رواية طفلة الرعد الفصل السادس 6 - بقلم دنيا محمد

رعد بشر: ده المكان اللي تستاهليه. نيرة برعب: ونبي سيبني أروح عشان خاطري. رعد ضربها بالقلم: اخرسي. إنتي عارفة كنتي هتعملي إيه؟ كنتي هتوديني في ستين داهية، بس ملحوقة. نيرة بعياط: ونبي يا رعد بيه سيبني أمشي. رعد بخبث: لو عايزة تمشي يبقى تسمعي كلامي وتحكيلي الموضوع كله. نيرة هزت رأسها برعب: حاضر، ونبي بس متأذنيش. رعد بسخرية: دنا هقرص قرصة ودن بس عشان تتعلمي تلعبي مع رعد. وكمان عايزاني أخون مراتي؟ يعني إنتي بجحة أوي.

نيرة بصدمة: والله أنا معرفش إنك اتجوزت. رعد بسخرية: لي؟ دنا حتى ناشر الخبر. نيرة برجاء: ونبي ما تأذيني. رامي بزعيق: ما تتكلمي يابت، هو إحنا هنشحت منك؟ نيرة بدأت تتكلم وهي بتعيط: سليم كان بيراقبني وأنا بطلع من الشغل عندك، ومرة كلمني وعرض عليا مبلغ كبير مقابل إني آخد الأوراق وأي حاجة ومعلومات تخصك وأقولهاله. رعد بشر: امم، تمام. دلوقتي بقا أنا اللي عاوزك تجيبيلي من عنده الورق وكل حاجة ليها دليل في شغله البطال.

أكمل بخبث: ومتقلقيش، أنا عامل حسابي وهديكي مبلغ محترم وأأمنلك مستقبلك، بس وشك في الشركة تاني مش عايز أشوفه. نيرة بفرحة: يعني مش هتحسبني؟ رعد بخبث: أه، أومال هحبسك لي؟ بس دنتي غلبانة. نيرة فرحت: تمام، في ظرف يومين هيكون كل حاجة عندك بخصوص سليم المحمدي. رعد فكها من الرباط وخلاها تمشي تحت مراقبة منه طبعًا. رامي بتساؤل: إنت فعلاً مش هتحبسها؟ رعد بخبث: اتقل وشوف هعمل فيهم إيه. رامي بضحك: أحبك وأنت شراني كده.

رعد بهدوء: لازم أدوقهم العذاب ألوان. رامي بضيق: ومش خايف يخطف ملك؟ ده عارف إنك اتجوزتها لأن حضرتك أعلنت كده، وغير كده هو عارف الفيلا بتاعتك، فسهل يخطفها. رعد بضيق: أنا موقف حرس كتير عليها، وأكيد مش هيقدر يهوب ناحيتها. رامي بتعب: تمام يا رعد، اللي تشوفه. مشي رعد عشان يروح لملك، ورامي روح بيته. عند ماجدة ونانسي (أم ملك ونانسي أختها من أمها) نانسي بخبث: شوفتي اللي حصل يا ماما؟ ماجدة باستغراب: إيه اللي حصل؟

نانسي: دي ملك اتجوزت ضابط وصاحب أكبر شركات، يعني بالعربي كده رجل أعمال. ماجدة بصدمة: إنتي بتهزري يابت؟ نانسي بضيق: هزر لي يا ماما. ماجدة: طب إزاي اتجوزت من غير علمنا؟ أنا لازم أروح لها وأجيبها من شعرها، أنا هعرفها إزاي تتجوز من غير علمنا. نانسي بحقد: أنا نفسي يطلق منو وأنا اللي أبقى مراته، دي عايشة عيشة متحلمش بيها، عايشة في فيلا وكل حاجة بيعملها ليها. ماجدة بخبث: وهو اسمه إيه؟

نانسي: رعد السيوفي. يا ماما صاحب أكبر الشركات وكمان ضابط واخد رتبة فيها عالية، بس ده كفئته. ماجدة بخبث: يبقى أنا هقلب الطربيزة عليها وأخليها تطلق منه، بس لازم تظهري قدامه. نانسي بخوف: تفتكري حكتله حاجة علينا واللي كنا بنعمله فيها؟ ماجدة هزت رأسها بلا: لا طبعًا يا نانسي، ملك دي بتخاف من خيالها. نانسي بشر: هو لو لسه مدخلش عليها يبقى إحنا كده خطتنا هتنجح. ماجدة بضحك: لا ي حبيبتي، حتى لو دخل عليها خطتنا هتنجح برضو.

نانسي بتفكير: طب وإحنا نعرف منين؟ ماجدة بخبث: إحنا هنخش البيت عادي ونقولهم هنبات معاكم وكده عشان نفسنا نشوف ملك، بس لما هو ينزل الصبح هنجيب شوية ستات ويكشفوا عليها. نانسي بصدمة: يلهوي يا ماما، إنتي تفكيرك ده إيه؟ ماجدة بضحك: عيب عليكي. وساعتها لما نشوف بقا هي بنت ولا لأ وهنقرر نعمل إيه خطة. نانسي بتساؤل: كـ افرض معرفناش نعمل كده؟ ماجدة بخباثة: يبقى هنعمل الخطتين فيها.

نانسي بحب: شكرًا يا ماما، أنا بحبك أوي. بس يارب يطلقوا بسرعة وتغور في داهية عشان ميبقاش قدامه غيري. ماجدة: متقلقيش، همشيهالك بسرعة. وضحكوا على أفكارهم الشيطانية. عند ملك ورعد. ملك بحب: حمد الله ع سلامتك، كويس إنك رجعت، بس برضو متأخر. رعد بشوق: معلش ي حبيبتي، كان عندي شوية شغل بخلصه. ملك بفرحة: بجد أنا حبيبتك؟ رعد بضحك: وروحي كمان يا ملوكتي. ملك حضنته بحب، ورعد دفن وشه في شعرها بحب وبيطبطب عليها بحنان.

رعد بتساؤل: أكلتي؟ ملك: لا، قلت مش هاكل غير لما تكون معايا. رعد بغيظ: بعد كده يا ملك تاكلي عشان صحتك، وأصلًا إنتي ضعيفة ولازم تاكلي. ملك بحب: حاضر، يلا بقا ناكل. رعد غير هدومه وراح مع ملك ياكل. وبعد شوية خلصوا أكل وطلعوا أوضتهم. ملك: رعد، نا تسرحلي شعري. رعد بحب: عيوني يا قلبي. ملك ابتسمت بحب، ورعد سرح ليها شعرها وهو مبسوط إنها بتحبه وهو شايف ده في عيونها. رعد بتساؤل: بتحبيني يا ملك؟

ملك هزت رأسها بأه وقالت: أيوه بحبك لأنك حنين عليا وبحسك كأني بنتك وبتحميني من الناس الوحشة وبتجبلي كل حاجة نفسي فيها. رعد حضنها: وأنا كمان بحبك يا ملوكتي، إنتي طفلة الرعد. ملك بضحكة طفولية: طفلة إيه؟ أنا عندي 19 سنة. رعد بحنان: طفلة برضو، هتفضلي طفلة في عيوني وفي قلبي. ملك قامت وقفت من كسوفها وراحت قدام المراية وقالت: التسريحة شكلها حلوة أوي.

رعد قرب من ضهرها وشدها عنده، حضنها وهو بيشم رقبتها بتلذذ، ريحتها الطفولية اللي بتسحره وشعرها الجميل الناعم اللي وصل لبعد ضهرها. ملك بكسوف: رعد، عيب كده. رعد بصوت هادي وجميل: إنتي مراتي، عادي. ملك غمضت عينيها بحب. وكان رعد عمال يبوس خدها بحب. ملك كانت مكسوفة وفجأة قاطعهم لما تليفون رعد فضل يعمل إشعارات كتير تدل على الرسايل. مسك رعد تليفونه ولقى صور لملك وهي حضناه وصور تانية زيها لملك. رعد بغضب جحيمي: إيه ده؟

ملك بخوف: مش أنا يا رعد، والله و...