رواية طفلة القاسي الفصل الثاني عشر 12 - بقلم دنيا محمد

مراد بغضب: انتي إيه اللي جابك هنا؟ اطلعي بره. ملك بخبث: ليه كده؟ ده أنا حتى جايا أطمن على غرام. مراد بشك وغضب: امم، وانتِ عرفتي منين بقا يا سِت هانم؟ ملك بتوتر: ها، أصل أنا بعرف كل حاجة عنك يا روحي. مراد اتحرك من مكانه بهدوء، هو خلاص كان اتأكد من الشك بتاعه. مراد مسكها من شعرها جامد وضربها قلم صاروخ حرفيًا.

مراد بغضب أعمى: كنت عارف إن الخطة الوسخة دي منك انتي ي ملك، بس متخافيش، انتي اللي جيتي برجلك، وأنا حالف إني هقتلك لو حصلها بس حاجة. مراد وهو بينادي الحرس: تعالوا امسكوا الزبالة دي ودوها على المخزن وروقوها. البودي جارد مسكوها جامد وبيشدّوها. ملك بعياط ورعب: نبي ي مراد سبني، مش أنا، مش أنا ي مراد، أنا بحبك، سبني نبي.

مراد بدموع: كنتي هتخسريني أحسن حاجة جاتلي في حياتي، اللي عوضتني، وأنا مبحبكيش ي ملك، بكرهك، بكرهك ي ملك. ملك كانت بتصوت بصوت عالي جدًا لدرجة إنها أغمي عليها والدكاترة جت وزعقت. الدكتور بزعيق: إيه المهزلة اللي بتحصل دي؟ وإيه الصوت العالي ده؟ فيه ناس مرضى، يعني ممنوع الصوت العالي. مراد بهدوء مخيف: انت لو اتكلمت معايا بطريقة دي تاني، ههد المستشفى على دماغك، انت متعرفش مين مراد المحمدي ي دكتور ولا إيه.

الدكتور بخوف: أهلاً يا باشا، منور. الدكتور خرج والبودي جارد أخدوا ملك ودوها المخزن بتاع مراد. مراد قعد بهدوء وغرام كانت مغيبة لأنها واخدة بنج. مراد حط إيده على شعرها وفضل يملس عليه بهدوء. مراد بحب: بحبك وحبيتك ي غرامي، بس فوقيلي، وأنا هعوضك. عندي مي وسهى. سهى بشر: البت اللي اسمها غرام دي، أنا عايزاها تطلق من مراد. مي بغيظ: أيوه فعلًا ي ماما، عشان ميلقاش غيري قدامه، وأنا أبقى حرم مراد المحمدي.

سهى بخبث: صدقيني هيحصل، بس اتكي ع الصبر، وأنا هعملها خطة كبيرة. مي بفرحة: أيوه بقا ي ماما، فاجئيني. في البيت. عمران بحزن: والله البيت وحش من غير غرام. ياسمين بمواساة: هي إن شاء الله هتقوم بألف سلامة، هي وحشتني والله، وحنان تعبانة ونايمة من ساعة ما جينا. محمدي: مراد هيعرف مين اللي عمل كده، وهو هيتصرف.

منة بحزن شديد: غرام دي طيبة أوي، معوضاني عن الأخت والصحاب، وكل أسرارنا مع بعض، من أول ما جيت من بره، وأنا بفضل أتكلم معاها كتير. ياسمين بحب: هتقوم بسلامة إن شاء الله، ومدام فاقت يبقى أكيد عدت الخطر. كلهم طلعوا يناموا، بس كان البيت مليان بالحزن. في الصباح. غرام صحت بتعب ودوخة رهيبة. لقت مراد قاعد قدامها على كرسي نايم وماسك إيديها. غرام بضعف: مراد قوم، رقبتك هتوجعك. مراد صحي بسرعة: مالك؟ انتي كويسة؟ حاسة بحاجة؟

غرام بحنية: اهدي، اهدي بس، أنا كويسة، بقولك قوم نام جنبي عشان رقبتك هتوجعك. مراد برفض: لالا، خدي راحتك انتي بس. غرام اتعدلت ومراد ساعدها. غرام: الكانيولا اللي في إيدي وجعاني أوي وعايزة آخد شور. مراد بإرهاق: حاضر ي حبيبي. قام وشالها براحة جدًا ودخلها الحمام. غرام بكسوف: إيه ده؟ أنا هعمل لوحدي. مراد بضيق: يشيخة اسكتي، وانتِ قادرة تقفي أصلًا عشان أسيبك لوحدك. غرام سكتت بكسوف. مراد اتصل بـ منة تجيب هدوم لـ غرام.

منة حضرت هدوم لـ غرام. وصلت المستشفى. مراد ساب غرام قاعدة في الحمام وطلع أخد الهدوم من منة. مراد باس رأس أخته: حبيبتي، شكراً، تعبتك. منة حضنت مراد جامد وعيطت. مراد بتهدئة: خلاص ي منوش، هي هتبقى كويسة، اهدي بس، وكمان هي يومين وهتروح البيت وترجع تاني. منة: طب أنا هاروح ي مراد وأجيلكم بليل. مراد بحب: تمام، انتي جيتي بعربيتك؟ منة بتأكيد: آه. مراد: طب كويس، خلي بالك على نفسك. منة حضنته ومشيت. مراد دخل وساعد غرام في اللبس.

غرام بتعب: أنا نفسي أروح بقا، ماما وحشتني. مراد بحب: هخليها تجيلك بليل مع منة ي حبيبتي. غرام مسكت إيد مراد وبوستها: شكراً ي مراد على وقفتك جنبي بجد، كل حاجة بتبقى في ضهري وجنبي فيها بجد، انت أحسن زوج. مراد بحب: غرام، انتي متعرفيش دخلتي حياتي غيرتيها إزاي، أنا بطلت الشرب بسببك وبقيت بصلي، وحتى كل حاجة عملتها معاكي ندمت عليها ألف مرة، وكنت هضيعك من إيدي.

كل ده عشان كنت شايف البنات كلها بتحب فلوسي مش أنا، لأ، انتي وردة، بتفرحك ي غرام، انتي بسيطة وهادية أوي، ومفيش شكر بين الأزواج، إحنا بنكمل بعض. غرام قربت من مراد وحضنته، ومراد دفن وشه في حضنها باشتياق ليها. مراد بحب: ارجعيلي بقا، عايز أشبع منك، وحشتيني. غرام بحب: هرجعلك يا أخويا، أقوم بس من اللي أنا فيه. مراد باس راسها وطلب ليهم أكل عشان كانوا من امبارح مأكلوش. نروح لشخص. عثمان

كان بيرن على ملك كتير: يووه، متردي بقا... شكلها هتاكل عليا الفلوس، بس وربنا أقتلها لو متدنيش فلوس. عندك ملك كانت مسحولة من الضرب الشديد اللي حصل بأمر من مراد. جه الليل ومنة وحنان وياسمين وعمران ومحمد كانوا عند مراد وغرام. حنان قاعدة جنب غرام وعمالة تبوس راسها وحضناها: ألف سلامة عليكي يابنتي. غرام بحب: الله يسلمك ي ماما. عمران ومحمدي: إحنا لازم نعرف مين اللي عمل كده. مراد بغضب: أنا عرفت. كلهم بتركيز: مين؟!

مراد بعصبية: ملك بنت الـ.... الكل بصدمة: إيه؟!