رواية طفلة النمر الفصل الحادي عشر 11 - بقلم بشري شريف

بعد ما وصال قالت مريم فضلت تلعب معاها وكل دا ونمر مراقبهم ومبتسم وبص لمريم وهو بيفكر في حاجة. نمر: مريم. مريم: نعم يا نمر بيه. نمر: انتي وراكي شغل. مريم: لا. نمر: طب لو عاوزة تروحي روحي. مريم: أنا هقعد مع وصال شوية. نمر: تمام. نمر رجع يشتغل تاني وعلى الساعة 5. مريم: مستر نمر. نمر: امممم. مريم: أنا همشي ووصال نامت. نمر بص على وصال وقال: تمام اتفضلي انتي. مريم بابتسامة: بعد إذنك. وخرجت وبعد ساعتين صحيت

وصال وقربت من نمر وقالت: بابا. نمر ساب الورق بتعب وشالها حطها على المكتب وقال: نعم. وصال: أنا جعانة. نمر: حاضر تاكلي إيه. وصال بخجل وصوت واطي: شاورما. نمر سمعها وقال: طب ليه مكسوفة وبتقولي بصوت واطي. وصال: عشان ماما قالت لي إني مش ينفع أطلب طلبات كتير وأنا بطلب طلبات كتير. نمر بابتسامة: لا يا ستي معايا اطلبي اللي انتي عاوزة. وصال حضنته بفرحة وقالت: أنت أحلى بابا. نمر حضنها وقال: يلا عشان نطلب.

وفعلاً طلبوا وبعد وقت دخل السكيروتي بالأكل ونمر ووصال كلوا ونمر عمل لنفسه قهوة وبعد ساعات. نمر: الو. فاطمة: إيه يا ابني كل دا والفون مقفول ليه. نمر: مش عارف بس ممكن شبكة. فاطمة: طب قدامك قد إيه. نمر بتعب: مش عارف لسه شوية ورايا شغل كتير أوي أوي يعني عشان الصفقات اللي داخل فيها. فاطمة: لا تعالي وكمل بكرة الوقت اتأخر أوي. نمر: ليه الساعة كام. فاطمة: الفجر قرب يأذن.

نمر بصدمة: إيه كل دا وأنا لسه ما خلصتش وفي شغل كتير كمان. فاطمة: معلش يا ابني بس أنت كنت مقصر في الشركة وكنت بتروحها كل فين وفين. نمر: يلا مش مهم أنا جاي دلوقتي. نمر وقف وبص لقى وصال نايمة شالها وخرج وبعد وقت وصل وطلع نام وصال وراح غرفة فاطمة. فاطمة: أنت جيت يا حبيبي. نمر باس راسها وقال: آه. فاطمة: طب روح نام. نمر: حاضر أه عمر رجع وجاي بكرة وسلمى هتوصل بكرة على العصر. فاطمة: توصل بسلامة بس عمر دا حسابه معايا كبير.

نمر: معلش بقى أصلاً إحنا اتخانقنا. فاطمة: ليه. نمر: عايزني أودي وصال ليهم. فاطمة: معلش بس أنت عارف عمر بيخاف عليك أوي. نمر وهو بيقوم: عارف يلا تصبحي على الجنة. فاطمة: وأنت من أهلها. نمر خرج وراح الأوضة غير ونام. تاني يوم وصال صحيت وقامت وقالت: بابا بابا. نمر بنوم: إيه. وصال: أنا حلمت بحلم. نمر: حلو ولا وحش. وصال: مش عارفة بس هو. وحكت يوم امبارح. نمر بضحك: بس دا حقيقي. وصال: بجد. نمر: آه.

وبص في الساعة وقال: يدوب أقوم عشان أروح الشركة وأرجع تاني. وصال قامت ونزلت جري على تحت. نمر بص على باب الأوضة وهو مش فاهم حاجة وقام يلبس. أما تحت. وصال: داده يلا تعالي عشان ألبس عشان أروح مع بابا. سعاد: وهتسبيني. وصال: معلش بقى. هاجر: طب إحنا مش قعدنا معاكي امبارح. وصال: معلش لما أجي ها أقعد معاكم. سعاد: تمام. هاجر حضري الفطار. هاجر: حاضر. بعد وقت على السفرة دخلت وصال.

نمر بص عليها وانصدم كانت ملاك و فيها جمال و انوثة. وصال كانت لابسة فستان قصير وفاردة شعرها مع شفايفها الوردية الطبيعية وخدودها الحمرا مع عينيها البني وشعرها العسلي اللي ينور في الشمس. نمر قال: لابسة ليه. وصال: هاجي معاك. نمر بغيرة: لا. وصال: عشان خاطري عايزة أشوف مريم. نمر: طب اطلعي غيري. سعاد: يا نمر بيه وصال طفلة وحقه تلبس كده. نمر قال بغيرة: هو دا شكل طفلة. فاطمة ضحكت وقالت: آه. نمر: تمام اقعدي كلي.

وصال حضنته بفرحة وقعدوا ياكلوا. وبعد وقت دخل عمر وقال: أنا جيت. وصال: عمو الوحش جه. فاطمة ونمر كتموا ضحكتهم وعمر بص عليها بغيظ.