رواية طفلة القاسي الفصل الثالث عشر 13 - بقلم دنيا محمد

مراد بغضب: ملك هي اللي عملت كده. الكل: إيه؟ وانت ساكت؟ انت المفروض تتصرف وتجيبها وتسجنها. مراد بخبث: لا، أنا جبتها وحطيتها في مكان ما يخطرش على بال حد، وكمان مجهز خطة هفاجئكم بيها. عمران باستغراب: خطة إيه دي؟ مراد بغمزة: تؤ.. مفاجأة. مراد كان باصص على غرام بحب. حنان وياسمين بضحك: إحنا قاعدين يا أخويا، استنى قربنا نمشي، وبعدين البت تعبانة.

مراد بضحكة وسيمة: معلش بقى، أصلها وحشتني وخوفتني عليها، دي بعيدة عني بقالها تلات أيام. ياسمين بحب: حقك يا ابني، ما هي غرام دي جميلة وطيبة. غرام كان وشها أحمر من قصدهم وقالت بخجل: ءءا أنا عايزة أنام. واتغطت. مراد والكل ضحك عليها. وكلهم قعدوا شوية مع مراد وغرام ومشوا عشان غرام هتطلع بكرة. مراد قعد جنب غرام: عاملة إيه يا غرامي؟ غرام بحب: كويسة يا حبيبي. مراد قرب وباس راسها: عايزك تقومي بس بالسلامة عشان مجهزلك مفاجأة.

غرام باستغراب: مفاجأة إيه يا مراد؟ مراد بضحك: وهتبقى مفاجأة إزاي لو قلتلك يا ذكية؟ غرام بحب: مراد. مراد انتبه ليها: نعم يا حبيبي؟ غرام ببراءة: ممكن أنام في حضنك؟ مراد بعشق: أنا كلي ملكك يا غرامي، تعالي. وقلع جزمته وجاكيت بتاعه ونام بجانبها وأخدها في حضنه. غرام حضنته بقوة، كأنها بتعوض الأيام اللي اتحرمت فيها من حضنه اللي بتحس فيه بالأمان والدفء. تاني يوم. حنان صحت بنشاط ونزلت المطبخ.

حنان للخادمة: معلش عايزة أعمل الأكل النهاردة. الخادمة: مش هينفع يا ست هانم، هتحاسب كده. حنان بطمئنان: متقلقيش، أنا هقولهم عايزة أعملهم الأكل بإيدي عشان بنتي هتطلع من المستشفى النهاردة. الخادمة (أمينة) : لولولييي، ألف مبروك يا ست هانم، ربنا يخليهالكم. حنان طبطبت على الخادمة بحنان. عند آسر. آسر كان عند حبيبة بيطمن عليها. آسر: عاملة إيه يا بيبة؟ حبيبة: كويسة الحمد لله، وانت إيه الأخبار؟ آسر: بخير.. كنت عايزك في موضوع.

حبيبة بتركيز: تمام، موضوع إيه؟ آسر بحب: تقبلي تتجوزيني؟ حبيبة بصدمة، برقت وفتحت بوقها. آسر ضحك عليها. آسر بضحك: ها، موافقة ولا إيه؟ حبيبة بحزن: هترضى بواحدة معندهاش أهل يا آسر. آسر بلهفة: ما يهمونيش، أنا هبقى أهلك وسندك وكل حاجة ليكي. حبيبة بفرحة وحب: موافقة يا آسر. آسر بضحك: لولولييي، ده أنا هعمل أحلى فرح بالله. حبيبة ضحكت. آسر بفرحة: بقولك إيه، فرحنا يوم السبت. حبيبة بصدمة: يخربيتك، سبت إيه ده، بعد تلات أيام؟

هلحق أظبط نفسي امتى. آسر بتأكيد: لالا، أنا مظبط كل حاجة عشان أنا قمور واتحب بسرعة. حبيبة ببوز: والله؟ آسر بغمزة: همشي بقى عشان ألحق أجهز بقية الحاجة يا عروستي. (عند مراد وغرام) مراد كان نايم وغرام نايمة على صدره. مراد فتح عينيه بتعب وقام بكسل يغسل وشه في الحمام. وطلع غرام كانت قامت وفردت دراعها بنوم وقامت. مراد بحب: صباح الخير يا حبيبي. غرام باثار نوم: صباح النور. مراد: قومي استحمي عشان الدكتور يجي يكشف قبل ما تطلعي.

غرام بتعب: حاضر. وقامت بس رجلها كانت مش شايلها. مراد بخيبة أمل: شكلي هفضل أحميكي لحد ما أموت. وشالها. غرام ضربته على كتفه: اتلم، أنا تعبانة شوية عادي، ولما أخف يا أخويا وانت تتعب هبقى أعمل كل ده. مراد باسها من خدها: على قلبي زي العسل. غرام بقمص: والله بعد إيه؟ مراد بضحك: طب اهدي، إحنا في مستشفى. ومراد ساعدها في الاستحمام. وطلعت الدكتور جه وكشف على غرام.

الدكتور بابتسامة: إحنا بقينا عال العال أهو وصحتنا حلوة، بس ياريت تهتمي بغذائك كويس لأنك ضعيفة ومحتاجة تغذية. وهكتبلك شوية فاتيمينات. مراد: تمام، ماشي. الدكتور خرج ومراد جهز شنطة الهدوم بتاعت غرام وجهز كل ده ودفع مصاريف المستشفى وكان شايل غرام وخرج بره المستشفى. ركب عربيته ومركب غرام جنبه. واتحرك بالعربية شوية غرام مالت على كتفه نامت ومراد ابتسم عليها. في البيت.

ياسمين بحب: والله ريحة أكلك حلوة يا حنان، تسلم إيدك الجميلة، بس كنتي تقولي لأمينة وكانت هتعمل. حنان بلطف: عايزة أعملكم أكل من إيدي تشوفوه. ياسمين بدعم: أكيد حلو يا حنان. آسر نزل باستغراب: هو مراد فين يا طنط؟ ياسمين بهزار: تصدق إنك واطي، ده مراد مسحول بقاله أربع أيام وانت ولا هنا. آسر باستغراب: ليه ماله؟ أنا فعلاً بقالي أربع أيام مش بشوفه. ياسمين حكتله كل اللي حصل. آسر بصدمة: وهي غرام كويسة دلوقتي؟

ياسمين بسخرية: زمانهم جايين أصلًا. آسر قرب منها وباس راسها: يا طنط، انتي مش تعرفي انتي ومراد بنسبالي إيه، انتوا أهلي بجد، بس حرفيًا كنت مشغول طول الأربع أيام دول. ياسمين بخبث: ومشغول في إيه بقى؟ مراد هيعلقك. آسر بحب: هتجوز. ياسمين اتصدمت: إيه؟ امتى وإزاي؟ ومين؟ آسر بضحك: هحكيلك يا طنط. تعالي. أخدها وراحوا الجنينة، وحنان كانت بتعمل الأكل بحب. منة نزلت بنشاط: صباح الخير يا طنط حنان.

حنان بحب: بلاش طنط دي يا حبيبتي، انتي زي غرام، قوليلي ماما عادي. منة بحب: حاضر يا ماما. حنان: اقعدي، هحضرلك الفطار والشاي. منة باست راسها: ربنا يخليكي يا ماما حنان. حنان بمداعبة: أما مفيش واد حلو كده يتقدم ليكي يا بت؟ منة بتلقائية: مين قال فيه. منة سكتت بسرعة وبرقت. حنان ضحكت: هحضرلك الفطار ونشوف الموضوع ده بعدين. بعد شوية كان مراد وغرام وصلوا البيت. حنان أول ما شافتهم زغرطت، وياسمين والخدامين زغرطوا.

حنان راحت تحضن غرام: حمدالله على سلامتك يا بنتي، نورتي البيت يا روحي. غرام بحب: الله يسلمك يا أمي. مراد بص على آسر بشر وتوعد، وأخده وراحوا الجنينة. مراد بشر مصطنع: ده انت عيل واطي يا آسر، بقالك أكتر من أربع أيام مش بتسأل عليا خالص ولا كأني صاحبك. آسر بحب: والله انت أكتر من أخويا، بس كنت مشغول عشان هتجوز. مراد بضحك: اه يا أخويا مشغول. وسكت بصدمة: إيه؟ هتجوز؟ آسر بتأكيد: اه، هتجوز. مراد: وهتتجوز مين يا أخويا؟

آسر: ...... مراد: نعم يا أخويا؟