رواية طفلة القاسي الفصل الثاني 2 - بقلم دنيا محمد

تاني يوم الصبح مراد صحي ودخل يستحمي ولبس ونزل يفطر ويروح الشركة. على الفطار: محمدي: ابقي جهز نفسك فرحك بكرة والناس بتوضب البيت لازم تشوف معاهم. مراد بهدوء: تمام.. لما أرجع من الشركة لأن عندي شغل. محمدي هز راسه ومراد أكل ومشي. مراد دخل شركته بكل هيبة وغرور. الموظفين كلهم استقبلوه باحترام. مراد: كل الشغل اللي أنا مشوفتهوش يجيلي على المكتب حالا. السكرتيرة: تمام يا فندم.

مراد دخل مكتبه واتصل بناس تروح البيت تعمل أجواء الفرح لأنه هيعملوه في الجنينة الفيلا. عند غرام: حنان بحب: بصي يا غرام مش عايزة أقولك تقلقي، اهدى وهو والله ما هيعمل معاكي حاجة مش هيؤذيكي. غرام بهدوء: خلاص يا ماما حاضر. حنان: المهم لازم تجهزي عشان فرحك بكرة. غرام: حاضر يا ماما. محمدي اتصل على حنان. حنان: الو يا حج أخبارك. محمدي: الحمد لله بخير.. تعالي انتي وغرام النهارده القصر عشان تجهزوا فيه.

حنان: ملوش لازمة يا حج محنا بنجهز. محمدي: أنا قلت تعالي انتي وهي وخلاص مش هغير كلمتي. حنان بابتسامة: حاضر يا حج. محمدي: هبعت السواق يوصلكم لحد هنا. حنان قفلت معاه وجهزت الشنط عشان يروحوا البيت. نروح لمراد. كان قاعد بيشتغل، فجأة بنت دخلت له. البنت بدلع: ازيك يا مراد، أي موحشتكش؟ مراد بصدمة: انتي أي اللي جابك هنا يابنت انتي؟ اطلعي برة. ملك: لا يا مراد، إحنا اللي بينا حب يعني انت عايز تبيعني؟

مراد بعصبية: وأنا مش عايزك حبيتك فترة وخلاص، وبعدين أصلاً أنا هتجوز بكرة. ملك بغضب: يعني أي هتتجوز بكرة؟ انت مش هتتجوز غيري ولو اتجوزتها هقت'لك. انت فاهم؟ مراد اتعصب وضربها بالقلم جامد. مراد بغضب جحيمي: لو بس فكرتي تقربي مني أو منها هتشوفي أيام سودة مني، انتي فاهمة؟ وشدها ويلا غوري اطلعي برة، أنا مبحبكيش أي القرف ده. ملك بشر وتوعد: ماشي يا مراد بس متخافش مش هتفرح كتير. مراد بغضب: اطلعي برة.

الموظفين كلهم كانوا قاعدين بيتفرجوا على اللي بيحصل. مراد بغضب وزعيق: كله يبص قدامه ويركز في شغله، أي بتدخلوا لي في اللي ملكوش فيه؟ كلو يبص قدامه في اللي بيعمله. مراد رجع المكتب وآسر دخله. آسر باستغراب: في أي؟ أي الزعيق ده كله؟ أنا قاعد في مكتبي وقطعت الخلف من الخضة. مراد بعصبية: ونبي روح انت كمان، أنا مش ناقص. آسر قعد: لا فيه أي يا مراد حصل أي؟ مراد: ملك بنت ال...

جاتلي وزعقت وقالتلي مش هتجوز غيري واتجننت وتقولي هقت'لك مراتك لو متجوزتنيش أنا. آسر: أنا ياما قولتلك بلاش تصاحب أو تحب دي، دي مجنونة وبنت مش كويسة أصلاً. مراد بعصبية: خلاص بقا اللي حصل حصل، فيه أي؟ آسر اتنهد: خلينا نشوف شغلنا أحسن يا عم. مراد ببرود: يبقى أحسن. غرام وحنان وصلوا القصر ودخلوا البيت. محمدي استقبلهم بارتياح شديد. محمدي ببهجة: يا أهلاً وسهلاً نورتوا البيت كله. حنان بذوق: ده بنورك يا حج تسلم.

محمدي: يا سماح. سماح (الخادمة) : أمرك يا بيه. محمدي: جهزي أوضتين للقمر دي وأمها يلا. سماح أخدت الشنط وطلعت. محمدي قعدهم في الصالة. عمران ومراته هييجوا بكرة ويسافروا بعد يومين بعد الفرح. حنان: ينوروا يا حج بقالي زمن مشوفتهمش، وياريت أخت مراد القمر دي تيجي مشوفتهاش خالص. محمدي: كلهم هييجوا عشان فرح مراد وغرام. محمدي بحب: عاملة أي يا بنت أخويا؟ غرام برقة وابتسامة: الحمد لله يا عمي، حضرتك عامل أي؟

محمدي: أنا كويس.. آخر مرة شفتك كنتي صغيرة تيجي أربع سنين بس كبرتي وبقيتي قمر. غرام بحب: شكراً يا عمي. في المساء خلص مراد شغله ورجع البيت. بس غرام كانت قاعدة في الجنينة، فشاف جسم بنت صغيرة قاعدة هناك جنب الشجر، فراح لها. مراد باستغراب: انتي مين؟ غرام: أنا غرام، وانت مين؟ مراد بصدمة: انتي غرام؟ غرام استغربت صدمته: أيوه أنا. مراد كان مصدوم من جمالها الغير طبيعي، وهو اتعامل مع بنات جميلة بس كلهم كانوا عمليات.

مراد بتوهان: أنا مراد يا غرام. غرام: آه انت العريس صح؟ مراد بجدية: للأسف أنا العريس. غرام بصدمة: يعني أي للأسف؟ مراد: يعني أنا مغصوب أصلاً. غرام بزعل: تمام، أنا هطلع أنام. وقبل ما تطلع مسك إيديها وقال: استني اتعشي معانا واطلعي. غرام بضيق: لا مش عايزة أقعد معاك. مراد بغمزة: ده أنا فرحي عليكي بكرة وكده كده هتقعدي معايا.. وخلصي وتعالي اتعشي وبعدها اتخمدي. غرام بعصبية: هو فيه أي؟ متتكلم بأسلوب أحسن من كده.

مراد بعصبية: متتكلمي عدل يابنت. غرام: ملكش دعوة خليك في حالك أحسن. مراد بتوعد: كده تمام، تعالي اتزفتي اتعشي وبعدها اطلعي نامي وحسابي بكرة معاكي بعد الفرح. غرام بقرف سابته وراحت تتعشى. محمدي بضحك: انتوا اتعرفتوا على بعض ولا أي؟ غرام: آه يا عمي. مراد بقرف: آه للأسف اتعرفت عليها. محمدي: وبعدين يا مراد ميصحش كده. خلصوا أكل وغرام طلعت تنام. بس حست بحركة في الأوضة. غرام صحيت وفتحت النور لقت مراد قدامها.

غرام بصويت: عااااا الحقوني. مراد راح كتم بوقها: لو صوتي تاني هعلمك الأدب، ماشي؟ اخرسي خالص. غرام هزت راسها، مراد سابها. مراد: اسمعي بقا يابنت انتي أنا مغصوب عليكي أصلاً في الجوازة دي، فياريت تتجانبيني تمام. غرام بقرف: وأنا أصلاً مش عايزة، انت هتجوزني عشان جدك طلب مني كده، لاكن أنا ذات نفسي مفيش حاجة في نفسي أبقى على اسمك. مراد كان خلاص فقد سيطرته وراح ضربها قلم وشدها من شعرها. مراد بهمس مرعب: هتشوفي أيام سودة معايا.

عشق عمالة تزق فيه: أوعي. بقا مش طايقة قربك، أي القرف ده؟ ابعد. مراد شد على شعرها جامد: هتخرسي وتكتمي ومتقوليش الكلام ده، ولا تحبي أكمل فيكي؟ غرام: ....... مراد بصدمة: نعم؟؟!