رواية طفلة النمر الفصل الثامن والعشرون 28 - بقلم بشري شريف

نمر واقف قدام وصال ونزل على ركبه وقال: عشقتك من الطفولة، عشقتك براءتك وطفولتك، انتي أسرتي. وصال بصت بصدمة وقالت: بابا. نمر بحب: قلب بابا. وصال نزلت لمستواه وقالت بحب: أنا بحبك أوي يا نمر. نمر قام وشال وصال ولف بيها وقال: بعشقك يا وصالي. على الترابيزة. سيف: أهو خد مني الجومل. ملك بفرحة: أنا فرحانة أوي لوصال. سيف وهو بيغمز: وأنا فرحان إنك في حياتي. ملك ضربته على كتفه بكسوف. سيف بوجع: إيه يا جعفر. ملك بغيظ: أنا جعفر.

سيف: أحلى جعفر في الوجود. ملك ابتسمت وقالت: عارف الجو بتاعهم دا ناقصه إيه. سيف: إيه. ملك: إن صافي تدخل وتبوظ الجو. سيف: يستر يارب، الحمد لله، إحنا خلصنا منها. ملك: إزاي. سيف: ماهي يا بنتي اتسجنت. ملك: بجد، ليه وإزاي. سيف: هحكيلك. وبدأ يحكي، وبعد نص ساعة كان سيف مخلص حكاية. نروح عند نمر اللي خد وصال وراح حتة بعيدة عنهم. وصال: نمر، إحنا جينا هنا ليه. نمر: تقصدي أنا. حبيت اسمي منك أوي. وصال بكسوف: شكرًا. نمر:

شكرًا، شكرًا. وصال: قول بقى، إحنا جينا هنا ليه. نمر: علشان أجاوب على سؤالك. وصال باستغراب: سؤال إيه. نمر: إحنا ليه مش اتجوزنا النهاردة مع سيف وملك. وصال: ليه. نمر: أولًا علشان ملكيتي مش هتتجوز مع حد. تانيًا لأنك لازم تعيشي الجو وتجيبي كل حاجة تخص كتب الكتاب. ثالثًا. وشدها ليه وقال: ثالثًا، أنا مش هكتب كتب كتاب، بس لازم يكون فرح على طول. وصال: ليه. نمر: امممم، ليه دي هقولك بعد الفرح. نرجع تاني على الترابيزة.

فاطمة بشك: إنتي اسمك إيه. سماح بتوتر: هو أنا مش قلت. سلمى: لا، إحنا مش لحقنا نتعرف. سماح بتوتر: اسمي سماح. فاطمة: آه، إنتي قصتك إيه يا سماح. سماح: ها، ماليش قصة. ملك: لا، إزاي، يا نهار أبيض يا تيتا فاطمة على اللي حصل لماما. جمال باستغراب: إيه اللي حصل. ملك: جوزها كان حبسها من سنين، وكانت كل لما تحاول تهرب كان بيهددها ببنتها. فاطمة: طب وإزاي هربت، مش خايفة على بنتها. ملك: لا، ما بنتها هربت من أبوها. سيف:

تتصوروا إن بنتها اسمها وصال بردو. مريم: بجد. ملك: آه والله. عمر: إيه الصدفة دي. فاطمة: هو جوزك اسمه إيه. سماح: ليه. فاطمة: فضول. سماح بتوتر: سيد. فاطمة بصدمة: طب ليه، ليه. سماح باستغراب: ليه إيه. فاطمة: ليه يا سماح. سماح: ليه إيه. فاطمة: ليه تسيبى بنت تتربى مع حد غيرك الفترة دي كلها، إنتي عارفة وصال كانت هتموت نفسها كام مرة علشان تيجي ليكي، إنتي عارفة هي كانت متعلقة بيكي إزاي. سماح بدموع:

مكنش بإيدي، أنا كنت محبوسة، ولما كنت بهرب كان بيجيبني ويهددني بوصال. فاطمة: ومكنتيش تعرفي إنها هربت من عشر سنين. سماح بدموع: لا، أنا عرفت من وصال لما هي حكت لي. ملك: أنا مش فاهمة حاجة. مريم وسلمى: ومين سمعك. جمال: الواضح إن فيه سوء تفاهم. عمر: قولوا إن اللي فهمتوه غلط. فاطمة: صح. سيف: هو إيه اللي فهمتوه. عمر: إن سماح هي سماح مامت وصال. الكل بصدمة. نروح في السجن. واحدة دخلت مكتب الضابط وطلبت تقابل هشام. هشام بغضب:

إنتي إيه اللي جابك هنا. هاجر: ما أنا مش عارفة أوصل لك، وعاوزة أبلغك إن وصال رجعت، وسيف النهارده فرحه. أما في القصر. سعاد: يووووه، أيوه، مفيش حد في القصر، تعالي بسرعة علشان تاخدي الفلوس قبل ما حد يجي. المجهول: تمام، مسافة السكة.