رواية طفلة النمر الفصل العاشر 10 - بقلم بشري شريف

الباب اتفتح بقوة ودخل شاب كان وسيم جداً. نمر بغضب: "إزاي تدخل كدا؟ " وبص وسكت بصدمة وفرحة وقام حضن الشاب وقال: "عمر وحشتني، انت رجعت إمتى؟ عمر حضنه بحب واشتياق وقال: "لسه واصل يا صاحبي وجيت على هنا على طول." نمر: "تعالى يا عمر." وصال براءة: "مين دا يا بابا؟ نمر: "دا عمر صاحبي." عمر بص بصدمة وقال: "انت اتجوزت وخلفت إمتى وإزاي أصلاً؟ دي كبيرة بس قمورة." نمر: "عمر لم نفسك ها." عمر: "حاضر يعم، بس قول لي إيه الموضوع؟

البنت دي، انت إزاي تكسر الأوامر وما توديش ليهم البنت؟ نمر: "وصال حبيبتي، خدي الفون وروحي العبي بعيد." وصال هزت رأسها بمعنى حاضر وفعلاً بعدت. نمر: "آه يبقى انت نازل عشان كدا. طب أحب أقول لكِ، وصال هـ تفضل معايا وأنت جيت على الفاضي، فـ ارجع يا عمر." عمر: "نمر، أنت عارف إني رجعت عشان أنت وماما فاطمة وحشتوني. وبعدين هي وصال دي البنت اللي المفروض تروح ليهم؟ نمر: "آه باينة أوي. يعني أنا خلفت ولا فاتح حضانة؟

عمر: "يا عم ما أخدتش بالي وأنا معاك إنها جميلة وبريئة، بس ماينفعش." نمر بهدوء: "عمر، ده آخر قرار عندي، وبس بقى عشان عندي شغل كتير." عمر كان هـ يتكلم. نمر: "عمر، أنت لو مش متقبل وصال، فـ دي حاجة ترجع ليك أنت. غير وصال مش هـ تروح في حتة." عمر بص له وقال: "تمام يا نمر." وقام وخرج. وصال قربت منه وقالت ببراءة: "هو عمو دا مش عايزني؟ نمر: "ليه بتقولي كدا؟ ده حتى قال عليكِ قمورة." وصال: "مش عارفة، بس أنا حسيت بكدا."

نمر: "لا يا قلبي، ويلا روحي العبي." وصال: "حاضر." وصال بعدت وفضلت تلعب بس كانت متبهدلة. نمر قرب منها وشالها وسرح ليها شعرها وضبطها، وبعد ما خلص وصال شدت التوكة من شعرها بطفولة شديدة وقالت ببراءة: "مش عارفة مده الكارثة اللي عملتها إيه؟ كدا أحلى." نمر كان متنح وقال: "منك لله يا وصال، يعني بعد التعب دا وأنا بعمل لكِ في تسريحة تعملي كدا؟ وصال ببراءة: "انت بتدعي عليا يا بابا؟

نمر وهو بيلففها: "لا يختي، تعالي أسرح شعرك." وسرحه ليها وسابوا مفرود على ظهرها وقام يكمل شغل ووصال فضلت تلعب. أما في القصر. دخل الرجال غرفة وصال عشان يخطفوها بس ما لقوش وصال. وفجأة الباب اتفتح ودخلوا رجال نمر ومسكوا الرجال وراحوا على المخزن. فاطمة: "الو يا نمر، الرجالة في المخزن." نمر: "تمام." فلاش باك. نمر: "الو." راجل من رجالتُه: "الرغيم بعت رجالة تخطف وصال." نمر بغضب: "تمام، اقفل." قفل واتصل بفاطمة وقال لها.

فاطمة: "ده نفس الحلم اللي حلمته." نمر باستغراب: "حلم إيه؟ فاطمة حكت الحلم. نمر: "عشان كدا قولتي لي آخد وصال." فاطمة: "آه." نمر: "أنا هكلم البودي جارد إنهم يسيبوا المكان بس يفضل اتنين تلاتة." فاطمة: "تمام." إند باك. نمر فضل يشتغل ونسي نفسه ونسي وصال اللي ما أكلتش حاجة. ودخلت عليه السكرتيرة اللي شافت وصال نايمة على الأرض ومعاها الفون. السكرتيرة: "نمر بيه، بنت حضرتك نامت على الأرض." نمر وهو مش مركز: "بنت مين يا مريم؟

مريم: "البنت اللي أنت جبتها معاك." نمر افتكرها وبص عليها وبص في الساعة لقاها واحدة. نمر قال بتعب: "مريم، هاتي أكل ليها وتعالي أكليها." مريم: "حاضر يا نمر بيه." وبعد نص ساعة دخلت مريم وراحت شالت وصال وحطتها على رجليها وهي قعدت على الأرض وبدأت تصحى وصال وهي بتقول: "أنتي يا... وبصت على نمر. نمر: "اسمها وصال." مريم بابتسامة: "ما شاء الله، اسمها حلو وهي أحلى. ربنا يبارك لك فيها." نمر ابتسم، ودي أول مرة يبتسم، وبذات لبنت.

مريم بطيبة: "وصال، وصال." وصال فتحت عينيها وقالت: "نعم يا تيتا." مريم بابتسامة: "أنا مش تيتا، أنا مريم." وصال ببراءة: "إزيك يا طنط؟ مريم بابتسامة: "لا يا ستي، أنا اسمي مريم بس." وصال ببراءة: "لا كدا عيب، وماما قالت لي كدا." مريم بابتسامة: "لا يا ستي مش عيب، أنا اللي بطلب منك كدا." وصال: "حاضر." مريم: "يلا عشان تاكلي." وصال: "تؤتؤ، مش عايزة." نمر قال: "لا يا وصالي، لازم تاكلي." وصال: "حاضر."

بعد ما وصال أكلت، مريم فضلت تلعب معاها وكل دا ونمر مراقبهم ومبتسم. وبص لمريم وهو بيفكر في حاجة.