رواية طفلة القاسي الفصل الخامس 5 - بقلم دنيا محمد

فجأة بنت دخلت عليهم وهما بيفطروا. البنت: مراد حبيبي عامل إيه؟ غرام بصدمة: هي مين دي؟ ملك: أنا خطيبته يا حبيبي. مراد بعصبية: انتي إيه اللي جابك هنا؟ هو أنا مش قولت مش عايز أشوف وشك هنا ولا في أي مكان؟ ملك ببرود: والله بقا أنا جاية وهبات هنا كام يوم. محمدي بقرف: هتباتي في بيت أنتِ متعرفيش فيه مين ولا حد يقربلك أصلاً.

مراد قام ومسك إيديها بقوة: بصي بقا أنا عارف مجيتك الحلوة دي، أنتي جاية تنتقمي، بس لأ، مش مراد المحمدي اللي حد يستغفله. فوقي يا ماما، وعشان كده خدي بعضك واطلعي من هنا على رجلك، أحسن ما أكسرلك عضمك. ملك بزعيق: أنت عبيط؟ أنت إزاي تكلمني كده؟ أنت كنت بتحبني وقولتلي هتخطبني، تروح تتجوز المقرفة دي؟ وشاورت على غرام. مراد بغضب ضربها قلم من قوته نزفت من مناخيرها. محمدي بصدمة: مرااااد!

مراد بغضب: المقرفة دي تبقي أنتِ دي، أحسن منك، على الأقل بتلبس لبس واسع ومش مكشوف، مش بتخلي حد يشوف جسمها زيك. بتتعمدي تلبسي فساتين مكشوفة أوي عشان الناس نظرهم يروح عليكي أنتِ. أما بقا ثانياً، فده كان إعجاب ومش حب، أنتِ مش استايلي يا ملك، ومبحبكيش. عمران: بقولك إيه يا بنتي، اخرجي وشوفي طريقك وحالك بعيد عننا، هو دلوقتي راجل متجوز، وعيب أوي كل اللي بيحصل ده.

ملك بغضب: طيب وحياة أمي لهطلع من هنا، بس متقلقش مش هتفرح كتير، دنا هقتلك. مراد نزل بإيده على وشها وشدها من شعرها وطلعها برة الفيلا. مراد بزعيق: يا مازن! مازن (الحارس الشخصي) : نعم حضرتك. مراد بغضب: تاخد الزبالة دي وتطلعها برة ترميها، ومتدخلش هنا تاني. مراد رجع بس ملقاش غرام على السفرة. مراد باستغراب: هي فين؟ ياسمين: طلعت أوضتها. مراد هز راسه وطلع أوضته، لقي غرام قاعدة على السرير. غرام لقيته دخل الأوضة قامت.

مراد بهدوء: في إيه؟ طلعتي ليه ومكملتيش فطارك؟ غرام: قولت استناك تخلص المسرحية دي. مراد بعصبية: اتعدلي يا بت أنتِ. غرام بصتله بقرف وقالت: أنا عايزة أشتغل. مراد بضحك: تشتغل؟ تشتغل إيه؟ غرام: في شركتك. مراد ببرود: لأ. غرام برجاء: ونبي عايزة أشتغل. مراد باستغراب: تشتغلي ليه؟ وأنتِ مش محتاجة فلوس. غرام: أنا حرة، أعمل اللي أنا عايزاه. مراد بعصبية مفرطة: يعني إيه؟

أنا جوزك، وتسمعي كلامي بالحرف، وإلا وأنتي عارفة ممكن أعمل إيه. غرام بحزن: هتعمل إيه تاني؟ ضرب، وضربتني أول يوم جوازي منك، بس أنا عمري ما هخليك تلمسني يا مراد. مراد بخبث: بلاش تختبري صبري، أنا ممكن أعمل كده دلوقتي، وأنتِ عارفة، بس سايبك لحد ما تهدي كده وتعقلي. غرام بصتله بضيق ومشيت. مراد قرر إنه يعمل لملك بلوك من كل التواصل الاجتماعي. وعملها بلوك من كل حاجة، وقرر إنه مش هيسكت لها لو عملت حاجة.

فجأة رقم غريب اتبعت لمراد بصور لغرام مش حلوة، ومكتوب رسالة: (صور مراتك هتبقى على كل المواقع يا مراد) مراد بصدمة: غراااام!