رواية طفلة النمر الفصل السابع عشر 17 - بقلم بشري شريف

دخل حامد. سلمى جريت عليه وحضنته وقالت: بابا وحشتني. حامد بعدّها بقسوة وقال: اه اه. سلمى بصت عليه بحزن وطلعت فوق ودخلت غرفة وصال تلعب معاهم. نمر: نعم. حامد: إيه يا نمر المعاملة دي؟ نمر: ما أنا قلت لك مافيش كلام بينا. حامد: ليه بقى؟ نمر: ليه مش عارف ليه، مش كفاية أمي اللي ماتت بسببك، وأختي اللي جوزتها غصب عنها لواحد حقير. حامد ببرود: وأنت مالك بالموضوع؟

نمر بغضب: مالي لا مالي، دي أختي جوزتها وهي عندها 15 سنة، جوزتها وهي طفلة، عارفة لولا إني كنت طفل ومش عارف حاجة كنت وقفت ليك. فاطمة: عيب يا نمر، مهما كان دا أبوك، وعيب كدا. نمر بص بغضب وطلع. ودخل أوضته ودخلت عليه سلمى. سلمى قربت وحضنته وقالت: ليه كدا يا نمر؟ نمر حضنها وعيط زي الأطفال وقال: أنا مش عارف ليه بيعمل كدا معانا. سلمى ضمته أكتر وقالت: سيبك منه وقولي مش ناوي تتجوز؟ نمر: لا. سلمى: ليه بس؟ أجيب لك عروسة قمر.

نمر: إيه انتي هتعملي عليا الشغل دا؟ قومي يا بت. سلمى: لا لا عييييب، أنا أكبر منك بخمس سنين بحالهم. نمر: قومي يا أوزعة. سلمى ضحكت وقالت: هجوزك يعني هجوزك. نمر: غورى يا بت عايز أنام. سلمى خرجت وهي بتضحك. وبعد وقت صغير دخلت فاطمة. نمر: نعم يا ماما. فاطمة: انسى يا نمر وقرب من أبوك. نمر بهدوء: مش هقرب يا ماما. فاطمة: يا نمر. نمر وهو بيلف جسمه عشان ينام قال: تصبحي على الجنة يا ماما.

فاطمة بصت لي وقالت: وأنت من أهلها يا ابني وخرجت. وبعد وقت دخل عمر. عمر: نمر. نمر: اممم. عمر: عامل أبوك كويس، أنا أعرف إنه غلط وغلط كبير بس الموضوع دا عدى عليه سنين كتير. نمر: برا يا عمر. عمر: فاكر يا صاحبي. نمر: برااا يا عمر. عمر: حاضر وخرج. وبعد وقت دخلت وصال وراحت وقفت قدام وشه. نمر حس إن في حد واقف قدامه، قال: هو أنا مش هنام بقى؟ وفتح عينه وقال: مين تاني عاوز يتكلم؟ وصال قربت وطلعت على السرير ودخلت في حضنه.

نمر ابتسم لما عرف إنها وصال لأنه ماكنش شايفها بسبب إن النور مقفول. نمر حضنها وقال: آي يا وصالي. وصال بتعب من اليوم: أنا عايزة أنام. نمر: تعالي ننام أنا وأنتي. أما تحت. مريم: أنا همشي أنا. فاطمة: لا استني يا بنتي. مريم: معلش يا حجة فاطمة لازم أمشي. عمر: استني يا آنسة مريم. مريم: استني إيه تاني؟ عمر: استني نمر لما ينزل عشان ما يتعصبش. مريم: حاضر. وبعد وقت سعاد طلعت وخبطت على الباب. نمر صحي وقام فتح.

سعاد: نمر بيه الغداء اتجهز. نمر: تمام نازل يا سعاد. وبعد وقت نزل نمر ومعاه وصال اللي نايمة على كتفه. وقعد وقعد وصال في الكرسي اللي جنبه. فاطمة: دي نايمة خالص. وصال فتحت عينيها وقالت: أنا عايزة أنام. نمر: قلت لا، ناكل وبعدين ننام. وصال: يووووه. عمر: كلي يا بت من غير دوشة. وصال طلعت له لسانها. سيف قرب وقعد على الكرسي اللي جنبها وقال: تعالي يا وصال ناكل أنا وأنتي. وصال: بس أنا عايزة أنام. مريم: كلي شوية ونامي.

وصال هزت رأسها بالموافقة. عمر: طب ما كان من الأول. وصال: وأنت مالك. عمر بص عليها بغيظ. حامد بغضب: إيه شغل العيال الصغيرة دا؟ وصال خافت ونزلت من الكرسي مسكت في نمر. نمر طبطب عليها وقال: حامد بيه، أنت جاي هنا تقعد يومين يبقى تلتزم بالقوانين. حامد بص عليه بغضب. نمر شال وصال وقعدها على الكرسي تاني وبدأ ياكل وياكلها. وبعد الأكل. مريم: أنا همشي. نمر: تمام يا مريم. عمر: استنى هوصلك يا آنسة. نمر: لا خليك يا عمر، أنا هوصلها.

وبعد وقت نمر رجع والكل نام بعد يوم طويل. وبعد سنتين، في السنتين دي وصال اتعلمت وبتروح مدرسة بس مش بتخرج إلا مع نمر. وفي السنتين دول في قصة حب اتنشأت، وفي يوم دخلت مريم المكتب. نمر بخجل من النظرات التي تلاحقها في كل اتجاه. نمر ببتسامة: حطي القهوة هنا يا مريم. مريم بخجل: حاضر. وخرجت بسرعة. عمر: هتعمل إيه يا نمر في الجماعة؟ نمر: أنا عايز أنهي الموضوع. عمر: أنا مش عارف أنت مستني إيه. نمر: مش أنا اللي مستني.

عمر: اااااه طيب، بس أهم حاجة إنهم نسوا وصال. نمر: آه بس الكل هشام لسه. عمر: الواد دا عايز يموت. نمر: هيحصل بس أنا مش عايز موته وأنا أتسجن، كله جاي. عمر: بس هو اتلم عن المرة اللي فاتت. نمر: دا أكيد، أنا ماكنتش هسيبه بس لولا إن الجماعة اتصلوا بيا. فلاش باك. نمر دخل المخزن لاقى هشام مرمي على الأرض من كتر التعب، وإن الرجالة عملت معاه الواجب. نمر قرب منه بغضب ونزل لمستواه وضربة ضربة خرجت الدم من بقه.

نمر كان في يده حديدة وفضل يضرب بيها هشام لحد ما كان هيموت، بس جت له مكالمة إنه يسيب هشام وفعلاً سابه. اند باك. وبعد وقت نمر وعمر راحوا، وأول لما دخلوا وصال جريت على نمر. نمر شالها بحب وقال: وصالي عاملة إيه في المدرسة؟ وصال: الحمد لله المدرسة حلوة. عمر: تعالي يا سوسو. وصال نزلت وراحت لعمر وقالت: نعم يا ابيه. نمر: إيه دا، أنتِ مش عايزة الحاجات الحلوة بتاعتك؟

وصال قربت منه ونمر طلع حاجات حلوة كتير ووصال خدتها وحضنته وبصته وجريت. نمر وعمر سلموا على الكل ودخلوا المكتب. نمر: عمر أنا قررت أتجوز. عمر: ومين سعيدة الحظ؟ نمر: مريم.