رواية طفلة الرعد الفصل السابع 7 - بقلم دنيا محمد

رعد بغضب جحيمي ومسكها من شعرها: أي ده؟ ملك برعب: والله يارعد ده مش أنا، وأصلاً عمري ما قابلت حد، والصور دي مش حقيقية. رعد بعدم تصديق: إزاي يعني، أنتي بتكذبي؟ وزقها على سرير وقال: دلوقتي عرفت إنكم كلكم زي بعض، متستهلوش المعاملة الكويسة. ملك بخوف: رعد ونبي صدقني، رعد أنت بتقرب لي، ونبي لا. رعد بيقرب منها وبيقول: آخد حقي ولا حقي حرام؟ وأنك تبقي في حضن حد تاني حلال؟ ملك بصريخ: رعدددد! والله الصور مش حقيقية.

ورعد كان بيبوسها بعنف، وفجأة لما شاف عياطها وخوفها فاق، وقام من عليها. وقال بهدوء مريب: أنا هعرف إذا كان حقيقي ولا كذب. ملك كانت بتعيط ومرعوبة. ورعد طلع تليفونه واتصل برامي. رعد: اسمع، هبعتلك رقم تقولي مين صاحبه. رامي: ماشي يسطا ابعت. رعد قفل وبعتله الرقم، وراح خد ملك في حضنه. ملك بزعل: ابعد عني. رعد بحنية: أهدي بس، أنا اتعصبت بس لما شوفت الصور دي قدامي، وإزاي أنتي مش بتقابلي حد، ودلوقتي اتبعتتلي صور زي كده.

ملك بدموع: مش أنا يارعد والله. رعد بهدوء: هنعرف دلوقتي مين صاحب الرقم، بس أكيد الصور دي متركبة. ملك بحزن: ده اللي بحاول أوصلهولك. رعد بحنان: طب خلاص متزعليش. ملك بدلال فطري: لا، أنت وحش. رعد دفن وشه في عنقها وقال: متزعليش ياروحي، خلاص عمري ما هاذيكي تاني. ملك بحب: أنا بحبك عشان أنت بتحميني وحنين عليا. رعد بحب: وأنا بحبك عشان كل حاجة فيكي. عند ماجدة ونانسي.

نانسي: شوفتي ياماما، ركبتلها شوية صور، بس مش أنا، كلمت واحد وركبهالي، وأخد مني مبلغ بسيط. ماجدة بفرحة: وبعدين؟ نانسي بخبث: بعت لرعد طبعاً على رقمه. ماجدة باستغراب: وإنتي جبتيه منين يابت؟ نانسي بغمزة: عيب عليكي ياماما، رقمه ده سهل أي حد يجيبه، ده يعتبر رجل أعمال، يعني معاه فلوس أد كده. ماجدة بضحك: اسكتي يابت، هتقري على جوزك المستقبلي. نانسي بخبث: اممم، جوزي وأبو عيالي كمان.

وأكملت نانسي باستغراب: هو بابا مختفي بقاله خمس أيام، فين كده؟ ماجدة بعدم اهتمام: ياختي، أبوكي ده محدش عارفله حاجة، وبعدين ما إحنا متعودين، بيبات ب الليالي برة البيت ويرجع كل فين وفين. نانسي بضحك: وسايبة جوزك كده ياماما؟ ماجدة: وهي مين تبص له يختي، أنا اللي حبيته، والحمد لله إن أبو ملك مات عشان اتجوزه. عند رعد، جت رسالة على تليفونه من رامي. فتحها رعد ولقى رامي بعتله: _صاحب الرقم ده بنت يارعد واسمها نانسي حسين.

رعد بصدمة: نانسي!! ملك من وراه: مالك يارعد؟ رعد بص لها بذهول: إنتي عارفة مين اللي بعت الصور دي؟ ملك باهتمام: مين؟ رعد: نانسي. ملك ابتسمت بوجع وقعدت على السرير بتعب من الصدمات. رعد راح عليها واخدها في حضنه وبيضمها بشدة: ملك أنا جنبك، ووالله لجبلك حقك، وحقك عليا. ملك بدموع: أنا مش عايزة حق، خلاص عايزة أعيش طبيعي معاك، أنا لسه صغيرة على كل ده.

رعد بحب باس رأسها بحب: ياحبيبتي أهدي، إنتي أجمل بنوتة في حياتي أصلاً، وعمري ما هبعد عنك مهما حصل. ملك حضنت رعد بطمئنان وحب. تاني يوم قام رعد ولبس عشان يروح الشغل. ملك بحب: صباح الخير. رعد بحنية: صباح النور، افطري وصلي فرضك، واستنيني مش هتأخر النهاردة. ملك قربت منه وحضنته وقالت: ماشي، تروح بسلامة. رعد باس رأسها ونزل. رعد دخل الشركة ونيرة بصت له بخوف، وهو بص لها بخبث وشاور لها تيجي على مكتبه. نيرة دخلت مكتبه.

رعد بهدوء: الورق هيجيلي امتى؟ نيرة: لسه يباشا، مقابلتوش بقالي يومين. رعد ببرود: تصرفي، أو أقولك اسمعي. _أنا هديكي ورق من اللي هو كان عايزك تاخديه مني، بس إنتي تجيبيلي الورق وتقابليه على أساس إنك... هتديله الورق ده وتجيبيلي الورق اللي عنده. نيرة: تمام، امتى؟ رعد بخبث: بكرة هديكي الورق ده وتديهوله، بس تاخدي الورق اللي أنا عاوزه طبعاً. نيرة بتأكيد: أيوه طبعاً، أكيد. رعد: حلو أوي كده. شوية ورامي دخل لرعد.

رامي بتعب من الشغل: ها، عملت إيه مع نيرة؟ رعد بهدوء: عادي، اتفقت معاها على... وحكاله كل حاجة. رامي: طب حلو، الخطة دي جامدة جداً. رعد بضحك: طبعاً يابني، دنا رعد السيوفي. رامي بتساؤل: أوامال مين نانسي دي بقا؟ رعد: أنا محكتلكش. رامي بذهول مضحك: لا، مقولتليش. رعد حكاله مين نانسي وإيه اللي هي عملته. رامي: يابنت الـ... كانت هتخليك تطلقها. رعد بزعل من نفسه: أنا غير كده، مديت إيدي عليها، وكنت هعمل حاجة أندم عليها.

رامي بنفاذ صبر: متبقاش غبي بقا، ودبش، أهدي شوية عليها، إنت عارف إنها مش كده يارعد، وإن ملك طفلة جداً. رعد: اللي حصل بقا. رامي: طب وإنت صالحـ... رعد: أه طبعاً، المهم إحنا بقالنا كتير رامين حسين ده في المخزن ومعملناش حاجة. رامي بضحك: دنا مخلّي الرجالة تروّقه. رعد بضحك: أنا عاوز آخد حقي بإيدي. رامي بهزار: أه يجاامد. رعد: لا بس بجد، أنا هدخله قبل ما أدخل الفيلا. رامي: اشطا، نخلص الشغل وهاجي معاك. ورعد ورامي خلصوا شغلهم.

وملك فطرت وصـلت، وكانت بتعمل كيكة لرعد من إيديها. رعد ورامي دخلوا المخزن، لقوا حسين قاعد على الأرض ووشه متشلّف حرفياً. رعد بهدوء: إيه رأيك في اللي إنت فيه ده؟ حسين بعصبية: أنا عايز أخرج، وحالاً، إنت مين أصلاً يجدع إنت؟ رعد بضحكة عالية: أنا قدرك الأسود، أنا اللي إنت حاولت تقرب من حاجة من ملكه، يـ... ـسخ. حسين بعدم فهم: إنت مين؟

رعد: دلوقتي أنا هحاسبك حسابين، أول حساب على إنك قربت من ملك مراتي، تاني حساب إنك مش عارفني، وأنا بقا اللي مبقاش عارفني بعاقبه عقاب كبير. حسين بصدمة: ملك مراتك؟ رعد: وإيه الصدمة اللي على وشك دي؟ حسين بغضب: أنا كنت بتمنى اليوم اللي ملك تبقى فيه ملكي، تقوم إنت جاي تاخدها مني على جاهز؟ بقالي أكتر من أسابيع بدور عليها، تقوم إنت واخدها كده عادي؟ رعد قرب منه وضربـ... ـه: ملكك إيه يابن الـ...

ـخ، ملك دي مراتي أنا، وملكي أنا وبس، وأنا عالن جوازي منها. حسين باستفزاز: برضو مش هسيبها، غير لما تبقى بين إيدي أنا، وهخليك تشوفها وهي في حضني كمان. رعد فضل يضرب ويلكم فيه بعصبية وغضب أعمى، لحد ما رامي شاله من عليه. رامي بزعيق: هيموت في إيدك يامجـ... ـون، أهدي. رعد بغضب للحرس: الكلب ده ممنوع عنه الأكل والشرب، ومش هسيبه غير لما روحه تطلع في إيدي. رامي طلع هو ورعد بره.

رامي بتهدئة: أهدي يارعد، إنت مجنون تودي نفسك في داهية عشان قذر زي ده. رعد بزعيق: إنت مش شايف بيقولي إيه؟ رامي بهدوء: خلاص أهدا يارعد، وادخل عشان تشوف مراتك. رعد بتعب: تمام، يلا سلام. رامي حضنه وقاله: سلام، ومشي. دخل رعد البيت ودخل لقي ملك واقفة بحب قدامه. ملك قالت بخوف: إيه الدم اللي في إيدك ده يارعد؟