رواية طفلة النمر الفصل الثاني عشر 12 - بقلم بشري شريف

بعد وقت دخل عمر وقال: أنا جيت. وصال: عمو الوحش جاي. فاطمة ونمر كتموا ضحكتهم وعمر بص عليها بغيظ. فاطمة: إنت يا ض كنت فين؟ عمر قرب منها وباس راسها وقال: أسف يا بطوط. فاطمة: لا بجد. عمر: خلاص بقى سماح. وصال: إنت تعرف ماما؟ عمر بص ليها باستغراب. نمر: لا سماح دي غير سماح مامتك. وصال ببراءة: وطيبة زي ماما. نمر: أه. وصال ببراءة: طب أنا عايزة تجي تلعب معايا زي ماما.

نمر بص عليها بحزن وافتكر نفسه وهو صغير كان كده زيها بس هو مالقاش اللي يطبطب عليه زي ما بيعمل معاها. نمر بحنان: حاضر. فاطمة: اقعد كده يا عمر. عمر باس راسه وقال: حاضر. و بعد وقت. نمر: يلا يا وصالي. عمر: على فين؟ وصال: وإنت مالك؟ عمر بغيظ: بس يا بت. نمر: على الشركة يا عمر. عمر: هاجي معاك. نمر: يلا. و بعد وقت وصلوا الشركة ونزلت وصال وعمر ونمر ودخلوا وطلعوا على المكتب. مريم: نمر بيه النهاردة مفيش غير اجتماع واحد.

نمر: تمام الساعة كام؟ مريم: الساعة 1. نمر: تمام. مريم: بعد إذنك. نمر: اتفضلي. وصال: أنا هاجي معاكي. نمر: لا يا وصالي استني بعد ما تخلص الشغل. مريم: لا عادي وصال هادية. نمر بصوت واطي: هادية تعالي شوفيها في الأقصر. وكمل: تمام يا مريم. مريم ووصال خرجتا بعد ما وصال خدت الفون. بعد وقت. مريم: وصال هو دا فون مين؟ وصال: معرفش بابا اللي جابه لي. مريم: طب ممكن أشوف الفون؟ وصال: اتفضلي. مريم خدت الفون ووصال قامت وقفت جنبها.

مريم فضلت تفتش فيه بس مش لقيت حاجة وأدت الفون لوصال. وصال: إنتي كنتي بتعملي إيه؟ مريم بتوتر: ها لا كنت بشوف ليكي لعبة حلوة بس مش لقيتها. وصال بحزن طفولي: يا خساره. ورجعت قعدت مكانها ومريم رجعت تشتغل. بعد وقت. وصال: مريم. مريم: نعم. وصال: في لعبتين عايزة أنزلهم. مريم خدت الفون وقالت: قولي أسمهم. وصال: الحوت الأحمر ومريم. مريم قالت بصدمة: الحوت الأزرق ومريم. وصال: أآآاه. مريم: ليه عايزة تلعبيهم؟

وصال: عشان أنام زي ماما على طول.