رواية طفلة القاسي الفصل الرابع 4 - بقلم دنيا محمد

مراد لسه هيقرب لقي قلم على وشه. مراد بغضب جحيمي: انتي ازاي تمدي إيدك عليا يابنت ال... غرام بصريخ: متشتمنيش يا حيوان. مراد شدها من إيديها جامد وراح للسرير: بقا عيلة زيك لا راحت ولا جت تمد إيديها عليا، دانتي هتشوفي أيام سودا على دماغك. وقلع الحزام ورماها على السرير. مراد قرب منها وفضل يضرب فيها بقسوة. الجد بزعيق من على الباب: افتح يا مراد، سيبها بتعمل فيها إيه. مراد كان مغيب تماماً وكل اللي شايفه إن غرام ضربته.

آسر كان بايت في فيلا مراد. الجد نده عليه: يا آسر، تعالي بسرعة. آسر اتخض وراح بسرعة على الصوت: في إيه بس. الجد بلهفة: اكسر الباب، اعمل أي حاجة، مراد بيموت غرام جوه. آسر بزعيق: مرااااد، سيبها واطلع، عايزك في كلمتين. مراد فتح وكان عاري الصدر. مراد بغضب: في إيه، عايزين إيه. الجد بغضب: تصدق أنا غلطت لما جوزتهالك، وزي ما جوزتهالك هطلقها منك، إنت إنسان مريض.

مراد بعصبية مفرطة: محدش يقدر ياخدها مني، واللّي عملته فيها ده عشان تبقي تمد إيديها على مراد المحمدي تاني. الجد بسخرية: لا راجل بتمد إيدك على مراتك وتموتها، إنت إنسان مريض. مراد اتعصب من كلام جده وقفل الباب ودخل. كانت غرام مرمية على السرير، فستانها مقطوع بسبب الضرب، وجسدها فيه دم واحمرار بسبب الحزام، كان وشها شاحب. مراد بقوة: انتي يابت قومي حضريلي الحمام. غرام: لا رد. مراد راح لها وهزها: أنا مش بكلمك، مبترديش لي.

غرام كان مغمي عليها ومش حاسة بحد. مراد قلق، فاتصل بدكتورة. مراد غير هدوم غرام ولبسها إسدال عشان فستانها المقطوع. الدكتورة وصلت وكشفت عليها. الدكتورة بأسف: للأسف المدام اتعرضت لضرب عنيف جداً، ولازم نبلغ البوليس، وثانياً نفسيتها تعبانة وأغمي عليها، أنا اديتها حقنة مهدئة وكتبت علاج ليها، ويا ريت اللي عمل كده يتسجن.

مراد بصوت مرعب للدكتورة: خلصتي، لو شفتك بلغتي البوليس مش هخليكي عايشة على الحياة، إنتي شكلك متعرفيش مين مراد المحمدي، بس ملحوقة هعرفهولك لو عملتي كده. الدكتورة بخوف: ءءاا، أنا لازم أمشي. مراد أخد الروشتة منها وأداها لحد من الخدم يجيب الدوا ده. مراد كان باصص لغرام وبيشوف ملامحها. كان وشها شاحب، وباين عليها الجهد والتعب، بس برضه شكلها حلو وبريئة.

مراد شالها وخلاها تاخد شاور، كل ده وهي مش حاسة، وطلعها نامها على سرير وقعد. عند مجهولين: ملك: بقولك عايزينه ينتقم، ده اتجوز وسابني، إنت مجنون. المجهول: وأي يعني، مانتي مش بتحبيه. ملك بطمع: آه مش بحبه، بس بحب فلوسه، إنت مش عارف مراد المحمدي ولا إيه، دوول كل أملاكهم ثروة كبيرة، وغير كده مراد معروف، وميلقش ليه غيري. مجهول بخبث: فعلاً، مانتي قمر برضو. ملك بضحكة: المهم، هنعمل الخطة دي.

مجهول: ماشي، بس هاخد منك 50 ألف جنيه. ملك بقرف: طول عمرك طماع. عثمان بخبث: لي، دنا حتى هتعب في الخطة. ملك: طيب، طيب هديهملك، بس هديك نصهم، لما الخطة تتنفذ هديك الباقي. عثمان: ماشي، يلا سلام. عند غرام بتعب، كانت بتفوق، وأول ما شافت مراد قاعد قدامها اتنفضت وخافت. غرام بعياط: إنت عايز مني إيه تاني، ابعد عني. مراد بهدوء: كلي وخذي دواكي ونامي. غرام برفض: لأ، مش عايزة حاجة منك.

مراد بعصبية: بقولك إيه، أنا مبحبش دلع البنات ده، بقولك تطفحي وتاخدي الدوا وتتخمدي، مش بعيد كلامي مرتين. غرام بخوف هزت راسها. مراد بخبث: أيواا، شاطرة، قولتلك من الأول مش هتعرفي تقفي قدامي أنا. غرام كانت ساكتة وحزينة على نفسها وحياتها اللي اتغيرت من بنت بريئة لضحية، اتجوزت وبتتعذب. غرام أكلت وخدت دواها ونامت. أول ما نامت، مراد نام على السرير وأخدها في حضنه ودفن وشه في رقبتها وبيشم ريحتها براحة ونام.

تاني يوم الصبح، صحيت غرام وكان مراد حاضنها بتملك. غرام بخوف: في إيه، ابعد عني. مراد صحي بضيق: عايزة إيه يابت. غرام بتعب: وسع، عايزة أخش الحمام، تعبانة. مراد زاح إيديه وغرام نزلت على الأرض بس اتوجعت. مراد: في إيه. غرام بتعب شديد: مش قادرة أقوم. مراد مسح على وشه بضيق وقام شالها وداها الحمام. ونزلوا عشان يفطروا. على السفرة كان قاعد عمران والد مراد، وياسمين والدة مراد، وأخت مراد (منة)

وقعدوا بيفطروا، ومنة وياسمين وعمران اتعرفوا على غرام وحنان والدتها وحبوها جداً. وفجأة دخلت بنت. مراد بصدمة: إنتي إيه اللي جابك. البنت: .... غرام اتصدمت.