رواية طفلة هزت كيان فرعون الفصل الرابع 4 - بقلم مروة موسي

نور: يلا بس نتغدي شوية الملوخية دول ونسيبنا من موضوع الشغل دا. وهما بيتغدوا لقوا صوت الجرس. نور فتحت ووجدت أمامها صاحب البيت. نور: اتفضل ي عمي حمدي. حمدي: مفيش ولا سلام ولا كلام، فين الفلوس؟ نور: آخر الأسبوع دا هكون جبت ليك كل الفلوس بتاع حضرتك. عفاف: اصبر علينا شوية ي أستاذ حمدي، والله إحنا مش ناسين، بس معاش أبوها يدوب الأكل والله وبيخلص قبل الشهر بمدة.

حمدي: والله أنا ماليش دعوة بالكلام دا كله، أنا ليا إيجار وانتوا ليكوا الشقة، تدفعوا الإيجار تقعدوا في الشقة. عفاف: حاضر ي أستاذ حمدي، حاضر. حمدي وهو نازل: والله دي بقت شغلانة تقرف. صفاء: انت مش هتشوفلك واحدة تتجوزها؟ فرعون وهو بيعد فلوس والسيجارة في فمه: وماله عشان أجيبها زي اللي فاتت، كرهتيني فيها. صفاء بخبث: أنا يبني، أخص عليك، أنا مستحيل أعمل كدا، هي اللي مكنتش بتحب بيتها وجوزها.

فرعون: عندك كلمة حلوة قوليلها، معندكيش اسكتي. صفاء: طيب حاضر، ربنا يرحمها. فرعون: مش عاوز أصلا أتجوز تاني، مبقاش فاضي ولا ليها ولا لغيرها. صفاء: يحوستي وتضحك البلد علينا، تبقي فرعون بيهيبتك وجبروتك ومعندكش حتة عيل يشيل اسمك والناس تاكل في لحمك. فرعون: بقولك إيه ي حجة، لما أعوز أتجوز هقولك. ولقي تليفونه رن. عادل: أيوا ي فرعون، إحنا وصلنا لبيت البت اسمها نور. فرعون: اطلع على صاحب العمارة ونفذ كلامي. عادل: تمام ي باشا.

عادل طلع لصاحب العمارة. حمدي: أهلاً وسهلاً، خير يباشا. عادل: الشقة اللي في الدور التالت محتاجها. حمدي: بس فيها ناس مأجرينها و... عادل بمقاطعة: وأنا عاوزها، مش للإيجار لأ، للشراء. حمدي بفرح: بس هتبقى غالية أوي عليك، بلاشها. عادل: ها، كام؟ حمدي: مليون إلا ربع. عادل: مليون من عندي وتكون خلال ٢٤ ساعة متسجلة باسمي. حمدي: بس كدا، عنيا ليك، أصلا من يومهم والسكان دول فقر ومعاملتهم زفت.

عادل: خلاص، أنا مبحبش الكلام كتير، بكرة تكون الشقة ملك ليا، فاهم. وسابه ونزل. حمدي طلع جري على الشقة وخبط. عفاف: حاضر حاضر. حمدي: بقولك إيه، انتي وبنتك الشقة تتخلى النهاردة، مش هستحمل أكتر من كدا، يلا شوفولكوا داهية غير هنا. نور: إزاي بس ي عمي حمدي؟ هنروح فين وهنودي حاجتنا فين؟ إحنا ملناش مكان غير هنا. حمدي: في واحد عرض عليا مبلغ كويس وطالب الشقة.

عفاف: بس من الأصول تعرفنا قبلها بكتير ي أستاذ حمدي، مش تطلب مننا نخلي البيت من يوم وليلة. حمدي: أصول إيه يا أم أصول؟ هو انتوا تعرفوا أصلا حاجة عن الأصول؟ اخلصوا بدل ما أجيب البوليس. ونزل تحت. عفاف بعياط: أبوكي من ساعة ما مات والدنيا جاية عليا أوي والحمل زاد. نور: الصبح أنا هتكلم مع صاحب الشقة، يمكن يكون كويس وناخد فترة نشوف شقة غيرها أو نأجرها منه. عفاف: مش هيرضى، انتي مشوفتيش لهفة حمدي الكلب على الفلوس إزاي.

نور: متقلقيش ي ست الكل، كل حاجة هتتحل. صفاء لرامي: تسلم إيدك. رامي: كله بتمنه، بس مش حرام عليكي تموتي البت وعيالها؟ فرعون لو عرف هيطربق الدنيا على دماغنا. صفاء: والله كل واحد يخاف على نفسه بقي. رامي: من يومك ومبعرفش أسلك معاكي في كلمة، يعني أنا أخاف على نفسي، حاضر ي صفاء هانم. صفاء: عاوزين نشوف عروسة لفرعون، بس تكون خبيثة تجيب العيل وناخد أنا وهي كل اللي وراه كله. رامي: لو مكنتيش خالتي كنت أنا بلغت فيكي.

صفاء: أمك رمتك وانت حتة لحمة ي حبيبي، وأنا اللي ربيتك. رامي: ربتيني تربية سوء، طالع زي خالتي. صفاء: مالها خالتك ي عنيا، تمشي في أجداها مكان، تقول اتهدي ي أرض ما عليكي قدي. عدي الليل ونور وعفاف منموش من القلق. الصبح جت عربية واقفه قدام العمارة ونزل منها عادل. عادل: ها، السكان مشيوا؟ حمدي: أكيد، أنا هطلع أشوفهم أهو. بعد شوية حمدي ماسك نور من دراعها وعفاف بالإيد التانية وبيرميهم برا العمارة قدام الناس كلها.

عفاف: لو سمحت ممكن تسيب لينا وقت نشوف مكان غيره. عادل بغرور: معنديش وقت ي حجة. نور بترجي: طب إحنا ملناش مكان ومنعرفش غير المكان دا. عادل: متتكلميش كتير. عفاف: طب ناخد منها إيجار حتى، والله مفيش حل عندنا واحنا نعمله. نور: طب استني علينا يومين بس والنبي. عادل: دي أوامر ولازم تتنفذ. عفاف: طب إحنا ممكن نكلم اللي أمرك ونتفاهم معاه، يمكن يقول استنوا يومين نشوف مكان. نور: أنا هاجي معاك وأكلمه. عادل: تمام، تعالي.

عفاف: هاجي معاكي. عادل: لأ، خليكي، هي اللي هتيجي. نور: متقلقيش ي ماما، أنا مش هتأخر، هرجع على طول. فعلا عادل خد نور وطلع على قصر الرعب، قصر فرعون. عادل: ادخلي. نور: ينهر جمال القصر، شكله تحفة من برا. عادل: انجزي ورايا. دخلت اتخنقت، اترعبت من شكل القصر من جوا، كله شكله يخوف. نور: ي ماما، هو أنا دخلت المقابر ولا إيه؟ فرعون بصوت عالي: أيوا، انتي في المقابر بس حية مموتيش. نور بصدمة لعادل: مين اللي جاب البتاع دا هنا؟

عادل: دا فرعون صاحب الشقة اللي انتوا فيها. نور: مش ممكن. فرعون: أنا هرميكي رمية الكلاب، انتي وأمك عشان تعرفي تتعاملي مع أسيادك بعد كدا إزاي. نور: أنا عاوزة أمشي من هنا، وشقتك خلاص ٢٤ ساعة هتكون فاضية، مش عاوزة حاجة منك. فرعون: ههههههه، دخول الحمام مش زي خروجه. نور: تقصد إيه؟ فرعون: لازم آخد حقي منك الأول. نور: منا قولتلك اهو، هغور من وشك. فرعون شاور لعادل يخرج. نور بتردد: ي عم، اقف، خودني معاك.

فرعون وهو بيقفل الباب وبيفك زراير القميص بتاعه. نور برعب: انت، انت هتعمل إيه؟ فرعون بخبث: ولا حاجة، هاخد أعز ما تملكي عشان بعد كدا تشوفيني تترمي تحت رجلي. نور حاولت تخرج، لكن فرعون كان متحكم فيها و...