمر. وبعدين ابوكى كبير في السن. امال هنقوله امتى؟ مالك مسك ايدها وقال: انا لما رنيت عليها سالتها هترجع امتى، قالي انه راجع بكره الصبح. مالك هو انا ممكن اطلب منك طلب؟ مالك هز راسه وقال: طبعًا. سبني مع بابا الله يخليك. مالك هز راسه وقال: طبعًا يا قلبي. سمر حضنت مالك وقالت: شكراً. مالك باسه على راسها وقال: الوقت اتاخر قوي ولازم نرجع البيت.

انا مش عايزة اروح القصر والنبي، انا عايزة اروح بيت بابا. حاضر، اللي عايزة كله هيتنفذ. مالك وسمر ركبوا العربية ومشوا. مالك كان بيفكر وبيقول: أكيد ماما زعلانه مني قوي وخالتي كمان. هو مين اللي رن عليك واحنا في المستشفى؟ مفيش، متشغليش بالك. في قصر الأنصاري. كانوا قاعدين ومصدومين، فكلمة مصدومين لا تكفي. ماما لازم تاكلي عشان علاجك. هزت راسها وقالت: مش جعانة يا ساره، خلاص نفسي اتسدت على الدنيا. ساره

حضنت امها وقالت بعياط: محمود لو كان عايش دلوقتي كان زعل منك اوي. اكل ازاي بس، وضهرى انكسر. اخويا كان شجاع يا ماما واكبر دليل انه وقف ضد مجرمين كتير، ومن ضمنهم جمال اللي الكل خاف منه. عارفه ايه اكتر حاجة مزعلاني؟ اخوكي اللي مش هيرتاح ابدا في قبره، كان كل حلمه يمسك جمال بايده ويعد"موا. هيحصل يا ماما. مستحيل يا ساره، محدش هيقدر يقرب من جمال، دول بيعملوا له الف حساب، على عكس اخوكي اللي كان شجاع قوي. وفجأة الجرس رن.

هقوم اشوف مين. ساره قامت وفتحت الباب، وكانت رايحة تقفل الباب تاني، ولكن حط ايده على الباب. عايز ايه؟ في حد بيعامل ضيوفه كده، مفيش اتفضل حتى. اطلع برا. محسن زق الباب ودخل بكل وقاحة. مامااااا ماماااا. في ايه يا ساره مين اللي بيخبط؟ محسن دخل وقال: انا يا خالتي، اخبارك ايه دلوقتي؟ قالت بعصبية: عايز ايه يا محسن؟ ثم كملت: فرحان صح؟ محسن بص لساره وقال: اخص عليكي يا خالتي، ما تكلمي امك يا حبيبتي.

ساره بزعيق: حبيبتك مين يا حيوا"ن. محسن بابتسامة: مش مراتي وليا الحق عليكي. ساره بعصبية: مراتك في عينك يا حيوا"ن. سامعه يا خالتي بنتك بتقول ايه؟ قامت من على الأرض وقالت بزعيق: ده مش مراتك، ده طليقك فاهم. وعايز ارجعها. على جث"تي يا حيوا"ن. مش عيب كده يا خالتي، ينفع واحدة تقول لزوجها حيوا"ن. عايز ايه يا محسن؟ محسن مسك ايد ساره وقال: مراتي يا خالتي. ساره سحبت ايدها عالطول وقالت: ابعد عني بقا.

اطلع برا يا محسن، مش عايزة اقل ادبي معاكم. محسن بتمثيل: ليه بس يا خالتي؟ انتوا محتاجين راجل بردو، والصراحة بقا انا خايف على مراتي. خايف على مراتك؟ انت ناسي عملت في بنتي ايه يا حيو"ان؟ الدموع نزلت من عين ساره، لان محسن كان بيعذ"بها اشد العذا"ب وكان بيجيب نسا"ون البيت، ومكنش محترم ساره خالص، واتجوزها ست شهور فقط واطلقوا. عارفه ايه اكبر غلطة ارتكبتها؟ اني عرضت اخويا وقولت عايزة اتجوزك، على الرغم انه حذرني منك اوى.

والله اتغيرت يا ساره، فرصة واحدة بس. ساره بعصبية: الفرص انتهت، ويا ريت تطلع براااا واسمع بقااا، صاحب محمود الله يرحمه عايز يتجوزني، ومحمود كان موافق، وانا كمان هوافق. محسن بعصبية: على ج"ثتي يا روح امك. اطلع براااا. محسن عدل الجاكيت وقال: هطلع، بس وربنا لو عرفت انك اتجوزتي لاد"فنك، سامعه. بكر"هك بكر"هكم. محسن طلع وساره وقعت على الأرض وقعدت تعياااط. ام ساره حضنتها وقالت: خلاص اهدي عشان خاطري.

ما صدقت يا ماما نسيتوا وفرحت شوية، ليه عايز يرجع حياتي تاني؟ حرام عليا. باستها على راسها وقالت: متخافيش طول ما انا معاكي. عند شيري وجمال. شيري فاقت من الصدمة وقالت: انت بتقول ايه؟ جمال بعصبية: بقول اللي شوفتوا. زينه تمو"ت يا جمال. جمال قعد على السرير وقال: انا عندي حل أفضل. شيري ضمت حواجبها وقالت: حل ايه؟ نفرق زينه وفهد عن بعض. شيري ابتسمت وقالت: كان معايا حق، انت بتحب زينه يا جمال.

جمال قام وقال: اه يا شيري، وبوعدك هفرق زينه عن فهد في اقرب وقت. موافقة يا جمال. زينه طلعت من الاوضة ونزلت تحت، لقت بتول وزينب قاعدين. فهد بخير صح يا بنتي؟ زينه هزت راسها وقالت: بخير!! الا صحيح يا بتول فين مالك؟ رنيت عليا وقولتله وتليفونه فصل عالطول. زينه قعدت جنب زينب وقالت: لازم تشدي حيلك عشان خالتي حنان هتكون محتاجيكي اوى. زينب هزت راسها وقالت: ان شاء الله. امال فين سمر وحشتني قوي. زينب قامت ومشت عالطول.

زينه استغربت رد فعل زينب. بتول قامت وقالت: ماما بتكر"ه سمر شوية، متزعليش. زينه هزت راسها وقالت: مش زعلانه. بتول بابتسامة خفيفة: تصبحي على خير. زينه بابتسامة أيضًا: وانتي من أهل الخير. بتول مشت وشيري كانت نازلة على السلم. نورتي يا زينه. زينه بصت لشيري وقالت: القصر عمره ما هينور طول ما حضرتك موجودة. شيري ضحكت وقالت: حبيبي فين؟ مين ده؟ انتي ناوية تتجوزي ولا اي؟ يا ريت بس، ازاي طول ما موجود عائق بينا.

زينه فهمت قصدها وقالت: انا عايزة انام اصلا، تعبانه قوي من السفر. زينه خدت مياه وطلعت، وشيري قالت: متفرحيش اوى، لان ايامك بقت معدودة اوى هنا. زينه دخلت الاوضة ولقت فهد لسه صاحي. زينه حضنت فهد وقالت: ناااام بقااا. مش قولتلك يا زينه في حاجة وحشة منتظرنا. الحمد لله على كل حال. الحمد لله. عند مالك وسمر. كانوا نايمين على السرير ومالك واخد سمر في حضنه. سمر بصت في عين مالك وقالت: انا مش عارفة اناام.

مالك باسه على راسها وقال: وانا معاكي لحد ما تنامي. انا مش عارفه اقولك اي بس انا اسفه اوى على اللي عملته. مالك بص ليها وقال: انسي الماضي كله يا سمر وخلينا في الحاضر والمستقبل. سمر هزت راسها وقالت: هرجعلك. مالك ابتسم وقال: وانا هكون منتظرك. هتاخر. هنتظرك برضو. ممكن اقعد سنة سنتين. هفضل منتظرك برضو لحد اخر نفس في حياتي. سمر حضنت مالك وقالت: طب تصبح على خير. مالك باسه على راسها وقال: تلاقي الخير. في صباح اليوم التالي.

كانوا قاعدين كلهم بيفطروا ماعدا فهد وزينه. سناء اطلعى لفهد وزينه قوليلهم الفطار جاهز. حاضر يا خانم. جمال كان قاعد على الكرسي، واخير جت اللحظة اللي هيشوف فيها فهد وزينه. زينه فاقت واتفاجأت ان فهد مش جنبها. فهد. فهد طلع من الحمام وقال: صباح الخير. زينه بابتسامة: صباح النور. وفجأة الباب خبط. زينه فتحت الباب وقالت: في ايه يا سناء؟ الخانم في انتظاركم تحت. خلاص انزل انت يا فهد وانا هنزل كمان شوية. فهد هز راسه ونزل فعلاً.

فهد كان نازل على السلم وبيكلم حسام. يعني هتكون موجود في الشركة النهارده؟ اه طبعًا، بس ورايا مشوار كده الاول. تمام. وفجأة فهد وقف مكانه وقال: ايه ده؟ جمال قام وقال بفرحة: ابني!! فهد نزل من على السلم ووصل عند جمال وقال: انت بتعمل ايه هنااا؟ جمال بص لزينب وقال: قوليله يا زينب. فهد بص لزينب وقال: ماما ازاي طلع اتكلمي ساكتة ليه؟ زينب: _جمال بص لفهد وقال: انت مش فرحان ولا ايه؟ فهد بعصبية: لا مش فرحان وتطلع من هنا فوراً.

زينب ساعتها اتدخلت وقالت: انت ازاي تتكلم مع ابوك كده، بدل ما تقوله حمدلله على السلامة تقوله كده؟ رد زينب كان صادم لفهد. جمال ابتسم وقال في سره: شاطرة يا زينب، الظاهر خوفك زاد عن حده اوى. فهد فاق من الصدمة وقال: ماما انتي بتقولي ايه؟ انتي ناسيه عملتي ايه؟ جمال مش غلطان، لوحده وزينه كمان غلطانة، اوعي تنسي ان زينه اللي وافقت تتجوز جمال. فهد بعصبية: زينه خط احمر يا ماما.

زينب في سرها: انا اسفة يا ابني والله غصب عني، السر ده لو انعرف كلنا هند"مر. زينه نزلت من على السلم وشافت جمال ولا اكأنها شافت ابليس. زينه بدأت ترتعش وكل اللي حصل مر قدام عينها مرة واحدة. ماما انتي مستوعبة انتي بتقولي ايه؟ ده واحد مجرم. فهد راح عند زينب ومسك ايدها وقال: بيهددك صح؟ قولولي يا ماما انا جنبك. زينب سحبت ايدها وقالت: ده ابوك ولازم تحترمه، فاهم.

فهد مردش عليها وقال: انا متاكد انك مخبية حاجة، عشان عارف ماما كويس. الدموع نزلت من عين زينب، كل ده وزينه واقفه مصدومة. جمال بص لزينه وابتسم ابتسامه تعني الانتصار. زينه طلعت تجري عالطول لفوق. جمال في سره: ولسه يا زينه، انتي بتاعتي انااا. فهد بصوت جهوري: زينه. زينه اتخضت ومكنتش قادرة واعصابها كانت سايبة خالص من الخوف. زينه. زينه نزلت عالطول وقالت بارتباك: نعم. فهد مسك ايد

زينه ووقف قدام جمال وقال: زينه خط أحمر، وربنا لو شوفتك بتبصلها. جمال بابتسامة: كمل سكت ليه؟ سكت عشان مينفعش اغلط في والدي، بس ده تحذير ليك يا جمال بيه. الدموع كانت نازله من عين زينه. فهد مسك ايد زينه جامد قوي لدرجه بدأت تتألم. ممنوع الدموع دي تنزل طول ما انا جنبك. زينه هزت راسها وقالت: حاااضر. فهد راح قعد على الكرسي وقال: سناااء. نعم يا بيه. الفطار. زينه كانت خايفة قوي من فهد، خصوصًا انه اتغير قوي بعد ما شاف جمال.

فهد بص ليهم وقال: واقفين كده ليه؟ اتفضلوا. الكل قعد الا زينه اللي كانت مصدومة لحد دلوقتي. فهد رمى الكوبايه على الأرض، لينخض الكل. في ايه يا زينه؟ زينه بارتباك: مفيش!! امال واقفه كده ليه؟ تعالي. زينه راحت وقعدت جنب فهد وكانت خايفة قوي. كلي. زينه مسكت المعلقة وكانت بترتعش، وفهد مسك منها المعلقة وقال: مالك مش عارفه تمسكي المعلقة ليه؟ مش جعانة. فهد بعصبية: امال قعدتي ليه؟ ثم كمل بعصبية: قومي.

زينه قامت عالطول ومكنتش فاهمه فهد ليه بيعمل معاها كده. في ملف فوق لونه احمر، تجيبه فوراً. زينه هزت راسها وقالت: حااااضر. جمال في سره: اعتقد من اللي شوفته دلوقتي فهد وزينه مش بيحبوا بعض. شيري قالت في سرها أيضًا: مستحيل يكونوا بيحبوا بعض. بعد شوية زينه نزلت ومالقتش فهد. امال فهد فين يا ماما؟ زينب بحزن: برااا يا زينه. زينه طلعت وفهد كان واقف براا. زينه بدأت ترتعش وقالت: الملف. فهد مسك ايد زينه وقال: انا اسف.

زينه سحبت ايدها وقالت: متكلمنيش تاني. فهد شاف جمال طالع، ركب العربية عالطول ومشي، وزينه كانت في حالة صدمة. زينه بعصبية: وانتي فكرتي انه هيصالحني في ثانية، خد بعضه ومشي. احم. زينه شافت جمال طلعت تجري عالطول. هههه، بتهربي مني يا زينه، بس ماشي، بكره هتجيلي برجلك. زينه دخلت الاوضة وقفلت الباب عالطول. وفجأة تليفونها رن. جمال قالك حاجة؟ زينه بعصبية: انت بتعمل كده ليه؟ نظرات جمال ليكي خلتني عايز اقت"لك.

زينه ضمت حواجبها وقالت: نظرات جمال ليا؟ جمال بيحبك يا زينه. زينه بصدمة: ايه؟ ايوه، شوفت لمعه في عينه اول ما شافك، وده خلاني عايز اقبض روحك في ايدي. طب وانا مالي؟ معرفش، بس كنت عايز اقت"لك وخلاص. طب ما كنت قت"لتني. مقدرش يا طفلتي. انت فين؟ رايح مشوار كده وبعدين هروح الشركه. وانا هقعد مع جمال هناا. زينه انتي مش لوحدك، ماما وبتول موجودين. خايفه يا فهد. طب اهدي، ثم كمل: هروح المشوار بس وهرجعلك. زينه بفضول: مشوار ايه؟

مهم اوى يا طفلتي، لازم اقفل، سلااام. الووو فهد. زينه رمت التليفون على السرير وكانت متعصبة اوى. وفجأة الباب خبط. زينه قامت وفتحت الباب ولقت شيري. خير. جيت اقعد معاكي شوية. زينه بعصبية: وانا مش عايزة اقعد مع حد. شيري دخلت وقعدت على السرير بكل برود. زينه خدت نفس عميق وقالت: عايزة ايه؟ فهد، عايزة فهد. انسي فهد يا شيري. شيري قامت وقالت: ليه؟ زينه بثقة: انا خلاص بقيت مدام فهد الكيلاني، وكانت ليلة حلوة قوي يا شوشو.

عند مالك وسمر. انت بتقول ايه يا ابني؟ مالك حط ايده على كتفه وقال: انا اسف يا عمي، والله عملت كل حاجة عشان تعيش، ولكن كان يومها. والد سمر اهتز مرة واحده وقال: كل ده حصل وانا معرفش. سمر حضنت ابوها عالطول. والد سمر كان بيبص على مالك وكان مصدوم. بعد شوية. ارتاح يا بابا عشان صحتك. سمر طلعت ومالك مسك ايدها وقال: انا لازم أمشي، خدي بالك من نفسك ومن عمي. سمر هزت راسها وقالت: انا اسفه اوى يا مالك. مالك

حط ايده على خدها وقال: انا قولتلك ايه امبارح؟ قولت انك هتنتظرني. كملي. لو قعدت سنة او سنتين هتنتظرني. مالك أبتسم وقال: هاجي اشوفك بليل. سمر ابتسمت وقالت: مااااشي. مالك طلع وركب العربية ومشي.