رواية طفلة النمر الفصل السادس عشر 16 - بقلم بشري شريف

نمر بغضب: اه يا كلب. وبص لوصال وقال بحب وطيبة: تعالي يا وصالي. وكان بيقرب عليها. وصال بعدت عنه بخوف. نمر بص عليها بصدمة. نمر: وصال تعالي. وصال بعدت بخوف وعياط وهي بتبص على المسدس. نمر لعمر قال بغضب: خد الحيوان دا برا. عمر خد هشام وخرج. نمر رمى المسدس وقرب من وصال وشالها وقال: اهدى. وصال حضنته وهي بتعيط وبتقول: مش تموتني. نمر حضنها وقال: أكيد لأ. مين اللي قالك كده؟ وصال: عمو. نمر طبطب عليها وقال: ما تخافيش. وخرج.

هشام بغضب: هموتك يا نمر. بس قبل ما أموتك هاخدها عليك وأموتها قدامك. وصال خطفت وحضنت نمر جامد. نمر بغضب: خدوه. الرجالة خدت هشام للمخزن. ونمر وعمر خرجوا ركبوا العربية. وعمر اللي كان بيسوق لأن وصال كانت رافضة تسيب نمر. نمر بص عليها لقاها نامت ولاحظ هي لابسة إيه. نمر لنفسه: دا لازم الكل يكون عايزك. وقلع الجاكت وغطاها بيه. أما في القصر في جهة تانية كان في حد بيتكلم في الفون.

البنت بغضب: لا أنا عايزة فلوسي. ما ليش دعوة. نمر خد البت ولا لأ. أنا ساعدتكم ومشيت الحارس من عند الباب عشان تدخلوا. وخاطرت بنفسي. مش عشان تقولولي ما فيش فلوس. الراجل: تمام هبعتلك فلوسك. وقفل. الراجل التاني: ليه ما نخلص عليها؟ الراجل الأول: هنخلص بس مش دلوقتي. لسه محتاجينها. وبعد وقت نمر وعمر وصلوا ودخلوا. الكل جرى عليه. فاطمة بقلق: وصال حصل لها حاجة؟ نمر: لا الحمد لله. فاطمة: طب هاتها. نمر وهو بيمشي يقعد

وبينيم وصال على رجله قال: لا سيبيها يا أمي. مريم: طب نطمن عليها. نمر: هي كويسة. سلمى: هي مين دي؟ وأنت مش راضي تديها ليهم ليه؟ نمر: لأنها نايمة. وصال بدأت تفوق من صوت الدوشة وشالت الجاكت من على وشها وبصت لهم. فاطمة بحب وقلق: أنتِ كويسة؟ وصال هزت راسها وقالت: أه يا تيته. وشالت الجاكت من عليها خالص وقامت عشان تروح لفاطمة. فاطمة أخدتها في حضنها وقالت: الحمد لله إنك كويسة يا قلبي. وصال طلعت من حضنها وكانت ها تروح

لنمر بس سيف حضنها وقال: وصال. وصال بعدت بسرعة. نمر بص بغضب بسيط وقال: إيه دا يا سيف؟ وصال بصت عليه وقالت بفرحة: سيف. وقربت منه وحضنته. سيف حضنها وقال: عاملة إيه؟ سلمى قربت ونزلت شالت وصال وقالت: وحشتيني أوي يا أزغة يا لمضة. وصال حضنته وقالت: وحشتيني أوي يا ماما سلمى. سلمى: فين سماح؟ وصال بدموع: نامت. سلمى: امممم. طيب روحي العبي مع سيف. وصال نزلت ومسكت إيده وقالت: تعالي يا سيف أوريك ألعابي. سيف: يلا.

مريم: طب مش ها تاخديني معاكي يا سوسو؟ وصال: تعالي أنتِ ودادة سعاد. هاجر: وأنا؟ وصال: لا لا أنتِ روحي اعملي الأكل. مش تيجي معايا. الكل ضحك وهاجر اتغاظت ومشيت. نمر: وصالي. وصال: نعم. نمر قرب شالها ومشي. سيف: يا خالو هات وصال. نمر: مريم خدي سيف واطلعي مع سعاد. ها تروح الأوضة بتاعت وصال. وطلع دخل الأوضة بتاعته وقعد وقعد وصال على رجله وقال: احكيلي حصل إيه وزفت دا قال إيه. وصال: حاضر. وحكت كل حاجة. نمر بغضب: ابن الـ*****

وكمل بهدوء لوصال: شاطرة يا وصالي. وصال حضنته وقالت: أنت مش زعلان مني؟ نمر: بصي زعلان حبة صغيرين لأنك خوفتي مني. وصال بدموع: طب مش تزعل. نمر: امممم عايزني مش أزعل. وصال: أه. نمر شاور على خده. وصال بسته وحضنته وقالت: مش زعلان. نمر: لا يا ستي. ويلا روحي العبي مع سيف. بس صح أنتِ عارفة سيف إزاي؟ وصال: مش عارفة. أنا كنت بكبر وأنا بلعب مع سيف لحد ما هو سافر.

نمر افتكر زمان لما كان بيروح عند سلمى كان بيشوف طفلين بنت وولد وست كبيرة. كان دايما بيحب يشيل البنت عن سيف. وهي عندها سنتين. هو سافر وعرف إن دي وصال. فابتسم وقال: روحي العبي مع سيف. وصال راحت. ونمر نزل قعد مع سلمى وفاطمة. سلمى: هي سماح تعبانة؟ نمر: لا. سلمى: امال نايمة ليه؟ ووصال الأوضة بتاعتها فوق ليه؟ نمر: سماح ماتت من أربع سنين. سلمى بصدمة: إيه؟ نمر حكى قصة وصال ما عدا إن في ناس عايزينها.

سلمى: تمام. أنا هاخد بالي من وصال. أما عند أبو وصال كان في شقة وبيقول: اتهدي بقى. الست بعياط: أبوس إيدك ارحمني. أبو وصال وهو بيفكر: طب أجيبها إزاي؟ ما هو أنا غبي. كان لازم أسيبها تهرب مني. أهو مش عارف أجيبها. الست بصوت واطي: عقبالي.