رواية طفلة الرعد الفصل العاشر 10 - بقلم دنيا محمد

رعد بغضب قرب من نانسي وشدها من شعرها وقال بصوت كفحيح الأفعى _أنا متأكد إنك ورا الحكاية دي، إنتي وأمك واقفين وبتتفرجوا عليها ومبسوطين. ثم أكمل بصوت عالي _بس أقسم بالله لهعذبكم وأوريكم أيام سودا على دماغكم. نانسي بخوف وتوتر _إحنا معملناش حاجة. رعد زقها _غوري إنتي وأمك على أوضتكم عشان الحساب هيجمع دلوقتي، غوري. نانسي وماجدة جرت بخوف وهما بيترعبوا.

رعد قرب من ملك وحاول يفوقها، جاب برفان وهي فاقت وأول ما شافته عيطت واترمت في حضنه. رعد بخوف _حد قربلك؟ ملك بعياط هزت راسها بلا. وقالت بخوف وعياط _هما قربوا مني وضربوني لحد ما فقدت الوعي، بس لاحظت ماما ونانسي في الأوضة ومش عايزين يبعدوهم عني. رعد غمض عينه من الغضب _تمام ي حبيبتي، اهدي بس وارتاحي، وديني لوريهم إزاي يعملوا كده، قومي ادخلي خدي دش واستنيني لما أجلك. ملك بخوف _إنت هتخرج؟ رعد

_هخلص اللي ورايا فيهم وبعدين هروح مشوار صغير وأرجعلك يروحي. ملك هزت راسها ودخلت أخدت دش. عند رعد كسر باب الغرفة بتاع نانسي وأمها وهما اتنفضوا بخوف. قرب وشد نانسي وضربها بالقلم. _إنتي يا وسخة إزاي تتجرئي وتعملي كده في مراتي؟ إنتي عارفة ملك دي تبقى إيه بنسبالي؟ تبقي كل حياتي، وأوعي تكوني فاكرة إنك وإنتي وأمك القذرة دي محكتليش على اللي عملتوه فيها أيام زمان؟ مكنتوا بتضربوها. وبص لماجدة

_ولا جوزك الوسخ واللي كان عايز يعملوا معاها، بس متقلقيش، جوزك مختفي بقاله كام يوم عندي بيتعلم التربية من أول وجديد، وإنتو هتبقوا معاها، هولع فيكم بجاز. ماجدة بخوف _خلاص يابني سيبنا نروح بيتنا واحنا مش هنيجي هنا تاني ولا نقرب لها. رعد بابتسامة شر _وإنتي مفكرة إنك هتقدري أصلا تقربي ولا تعملي فيها حاجة؟ إنتي إزاي أمها بتعملي فيها كل ده عشان هي بنت الراجل اللي مش بتحبيه؟ وبص على نانسي

_بس ماشاء الله تربيتك لبنتك اللي من جوزك اللي بتحبيه تربية قذرة، ومش تستحقي تبقي أم. ماجدة بصتله بكره ونانسي خايفة. اتصل رعد بالحراس اللي تحت. وأمرهم يطلعوا. الحارس _أمرك ي رعد بيه. رعد بشر _تاخد الأوساخ دول تنزلهم المخزن مع الحيوان التاني، وعايزك تعذبهم لي شوية لحد ما أفضي لهم، الأكل والمية وضوء الشمس ميشوفهمش، إنت فاهم؟ الحارس بهز راس _أنت تأمر ي باشا. والحارس مسكهم ونانسي بتصرخ.

_ابعد عني ي حيوان، وربنا ل اقتلكم كلكم. رعد بغضب جحيمي _اخرسي خالص، صوتك ميطلعش، إنتي فاهمة؟ والحارس أخدهم ونزلهم ورماهم في المخزن مع حسين. رعد اتصل بنيرة وقالها. _فاكرة الورق اللي قولتلك تديه لسليم كمان يومين ده؟ نيرة _أيوه، أنا بعتله ورق معين وقولتله الباقي هيبقي النهارده. رعد بهدوء _أيوه، اتفقي معاه دلوقتي على المكان اللي هتتقابلوا فيه وهتقوليهولي. نيرة _تمام. رعد قفل واتصل برامي.

_أيوه ي رامي، عايزك تجهز كل حاجة، النهاردة الحكاية هتخلص. وبعد شوية نيرة بعتت رسالة لرعد مكتوب فيها العنوان والميعاد. طلع رعد عند ملك. رعد بحب _بقيتي أحسن يروحي. ملك هزت راسها. رعد قرب وحضنها. _مش عايزك تخافي ي قلبي، إنتي عارفة قد إيه بحبك صح؟ يبقي اثقي فيا، وعمر محد هيقرب ليكي، حقك على راسي. ملك حضنته بشدة وحب. _أنا بحبك أوي والله ي رعد، ونا سمعت كلامك وفضلت في أوضتي، بس لقيتهم كسروا الباب عليا. رعد حضنها بحنية وحب.

_متقلقيش يروحي، هرميهم لك في السجن، التهمة دي ذات نفسها تخليهم ميشوفوش الدنيا تاني. رعد بهدوء _هدخل آخد شور عشان هروح مشوار وهارجعلك، متخفيش. ملك هزت راسها ورعد أخد دش وطلع لافف فوطة حوالين وسطه. ملك بصتله بكسوف وبعدت وشها. رعد بضحك _والله أنا جوزك ي أستاذة ملك. ملك ضحكت مردتش ورعد دخل يلبس قميص أبيض وبنطلون أسود وأخد مفاتيحه وفونه ونزل. في مكان مجهول كانت نيرة وسليم واقفين فيه. سليم _اديني الورق. نيرة بتمثيل _والله؟

طب مش تديني بقا فلوسي وحقي الأول. سليم بخبث _امم، أنا فعلا هديكي حقك. وطلع مسدسه وضربها طلقة. أصيبت قلبها. واحد من رجالتـه _قتلتها لي يباشا؟ سليم _عشان بتطلب فلوس كتير، وبصراحة الواحد اتخنق منها، وكده كده رعد وقع، يعني مش محتاجها. رعد بضحكة من وراه _والله وقع؟ طب وقع إزاي بقا؟ اتزحلق؟ ثم ضحك باستهزاء. سليم بخبث _نورت يباشا، بس إيه اللي جابك؟ كنت تسبني أنتقم منك واحدة واحدة، النهاية متخلصش. رعد بشر

_نهايتك هي اللي هتخلص ي سليم، ولا إنت فاكر إني معرفش قرفك وقذاراتك؟ سليم بخبث _طب ي حضرت الظابط، مستني إيه؟ ما تقبض عليا، بس هتقبض عليا إزاي وبتهمة إيه؟ رعد بخبث _إنت متعرفش إن الورق الصحيح اللي يثبت كده معايا، والورق اللي معاك مزور. سليم بصدمة _نعم؟ إزاي يعني؟ رعد بضحكة شرير _يعني يباشا الورق اللي معاك فستك، كنت متفق مع نيرة تعمل كل ده، بس للأسف أخدت جزائها وإنت قتلتها.

سليم طلع مسدسه وصوبه ناحية رعد ورعد طلع مسدسه برضو وحطه في وشه. سليم بخبث _مش هتلحق تتهنى بكل ده، لأني هقتلك وأهرب برة البلد. رعد بضحكة شر _ده في أحلامك. وفجأة اقتحم رجال الشرطة ورامي المكان. واشتغل الاشتباك بين رجالة سليم والبوليس لحد ما قبضوا على رجالتـه. لكن فجأة سليم ضرب طلقة على رعد جنب دراعه. رعد وقع من شدة الوجع، والبوليس مسك سليم وقبضوا عليه. ورامي طلب الإسعاف وهو خايف عليه.

والإسعاف وصلت ورامي ركب مع رعد لحد ما وصلوا المستشفى. بعد ساعتين طلع الدكتور. رامي بخوف _ها ي دكتور؟ الدكتور بتعب _عرفنا نشيل الرصاصة، لاكن حالته لسه في الخطر لأن الرصاصة في صدره، بس لازم يعدي عليه أربعة وعشرين ساعة وبإذن الله يبقي كويس. رامي قعد على الكرسي وحط إيده على راسه. وبعدين طلع تليفونه. رامي _الو ي ملك، هاتي هدوم لرعد وتعالي على المستشفى. ملك بخضة _إنت بتقول إيه؟ مستشفى إيه؟ هو ماله؟ حصل له إيه؟ رامي

_اتصاب برصاصة وهو لسه منزلش من الحالة الخطرة، بس إن شاء الله يبقي كويس. ملك بخوف وزعيق _إنت بتقول إيه؟ إزاي يعني؟