رواية طفلة القاسي الفصل الثالث 3 - بقلم دنيا محمد

غرام: أنا مش عايزة اتجوزك. مراد بصدمة: نعم. وأكمل بصوت مرعب: اسمعي بقا ي حلوة، هتجوزيني غصب عنك، انتي فاهمة؟ أنا مش ناقص وجع دماغ، انتي عارفة إني مش هاخد ورث لو متجوزتكيش. غرام بعياط: مليش دعوة. مراد بغمزة: هنشوف بكره كلام مين اللي هيمشي. غرام قعدت تعيط لحد ما نامت. تاني يوم الصبح كانت الفيلا مزدحمة بالناس بتجهزها. ومراد جهز بدلته. وغرام كانت بتجهز نفسها بضيق وقرف. بليل، الفرح كان شغال، والأغاني والموسيقى عالية جدًا، وكله كان فرحان والجو حلو. جه كتب الكتاب. الشيخ: موافق يابني تتزوج من غرام مدحت محمدي؟ مراد: موافق. الشيخ: موافقة يابنتي تتزوجي من مراد عمران محمدي؟ غرام بضيق: لاء... قصدي آه. الشيخ باستغراب: تمام. (بارك الله لكما وبارك عليكما وجمع بينكما في خير). والأغاني والجو اشتغل والزغاريط علت. ومامت غرام كانت بتعيط. غرام راحت حضنتها جامد. حنان: خلي بالك ع نفسك ي حبيبتي، ابقي طمنيني عليكي. غرام مسحت دموعها وباست أمها. خلص الفرح، ومحمدي قال لمراد ياخد غرام ويطلعوا. مراد وغرام دخلوا الأوضة. مراد قفل باب الأوضة وقرب من غرام. غرام بخوف: في إيه؟ عايز إيه؟ بتقرب لي؟ مراد وعليه ابتسامة خبيثة ولسه هيقرب، بس حصل.